Read Tibetan — པོད་སྐད་Tibetan Old Testament 2011 གསུང་མགུར 97 Bible Online

གསུང་མགུར 97 - Tibetan — པོད་སྐད་Tibetan Old Testament 2011 bible

གསུང་མགུར 97

¹གཙོ་བོ་དཀོན་མཆོག་རྒྱལ་པོ་ཡིན་པས་ས་གཞིར་དགའ་བར་བྱོས། རྒྱ་མཚོ་རྣམས་ཀྱི་གླིན་ཕྲན་ཚོ་ཁྱོད་ཚོ་དགའ་བར་བྱོས།

²ཁོང་ལ་སྤྲིན་དང་མུན་པས་ཡོངས་སུ་བསྐོར། ཁོང་གིས་དྲང་བདེན་དང་དྲང་པོའི་ཁྲིམས་ལྟར་རྒྱལ་སྲིད་བསྐངས།

³ཁོང་གི་མདུན་དུ་མེ་རྒྱུག་པ་དང། ཁོང་གི་ཕྱོགས་བཞིར་དགྲ་བོ་ཚོར་ཚར་གཅོད་བཏང་བཞིན་འདུག།

⁴ཁོང་གིས་གློག་འཁྱུག་ས་གཞིར་འོད་ཟེར་འཕྲོས། ས་གཞིས་དེ་མཐོང་ནས་འདར།

⁵གཙོ་བོ་དཀོན་མཆོག་མདུན། ས་གཞི་ཀུན་གྱི་གཙོ་བོའི་མདུན། རི་རྣམས་སྤྲ་ཚིལ་བཞིན་དུ་བཞུར།

⁶མཐོ་རིས་རྣམས་ཀྱིས་ཁོང་གི་དྲང་བདེན་གསལ་བསྒྲགས་བྱས། མི་རིགས་ཀུན་གྱི་ཁོང་གི་གཟི་བརྗིད་མཐོང་།

⁷འདྲ་སྐུ་མཆོད་མཁན་ཚོ་ནི་ངོ་ཚར་ཚུད། ལྷ་རྣམས་གཙོ་བོ་དཀོན་མཆོག་ཁོང་གི་དྲུང་དུ་ཕྱག་འཚལ་གྱིས།

⁸ཀྱེ་གཙོ་བོ་དཀོན་མཆོག་ཁྱེད་ཀྱི་དཔྱད་མཚམས་ཀྱིས། ཛི་ཡོན་གྱི་མི་མང་དགའ་བ་དང་། ཡ་ཧུ་དཱ་ཡི་གྲོང་ཁྱེར་རྣམས་དགའ་མགུར་རངས།

⁹ཀུན་དབང་ལྡན་པའི་གཙོ་བོ་ཁྱེད་ནི་ས་གཞིར་འཕགས་པའི་སྲིད་སྐྱོང་པ་ལགས། ལྷ་རྣམས་ཀུན་ལས་ཁྱེད་ནི་ཧ་ཅང་མཐོ།

¹⁰གཙོ་བོ་དཀོན་མཆོག་ཁོང་གིས་ངན་པར་སྡང་མཁན་གཅེས་པོ་གནང་། ཁོང་གི་རང་གི་འབངས་ལ་སྲུང་སྐྱོབ་གནང་། ཁོང་གིས་དེ་ཚོར་ངན་པའི་སྟོབས་ལས་སྐྱབས།

¹¹དྲང་བདེན་མི་ཚོའི་སྟེང་དུ་འོད་ཟེར་འཕྲོ། བཟང་པོ་རྣམས་ཀྱི་སྟེང་དུ་དགའ་སྤྲོའི་ཁྱབས།

¹²གཙོ་བོ་དཀོན་མཆོག་ཁོང་གིས་བྱ་བ་ཇི་གནང་དེའི་རྐྱེན་གྱིས། ཁྱོད་ཚོ་དྲང་བདེན་ཡིན་པ་ཚང་མས་དགའ་ཞིང་མགུ། དམ་པའི་དཀོན་མཆོག་ཇི་མཛད་ལ། དྲན་ལས་ཁོང་ལ་བསྟོད་ཅིང་གཏང་རག་འབུལ༎