Read Tibetan — པོད་སྐད་Tibetan Old Testament 2011 གསུང་མགུར 92 Bible Online

གསུང་མགུར 92 - Tibetan — པོད་སྐད་Tibetan Old Testament 2011 bible

གསུང་མགུར 92

¹ཀྱེ་གཙོ་བོ་དཀོན་མཆོག་བླ་མེད་དཀོན་མཆོག་ཁྱེད་ལ་གཏང་རག་འབུལ་རྒྱུ་དང། ཁྱེད་ལ་གུས་ཞབས་ངང་མགུར་མ་ལེན་རྒྱུ་དེ་ནི་ཇི་ལྟར་བཟང་།

²རྒྱུད་བཅུའི་རོལ་ཆས་སྒྲ་སྙན་སྐད་བཏོན་ནས། པི་ཝང་གི་དབྱངས་བཏོན་ནས། སྔ་དྲོ་རེ་བཞིན་ཁྱེད་ཀྱི་རྒྱུན་ལྡན་ཐུགས་བརྩེ་སྐོར་དང་། མཚན་མོ་རེ་བཞིན་ཁྱེད་ཀྱི་དམ་ཚིག་སྐོར་ལ་གསལ་སྒྲགས་བྱེད་བཞིན་ཡོད།

⁴ཀྱེ་གཙོ་བོ་དཀོན་མཆོག་ཁྱེད་ཀྱི་མཛད་པ་རླབས་ཆེན་གྱིས་ང་ལ་དགའ་བ་ཐོབ། ཁྱེད་ཀྱི་ཇི་གནང་དེ་ཡི་ང་ནི་དགའ་བའི་གླུ་ལེན་ནོ།

⁵གཙོ་བོ་དཀོན་མཆོག་ཁྱེད་ཀྱི་མཛད་པ་རྣམས་ནི་ཇི་ལྟར་རླབས་ཆེན་ལགས། ཁྱེད་ཀྱི་བསམ་ཚུལ་ཇི་ལྟར་གཏིང་རིང་ངོ་།

⁶འདི་ནི་གླེན་པ་ཞིག་གིས་ཤེས་མི་ཐུབ། བྱོལ་སོང་འདྲ་བ་ཞིག་གིས་རྟོགས་མི་ཐུབ།

⁷མི་ངན་རྣམས་ནི་རྩྭ་ངན་དང་འདྲ་བ་སྐྱེས་སྲིད། སྡིག་ལས་བྱེད་མི་རྣམས་ཡར་རྒྱས་ཕུན་ཚོགས་བྱུང་སྲིད། འོན་ཀྱང་དེ་ཚོ་ཡོངས་་སུ་སྟོངས་བར་འགྱུར།

⁸གང་ལགས་ཟེར་ན་གཙོ་བོ་དཀོན་མཆོག་ཁྱེད། མཐའ་མའི་བར་དུ་བླ་ན་མེད་པ་ཡིན།

⁹ཁྱེད་ཀྱིས་དགྲ་རྣམས་ཚར་བཅད་ང་ཚོས་ཤེས། སྡིག་སྤྱོད་མི་རྣམས་ཡོངས་སུ་ཕམས་པར་འགྱུར།

¹⁰ཁྱེད་ཀྱིས་ང་ལ་ནགས་ཀྱི་གླང་ལྟར་སྟོབས་ཤུགས་བཟོས། ཁྱེད་ཀྱིས་ང་ལ་དགའ་བྲོའི་བྱིན་རླབས་གནང་།

¹¹རང་གི་དགྲ་རྣམས་ཕམ་པ་ང་ཡིས་མཐོང་། སྡིག་སྤྱོད་རྣམས་ཀྱི་ངུ་སྐད་ང་ཡིས་ཐོས།

¹²དྲང་བདེན་མི་རྣམས་ཁ་ཟུར་ཤིང་ལྟར་འཕེལ། ལེབ་ནོན་འགྱམ་ཤིང་ལྟ་བུར་དེ་ཚོ་འཕེལ་བར་འགྱུར།

¹³དེ་ཚོ་གཙོ་བོ་དཀོན་མཆོག་ཕོ་བྲང་ནང་། བཙུགས་པའི་ཤིང་དང་འདྲ་བ་འབྱུང་བར་འགྱར། དེ་ཚོ་ནི་ང་ཚོའི་དཀོན་མཆོག་ཁོང་གི་མཆོད་ཁང་དུ་འཕེལ།

¹⁴ཤིང་སྡོང་རྒས་ཀྱང་འབྲས་བུ་ཆགས་ནས། རྒྱུན་དུ་རྩ་ལྟར་སྔོ་ཞིང་བརྟན་པོར་གནས།

¹⁵གཙོ་བོ་དཀོན་མཆོག་ཁོང་ནི་ཁྲིམས་དྲང་ཡིན་པ་དེ་ལས་ཤེས། ང་ཡི་སྲུང་སྐྱོབ་དེ་ལ་ནོར་འཁྲུལ་མེད༎