Read Tibetan — པོད་སྐད་Tibetan Old Testament 2011 གསུང་མགུར 95 Bible Online

གསུང་མགུར 95 - Tibetan — པོད་སྐད་Tibetan Old Testament 2011 bible

གསུང་མགུར 95

¹ཤོག་ཅིག་ང་ཚོས་གཙོ་བོ་དཀོན་མཆོག་ཁོང་ལ་བསྟོད། ང་ཚོར་སྲུང་མཁན་དཀོན་མཆོག་ཁོང་ལ་དགའ་བའི་གླུ་ལེན་ཞིག།

²གཏང་རག་འབུལ་ནས་ཁོང་གི་དྲུང་དུ་ཤོག། ཁོང་ལ་བསྟོད་དབྱངས་འབུལ་ནས་དགའ་བའི་གླུ་ལེན་ཞིག།

³གལ་ལགས་ཟེར་ན་གཙོ་བོ་དཀོན་མཆོག་ཁོང་ནི་སྟོབས་ལྡན་དཀོན་མཆོག་ཡིན། ལྷ་རྟེན་ཡོངས་ཀྱི་སྟེང་དུ་ཁོང་ནི་སྟོབས་ལྡན་རྒྱལ་པོ་ཡིན།

⁴ས་གཞིའི་གཏིང་ཟབ་ལས་ཀྱང་ལྷག་པའི་བྲག་རོང་ལས། མཐོ་བ་ལས་ཀྱང་མཐོ་བའི་རི་རྣམས་བར། ས་གཞི་ཀུན་གྱི་ཐོག་ཏུ་ཁོང་གི་རྒྱལ་སྲིད་བསྐྱངས།

⁵ཁོང་རང་གིས་མཛད་པའི་རྒྱ་མཚོའི་སྟེང་དང་། ས་གཞིའི་ཐོག་ཏུ་ཁོང་གིས་རྒྱལ་སྲིད་སྐྱོང་།

⁶ཤོག་ཅིག་ང་ཚོས་ཁོང་ལ་མགོ་སྒུར་ཕྱག་འཚལ་ཞིག། ང་ཚོར་མཛད་མཁན་གཙོ་བོ་དཀོན་མཆོག་ཁོང་གི་དྲུང་དུ་པུས་མོ་བཙུགས།

⁷ཁོང་ནི་ང་ཚོའི་དཀོན་མཆོག་ཡིན་པ་དང་། ང་ཚོ་ནི་ཁོང་གིས་གཅེས་སྐྱོང་གནང་བའི་འབངས་དང་ཁ་ཟས་གནང་བའི་ལུག་ཁྱུ་ཡིན།

⁸མེ་རི་བ་རུ་ཁྱོད་ཚོའི་ཕ་མེས་རྣམས། ཉིན་ཞིག་མ་སེའི་འབྲོག་སྟོང་ཡུལ་དུ་ནི། སེམས་གཤིས་གྱོང་པོ་བྱེད་པ་ལྟ་བུར་ཁྱོད་ཚོས་མ་བྱེད་ཅིག།

⁹ང་ཡིས་ཁོ་ཚོའི་ཆེད་དུ་བྱས་པའི་ལས་རྣམས་མཐོང་ན་ཡང་། གནས་དེར་ཁོ་ཚོས་ང་ལ་ཚོད་ལྟ་བྱེད་ཡོད་དོ།

¹⁰ང་ནི་དེ་ཚོ་མཉམ་དུ་ལོ་ནི་བཞི་བཅུའི་རིང་བར་དུ་ཞེན་ལོག་སྐྱེས། དེ་ཚོ་དམ་ཚིག་མེད་པའི་མི་རྣམས་ཡིན་ཞེས་ང་ཡིས་སྨྲས། དེ་ཚོས་ང་ཡི་བཀའ་རྒྱ་སྲུང་བར་ཁས་མི་ལེན།

¹¹ང་ནི་ཁོང་ཁྲོ་ལངས་བས་དམ་བཅའ་ནན་པོ་ཞིག་བཞག་པ་ཡིན། ང་ཡིས་ངལ་གསོ་སྤྲད་པའི་ཡུལ་དེར་ཁྱོད་ཚོ་ནམ་ཡང་འཛུལ་མི་ཡོང༎