Read Tibetan — པོད་སྐད་Tibetan Old Testament 2011 གསུང་མགུར 78 Bible Online

གསུང་མགུར 78 - Tibetan — པོད་སྐད་Tibetan Old Testament 2011 bible

གསུང་མགུར 78

¹ང་ཡི་མི་འབངས་ང་ཡི་བསླབ་བྱར་ཉོན། ང་ཡིས་སྨྲས་པའི་གཏམ་ལ་ཉོན།

²ངས་ཤས་རབས་ཀྱི་གཏམ་རྣམས་མཛོད་རྒྱུ་ཡིན། སྔོན་གྱི་གསང་བའི་གནད་དོན་རྣམས་ངས་བཤད་རྒྱུ་ཡིན།

³དེ་རྣམས་ང་ཚོས་ཐོས་ཡོད་པ་དང་རྒྱུས་ཡོད། ང་ཚོའི་ཕ་མེས་རྣམས་ཀྱི་ང་ཚོར་བཤད་ཡོད་དོ།

⁴དེ་རྣམས་ནི་ང་ཚོའི་ཕྲུ་གུ་ཚོ་ནས་མི་སྦས། གཙོ་བོ་དཀོན་མཆོག་ཁོང་གི་མཐུ་སྟོབས་མཛད་པ་ཡ་མཚན་རྣམས་ཀྱི་སྐོར། རྗེས་མའི་མི་རབས་ཚོར་ང་ཚོས་ཤོད་རྒྱུ་ཡིན།

⁵ཁོང་གིས་ཨིསི་རཱཨེལ་པ་ཚོར་བཀའ་ཁྲིམས་རྣམས་གནང་བ་དང། ཡ་ཀོབ་རིགས་བརྒྱུད་ཚོར་ཁོང་གིས་ཞལ་གདམས་རྣམས་གནང་ངོ། ཁོང་གི་བཀའ་ཁྲིམས་རྣམས་དེ་ཚོའི་ཕྲུ་གུས་ཤེས་པའི་ཕྱིར་། ཁོང་གིས་ང་ཚོའི་ཕ་མེས་ཚོ་ལ་བཀའ་གནང་ངོ་།

⁶དེ་ལྟར་རྗེས་མའི་མི་རབས་ཀྱིས་དེ་རྣམས་ཀྱི་སྐོར་ཤེས་པ་དང། རང་གི་ཕྲུ་གུ་རྣམས་ལ་ཀྱང་བཤད་པའི་ཕྱིར།

⁷འདི་ལྟར་དེ་ཚོས་རེ་བ་དཀོན་མཆོག་ཁོང་ལ་བཅོལ། ཁོང་གི་མཛད་པ་རྣམས་ལ་མ་བརྗེད་པར། འོན་ཀྱང་ཁོང་གི་བཀའ་རྣམས་རྒྱུན་དུ་སྲུང་།

⁸དེ་ཚོ་ནི་རང་གི་ཕ་མེས་ཚོ་འདྲ་བ། ངོ་ལོག་ཅན་དང་བཀའ་མི་སྲུང་མཁན་གྱི་རིགས་བརྒྱུད་ལྟར་མི་འགྱུར། ཕ་མེས་དེ་ཚོ་ནི་དཀོན་མཆོག་ལ་བློ་བཅོལ་བརྟན་པོ་མ་བཞག་པས། དེ་ཚོ་ཁོང་ཕྱོགས་སུ་དམ་ཚིག་གཙང་མ་མི་གནས་སོ།

⁹ཨེཕ་ར་ཡིམ་པ་ཚོ་མདའ་གཞུ་ཁྱེར་བས་དམག་ཉིན་བྲོས་ནས་ཕྱིན།

¹⁰དཀོན་མཆོག་དང་དམ་བཅའ་བཞག་པར་ཁས་མི་ལེན། དེ་ཚོས་ཁོང་གི་བཀའ་ཁྲིམས་ལ་མ་ཉན།

¹¹ཁོང་གིས་མཛད་པའི་འཕྲིན་དང་། རང་གི་མཐོང་བའི་ཁོང་གི་ངོ་མཚར་ཅན་གྱི་མཛད་འཕྲིན་རྣམས་བརྗེད་དོ།

