Read Tibetan — པོད་སྐད་Tibetan Old Testament 2011 ལེགས་བཤད 6 Bible Online

ལེགས་བཤད 6 - Tibetan — པོད་སྐད་Tibetan Old Testament 2011 bible

ལེགས་བཤད 6

¹ངའི་བུ། གཞན་གི་བུ་ལོན་ལ་ཁྱོད་ཀྱིས་འགན་ཁུར་རྒྱུ་མནའ་འསྐྱལ་ཡོད་དམ།

²ཁྱོད་ཀྱི་གཏམ་གྱིས་རང་ཉིད་བཟུང་ཡོད་དམ། རང་གི་མནས་རྙིད་ནང་འཚུད་ཡོད་དམ།

³དེ་བས་ན་ངའི་བུ། ཁྱོད་མི་གཞན་གྱི་དབང་འོག་ཏུ་ཡོད་དོ། འོན་ཀྱང་དེ་ལས་དེ་ལྟར་ཐར་བར་བྱ་དགོས། མགྱོགས་པོར་ཁོའི་རྩར་སོང་ནས་ཁོ་ལ་གློད་རོགས་གནང་ཞེས་ཞུ་བ་འབུལ་ཞིག

⁴ཁྱོད་རང་ཉིད་གཉིད་ཁུག་པའམ་ངལ་གསོ་བར་མ་འཇུག་ཅིག

⁵བྱིའུ་ཞིག་རྙི་ལས་ཐོན་པ་འམ་ཤ་བ་ཞིག་རྔོན་པ་ལས་བྲོས་པ་ལྟར་ཐོན་ཞིག

⁶ལེ་ལོ་ཅན་གྱི་སྐྱེ་བོ་ཆོས་གྲོག་མའི་མི་ཚེ་ནས་སློབ་སྦྱོང་བྱེད་དགོས།

⁷དེ་ཚོ་ལ་འགོ་འཁྲིད་དང་དཔོན་པོ་དང་རྒྱལ་པོ་བཅས་པ་གང་ཡང་མེད་དོ།

⁸འོན་ཀྱང་དེ་ཚོས་དབྱར་ཁའི་རིང་ཟ་ཆས་གསོགས་པ་དང་དགུན་ཁའི་ཆེད་དུ་གྲ་སྒྲིགས་བྱེད་དོ།

⁹ལེ་ལོ་ཅན་ནི་དུས་ཚོད་ཇི་ཙམ་རིང་ཉལ་སར་གཉིད་ལོག་ནས་སྡོད་དམ། ཁོ་ག་དུས་ཡར་ལངས་ཀྱི་རེད་དམ།

¹⁰ཁོས་རང་ཉིད་དུས་ཆོད་ཐུང་ཙམ་ཞིག་ཉལ་གྱི་ཡིན། ངས་ལག་པ་ལྟེབ་བརྩེག་རྒྱབ་ནས་ངལ་གསོ་ཐུང་ཙམ་ཞིག་བྱེད་ཟེར་རོ།

¹¹འོན་ཀྱང་ཁོ་ཉལ་བའི་སྐབས་ལ་དབུལ་འཕོང་གིས་ཁོ་ལ་མཚོན་ཆ་ལྡན་པའི་རྐུན་མ་ལྟར་འཐབ་པར་བྱེད་དོ།

¹²མི་ཕན་མེད་མི་ངན་ནི་རྫུན་ཤོད་བཞིན་འགྲོ་བར་བྱེད་དོ།

¹³དེ་ཚོས་མིག་བཙུམ་རྒྱབ་ནས་ཁྱོད་ལ་བསླུ་འཁྲིད་བྱ་རྒྱུའི་བརྡ་གཏོང་བར་བྱེད་པ་དང་།

¹⁴དེ་ཚོས་ངན་པའི་སེམས་ནང་མུ་མཐུད་འཆར་གཞི་ངན་པ་གཏིང་བ་དང་། ས་ཁུལ་ཡོངས་སུ་ཟིང་འཁྲུགས་སློང་བར་བྱེད་དོ།

¹⁵དེའི་རྐྱེན་གྱིས་ཉེན་བརྡ་མེད་པར་དེ་ཚོའི་ཐོག་རྐྱེན་ངན་འབྱུང་བར་འགྱུར་་བ་དང་དེ་ཚོ་འཆི་བར་འགྱུར།

¹⁶གཙོ་བོ་དཀོན་མཆོག་གི་ཐུགས་མི་མཉེས་པ་དང་བཟོད་སྲན་གནང་མི་ཐུབ་པ་བྱ་བ་བདུན་ཡོད་པ་ནི། སྤོབས་པ་ཅན་གྱི་བལྟ་ཚུལ། རྫུན་བཤད་པའི་ལྕེ། མི་སྐྱོན་མེད་བསད་པའི་ལག་པ། འཆར་གཞི་ངན་པ་གཏིང་བའི་སེམས། ངན་ལས་བྱེད་པར་འགྲོ་བའི་རྐང་པ། གཅིག་འཇུག་གཉིས་འཇུག་གིས་རྫུན་བཤད་མཁན་དཔང་པོ། གྲོགས་པོ་ཚོའི་ཁྲོད་དུ་ཟིང་འཁྲུགས་སློང་མཁན་གྱི་མི་བཅས་སོ༎

