Read Tibetan — པོད་སྐད་Tibetan Old Testament 2011 གསུང་མགུར 89 Bible Online

གསུང་མགུར 89 - Tibetan — པོད་སྐད་Tibetan Old Testament 2011 bible

གསུང་མགུར 89

¹ཀྱེ་གཙོ་བོ་དཀོན་མཆོག་ང་ནི་རྒྱུན་དུ་ཁྱེད་ཀྱི་རྒྱུན་ལྡན་ཐུགས་བརྩེའི་གླུ་ལེན། ཁྱེད་ཀྱི་དམ་ཚིག་ཅན་གྱི་སྐོར་ཤོད་ཀྱིས་ཡིན།

²ཁྱེད་ཀྱི་བྱམས་པ་རྒྱུན་དུ་གནས་ངེས་ཤེས། ཁྱེད་ཀྱི་དམ་ཚིག་ཅན་ནམ་མཁའ་བཞིན་དུ་བརྟན་པོ་ཡོད།

³ང་ཡི་འདམས་པའི་མི་དང་དམ་བཅའ་བཞག་ཡོད་གསུངས། རང་གི་བྲན་པོ་དཱ་བིད་དང་མཉམ་མནའ་སྐྱེལ་ལོ།

⁴ཁྱེད་ཀྱི་རིགས་བརྒྱུད་ནས་གཅིག་རྟག་ཏུ་རྒྱལ་པོར་གནས། ཁྱོད་ཀྱི་རྒྱལ་རྒྱུད་རྒྱུན་དུ་ང་ཡིས་སྐྱབས།

⁵གཙོ་བོ་དཀོན་མཆོག་མཐོ་རིས་ཁྱེད་ཀྱི་ངོ་མཚར་ཅན་གྱི་མཛད་པའི་སྐོར་མགུར་མ་ལེན། ཁྱེད་ཀྱི་དམ་ཚིག་ཅན་གྱི་སྐོར་དམ་པ་རྣམས་ཀྱིས་མགུར་མ་ལེན།

⁶གཙོ་བོ་དཀོན་མཆོག་མཐོ་རིས་སུ་ཁྱེད་འདྲ་སུ་ཡང་མེད། མཐོ་རིས་སུ་སྲོག་ཡོད་ཁྱེད་འདྲ་སུ་ཡང་མེད།

⁷དམ་པའི་ཚོགས་སར་ཁྱེད་ལ་གུས་ཞབས་བྱེད་པ་དང་། ཚང་མས་ཁྱེད་ལ་འཇིགས་ནས་ལངས།

⁸གཙོ་བོ་དཀོན་མཆོག་ཀུན་དབང་ལྡན་པའི་དཀོན་མཆོག་ཁྱེད་འདྲ་བ་སྟོབས་ལྡན་སུ་ཡང་མེད། ཀྱེ་གཙོ་བོ་དཀོན་མཆོག་ཁྱེད་ཀྱི་བྱ་བ་ཚང་མ་དམ་ཚིག་ལྡན་པ་ཡིན།

⁹ཁྱེད་ཀྱིས་སྟོབས་ལྡན་རྒྱ་མཚོར་སྲིད་དབང་མཛད། རྦ་རླབ་དྲག་པོ་ཁྱེད་ཀྱིས་ཞི་བར་མཛད།

¹⁰སེམས་ཅན་ར་ཧབ་ལ་ནི་ཁྱེད་ཀྱིས་བཏུབ་ནས་བསད། ཁྱེད་ཀྱི་དགྲ་རྣམས་མཐུ་ཡིས་འཕམ་བཅུག་གོ།

¹¹མཐོ་རིས་དང་ས་གཞི་ཁྱེད་རང་གི་ཡིན། འཇིག་རྟེན་དང་དེའི་ནང་དངོས་རིགས་ཇི་ཡོད་ཁྱེད་ཀྱིས་བཟོས་གནང་ངོ་།

