Read Tibetan — པོད་སྐད་Tibetan Old Testament 2011 གསུང་མགུར 96 Bible Online

གསུང་མགུར 96 - Tibetan — པོད་སྐད་Tibetan Old Testament 2011 bible

གསུང་མགུར 96

¹གཙོ་བོ་དཀོན་མཆོག་ཁོང་ལ་མགུར་མ་གསར་པ་ཞིག་ལེན་ཤིག། ས་གཞི་ཀུན་གྱིས་གཙོ་བོ་དཀོན་མཆོག་ཁོང་ལ་བསྟོད་དབྱངས་ཕུལ།

²གཙོ་བོ་དཀོན་མཆོག་ལ་ནི་མགུར་མ་ལེན་ནས་བསྟོད་བསྔོགས་ཤིག། ཁོང་གིས་ང་ཚོར་སྐྱབས་པའི་འཕྲིན་བཟང་ཉིན་རེར་ཤོད།

³ཁོང་གི་གཟི་བརྗིད་སྐོར་ལ་མི་རིགས་རྣམས་ལ་ཤོད། ཁོང་གི་མཛད་འཕྲིན་རླབས་ཆེན་ཀུན་ལ་ཤོད།

⁴གཙོ་བོ་དཀོན་མཆོག་ཁོང་ནི་རླབས་ཆེན་ཡིན་པས་བསྟོད་དགོས་སོ། ལྷ་རྟེན་ཀུན་ལས་མང་བ་ཁོང་ལ་གུས་བཀུར་བྱོས།

⁵གཞན་ཡུལ་ཀུན་གྱི་ལྷ་རྣམས་འདྲ་སྐུ་གཅིག་པུ་ཡིན། འོན་ཀྱང་གཙོ་བོ་དཀོན་མཆོག་ཁོང་གིས་མཐོ་རིས་བཀོད།

⁶གཟི་བརྗིད་དང་དཔལ་གྱིས་ནི་ཁོང་ལ་བསྐོར། སྟོབས་དང་མཛེས་སྡུག་གིས་ནི་ཁོང་གི་མཆོད་ཁང་གང་།

⁷ས་གཞིའི་མི་རྣམས་ཀུན་ཁོང་ལ་བསྟོད་ཤིག། ཁོང་གི་གཟི་བརྗིད་མཐུ་སྟོབས་སྐོར་ལ་བསྟོད།

⁸གཙོ་བོ་དཀོན་མཆོག་ཁོང་གི་གཟི་བརྗིད་ལྡན་པའི་མཚན་ལ་བསྟོད། འབུལ་བ་འཁྱེར་ནས་ཁོང་གི་མཆོད་ཁང་ནང་ཤོག་ཅིག།

⁹དམ་པ་མཆོག་མཇལ་དུས་ཁོང་ལ་ཕྱག་འཚོལ་ཞིག། འཇིག་རྟེན་ཀུན་གྱི་ཁོང་དྲུང་འདར་འགྱུར་ཅིག།

¹⁰གཙོ་བོ་དཀོན་མཆོག་རྒྱལ་པོ་ཡིན་པ་མི་རིགས་ཀུན་ལ་ཤོད། ས་གཞི་བརྟན་པོར་འཇོག་པས་གཡོ་མི་ཐུབ། ཁོང་གིས་མི་ཚོར་དྲང་བདེན་སྒོ་ནས་ཁྲིམས་གཅོད་གནང་།

¹¹ས་གཞི་དང་ནི་ནམ་མཁས་དགའ་བར་བྱོས། རྒྱ་མཚོ་དང་དེའི་ནང་ཡོད་པའི་སྲོག་ཆགས་ཚང་མས་ངར་སྐད་རྒྱོབ་ཅིག།

¹²ཐང་དང་ཁྱོད་ནང་ཡོད་ཚད་ཚང་མས་དགའ་སྤྲོ་བྱོས། ནགས་ཀྱི་ཤིང་རྣམས་དགའ་བས་སྐད་ཅོར་རྒྱོབ།

¹³ས་གཞིར་རྒྱལ་སྲིད་སྐྱོང་བར་གཙོ་བོ་དཀོན་མཆོག་ཁོང་ཕེབས་སྐབས། ཁོང་གིས་འཇིག་རྟེན་མི་ཚོར་ཁྲིམས་དྲང་ཐོག་ནས་རྒྱལ་སྲིད་བསྐྱངས༎