¹²དེ་ཚོའི་ཕ་མེས་རྣམས་ཀྱི་ངོ་མདུན་དུ། དཀོན་མཆོག་ཁོང་གི་ངོ་མཚར་ཆེ་བའི་མཛད་འཕྲིན་རྣམས། ཨི་ཇིབ་ཡུལ་དང་ཛོ་ཨན་ཐང་དུ་གནང་།

¹³ཁོང་གིས་རྒྱ་མཚོ་ལ་ནི་ཁག་གཉིས་བཟོས། དེ་རྣམས་འདི་ཡི་བརྒྱུད་དེ་ཕར་ཕྱོགས་སྐྱེལ་གནང་། ཁོང་གིས་ཆུ་རྣམས་ལྕགས་རི་ལྟ་བུར་སྒྲིལ།

¹⁴ཉིན་མོར་ཁོང་གིས་དེ་ཚོར་སྤྲིན་ཞིག་དང་། མཚན་གང་མེ་འོད་ཀྱིས་ནི་སྣེ་འཁྲིད་མཛད།

¹⁵འབྲོག་སྟོང་ནང་དུ་བྲག་རྣམས་ཁག་གཉིས་མཛད། དེ་ཡི་གཏིང་ནས་ཆུ་རྣམས་དེ་ཚོར་སྟེར།

¹⁶བྲག་རིའི་ནང་ནས་གྲོག་ཆུ་རྣམས་ནི་བཏོན། ཆུ་ལ་གཙང་པོ་ལྟ་བུར་རྒྱུག་བཅུག་གོ།

¹⁷འོན་ཀྱང་དེ་ཚོས་དཀོན་མཆོག་སྟེང་སྡིག་པ་མུ་མཐུད་བྱེད། འབྲོག་སྟོང་ཁག་ཏུ་བླ་མེད་དཀོན་མཆོག་ཁོང་ལ་གྱེན་ཟླག་བྱས།

¹⁸དཀོན་མཆོག་ཁོང་ལ་རྐང་བཙུགས་ནས་ཚོད་ལྟ་བྱེད་པའི་ཕྱིར། དེ་ཚོས་ཁ་ཟས་རང་འདོད་བཞིན་དུ་སློངས།

¹⁹དཀོན་མཆོག་ཁོང་གིས་འབྲོག་སྟོང་དུ་ང་ཚོར་ཁ་ཟས་གནང་ཐུབ་བམ། ཟེར་ནས་དཀོན་མཆོག་ཁོང་ལ་ངོ་རྒོལ་བྱས།

²⁰ཁོང་ནི་བྲག་རི་དེ་ལ་བཞུས་གནང་ནས། ཆུ་རྣམས་གྲོག་པོར་འགྱུར་བ་བདེན་པ་ཡིན། འོན་ཀྱང་ཁོང་གིས་ང་ཚོར་བག་ལེབ་དང་། རང་གི་འབངས་ཆེད་དུ་ཤ་སོགས་གནང་ཐུབ་བམ།

²¹དེར་བརྟེན་དེ་ལ་གཙོ་བོ་དཀོན་མཆོག་ཁོང་གིས་གསན་ཏེ་ཐུགས་ཁྲོས་ཏེ། རང་གི་འབངས་ཐོག་མེ་ཡིས་འཐབ་རྒོལ་བྱས། དེ་ཚོའི་སྟེང་དུ་ཁོང་གིས་ཁྲོ་བ་འབར།