¹²ལྷོ་བྱང་གཉིས་ནི་ཁྱེད་ཀྱིས་བཟོས་པ་གནང་། ཏ་བོར་དང་ནི་ཧར་མོན་རི་བོ་ཚོས་དགའ་ཞིང་ཁྱེད་ལ་གླུ་ལེན་ནོ།

¹³ཁྱེད་ནི་ཇི་ལྟར་དབང་ལྡན་ཡིན། ཁྱེད་ཀྱི་མཐུ་སྟོབས་ནི་ཇི་ལྟར་ཆེ།

¹⁴དྲང་བདེན་དང་ནི་ཞལ་ཆེ་ནི་ཁྱེད་ཀྱི་རྒྱལ་སྲིད་ཀྱི་མང་གཞི་ཡིན། ཁྱེད་ཀྱི་བྱ་བ་རྣམས་ལ་ནི་བྱམས་པ་དང་། དམ་ཚིག་ཅན་གསལ་པོར་སྟོན་ཡོད།

¹⁵ཁྱེད་ལ་མགུར་མ་ལེན་ནས་མཆོད་མཁན་རྣམས་དང། ཁྱེད་ཀྱི་སྐུ་དྲིན་གྱི་འོད་ནང་འགྲུལ་མི་ཇི་ཙམ་དགའ།

¹⁶ཁྱེད་ཀྱི་རྐྱེན་གྱི་དེ་ཚོས་དགའ་ཞིང་ཉིན་གང་བསྡད། ཁྱེད་ཀྱི་བཟང་བ་ཉིད་ཕྱིར་དེ་ཚོས་བསྟོད།

¹⁷ཁྱེད་ཀྱིས་ང་ཚོར་རྒྱལ་ཁ་ཆེན་པོ་གནང་ཡོད། ཁྱེད་ཀྱིས་བྱམས་པའི་ངང་ང་ཚོར་རྒྱལ་ཁ་ལྡན་མཛད།

¹⁸ཀྱེ་གཙོ་བོ་དཀོན་མཆོག་ཁྱེད་ཀྱིས་ང་ཚོའི་སྲུང་མཁན་འདམས། ཁྱེད་ཨིསི་རཱཨེལ་གྱི་དཀོན་མཆོག་དམ་པས་ང་ཚོར་ང་ཚོའི་རྒྱལ་པོ་གནང་༎

¹⁹སྔོན་དུས་ཁྱེད་ཀྱིས་ཞལ་གཟིགས་ཞིག་གནང་ནས། རང་གི་དམ་ཚིག་ཅན་ཞབས་ཕྱི་རྣམས་ལ་འདི་ལྟར་གསུངས། ང་ཡིས་སྙན་གྲགས་ཅན་དམག་མི་ཞིག་ལ་རོགས་རམ་བྱས། ང་ཡིས་མི་མང་ནང་ནས་འདམས་པའི་གཅིག་ལ་རྒྱལ་ཁྲི་སྤྲས།

²⁰ང་ཡི་བྲན་པོ་དཱ་བིད་ཁོ་ལ་ནི། འབྲུ་མར་བྱུགས་ཏེ་རྒྱལ་པོར་བསྐོས་གནང་ངོ་།

²¹ང་ཡི་མཐུ་སྟོབས་རྒྱུན་དུ་ཁོ་མཉམ་གནས། ང་ཡིས་ནུས་པས་ཁོ་ནི་སྟོབས་ཆེན་བཟོ།

²²ཁོ་ཡི་དགྲ་བོས་ཁོ་ལ་ནམ་ཡང་རྒྱལ་མི་ཐུབ། ངན་པས་ཁོ་ལ་ནམ་ཡང་འཕམ་མི་ཐུབ།

²³ཁོ་ཡི་དགྲ་བོར་ང་ཡིས་མེད་པར་བྱ། ཁོ་ལ་ཞེན་ལོག་བྱ་མཁན་གསོད་རྒྱུ་ཡིན།

²⁴ང་ཡི་བྱམས་པ་དང་ནི་དམ་ཚིག་ཅན་ཁོ་དང་གནས། ང་ནི་རྒྱུན་དུ་ཁོ་ལ་རྒྱལ་ཁ་སྤྲད།

²⁵ངས་ཁོ་ཡི་རྒྱལ་ཁམས་མེ་ཌི་ཊ་རེ་ནི་ཡན་ནས། གཙང་པོ་ཡུབ་རད་བར་དུ་ཁྱབ།

²⁶ཁོ་ཡིས་ང་ལ་ཁྱེད་ནི་ང་ཡི་ཡབ་དཀོན་མཆོག། ང་ཡི་སྲུང་སྐྱོབ་དང་ནི་སྐྱབས་མགོན་ཡིན་ཟེར།

