Read Tibetan — པོད་སྐད་Tibetan Old Testament 2011 གསུང་མགུར 71 Bible Online

གསུང་མགུར 71 - Tibetan — པོད་སྐད་Tibetan Old Testament 2011 bible

གསུང་མགུར 71

¹གཙོ་བོ་དཀོན་མཆོག་ང་ནི་སྲུང་སྐྱོབ་ཕྱིར་ཁྱེད་ཙར་ཡོང་བས། ང་ལ་ནམ་ཡང་ཕམ་དུ་མ་བཅུག་ཅིག།

²ཁྱེད་ནི་དྲང་བདེན་ཡིན་པས། ང་ལ་སྐྱབས་གྲོགས་དང་སྐྱབས་པར་མཛོད། ང་ལ་གསན་ནས་སྐྱབས་གནང་བར་མཛོད།

³ང་ལ་སྲུང་བའི་ཆེད་དུ་སྐྱབས་གནས་བརྟེན་པོ་དང། འཛིང་ར་སྟོབས་ཅན་ཞིག་དུ་འགྱུར་བར་མཛོད། ཁྱེད་ནི་ང་ཡི་སྐྱབས་གནས་དང་སྲུང་སྐྱོབས་དེ་ཡིན་ནོ།

⁴ངན་པ་ནས་ང་སྐྱོབ་ཀྱེ་དཀོན་མཆོག། སྡུག་ཙུབ་ཅན་གྱི་མནར་གཅོད་མཁན་གྱི་ལག་ནས་ང་སྐྱོབ་ཅིག།

⁵བླ་མེད་གཙོ་བོ་དཀོན་མཆོག་ལགས། ང་ནི་ཁྱེད་ལ་རེ་བཅོལ་བཞིན་ཡོད། ན་གཞོན་དུས་ནས་ཁྱེད་ལ་བློ་བཅོལ་ཞུ།

⁶སྐྱེས་ནས་ང་ཡིས་ཁྱེད་ལ་བློ་བཅོལ་བྱས། ཨ་མའི་མངལ་ནས་བཏོན་མཁན་ཁྱེད་ཡང་ཡིན། ང་ནི་རྒྱུན་དུ་ཁྱེད་ལ་བསྟོད་ཀྱིས་ཡིན།

⁷ང་ཡི་མི་ཚེ་འདི་ནི་མང་པོའི་ཆེད། གཏམ་དཔེ་ཞིག་ཏུ་འགྱུར་ནས་ཡོད། གང་ལགས་ཟེར་ན་དཀོན་མཆོག་ཁྱེད་ཉིད་ནི། ང་ཡི་སྲུང་སྐྱོབས་བརྟན་པོ་ཞིག་ཏུ་འགྱུར་ནས་ཡོད།

⁸ཉིན་གང་ང་ཡིས་ཁྱེད་ལ་བསྟོད་པ་དང་། ཁྱེད་ཀྱི་གཟི་བརྗིད་གསལ་གྲགས་བྱས།

⁹ད་རྒས་པའི་སྐབས་སུ་ང་ལ་མ་སྤངས་ཤིག། སྟོབས་ཤུགས་ཉམས་ཡོད་པས་ང་ལ་མ་སྤངས་ཤིག།

¹⁰གང་ལགས་ཟེར་ན་ང་ཡི་དགྲ་བོ་ཚོས། ང་ཡི་སྐོར་ལ་གཏམ་རྣམས་སྨྲས་པ་དང་། ང་ལ་གསོད་ཕྱིར་སྒུག་མཁན་དགྲ་བོ་རྣམས། ནང་ཁུལ་དེ་ལྟར་བརྗོད་ཅིང་གྲོས་བྱེད་དོ།

¹¹དཀོན་མཆོག་ཁོང་གིས་དེ་ལ་སྤངས་ཡོད་ཅིང་། དེ་ལ་རྗེས་དེད་བྱས་ནས་བཟུང་བར་གྱིས། དེ་ལ་སྐྱབས་མཁན་སུ་ཡང་མེད་ཅེས་མརྗོད།

¹²དཀོན་མཆོག་ང་ནས་ཐག་རིང་མ་ཞུགས་ཤིག། ང་ཡི་དཀོན་མཆོག་ང་ལ་མྱུར་དུ་སྐྱབས་པར་མཛོད།

¹³ང་ལ་འཐབ་རྒོལ་བྱེད་མི་རྣམས། ཕམ་ནས་རྩ་མེད་ཕྱིན་པར་ཤོག། ང་ལ་གནོད་པ་སྐྱེལ་ཐབས་བྱེད་མཁན་རྣམས། ངོ་ཚ་དང་ནི་དམའ་འབེབས་གང་བར་ཤོག།

