Read Tibetan — པོད་སྐད་Tibetan Old Testament 2011 གསུང་མགུར 72 Bible Online

གསུང་མགུར 72 - Tibetan — པོད་སྐད་Tibetan Old Testament 2011 bible

གསུང་མགུར 72

¹ཀྱེ་དཀོན་མཆོག་ཁྱེད་ཀྱི་དྲང་བདེན་ལྟར་ཁྲིམས་བཅད་པར་རྒྱལ་པོར་སློབ་གནང་བར་མཛོད། ཁྱེད་ཀྱི་རང་གི་ཁྲིམས་དྲང་སྐོར་ཁོང་མཉམ་བགོས།

²དེ་ནས་ཁོང་གིས་ཁྱེད་ཀྱིས་མི་འབངས་ཐོག། དྲང་བ་ཉིད་ཀྱི་ཁྲིམས་གཅོད་གནང་བ་དང། མནར་གཅོད་ནང་ཚུད་པ་རྣམས་ལ་དྲང་བདེན་སྒོ་ནས་དབང་བསྒྱུར་བར་བྱ་འོ།

³ས་གཞིས་ཕུན་སུམ་ཚོགས་པ་ལོངས་སྤྱོད་པར་འགྱུར། དེ་ཡིས་དྲང་བདེན་ཉམས་མྱོང་བྱེད་པར་ཤོག།

⁴རྒྱལ་པོས་དབུལ་པོར་ཁྲིམས་གཅོད་དྲང་པོ་བྱས། ཁོང་གིས་དགོས་མཁོ་ཅན་ལ་སྐྱབས་རོགས་གནང་བ་དང་། མནར་གཅོས་མཁན་ཚོར་ཕམ་དགོས་བཟོ་བར་ཤོག།

⁵ཉི་མ་ཤར་བ་དང་ཟླ་བས་འོད་འཚེར་བའི་རིང། ཁྱེད་ཀྱི་མི་འབངས་དེ་ཚོས་ཁྱེད་ལ་སྐྱེལ་པ་ནས་སྐྱེལ་པ་བར་མཆོད་པར་ཤོག།

⁶ཁོང་ནི་བརྔས་པའི་ཞིང་ནང་འབབ་པའི་ཆར་པ་དང་། ས་གཞིར་བབས་པའི་ཆུ་དང་འདྲ།

⁷ཁོང་གིས་ཚེས་དུས་དྲང་བདེན་སྤེལ་བ་དང་། ཟླ་བ་གནས་རིང་ཕུན་སུམ་ཚོགས་པ་གནས་པར་ཤོག།

⁸རྒྱ་མཚོ་གཅིག་ནས་རྒྱ་མཚོ་གཞན་བར་དུ། ཁོང་གི་རྒྱལ་སྲིད་ཡོངས་སུ་ཁྱབ་པ་དང་། དེ་བཞིན་ཡུབ་རད་གཙང་པོ་ནས། ས་གཞིའི་མཐའ་ཡི་ཉེ་འགྲམ་བར་དུ་འཕེལ།

⁹བྱེ་ཐང་སྡོད་མཁན་རྣམས་ཀྱིས་ཁོང་མདུན་སྒུར། ཁོང་གི་དགྲ་ཚོས་ཐལ་བ་ལྡག་པར་འགྱུར།

¹⁰ཨིས་པེན་དང་ནི་མཚོ་གླིང་རྣམས་ཀྱི་རྒྱལ་པོ་ཚོས། ཁོང་གི་ཕྱིར་དུ་འབུལ་བ་འཁྱེར་ཡོང་ངོ་། ཤེ་བ་དང་ནེ་སེ་བའི་རྒྱལ་པོ་ཚོས། ཁོང་གི་ཕྱིར་དུ་འབུལ་བ་འཁྱེར་ཡོང་ངོ་།

¹¹རྒྱོལ་པོ་ཚང་མས་ཁོང་དྲུང་ཕྱག་འཚལ་བ་དང། མི་རིགས་ཡོངས་ཀྱིས་ཞབས་ཏོག་ཞུས་པར་འགྱུར།

¹²ཁོང་ལ་ཞུ་འབུལ་བྱེད་མཁན་དབུལ་པོ་དང་། དགོས་མཁོ་ཅན་དང་སྣང་མེད་དུ་བོར་བ་ཚོར་ཁོང་གིས་སྐྱབས།

¹³ཉམས་ཆུང་དབུལ་པོར་ཁོང་གིས་སྙིང་རྗེ་གནང་། དགོས་མཁོ་ཅན་རྣམས་ཀྱི་སྲོག་ནི་ཁོང་གིས་སྐྱབས།

¹⁴ཁོང་གིས་དེ་ཚོར་མནར་གཅོད་དང་དྲག་དཔྱོད་ལས་སྐྱབས་གནང་བ་དང། ཁོང་གི་ཆེད་དུ་དེ་ཚོའི་སྲོག་ནི་རིན་ཆེན་ཡིན་ནོ།

¹⁵རྒྱལ་པོ་སྐུ་ཚེ་རིང་བར་ཤོག། ཤེ་བ་ནས་ཁོང་ལ་གསེར་གནང་བར་ཤོག། ཁོང་ཕྱིར་མི་ཚོས་ཆད་མེད་སྨོན་འདེབས་གྱིས། ཁོང་སྟེང་དཀོན་མཆོག་གི་བྱིན་རླབས་གཏན་དུ་གནས་པར་ཤོག།

¹⁶ཡུལ་གྱི་ནང་དུ་འབྲུ་མང་པོ་བྱུང་བར་ཤོག། རི་བོ་རྣམས་སུ་ཏོན་ཐོག་བཀབ་པར་ཤོག། དེ་ནི་ལེབ་ནོན་ལྟར་འབྲས་བུ་ཅན་བྱུང་བར་འགྱུར། ཞིང་གི་ནང་དུ་རྩྭ་ཡི་ཁེངས་པ་ལྟར། གྲོང་ཁྱེར་ཡོངས་སུ་མི་ཡི་གང་བར་ཤོག།

¹⁷རྒྱལ་པོའི་མཚན་ནི་རྒྱུན་དུ་གནས་པར་འགྱུར། ཁོང་གི་སྙན་གྲགས་ཉི་མ་ལྟ་བུར་གནས། དཀོན་མཆོག་ཁོང་གིས་རྒྱལ་པོར་བྱིན་རླབས་གནང་བ་ལྟར། མི་རིགས་ཡོངས་ཀྱི་ཁོང་ལ་རང་གི་ཆེད་དུ་བྱིན་རླབས་ཞུས།

¹⁸ཨིསི་རཱཨེལ་གྱི་དཀོན་མཆོག་གཙོ་བོ་དཀོན་མཆོག་ཁོང་ལ་བསྟོད་བསྔགས་ཤིག། ཡ་མཚན་མཛད་པ་ཁོང་ཉིས་གཅིག་པུས་མཛད།

¹⁹ཁོང་གི་བཟི་བརྗིད་མཚན་ལ་རྒྱུན་དུ་བསྟོད། ས་གཞིའི་ཡོངས་ལ་ཁོང་གི་གཟི་བརྗིད་ཀྱིས་གང་བར་ཤོག། ཨ་མེན་ཨ་མེན།

²⁰ཡ་སིའི་བུ་དཱ་བིད་ཀྱི་སྨོན་ལམ་རྣམས་རྫོགས་སོ༎