²⁷དེ་ལ་ང་ཡི་བུ་ནི་རྒལ་ཤོས་དང་། རྒྱལ་པོའི་ནང་ནས་མཆོག་འགྱུར་བཟོ་བར་བྱ།

²⁸ང་ནི་རྒྱུན་དུ་ཁོ་དང་ཞལ་ཆད་འཇོག་པ་དེ་སྒྲབ་རྒྱུ་ཡིན། ཁོ་དང་མཉམ་དུ་འཇོག་པའི་དམ་བཅའ་ནི་རྒྱུན་དུ་བརྟན་པོར་གནས།

²⁹དེ་ཡི་རྒྱལ་རྒྱུད་ནམ་མཁའ་ལྟར་གཏན་འཇགས་གནས། དེ་ཡི་རིགས་བརྒྱུད་ནས་གཅིག་གིས་གཏན་དུ་རྒྱལ་པོ་བྱས།

³⁰འོན་ཀྱང་ཁོ་ཡི་རིགས་བརྒྱུད་དེ་ཚོས། ང་ཡི་བཀའ་ཁྲིམས་ལ་ནི་མ་སྲུང་ན། ང་ཡི་བཀའ་ལྟར་མི་ཚེ་མ་སྐྱེལ་ན།

³¹དེ་ཚོས་ང་ཡི་བསླབ་བྱར་དོ་སྣང་དང་། ང་ཡི་བཀའ་ཁྲིམས་མ་ཉན་ན།

³²དེ་ནས་ངས་དེ་ཚོའི་སྡིག་པའི་ཆེད་དུ་ཆད་པ་གཏོང་རྒྱུ་ཡིན། དེ་ཚོའི་ནོར་འཁྲུལ་ཕྱིར་དུ་མྱོང་དུ་འཇུག།

³³འོན་ཀྱང་དཱ་བིད་གཅེས་རྒྱུ་ངས་མི་སྤངས། ཁོ་དང་བཞག་པའི་དམ་བཅའ་སྒྲུབ་རྒྱུ་ཡིན།

³⁴ངས་ཁོ་དང་བཞག་པའི་དམ་བཅའ་སྟོངས་མི་ཡོང་། དམ་བཅའ་གཅིག་ཀྱང་ཕྱིར་ལོག་ལེན་མི་ཡོང་།

³⁵ང་ཡི་དམ་པའི་མཚན་ནང་དུས་རྒྱུན་གྱི་ཆེད་དམ་བཅའ་བཞག། ང་ནི་དཱ་བིད་མཉམ་དུ་རྫུན་མི་སྨྲ།

³⁶དེ་ཡི་རིགས་བརྒྱུད་རྟག་ཏུ་གནས་པ་དང་། དེ་ཡི་རྒྱལ་ཁག་ཉི་མ་ཤར་བའི་ཇི་སྲིད་བར་དུ་བལྟ་རྒྱུ་ཡིན།

³⁷ནམ་མཁར་དཔང་པོ་བཞིན་དུ་ལུས་པ་དང་། ཟླ་བ་བཞིན་དུ་རྟག་ཏུ་རྒྱལ་ཁག་གནས༎

³⁸འོན་ཀྱང་ཁྱེད་ཀྱིས་འདམས་པའི་རྒྱལ་པོར་ཐུགས་ཁྲོ་བཞེས། ཁྱེད་ཀྱིས་ཁོ་ལ་སྤངས་ནས་དབྱུགས་གནང་ངོ་།

