Read Tibetan — པོད་སྐད་Tibetan Old Testament 2011 གསུང་མགུར 79 Bible Online

གསུང་མགུར 79 - Tibetan — པོད་སྐད་Tibetan Old Testament 2011 bible

གསུང་མགུར 79

¹ཀྱེ་དཀོན་མཆོག་ཁྱེད་ཀྱི་ཡུལ་ནང་ཕྱི་པ་འཛུལ། ཁྱེད་ཀྱི་མཆོད་ཁང་དམ་པར་གྲིབ་ཅན་བཟོས། དེ་ཚོས་ཡེ་རུ་ཤ་ལེམ་རྩ་མེད་བཟོས།

²དེ་ཚོས་ཁྱེད་ཀྱིས་མི་མང་ཚོ་ཡི་རོ་རྣམས་ནི་བྱ་རྒོད་ཚོར་ཟ་བའི་ཕྱིར་དུ་སྤྲད། ཁྱེད་ཀྱི་ཞབས་ཕྱི་ཚོའི་རོ་རྣམས་ནི་གཅན་གཟན་ཚོར་སྤྲད།

³དེ་ཚོའི་ཁྱེད་ཀྱི་མི་མང་ཚོ་ཡི་ཁྲག་ནི་ཆུ་དང་འདྲ་བ་བོར། ཡེ་རུ་ཤ་ལེམ་ཡོངས་སུ་ཆུ་དང་འདྲ་བ་ཁྲག་རྒྱུག་གོ། འཆི་མཁན་ཚོ་ལ་ནི་སྦས་མཁན་སུ་ཡང་མེད།

⁴ཁྱིམ་མཚེས་མི་རིགས་དེ་ཚོས་ང་ཚོར་དམའ་འབེབས་བཏང་བ་དང་། དེ་ཚོས་འཕྱ་ཞིང་ང་ཚོར་ཁྲེལ་གད་བྱས།

⁵གཙོ་བོ་དཀོན་མཆོག་ཁྱེད་ནི་ནམ་བར་ཐུགས་ཁྲོའམ། གཏན་དུ་ཐུགས་ཁྲོ་མེ་ལྟར་འབར་འོང་ངམ།

⁶ཁྱེད་ལ་མི་མཆོད་མཁན་གྱི་མི་རིགས་དང། ཁྱེད་ལ་སྨོན་ལམ་མི་འདེབས་མཁན་ཚོའི་སྟེང་། ཁྱེད་ཀྱི་ཐུགས་ཁྲོ་དེ་ནི་བླུགས་པར་མཛོད།

⁷གང་ལགས་ཟེར་ན་དེ་ཚོས་ཁྱེད་ཀྱི་མི་མང་བསད་པ་དང་། ཁྱེད་ཀྱི་ཡུལ་དེ་གྱང་གོག་ལྟ་བུར་བཟོས།

⁸ང་ཚོའི་ཕ་མེས་ཚོ་ཡི་ཉེས་སྡིག་གིས། ཆད་པ་ང་ཚོའི་སྟེང་དུ་མ་གནང་ཞིག། ཁྱེད་ཀྱི་སྙིང་རྗེ་ད་ལྟ་ང་ཚོར་སྟོན་རོགས་གནང་། ང་ཚོས་རེ་བ་ཚང་མ་འཐོར་ནས་ཡོད།

⁹ཀྱེ་དཀོན་མཆོག་ང་ཚོར་སྐྱབས་གྲོགས་གནང་རོགས་གནང། ཁྱེད་ཀྱི་མཚན་གྱི་གཟི་བརྗིད་ཀྱི་ཕྱིར་དུ། ང་ཚོའི་སྡིག་པར་སྐྱབས་ནས་བཟོད་སྲན་མཛོད།

¹⁰མི་རིགས་ཚོས་དེ་ལྟར་ཅི་ལ་བྲིས། ཁྱོད་ཚོའི་དཀོན་མཆོག་གང་དུ་བཞུགས་ཡོད་དམ། ཁྱེད་ཀྱི་ཞབས་ཕྱིའི་ཁྲག་དེ་སྟོར་མཁན་གྱི། མི་རིགས་དེ་ཚོར་ཉེས་ཆད་གཏོང་བ་དེ་ང་ཚོར་མཐོང་དུ་བཅུག།

¹¹བཙོན་པ་རྣམས་ཀྱི་འཁུན་སྐད་ཁྱེད་ཀྱིས་གསན་རོགས་གནང། སྲོག་ཐོག་ཉེས་ཆད་ཕོག་པ་ཚོར་ཁྱེད་ཀྱི་མཐུ་ཡིས་སྐྱོབ།

¹²གཙོ་བོ་ཁྱེད་ལ་སྨད་མཁན་མི་རིགས་གཞན་ཚོ་ལ། སྨད་པའི་ཆད་པ་བདུན་ལྡབ་གནང་བར་མཛོད།

¹³དེ་ནས་ང་ཚོ་ཁྱེད་ཀྱི་མི་འབངས་དང་ཁྱེད་ཀྱི་ཁྱུ་ཡི་ལུག་རྣམས་ཀྱིས། ཁྱེད་ལ་གཏན་གྱི་ཆེད་དུ་གཏང་རག་འབུལ། དུས་རྒྱུན་གྱི་ཆེད་དུ་ཁྱེད་ལ་བསྟོད་པ་ཕུལ་རྒྱུ་ཡིན༎