²⁰ངའི་བུ། ཁྱོད་ཀྱི་ཡབ་ཀྱིས་ཇི་ལྟར་གསུངས་པར་བྱོས་ཤིག ཁྱོད་ཀྱི་ཡུམ་གྱི་བསླབ་པ་རྣམས་རྩ་བ་ནས་མ་རྗེད་པ་གྱིས་ཤིག

²¹རྟག་ཏུ་དེ་ཚོའི་བཀའ་ལ་བདག་པོ་གྱིས་ལ་སེམས་ཀྱི་ནང་ལ་སྲུང་ནས་འཇོག་ཅིག

²²དེ་ཚོའི་སློབ་སྟོན་གྱིས་ཁྱོད་འགྲུལ་སྐབས་སུ་ལམ་སྟོན་དང་། མཚན་མོར་སྲུང་སྐྱོབ་དང་ཉིན་མོའི་རིང་བསླབ་བྱ་རྒྱབ་པར་བྱེད་དོ།

²³དེ་ཚོའི་སློབ་སྟོན་རྣམས་འཚེར་བའི་འོད་ཡིན་པ་དང་། དེ་ཚོའི་བཅུན་པ་དེས་ཇི་ལྟར་འཚོ་དགོས་སློབ་པར་བྱེད་དོ།

²⁴དེ་ཚོས་ཁྱོད་ལ་བུད་མེད་ངན་པ་དང་གཞན་གྱི་ཆུང་མའི་བསླུ་འཁྲིད་ཀྱིས་གཏམ་ལས་ཐག་རིང་འཇོག་པར་བྱེད་དོ།

²⁵དེ་ཚོའི་མཛེས་སྡུག་ལ་མགོ་མ་འཁོར་ལ། དེ་ཚོའི་འཕྲུལ་ཚ་པོའི་མིག་གི་རྙི་ནང་མ་འཚུད་ཅིག

²⁶མི་ཞིག་གིས་མད་འཚོང་མ་ཞིག་གི་ཆེད་དུ་རང་གི་བག་ལེབ་མཐའ་མའི་རིན་ལ་སྤྲད་དོ། འོན་ཀྱང་གཞན་གྱི་ཆུང་མ་མཉམ་དུ་བྱེད་པའི་ལོག་གཡེམ་གྱིས་ཁོ་ཡི་མི་ཚེ་རིང་སྡུག་བསྔལ་འཁྱེར་ཡོང་བར་འགྱུར།

²⁷ཁྱོད་ཀྱི་བྲང་ཁོག་སྟེང་དུ་མེ་བཞག་ནས་གྱོན་གོས་མ་འཚིག་པར་བྱེད་ཐུབ་བམ།

²⁸ཁྱོད་ཀྱིས་སོལ་བ་ཚ་པོའི་སྟེང་དུ་གོམ་པ་སྤོས་ནས་རྐང་པ་མ་ཚིག་པར་བྱེད་ཐུབ་བམ།

²⁹དེ་ལྟར་གཞན་གྱི་ཆུང་མ་མཉམ་དུ་ཉལ་རྒྱུ་ནི་ཉེན་ཁ་ཆེན་པོ་ཡོད་པ་དང་། དེ་ལྟར་བྱ་མཁན་ཚོར་སྡུག་པོ་མྱོང་བར་འགྱུར་རོ།

³⁰རྐུན་མ་ཞིག་གིས་ལྟོགས་ནས་བརྐུ་བ་ཡིན་ན་མིས་སྡང་པོ་བྱེད་མི་ཡོང་།

³¹འོན་ཀྱང་ཁོ་བཟུང་བ་ཡིན་ན་ཁོས་ལྡབ་བདུན་མང་བ་འཇལ་དགོས་པ་དང་། ཁོ་ལ་ཡོད་པ་ཚང་མ་བློས་གཏོང་དགོས་སོ།

³²འོན་ཀྱང་ལོག་གཡེམ་བྱ་མཁན་སྐྱེ་བོ་དེ་ལ་བློ་གྲོས་མེད་དོ། ཁོ་རང་རང་ཉིད་མེད་པ་བཟོ་བཞིན་ཡོད་དོ།

³³ཁོ་ལ་དམའ་འབེབས་དང་བརྡུང་བར་འགྱུར། ཁོ་ནི་གཏན་དུ་ཞབས་འདྲེན་དུ་འགྱུར་རོ།

³⁴ཁྱོ་ཞིག་ཕྲ་དོག་བྱེད་སྐབས་ཧ་ཅང་ཁྲོ་བ་དང་། ཁོའི་དགྲ་ཤ་ལེན་རྒྱུར་ཚད་མེད་དོ།

³⁵ཁོས་དངུལ་གང་ཡང་མི་ལེན་པ་དང་ཁོའི་ཁྲོ་བ་དེ་རྔན་པ་ཇི་འདྲ་ཞིག་གིས་ཀྱང་ཞི་བར་མི་འགྱུར༎