³⁹ཁྱེད་ཀྱིས་བྲན་པོར་བཞག་པའི་དམ་བཅའ་སྟོར། དེ་ཡི་ཅོད་པན་འདམ་ནང་དབྱུགས་པར་མཛད།

⁴⁰ཁྱེད་ཀྱི་ཁོ་ཡི་ར་བ་ཡོངས་སུ་སྟོར། ཁོ་ཡི་མཁར་རྣམས་གྱང་གོག་ཏུ་འགྱུར་གནང་ངོ་།

⁴¹ལམ་དུ་འགྲོ་མིས་ཁོའི་དངོས་རིགས་རྐུས་བཞིན་འདུག། ཁྱིམ་མཚེས་རྣམས་ཀྱིས་ཁོའི་སྟེང་གད་བཞིན་འདུག།

⁴²ཁྱེད་ཀྱིས་ཁོ་ཡི་དགྲ་རྣམས་རྒྱལ་བཅུག་ཅིང་། ཁྱེད་ཀྱིས་དེ་ཚོར་དགའ་བར་བཟོས་གནང་ངོ་།

⁴³ཁོ་ཡི་མཚོན་ཆ་ཁྱེད་ཀྱི་དོན་མེད་བཟོས། ཁྱེད་ཀྱིས་ཁོ་ལ་དམག་སར་འཕམ་བཅུག་གོ།

⁴⁴ཁྱེད་ཀྱིས་ཁོའི་རྒྱལ་པོའི་ཕྱག་བེར་འཕྲོག། ཁོ་ཡི་རྒྱལ་ཁྲི་ས་ཁར་རྡབ་པར་མཛད།

⁴⁵དུས་མ་རན་སྔོན་ནས་ཁྱེད་ཀྱིས་ཁོ་ལོ་རྒས་བཅུག། དེ་ནས་ངོ་ཚས་ཁོ་ལ་བཀབ་གནང་ངོ་༎

⁴⁶གཙོ་བོ་དཀོན་མཆོག་ཁྱེད་ནི་རྒྱུན་དུ་གབ་ནས་བཞུགས་གནང་ངམ། ཁྱེད་ཀྱི་ཐུགས་ཁྲོ་ནམ་བར་འབར་འགྱུར་རམ།

⁴⁷ང་ཡི་མི་ཚེ་ཇི་ལྟར་ཐུང་བ་དྲན། ཁྱེད་ཀྱིས་ང་ཚོ་ཚང་མར་མི་རྟག་པ་བཀོད་བ་དྲན་པར་མཛོད།

⁴⁸མ་འཆི་པར་གསོན་པོ་སུ་བསྡད་ཐུབ་བམ། མིའི་རིགས་ཇི་ལྟར་དུར་ནས་ཐར་ཐུབ་བམ།

⁴⁹གཙོ་བོ་ཁྱེད་ཀྱིས་སྔོན་དུ་གནང་བའི་བྱམས་པའི་ཁུངས་སྐྱེལ་གང་དུ་སོང། དཱ་བིད་ལ་གནང་བའི་ཞལ་ཆེ་གང་དུ་སོང་།

⁵⁰ང་ཁྱེད་ཀྱི་བྲན་པོར་འཕྱ་སྨད་བྱུང་ཡོད་དེ། དད་མེད་ཚོའི་དམོད་མོ་རྣམས་ང་ཡིས་ཇི་ལྟར་བཟོད་བསྲན་བྱེད་པ་མ་མརྗེད་ཅིག།

⁵¹ཁྱེད་ཀྱིས་འདམས་པའི་རྒྱལ་པོར་ཁྱེད་ཀྱི་དགྲ་བོས་སྨད། ཁོ་ནི་གང་དུ་སོང་ཡང་དེ་ཚོས་འཕྱ་སྨད་བྱས།

⁵²གཙོ་བོ་དཀོན་མཆོག་ལ་ནི་རྒྱུན་དུ་བསྟོད་བསྔོགས་ཤིག། ཨ་མེན། ཨ་མེན༎