¹⁴ང་ནི་རྒྱུན་དུ་ཁྱེད་ལ་རེ་བ་གྱིས། ཁྱེད་ལ་བསྟོད་པ་གང་མང་འབུལ་གྱིས་ཡིན།

¹⁵ང་ཡི་ཁ་ནས་ཁྱེད་ཀྱི་དྲང་བདེན་དང་། ཁྱེད་ལས་བྱུང་བའི་ཐར་ལམ་གྱི་སྐོར་ལ། ཉིན་གང་ཤོད་ཀྱིས་ཡིན། དེ་ཡི་ཚད་ནི་ང་ཡི་མི་ཤེས་ཀྱང།

¹⁶གཙོ་བོ་དཀོན་མཆོག་ཁྱེད་ཀྱི་མཐུ་སྟོབས་ལ། ཁྱེད་ཀྱི་བཟང་ཚུལ་ང་ཡིས་གསལ་བསྒྲགས་གྱིས། ང་ནི་ཁྱེད་ཉིད་གཅིག་པུར་ལ་བསྟོད་དོ།

¹⁷ང་ནི་ཆུང་དུས་ནས་ཁྱེད་ཀྱིས་ང་ལ་སློབ་སྟོན་གནང་ཡོད་དོ། ཁྱེད་ཀྱི་ཡ་མཚན་ཅན་གྱི་མཛད་པ་རྣམས། ད་ལྟ་བར་དུ་ང་ཡིས་ཁྱབ་བསྒྲགས་ཤིག།

¹⁸ཀྱེ་དཀོན་མཆོག་ད་ང་ནི་རྒས་པ་དང་། སྐྲ་དཀར་འགྱུར་ཡོད་པས་ང་ལ་མ་སྤངས་ཤིག། མི་རབས་རྗེས་མར་ཡོང་མི་ཚང་མ་ལ། ཁྱེད་ཀྱི་མཐུ་སྟོབས་སྐོར་ལ་ཤད་པའི་དུས། ཁྱེད་ནི་ང་དང་མཉམ་དུ་བཞུགས་རོགས་གནང་།

¹⁹དཀོན་མཆོག་ཁྱེད་ཀྱི་དྲང་བདེན་ནམ་མཁར་སླེབས་ཡོད། ཁྱེད་ཀྱིས་མཛད་པ་ཆེན་པོ་རྣམས་མཛད་པས། ཁྱེད་དང་འདྲ་བའི་གཞན་སུ་ཡང་མེད།

²⁰ང་ལ་ཁྱེད་ཀྱིས་དཀའ་སྡུག་བཏང་བ་དང་། འོན་ཀྱང་ང་ཡི་སྟོབས་ཤུགས་ཁྱེད་ཀྱིས་སྐྱར་གསོ་གནང། ཁྱེད་ཀྱིས་ང་ལ་དུར་ནས་ཟུར་འཇོག་གནང་།

²¹ཁྱེད་ཀྱིས་ང་ཡི་ཆེ་བསྟོད་སྤེལ་བར་འགྱུར། སླར་ཡང་ང་ལ་སེམས་གསོ་གནང་བར་འགྱུར།

²²ང་ནི་ངས་གཏན་ཁྱེད་ལ་སྒྲ་སྙན་གཏོང་བཞིན་བསྟོད་པར་བྱ། ང་ཡི་དཀོན་མཆོག་ཁྱེད་ཀྱི་དམ་ཚིག་ལ་བསྟོད་རྒྱུ་ཡིན། ང་ཡིས་སྒྲ་སྙན་གཏོང་བཞིན་ཁྱེད་ཨིསི་རཱཨེལ་གྱི་དམ་པ་མཆོག་ལ་མགུར་མ་ལེན་རྒྱུ་ཡིན།

²³ཁྱེད་ལ་བསྟོད་སྐབས་ང་ནི་དགའ་བའི་སྐད་ཆེན་པོ་བརྒྱབ་རྒྱུ་ཡིན། གང་ལགས་ཟེར་ན་ཁྱེད་ཀྱིས་ང་ལ་སྐྱབས།

²⁴ང་ཡི་ལྕེ་ཡིས་ཁྱེད་ཀྱི་དྲང་བདེན་གྱི། སྐོར་ལ་ཉིན་གང་གཏམ་གླེང་བྱེད་པར་འགྱུར། ང་ལ་སྨད་ཐབས་འཚོལ་མི་དེ་ཚོ་ནི། མགོ་འཐོམ་པ་དང་ངོ་ཚའི་ནང་དུ་ཚུད་ཡོད་དོ༎