Read Tibetan — པོད་སྐད་Tibetan Old Testament 2011 གསུང་གླུ 5 Bible Online

གསུང་གླུ 5 - Tibetan — པོད་སྐད་Tibetan Old Testament 2011 bible

གསུང་གླུ 5

¹ང་ཡི་སྙིང་སྡུག་དང་མནའ་མ། ང་ཡི་ལྡུམ་རའི་ནང་དུ་འཛུལ་ཡོད། ང་ཡིས་སྨན་སྣ་དང་ནི་གུ་གུལ་བསྡུ། ང་ཡི་སྦྲང་རྩི་དང་ནི་སྦྲང་ཚང་ཟ། ང་ཡིས་རྒུན་ཆང་དང་འོ་མ་འཐུང་བཞིན་ཡོད། ཟ་ཞིག་དང། བརྩེ་ལྡན་རྣམས། འཐུང་ཞིག། ཁྱོད་ཚོ་བརྩེ་བས་མ་བཟི་བར་འཐུང་ཞིག།

²གཉིད་ལོག་སྐབས་སུ་ང་ཡི་སེམས་གཉིད་སད་ཡོད། རྨི་ལམ་ནང་དུ་བརྩེ་ལྡན་སྒོ་བརྡུང་མཐོང་། ང་ཡི་བརྩེ་ལྡན་སྙིང་སྡུག་བརྩེ་གྲོགས་ང་ནང་དུ་ཡོང་འཇུག། ང་ཡི་མགོ་ནི་ཟིལ་པས་རློན་པར་འགྱུར། ང་ཡི་སྐྲ་ནི་རྨུག་པས་རློན་པར་འགྱུར།

³ང་ཡི་གོས་ཕུད་སྐྱར་དུ་ཅི་ལ་གྱོན། རྐང་པ་འཁྲུས་པས་སྐྱར་རྩོག་ཅི་ལས་བཟོ།

⁴ང་ཡི་བརྩེ་ལྡན་ལག་པ་སྒོར་བཞག་སོང་། ཁོང་ནི་ཉེ་འགྲམ་ཡོད་པས་ང་དགའ་འོ།

⁵ཁོ་ནི་ནང་དུ་ཡོང་འཇུག་གྲ་སྒྲིགས་ཡོད། ང་ཡིས་སྒོ་ཡི་ལུང་དེ་འཇུ་བའི་སྐབས། ང་ཡི་ལག་པ་གུ་གུལ་གྱིས་བཏུམ་ཡོད། མཛུབ་མོ་གུ་གུལ་རློན་པས་བཏུམ་ནས་ཡོད།

⁶བརྩེ་ལྡན་ཆེད་དུ་ང་ཡི་སྒོ་འབྱེད་སྐབས། འོན་ཀྱང་ཁོང་ནི་དེ་ནས་ཐོན་ཟིན་འདུག། ཁོང་གི་གསུང་དེ་ཐོས་རྒྱུར་ང་འདོད་དོ། ང་ཡིས་ཁོང་ལ་རྩལ་ཀྱང་ཁོང་མ་རྙེད། ང་ཡིས་ཁོང་ལ་འབོད་ཀྱང་ལན་མ་ཐོས།

⁷གྲོང་ཁྱེར་སྐོར་སྲུང་བསྐྱོད་མཁན་ཚོ་ང་དང་འཕྲད། དེ་ཚོས་ང་ལ་བརྡུང་ཞིང་རྨས་པར་བྱས། གྲོང་ཁྱེར་དེ་ཡི་ལྕགས་རི་སྲུང་མཁན་ཚོས། ང་ཡི་སྟོད་ཁེབས་དེ་ནི་ཧྲལ་ནས་སོང་།

⁸ཡེ་རུ་ཤ་ལེམ་པ་ཡི་བུད་མེད་ཚོ་ང་ལ་དམ་བཅའ་བྱོས། ང་ཡི་བརྩེ་ལྡན་དེ་དང་འཕྲད་འགྱུར་ན། ང་ནི་འདོད་ཆགས་ཉམ་ཆུང་འགྱུར་ཡོད་སྐོར་ཁོང་ལ་ཞུ།

⁹བུད་མེད་ཁྲོད་ནས་ཤིན་ཏུ་མཛེས་པོ་ཁྱོད་ཀྱི་ནི། བརྩེ་ལྡན་གཞན་དང་མི་འདྲ་ཅི་ཡོད་དམ། ང་ཚོས་ཁྱོད་ལ་དམ་བཅའ་བྱེད་དགོས་པའི། ཁོའི་སྐོར་ངོ་མཚར་ལྡན་པ་ཅི་ཡོད་དམ།

¹⁰ང་ཡི་སྙིང་སྡུག་མཚར་ཞིང་སྟོབས་ཤུགས་ལྡན། ཁོང་ནི་ཁྲི་གཅིག་ནང་ནས་ཁོང་འདྲ་མེད།

¹¹ཁོང་གི་ཞལ་རས་དམར་ཞིང་འཇམ་པོ་ཡོད། ཁོང་གི་སྐྲ་ནི་སུ་ལུ་དང་ནག་པོ་ཕོ་རོག་ལྟར་ཡོད།

¹²ཁོང་གི་སྤྱན་ནི་ཆུ་འགྲམ་ཕུག་རོན་ལྟར། འོ་མས་འཁྲུས་པ་དང་རྒྱུག་ཆུའི་འགྲམ། ལངས་ནས་ཡོད་པ་ཕུག་རོན་ལྟ་བུ་མཛེས་སྡུག་ལྡན།

¹³ཁོ་ཡི་འགྲམ་པ་རྩྭ་དང་སྨན་ནས་ཁེངས། ལྡུམ་ར་ལྟ་བུ་ཡིད་དུ་འོང་བ་ཡོད། ཁོ་ཡི་མཆུ་ལྟོ་ནི་གུ་གུལ་ཆུ་ཡིས། རློན་པ་བྱས་པ་ཀུ་མུད་མེ་ཏོག་འདྲ།

¹⁴ཁོང་གི་ཕྱག་ནི་དབྱིབས་དང་ལྡན་པ་ཡོད། ནོར་བུས་རྒྱན་པས་ཚིགས་ཁོག་གྱོན་པར་བྱེད། གཟུགས་པོར་ཨིན་དྲ་ལི་ནི་རྒྱན་པ་བ་སོ་ལྟ་བུ་འཇམ།

¹⁵ཁོ་ཡི་བརླ་ཤ་ཀ་མ་རུ་པའི་ཀ་བ། གསེར་གྱི་ཁུང་ནང་དུ་བཅུག་ཡོད་དོ། ཁོ་ཡི་གཟི་བརྗིད་ལེ་བ་ནོན་རིའི་སྟེང་། འགྱམ་ཤིང་རིང་པོ་བརྗིད་ཉམ་ལྡན་ལྟར་རོ།

¹⁶ཁོང་གི་ཁ་ལ་འོ་སྐྱལ་མངར་མོ་ཡོད། ཁོང་ནང་ཡོད་པ་ཚང་མས་ང་ལ་མགུ་བར་བྱེད། ཡེ་རུ་ཤ་ལེམ་ཡི་བུད་མེད་རྣམས། ང་ཡི་སྙིང་སྡུག་འདི་ལྟར་འདྲ་བ་ཡིན༎