Read Tibetan — པོད་སྐད་Tibetan Old Testament 2011 གསུང་མགུར 85 Bible Online

གསུང་མགུར 85 - Tibetan — པོད་སྐད་Tibetan Old Testament 2011 bible

གསུང་མགུར 85

¹གཙོ་བོ་དཀོན་མཆོག་ཁྱེད་ཀྱིས་ཡུལ་ཐོག་སྙིང་རྗེས་གཟིགས། ཨིསི་རཱཨེལ་ལ་ནི་སླར་ཡང་ཕྱུག་པོ་བཟོས།

²ཁྱེད་ཀྱིས་མི་འབངས་ཀྱི་སྡིག་པ་རྣམས་སེལ་བར་མཛད། དེ་ཚོའི་ནོར་འཁྲུལ་ཡོངས་རྫོགས་བཟོད་གསོལ་གནང།

³ཁྱེད་ཀྱིས་ཁོ་ཚོ་མཉམ་དུ་ཐུགས་ཁྲོས་རྒྱུར་སྤངས་གནང་བ་དང་། ཁྱེད་ནི་འབར་བའི་ཐུགས་ཁྲོ་ལས་ནི་ཕྱིར་ལོག་གནང་།

⁴ཀྱེ་དཀོན་མཆོག་ང་ཚོའི་སྐྱབས་མགོན་ང་ཚོར་ཕྱིར་འཁྲིད་མཛོད། ང་ཚོ་མཉམ་དུ་མི་དགའ་བ་མ་གནང་ཞིག།

⁵ཁྱེད་ནི་ང་ཚོར་རྒྱུན་དུ་ཐུགས་ཁྲོས་སམ། ཁྱེད་ཀྱི་ཐུགས་ཁྲོ་ནམ་ཡང་མི་ཆད་དམ།

⁶ང་ཚོ་སྐྱར་དུ་སྟོབས་ཆེན་བཟོས་རོགས་གནང་དང་། ང་ཚོ་ཁྱེད་ཀྱི་མི་མང་ཁྱེད་ལ་བསྟོད་པར་འགྱུར།

⁷གཙོ་བོ་དཀོན་མཆོག་ང་ཚོར་རྒྱུན་ལྡན་ཐུགས་བརྩེ་སྟོན་མཛོད། ང་ཚོར་ཐར་ལམ་དགོངས་བཞེས་གནང་བར་མཛོད།

⁸གཙོ་བོ་དཀོན་མཆོག་ཁོང་གིས་ཇི་གསུངས་ང་ཡིས་ཉན། ང་ཚོ་གླེན་པའི་ལམ་དུ་ཕྱིར་མ་ལོག་ན། ཁོང་གི་རང་གི་མི་མང་ཚོ་ལ་ཞི་བདེའི་དམ་བཅའ་འཇོག་གནང་ངོ་།

⁹ཁོང་ལ་བཀུར་སྟི་བྱེད་མི་དེ་ཚོ་ལ། སྐྱབས་ཕྱིར་བདེན་པར་གྲ་སྒྲིགས་བཞུགས་ཡོད་དོ། ང་ཚོར་སྐྱབས་ཕྱིར་ཡུལ་དུ་ཁོང་བཞུགས་པར་འགྱུར།

¹⁰བརྩེ་བ་དང་ནི་དམ་ཚིག་ཅན་མཉམ་མཐུན་པར་འགྱུར། དྲང་བདེན་དང་ནི་ཞི་བདེ་གཅིག་ཏུ་མཐུན་པར་འགྱུར།

¹¹མི་ཡི་དམ་ཚིག་ཅན་ས་གཞི་ནས་ཡར་ཐོན། དཀོན་མཆོག་ཁོང་གི་དྲང་བདེན་མཐོ་རིས་ནས་མར་ལ་གཟིགས།

¹²གཙོ་བོ་དཀོན་མཆོག་གི་ང་ཚོར་འཕེལ་རྒྱལ་གནང་བ་དང་། ང་ཚོའི་ས་གཞིའི་སྟོན་ཐོག་མང་པོ་སྐྱེས།

¹³དྲང་བ་ཉིད་ནི་ཁོང་གི་སྔོན་དུ་འགྲོ། དེ་ཡིས་ཁོང་གི་ཕེབས་ལམ་གྲ་སྒྲིགས་བྱས༎