²²གང་ལགས་ཟེར་ན་དེ་ཚོས་དཀོན་མཆོག་ཁོང་ལ་མ་དད་པར། ཁོང་གི་སྐྱབས་ལ་བློ་གཏད་མ་བྱས་སོ།

²³འོན་ཀྱང་ཁོང་གིས་ནམ་མཁར་བཀའ་གནང་ནས། མཐོ་རིས་སྒོ་རྣམས་ཕྱེ་བར་མཛད་གནང་ངོ་།

²⁴དེ་ཚོར་ཟ་ཕྱིར་མན་ན་ཕབ་གནང་ཞིང་། ཁོང་གིས་དེ་ཚོར་མཐོ་རིས་ནས་འབྲུ་གནང་ངོ་།

²⁵དེར་བརྟེན་ཕོ་ཉའི་ཁ་ཟས་དེ་ཚོས་ཟས། དཀོན་མཆོག་ཁོང་གིས་དེ་ཚོར་གང་འདོད་བཞིན་དུ་གནང་།

²⁶ཁོང་གིས་ཤར་རླུང་རྒྱུག་བཆུག་སྟེ། ཁོང་གི་མཐུ་ཡིས་ལྷོ་རླུང་འབྲེལ་བཅུག་གོ།

²⁷ཁོང་གིས་རང་གི་འབངས་ལ་མཚོའི་འགྲམ་གྱི་བྱེད་མ་ལྟ་བུར་འདབ་ཆགས་རྣམས་ཕབ་།

²⁸དེ་རྣམས་ནི་དེ་ཚོའི་སྒར་གྱི་ཁྲོད་དང། གུར་རྣམས་ཀྱི་ཕྱོགས་བཞིར་ཕབ་མཛད་དོ།

²⁹དེར་བརྟེན་མི་མང་ཚོས་ཟས་ནས་ལེགས་པར་འགྲངས། དཀོན་མཆོག་ཁོང་གིས་དེ་ཚོར་འདོད་པ་བཞིན་དུ་གནང་།

³⁰འོན་ཀྱང་དེ་ཚོས་རང་གི་འདོད་པ་མ་ཁེངས་པས། དེ་ཚོས་ད་དུང་ཟ།

³¹དེ་སྐབས་དཀོན་མཆོག་ཁོང་གི་ཐུགས་ཁྲོ་དེ་ཚོའི་སྟེང་དུ་བཞེངས་པ་དང། ཨིསི་རཱཨེལ་ན་གཞོན་ཡག་ཤོས་སྟེབས་ཆེན་རྣམས་བསད་དོ།

³²དེ་རྣམས་བྱུང་ཡང་མི་རྣམས་ཀྱིས་སྡིག་པ་མུ་མཐུད་གྱིས། ཁོང་གི་ངོ་མཚར་མཛད་པ་རྣམས་མཐོང་ན་ཡང་དེ་ཚོས་ཁོང་ལ་བློ་བཅོལ་མེད་དོ།

³³དེའི་ཕྱིར་དེ་ཚོ་ཉིན་མོ་དབུགས་ལྟར་ཡལ། དེ་ཚོའི་སྲོག་ནི་གློ་བུར་དུ་ཡོང་བའི་བྱུས་ཉེས་ཀྱིས་མེད་པར་བཟོས།

³⁴ཁོང་གིས་དེ་ཚོར་སུ་ཞིག་གསོད་པའི་སྐབས། དེ་ནས་ལྷག་ལུས་རྣམས་ཀྱིས་ཁོང་ཕྱོགས་བསྒྱུར། འགྱོད་པ་སྐྱེད་ནས་ཁོང་ལ་སྨོན་ལམ་འདེབས།

³⁵དཀོན་མཆོག་ནི་དེ་ཚོར་སྲུང་མཁན་ཡིན་པ་དེ་ཚོས་དྲན། ཀུན་དབང་ལྡན་པའི་དཀོན་མཆོག་དེ་ཚོའི་རོགས་སུ་ཕེབས།

