Read Tibetan — པོད་སྐད་Tibetan Old Testament 2011 འཆད་པ་པོ 11 Bible Online

འཆད་པ་པོ 11 - Tibetan — པོད་སྐད་Tibetan Old Testament 2011 bible

འཆད་པ་པོ 11

¹ཁྱོད་རང་གི་དངུལ་དེ་ཕྱི་རྒྱལ་གྱི་ཚོང་ལ་མ་རྩ་གཏོང་ཞིག་དང། ཉིན་ཞིག་ཁྱོད་ལ་མཁེ་བཟང་མང་པོ་ཡོང་བར་འགྱུར།

²ཁྱོད་ཀྱི་རྒྱུ་དངོས་རྣམས་ས་ཁུལ་མང་པོར་མ་རྩ་གཏོང་ཞིག གང་ལགས་ཟེར་ན། འཛམ་གླིང་འདིའི་ནང་རྗེས་ལ་ཇི་ཡོང་ཁྱོད་ཀྱིས་ནམ་ཡང་ཤེས་མི་ཡོང།

³ཤིང་སྡོང་ཞིག་ས་ཕྱོགས་གང་དུ་འགྱེལ་ན་ཡང་གནས་དེ་རང་ལ་ལུས་པར་འགྱུར། སྤྲིན་པ་ཆུའི་ཁངས་ན་ཆར་པ་འབབ་པར་འགྱུར།

⁴ཁྱོད་ཀྱིས་རླུང་དང་གནམ་གཤིས་དུས་མ་རན་བར་དུ་སྒུག་པ་ཡིན་ན། ཁྱོད་ཀྱིས་སྟོན་ཐོག་བཏབ་པ་དང་གང་ཡང་རྔ་བར་མི་འགྱུར་རོ།

⁵དེ་ཚོ་ཚང་མ་དཀོན་མཆོག་གིས་བཟོས་གནང་བ་དང། ཁྱོད་ཀྱི་བུད་མེད་ཀྱི་མངལ་གྱི་ནང་ཕྲུ་གུ་ཇི་ལྟར་ཆགས་པ་དེ་མི་ཤེས་པ་ལྟར། ཁོང་གིས་ཇི་ལྟར་གནང་བ་ཁྱོད་ཀྱིས་ཤེས་པར་མི་འགྱུར་རོ།

⁶ཁྱོད་ཀྱིས་ས་བོན་བཏབ་རྒྱུ་དེ་སྔ་དྲོ་དང་ཕྱི་དྲོ་ཡང་བཏབས་ཤིག ཁྱོད་ཀྱིས་དེ་ཚོ་ཚང་མ་སྐྱེས་པའམ་ཡང་ན་བཏབ་ཐེངས་གཅིག་ལ་ཚང་མ་ལེགས་པ་སྐྱེ་ཡོང་མི་ཡོང་མི་ཤེས་སོ།

⁷ཉི་འོད་སྐྱིད་པོ་དེ་ལ་ལོངས་སྤྱོད་ཐུབ་པ་བཟང་ངོ།

⁸ལོ་ལྟར་རེ་བཞིན་ཁྱོད་འཚོ་བར་གནས་པ་ལ་མཆོག་ཤེས་བྱོས་ཤིག ཁྱོད་ཡུན་རིང་པོ་ཇི་ལྟར་འཚོ་ན་ཡང་དེ་ལས་རིང་བ་ཁྱོད་ཀྱི་འཚི་བ་དེ་ཡིན་པ་དྲན་ཞིག རེ་བ་བྱ་རྒྱུ་གང་ཡང་མེད་དོ༎

⁹ཀྱེ་ན་གཞོན་ཚོ། རང་གི་ན་གཞོན་དུས་སུ་རང་ཉིད་ལོངས་དཔྱོད་ཅིག ན་གཞོན་སྐབས་སུ་དགའ་བའི་ངང་འཚོ་ཞིག། ཁྱོད་ཀྱིས་ཇི་ལྟར་འདོད་པརབྱོས་ཤིག། ཁྱོད་ཀྱི་སེམས་ཀྱི་འདོད་པའི་རྗེས་སུ་འཇུག་ཅིག། འོན་ཀྱང་ཁྱོད་ཀྱི་ཇི་ལྟར་གྱིས་པ་ལ་དཀོན་མཆོག་གིས་ཁྱོད་ལ་ཞིབ་དཔྱོད་གནང་རྒྱུ་ཡིན་པ་དེ་དྲན་ཞིག

¹⁰ཁྱོད་ལ་ཅི་ཞིག་གི་ཀྱང་སེམས་འཁྲལ་དང་སྡུག་བསྔལ་ཡོང་དུ་མ་འཇུག། ཁྱོད་རང་ཡུན་རིང་པོ་ན་གཞོན་རང་ལ་གནས་མི་ཡོང༎