Read Tibetan — པོད་སྐད་Tibetan Old Testament 2011 གསུང་མགུར 5 Bible Online

གསུང་མགུར 5 - Tibetan — པོད་སྐད་Tibetan Old Testament 2011 bible

གསུང་མགུར 5

¹ང་ཡི་ཞུ་འབུལ་དང་ནི་ཤུགས་མནར་ལ། ཀྱེ་གཙོ་བོ་དཀོན་མཆོག་ཁྱེད་ཀྱི་གསན་དུ་གསོལ།

²ང་ཡི་དཀོན་མཆོག་ང་ཡི་མངའ་བདག་ཁྱེད། སྐྱབས་གྲོགས་ཞུས་པའི་ང་ཡི་ཞུ་འབོད་གསན་དུ་གསོལ།

³སྔ་དྲོ་ཁྱེད་ཀྱིས་ང་ཡི་སྐད་ལ་གསན་གནང་ངོ། ཉི་ཤར་སྐབས་སུ་ངས་ནི་སྨོན་ལམ་འདེབས། ཁྱེད་ནས་བཀའ་ལན་ཐོབ་ཕྱིར་སྒུག་སྡོད་བྱེད།

⁴ཁྱེད་ནི་ལས་ངན་རྣམས་ལ་ཐུགས་མི་མཉེས། ཁྱེད་ཀྱི་སྤྱན་སྔར་ངན་པ་གནས་མི་བཅུག།

⁵ང་རྒྱལ་ཅན་ལ་ཁྱེད་ཀྱི་གཟིགས་མི་ཐུབ། མི་ངན་རྣམས་ལ་ཁྱེད་ཀྱིས་ཞེན་ལོག་མཛད།

⁶རྫུན་ཅན་ཡོངས་རྫོགས་ཁྱེད་ཀྱིས་ཚར་བཅད་མཛད། ཁྱེད་ཀྱིས་མི་དྲག་ཤུལ་ཅན་རྣམས་དང་། གཡོ་སྒྱུ་ཅན་ལ་སྡང་དགྲ་མཛད།

⁷འོན་ཀྱང་ཁྱེད་ཀྱིས་ཐུགས་བརྩེ་ཆེན་པོར་བརྟེན། ང་ནི་ཁྱེད་ཀྱི་མཆོད་ཁང་དམ་པའི་ནང་། བཅར་ནས་ཁྱེད་ལ་བསྙེན་བཀུར་ཞུ་རྒྱུ་དང་། དད་གུས་ཆེན་པོས་ཕྱག་འཚལ་ཞུ་ནུས་སོ།

⁸གཙོ་བོ་དཀོན་མཆོག་ང་ལ་དགྲ་བོ་དུ་མ་ཡོད། ཁྱེད་ཀྱི་ཐུགས་དགོངས་བཞིན་འགྲུལ་བསྐྱོད་ཐུབ་པའི་དབུ་འཁྲིད་གནང་བར་མཛོད། ང་རྗེས་སུ་འབྲང་བའི་ཕྱིར་ཁྱེད་ཀྱི་འགྲུལ་ལམ་དྲང་པོ་མཛད་དུ་གསོལ།

⁹ང་ཡི་དགྲ་བོའི་གཏམ་ལ་ནམ་ཡང་བློ་བཅོལ་མི་ཐུབ། དེ་ཚོས་རྒྱུན་དུ་འཇིག་སྐྱོན་གཏོང་བར་འདོད། དེ་ཚོས་ཚིག་སྙན་བརྗོད་དེ་ངོ་བསོ་བྱེད། འོན་ཀྱང་དེ་ཚོའི་གཏམ་ནི་གཡོ་སྒྱུས་གང་།

¹⁰ཀྱེ་དཀོན་མཆོག་དེ་ཚོར་སྐྱོན་བརྗོད་དང་ནི་ཉེས་ཆད་གནང་བར་མཛོད། དེ་ཚོས་བརྩམས་པའི་བྱུས་ངན་རྣམས་ནི། རང་ཉིད་ཕུང་བའི་རྒྱུ་རུ་འགྱུར་བར་ཤོག། དེ་ཚོས་ཁྱེད་ལ་ངོ་ལོག་ཞུས་པ་སོགས། ཉེས་སྡིག་མང་པོ་བསགས་པའི་ཉེས་ལན་དུ། ཉིད་ཀྱི་མདུན་ནས་དེ་ཚོ་མཐར་སྐྲོད་མཛོད།

¹¹འོན་ཀྱང་ཁྱེད་ནས་སྲུང་སྐྱོབ་ཐོབ་པ་རྣམས། དགའ་ཞིང་རྒྱུན་དུ་དགའ་བདེའི་གླུ་ལེན་ཐུབ། ཁྱེད་ལ་བརྩེ་མཁན་ཐམས་ཅད་ལ། ཉིད་ཀྱི་སྲུང་སྐྱོབ་བཙན་པོ་གནང་བར་མཛོད། ཁྱེད་ལ་བརྟེན་ནས་དེ་ཚོ་བདེན་པར་དགའ་བར་གྱིས།

¹²གཙོ་བོ་དཀོན་མཆོག་ཁྱེད་ཀྱིས་ནི། ཉིད་ཀྱི་བཀའ་རྒྱ་སྲུང་མཁན་རྣམས་ལ། བྱིན་རླབས་མཛད་དེ་ཉིད་ཀྱི་ཐུགས་བརྩེ་ཡིས། ཕུབ་བཞིན་དེ་དག་སྐྱབས་པར་མཛད༎