³⁶འོན་ཀྱང་དེ་ཚོའི་གཏམ་ནི་རྫུན་གཏམ་དང་། དེ་ཚོས་ཇི་ལྟར་སྨྲས་པར་ཡིད་ཆེས་མེད།

³⁷དེ་ཚོ་ནི་ཁོང་ཕྱོགས་དམ་ཚིག་གཙང་མ་མི་བྱེད་དོ། ཁོང་དང་མཉམ་དུ་བཞག་པའི་དམ་བཅའ་རྩིས་སྲུང་མི་བྱས་སོ།

³⁸འོན་ཀྱང་དཀོན་མཆོག་ཁོང་ནི་སྙིང་རྗེས་ཁྱབ་ཡོད་པས། དེ་ཚོའི་སྡིག་པར་བཟོད་གསོལ་གནང་བ་དང་། དེ་ཚོ་ལ་ནི་ཚར་བཅད་མ་གནང་ངོ་། ཁོང་གིས་རང་གི་ཁོང་ཁྲོ་ཐེངས་མང་བཟོད་སེམས་གནང་། ཁོང་གི་ཐུགས་ཁྲོ་དྲག་པོ་ལན་མང་བཀག།

³⁹དེ་ཚོ་ནི་རླུང་ལྟར་རྒྱུག་ནས་ཡལ་འགྲོ་བ་དང་མི་རྟག་པ་ཡིན་པ་ཁོང་གིས་དྲེན།

⁴⁰འབྲོག་སྟོང་ནང་དུ་དེ་ཚོས་ལན་ཇི་ཙམ། ཁོང་གི་སྟེང་དུ་ངོ་ལོག་ཞུ་ཡོད་ཅིང་། ཇི་ཙམ་ཁོང་སེམས་སྐྱོ་རུ་བཅུག།

⁴¹ཡང་ནས་ཡང་དེ་ཚོས་དཀོན་མཆོག་ཁོང་ལ་ཚོད་ལྟ་བྱས། རཱཨེལ་གྱི་དམ་པའི་དཀོན་མཆོག་ལ་སྡུག་ངལ་སྤྲད།

⁴²དེ་ཚོས་ཁོང་གི་མཐུ་སྟོབས་མི་དྲན་ཞིང་། དགྲ་བོའི་ལག་ནས་སྐྱབས་པའི་ཉིན་མི་དྲན།

⁴³ཁོང་གི་ཡ་མཚན་ཅན་གྱི་ལྟས་རྣམས་ནི། ཨི་ཇིབ་ཛོ་ཨན་ཐང་དུ་སྟོན་གནང་ངོ་།

⁴⁴ཁོང་གི་གཙང་པོ་རྣམས་ནི་ཁྲག་ཏུ་འགྱུར། དེའི་ཕྱིར་ཨི་ཇིབ་པ་ཚོར་འཐུང་ཆུ་མེད།

⁴⁵ཁོང་གིས་དེ་ཚོར་སྡུག་ངལ་སྤྲད་ཕྱིར་དེ་ཚོའི་ཁྲོད་སྦྲང་ཚོགས་དང་། དེ་ཚོའི་ཡུལ་ནི་ཡོངས་སུ་མེད་པར་བཟོས་པའི་ཕྱིར་སྦལ་པ་རྣམས་བཏང་ངོ།།

⁴⁶ཁོང་གིས་དེ་ཚོའི་སྟོན་ཐོག་ནི་ཟ་བ་དང་ས་གཞི་མེད་པར་བཟོས་པའི་ཕྱིར། ཆ་གའི་འབུ་རྣམས་བཏང་གནང་ངོ་།

⁴⁷ཁོང་གིས་དེ་ཚོའི་རྒུན་ཤིང་རྣམས་སེར་བས་དང་། སེ་ཡབ་ཤིང་རྣམས་འཁྱགས་ཟིལ་གྱིས་མེད་པར་མཛད།

