Read Tibetan — པོད་སྐད་Tibetan Old Testament 2011 གསུང་མགུར 81 Bible Online

གསུང་མགུར 81 - Tibetan — པོད་སྐད་Tibetan Old Testament 2011 bible

གསུང་མགུར 81

¹ང་ཚོའི་བསྲུང་སྐྱོབས་བྱེད་མཁན་དཀོན་མཆོག་ལ་དགའ་པོའི་ངང་སྐད་ཤུགས་ཆེན་པོ་བརྒྱབ་ཅིག། ཡ་ཀོབ་དཀོན་མཆོག་ཁོང་ལ་བསྟོད་དབྱངས་འཕུལ་ཤིག།

²མགུར་མ་ལེན་འགོ་ཚུགས་ནས་ལག་རྔ་རྣམས་བརྡུང་ཤིག། པི་ཝང་དང་སྒྲ་སྙན་མཉམ་དུ་རོལ་མོ་སྙན་པོ་གཏོང་།

³བཅོ་ལྔའི་ཚེས་དང་གནམ་གང་ཟླ་ཚེས་ཀྱི་དུས་ཆེན་སྐབས་སུ་དུང་འབུད་ཅིག།

⁴འདི་ནི་ཨིསི་རཱཨེལ་གྱི་བཀའ་ཁྲིམས་ཡིན། ཡ་ཀོབ་དཀོན་མཆོག་ཁོང་གི་བཀའ་ཡིན་ནོ།

⁵ཨི་ཇིབ་ཡུལ་དུ་འཐབ་པར་སོང་བའི་དུས། ཁོང་གིས་ཨིསི་རཱཨེལ་པ་ཚོར་བཀའ་འདི་གནང་། ང་ཡི་མི་ཤེས་པ་ཡི་སྐད་ཅིག་ཐོས།

⁶ཁྱོད་ཚོའི་གཉའ་བའི་འཁུར་པོ་ངས་ཕབ་ཅིང་། ས་ཕག་འཁུར་པོ་ཕབ་ནས་ཁྱེད་ཐར་བཅུག།

⁷ཁྱོད་ཀྱིས་དཀའ་ངལ་ཕྱིར་འབོད་ངས་ཁྱོད་སྐྱབས། ང་ཡི་ཡིབ་པའི་གནས་རླུང་ཚུབ་ནང་ནས་ངས་ཁྱོད་ལན་འདེབས་བྱས། མ་རི་བ་ཡི་ཆུ་ཡི་ཉེ་འགྲམ་དུ། ང་ཡིས་ཁྱོད་ལ་ཚོད་ལྟ་བྱེད་པ་ཡིན།

⁸ང་ཡི་མི་མང་ང་ཡི་ཟོན་བརྡར་ཉོན། ཨིསི་རཱཨེལ་ཁྱོད་ཚོས་ང་ལ་ཉན་པའི་ང་ཡིས་འདོད་པ་བྱེད་ཀྱི་ཡོད།

⁹ཁྱོད་ཚོས་ལྷ་སྐུ་གཞན་ལ་ནམ་ཡང་མཆོད་མི་རུང་།

¹⁰ང་ནི་གཙོ་བོ་དཀོན་མཆོག་ཁྱོད་ཚོའི་དཀོན་མཆོག་ཡིན། ཁྱོད་ཚོར་ཨི་ཇིབ་ཡུལ་ནས་འཁྲིད་ཡོང་མཁན། ཁྱོད་ཚོའི་ཁ་གདངས་ཤིག། ང་ཡིས་ཟས་སྦྱིན་པར་འགྱུར།

¹¹འོན་ཀྱང་ང་ཡི་འབངས་ཀྱིས་ངར་མི་ཉན། ཨིསི་རཱཨེལ་པ་ཚོས་ངའི་བཀའ་ལ་བརྩིས་སྲུང་མི་བྱས་སོ།

¹²དེར་བརྟེན་ངས་དེ་ཚོར་རང་གི་གྱོང་པའི་བྱེད་ཚུལ་བཞིན་དུ་འགྲུལ་བའི་ཕྱིར། དེ་ཚོས་རང་འདོད་བཞིན་དུ་བྱེད་དུ་བཅུག།

¹³གལ་ཏེ་ང་ཡི་འབངས་ཀྱིས་ང་ལ་ཉན་པ་དང། ཨིསི་རཱཨེལ་ང་ཡི་ལམ་དུ་འགྲུལ་ཡོད་ན།

¹⁴ང་ཡིས་དེ་ཚོའི་དགྲ་རྣམས་གྱོགས་པོར་འཕམ་ཤིང། དེ་ཚོའི་ཐོག་ཏུ་ལག་པ་བརྐྱངས་པ་ཡོད།

¹⁵ང་ལ་སྡང་མཁན་རྣམས་ང་ཡི་མདུན་དུ་འཇིགས་ཤིང་དགུར། དེ་ཚོའི་ཉེས་ཆད་དུས་རྒྱུན་དུ་གནས།

¹⁶འོན་ཀྱང་ཁྱོད་ཚོ་ལ་ནི་གྲོ་ལེགས་ཤོས་ཟས་སུ་གནང་། རི་ཡི་སྦྲང་རྩིས་ཁྱོད་ལ་ཚིམ་བཅུག་གོ།