Read Tibetan — པོད་སྐད་Tibetan Old Testament 2011 གསུང་མགུར 63 Bible Online

གསུང་མགུར 63 - Tibetan — པོད་སྐད་Tibetan Old Testament 2011 bible

གསུང་མགུར 63

¹ཀྱེ་དཀོན་མཆོག་ཁྱེད་ང་ཡི་དཀོན་མཆོག་ཡིན། ང་ནི་ཁྱེད་ལ་སྨོན་བཞིན་ཡོད། ང་ཡི་ཡོངས་རྫོགས་སྲོག་གི་ཁྱེད་ལ་སྨོན་གྱི་ཡོད། ཆུ་མེད་ས་སྟོང་འབྲོག་སྟོང་དང་འདྲ་བ། ང་ཡི་སྲོག་ནི་ཁྱེད་ཕྱིར་སྐོམ་ནས་ཡོད།

²མཆོད་ཁང་དམ་པའི་ནང་དུ་ཁྱེད་ལ་མཇལ་དུ་བཅུག། ཁྱེད་ནི་ཇི་འདྲ་དབང་དང་དཔལ་བརྗིད་ལྡན་པ་མཐོང་དུ་བཅུག།

³ཁྱེད་ཀྱི་རྒྱུན་ལྡན་ཐུགས་བརྩེ་སྲོག་ལས་ལེགས་པ་ཡོད། དེའི་ཕྱིར་ང་ཡི་ཁྱེད་ལ་བསྟོད་རྒྱུ་ཡིན།

⁴ང་ནི་གསོན་རིང་ཁྱེད་ལ་གཏང་རག་འབུལ། ང་ཡི་ལག་བརྐྱངས་ཁྱེད་ལ་སྨོན་ལམ་འདེབས།

⁵ང་ཡི་སྲོག་ནི་བཟའ་འཐུང་གིས་འགྲངས་ནས། ཁྱེད་ལ་བསྟོད་ཅིང་དགའ་བའི་གླུ་ལེན་ནོ།

⁶ང་ནི་མལ་ཁྲིར་ཉལ་དུས་ཁྱེད་ལ་དྲན། མཚན་གང་ང་ནི་ཁྱེད་སྐོར་བསམ་གྱི་ཡོད།

⁷གང་ལ་ཟེར་ན་ཁྱེད་ནི་རྒྱུན་དུ་ང་ཡི་སྐྱབས་གྲོགས་ཡིན་པ་དང་། ཁྱེད་ཀྱི་ཤོག་པའི་གྲིབ་ནག་འོག་ཏུ་ང་ནི་དགའ་བའི་གླུ་ལེན་ནོ།

⁸ང་ནི་ཁྱེད་མཉམ་འབྱར་ནས་སྡོད་ཀྱི་ཡིན། ཁྱེད་ཀྱི་ཕྱག་གིས་ཁམ་བཟང་བཞག་གནང་ངོ་།

⁹ང་ལ་གསོད་ཐབས་བྱེད་མཁན་དེ་ཚོ་ནི། འཆི་བའི་ཡུལ་དུ་སླེབས་པར་འགྱུར།

¹⁰དམག་སའི་ནང་དུ་དེ་ཚོ་བསད་པ་དང་། དེ་ཡི་གཟུགས་ནི་ཝ་མོས་ཟ་བར་འགྱུར།

¹¹གང་ལགས་ཟེར་ན་དཀོན་མཆོག་ཁོང་གིས་རྒྱལ་པོ་ལ་རྒྱལ་ཁ་གནང་བས་རྒྱལ་པོ་དགའ་བར་འགྱུར། དཀོན་མཆོག་ཁོང་གི་མཚན་ལ། དམ་བཅའ་བྱེད་མཁན་དེ་ཚོས་ཁོང་ལ་བསྟོད། འོན་ཀྱང་རྫུན་གཏམ་ཤོད་མཁན་ཁ་དེ་བཀབ་པར་འགྱུར༎