⁴⁸ཁོང་གིས་དེ་ཚོའི་ཕྱུགས་རྣམས་སེར་བ་དང་། དེ་ཚོའི་ར་ལུག་རྣམས་གློག་འཁྱུག་གིས་བསད་གནང་ངོ་།

⁴⁹ཁོང་གིས་འཆི་བའི་ཕོ་ཉ་ཡོང་བ་ལྟར་རང་གི་ཁོང་ཁྲོ་དང་། ཁྲོ་བ་དྲག་པོ་ཕོས་ནས་དེ་ཚོ་ལ་དཀའ་ངལ་ཚབ་ཆེ་བཏང་གནང་ངོ།

⁵⁰ཁོང་གི་ཐུགས་ཁྲོ་ཞི་བར་མ་མཛད་དོ། དེ་ཚོའི་སྲོག་ནི་འཆི་བ་ལས་མ་སྐྱབས། འོན་ཀྱང་དེ་ཚོ་ནད་ཡམས་བརྒྱུད་ནས་བསད།

⁵¹ཨི་ཇིབ་ནང་མི་ཡོངས་ཀྱི་སྔོན་སྐྱེས་ཀྱི། བུ་རྣམས་ཚང་མ་ཁོང་གིས་བསད་གནང་ངོ་།

⁵²དེ་ནས་ལུག་རྗི་ཞིག་ལྟར་ཁོང་གིས་རང་གི་འབངས་ལ་ཕྱིར་དབུ་འཁྲིད་གནང། ཁོང་གིས་དེ་ཚོར་འབྲོག་སྟོང་དུ་སྣེ་འཁྲིད་གནང་བར་མཛད།

⁵³ཁོང་གིས་དེ་ཚོར་བརྟན་པོར་འཁྲིད་ནས་མ་འཇིགས་སོ། འོན་ཀྱང་རྒྱ་མཚོས་དེ་ཚོའི་དགྲ་བོར་བཀབ།

⁵⁴ཁོང་གིས་དེ་ཚོར་དམ་པའི་ས་གནས་བར། འཁྲིད་ནས་རང་ཉིད་བདག་པའི་རི་བོར་བཞག།

⁵⁵ཁོང་གིས་རང་གི་མི་འབངས་མདུན་སྐྱོད་བྱེད་དུས་དེ་ཡི་ཡུལ་མི་ཚོར་དེད། ཁོང་གིས་དེ་ཚོའི་ས་གཞིང་ཨིསི་རཱཨེལ་སྡེ་རིགས་ཁྲོད་ལ་བགོས། དེ་ཚོའི་ཁང་ཁྱིམ་རང་གི་མི་འབངས་ལ་གནང་།

⁵⁶འོན་ཀྱང་དེ་ཚོས་ཀུན་དབང་ལྡན་པའི་དཀོན་མཆོག་ལ། ངོ་ལོག་གྱིས་ནས་ཁོང་ལ་ཚོད་ལྟ་བྱས། ཁོང་གི་བཀའ་ཁྲིམས་རྣམས་མ་སྲུང་ངོ་།

⁵⁷འོན་ཀྱང་དེ་ཚོ་རང་གི་ཕ་མེས་ལྟར། ངོ་ལོག་གྱིས་ནས་དམ་ཚིག་མ་སྲུང་ངོ་། བློས་འཁེལ་མེད་པའི་མདའ་ཀྱོག་ཀྱོག་ལྟར།

⁵⁸དེ་ཚོའི་མཆོད་པའི་ས་གནས་མཐོ་པོས་ཁོང་ཁྲོར་བཅུག། དེ་ཚོའི་འདྲ་སྐུ་བརྒྱུད་ཁོང་ལ་ཕྲག་དོག་ལངས་བཅུག་གོ།

