Read Tibetan — པོད་སྐད་Tibetan Old Testament 2011 གསུང་མགུར 57 Bible Online

གསུང་མགུར 57 - Tibetan — པོད་སྐད་Tibetan Old Testament 2011 bible

གསུང་མགུར 57

¹ང་ལ་སྙིང་རྗེ་གཟིགས་ཤིག་ཀྱེ་དཀོན་མཆོག་ལགས་སྙིང་རྗེ་གཟིགས། གང་ལ་ཟེར་ན་ང་ནི་ཁྱེད་དྲུང་སྐྱབས་བཅོལ་ཞུ་གི་ཡིན། རླུང་འཚུབ་མ་ཆད་བར་ཁྱེད་ཀྱི་ཤོག་གྲིབ་འོག་ཏུ་སྲུང་སྐྱོབ་ཐོབ།

²ང་དཀོན་མཆོག་བླ་མེད་དཀོན་མཆོག་ལ་འབོད་བཞིན་ཡོད། ང་ལ་ཁོང་གིས་དགོས་མཁོ་ཚང་མ་གནང་། ཁྱེད་ཀྱི་ཤོག་པའི་གྲིབ་མས་སྲུང་སྐྱོབ་ཐོབ།

³ཁོང་གིས་མཐོ་རིས་གནས་ནས་ང་ལ་ནི། བཀའ་ལན་གནང་ཞིང་ང་ལ་སྐྱབས་པར་མཛད། ང་ལ་སྡུག་པོ་གཏོང་མིར་ཁོང་གིས་ཕམ་པར་མཛད། དཀོན་མཆོག་རང་གི་རྒྱུན་ལྡན་ཐུགས་བརྩེ་དང་དམ་ཚིག་ང་ལ་སྟོན།

⁴མིའི་ཤ་བཟའ་རྒྱུ་ལྟོགས་པའི་སེང་གེ་རྣམས་བཞིན་དུ་དགྲ་བོས་ང་ལ་བསྐོར། དེེ་ཚོའི་སོ་ནི་མདུང་དང་མདའ་རྣམས་འདྲའོ། དེ་བཞིན་ལྕེ་ནི་རྣོ་བའི་རལ་གྲི་འདྲ།

⁵ཀྱེ་དཀོན་མཆོག་ནམ་ཁར་རང་གི་རླབས་ཆེན་དང་། འཇིག་རྟེན་ཀུན་ཏུ་གཟི་བརྗིད་སྟོན་པར་མཛོད།

⁶ང་ལ་བཟུང་ཕྱིར་ང་ཡི་དགྲ་བོ་ཚོས། རྙི་བཙུགས་པའི་ང་ནི་དཀའ་ངལ་དང་། ངེད་ཀྱི་འགྲོ་ལམ་དོང་ཞིག་བྲུས་ནས་ཡོད། འོན་ཀྱང་དེའི་ནང་དེ་ཚོ་རང་ཉིད་ཐིམ།

⁷ཀྱེ་དཀོན་མཆོག་ཁྱེད་ལ་བློ་གཏད་ཆ་ཚང་ཡོད། ང་ནི་མགུར་མ་ལེན་བཞིན་ཁྱེད་ལ་བསྟོད།

⁸ཀྱེ་ངེད་ཀྱི་སེམས་ཉིད་ཡར་ལོངས་ཤིག། པི་ཝང་སྒྲ་སྙན་བཅས་པ་ཡར་ལོངས་ཤིག། ཉི་མ་ལ་ནི་ང་ཡིས་བསླང་རྒྱུ་ཡིན།

⁹ཀྱེ་གཙོ་བོ་རྒྱལ་ཁབ་ཚོ་ཡི་ཁྲོད་ང་ཡིས་ཁྱེད་ལ་གཏང་རག་འབུལ་རྒྱུ་ཡིན། མི་རིགས་ཚོ་ཡི་ཁྲོད་དུ་ཁྱེད་ལ་བསྟོད་པར་བྱ།

¹⁰ཁྱེད་ཀྱི་རྒྱུན་ལྡན་ཐུགས་བརྩེ་མཐོ་རིས་བར་དུ་སླེབས། ཁྱེད་ཀྱི་དམ་ཚིག་ནམ་མཁའ་ཐུག་པར་བྱས།

¹¹ཀྱེ་དཀོན་མཆོག་ནམ་ཁར་རང་གི་རླབས་ཆེན་དང་། འཇིག་རྟེན་ཀུན་ཏུ་གཟི་བརྗིད་སྟོན་པར་མཛོད༎