⁵⁹དཀོན་མཆོག་ཁོང་གིས་དེ་གཟིགས་ཏེ་ཐུགས་ཁྲོས་ཏེ། དེའི་ཕྱིར་ཁོང་གིས་འབངས་རྣམས་སྤངས་གནང་ངོ་།

⁶⁰ཁོང་གིས་ཤི་ལོ་རུ་ཡོད་པའི་རང་གི་གུར་དེ་ཡང་སྤངས་གནང་ངོ་། དེར་ཁོང་ང་ཚོ་མཉམ་དུ་གནས་ཀྱི་ཡོད་པ་ཡིན་ནོ།

⁶¹ཁོང་གིས་དམ་བཅའི་སྒྲོམ་དེ་དགྲ་བོར་བདག་ཏུ་བཅུག། དེ་ནི་ཉིད་ཀྱི་སྟོབས་དང་གཟི་བརྗིད་རྟགས།

⁶²ཁོང་གིས་རང་གི་མི་འབངས་མཉམ་ཐུགས་ཁྲོས་ནས། དེ་ཚོར་དགྲ་བོའི་ལག་ཏུ་བསད་བཅུག་གོ།

⁶³དེ་ཚོའི་གཞོན་ནུ་དམག་སར་འཆི་བ་དང་། དེ་ཚོའི་ན་ཆུང་བག་སྟོན་མེད་པ་དང་།

⁶⁴དེ་ཚོའི་བླ་མ་རྣམས་དྲག་པོས་འཆི། དེ་ཚོའི་ཡུག་མོར་མྱ་ངན་བྱས་མ་འཇུག།

⁶⁵མཐའ་མར་གཙོ་བོ་མནལ་ནས་བཞེངས་ལྟ་བུ། ཆང་གིས་བཟི་བའི་སྟོབས་ལྡན་མི་ལྟ་བུ།

⁶⁶ཁོང་གིས་དགྲ་བོ་ཚོར་ཕྱིར་འདེད་མཛད། དེ་ཚོ་ངོ་ཚའི་ནང་ནས་ཕམ་འཇུག་གོ།

⁶⁷འོན་ཀྱང་ཁོང་གིས་ཡོ་སེབ་རིགས་བརྒྱུད་སྤངས། ཨེཕ་ར་ཡིམ་གྱི་སྡེ་རིགས་ཡང་མ་འདམས་སོ།

⁶⁸དེའི་ཚབ་ཡ་ཧུ་དཱའི་སྡེ་རིགས་དང་ཁོང་གིས་ཤིན་ཏུ་གཅེས་བའི་རི་བོ་ཛི་ཡོན་ལ་འདམས་གནང་ངོ་།

⁶⁹དེ་རུ་ཁོང་གི་མཆོད་ཁང་བཞེངས་པ་དང་། དེ་ནི་ནམ་མཁའི་ཕོ་བྲང་ལྟ་བུ་ཡོད། ས་གཞི་དང་འདྲ་བརྟན་པོ་དང་དུས་རྒྱུན་གྱི་ཆེད་བཙན་པོར་འཇོག་གནང་ངོ་།

⁷⁰ཁོང་གིས་རང་གི་ཞབས་ཕྱི་དཱ་བིད་ལ་འདམས་གནང་བ་དང། རང་གི་ལུག་ཁྱུའི་བལྟ་སྐྱོང་བྱེད་པའི་རྩྭ་ཁའི་ནང་ནས་འཁྲིད་གནང་ངོ་། ཁོང་གིས་ཁོ་ལ་ཨིསི་རཱཨེལ་རྒྱལ་པོར་བསྐོས། དཀོན་མཆོག་མི་འབངས་ཚོ་ཡི་ལུག་རྫི་བཟོས།

⁷¹

⁷²དེའི་ཁོང་གིས་སྙིང་ནས་དེ་ཚོ་ལ། དྲང་བདེན་རྩལ་ལྡན་ལྟ་བུར་དེ་ཚོར་འཁྲིད༎