Read Tibetan — པོད་སྐད་Tibetan Old Testament 2011 གསུང་གླུ 7 Bible Online

གསུང་གླུ 7 - Tibetan — པོད་སྐད་Tibetan Old Testament 2011 bible

གསུང་གླུ 7

¹ཁྱོད་ནི་མཚར་ཆེ་བ་བུ་མོ་ཇི་འདྲ་ཡིན། ཁྱོད་ཀྱི་ལྷམ་གོན་རྐང་པ་ཇི་ལྟར་མཛེས། ཁྱོག་པའི་བརླ་ཤ་རྩལ་ལྡན་ལས་འདྲའོ།

²ཁྱོད་ཀྱི་ལྟེ་བ་ཕོར་པ་སྒོར་སྒོར་ལྟ་བུ་ཡོད། དེར་སྨན་སྣ་རྒྱབ་པའི་རྒུན་ཆང་ནམ་ཡང་མི་རྫོགས། ཁྱོད་ཡི་གྲོད་པར་ཀུ་མུད་མེ་ཏོག་བསྐོར་བའི་གྲོ་ཡི་ཆག་པ་ལྟ་བུ་ཡོད།

³ཁྱོད་ཀྱི་ནུ་མ་ཤ་བའི་མཚེ་མ། གནའ་བ་གཉིས་པོ་ལྟ་བུར་ཡོད་པ་ཡིན།

⁴ཁྱོད་ཀྱི་སྐེ་ནི་བ་སོའི་གན་དཧོ་འདྲ། ཁྱོད་ཀྱི་མིག་ནི་གྲོང་ཁྱེར་ཆེན་པོ་དེ། རྒྱལ་སྒོའི་འགྲམ་དུ་ཧེཤ་བྷོན་གྲོང་ཁྱེར་གྱི། ཆུ་ཡི་རྫིང་བུ་རྣམས་དང་མཚུངས་པ་ཡིན། ཁྱོད་ཀྱི་སྣ་ནི་དྷ་མསེ་ཀསེ་སྲུང་མཁན། ལེ་བ་ནོན་གན་དཧོ་ལྟར་ཡིད་དུ་འོང་།

⁵ཁྱོད་ཀྱི་མགོ་ནི་རི་བོ་ཀར་མེལ་ལྟར། མཐོ་པོར་འདེགས་ཤིང་ལྷས་པའི་སྐྲ་དེ་ནི། དྲུའུ་རྩེ་སྤུ་ལེགས་ལྟ་བུ་འཚེར་བ་ཡོད། མཛེས་སྡུག་དེ་ཡིས་རྒྱལ་པོ་དབང་བཟུང་བྱེད།

⁶ཁྱོད་ནི་ཡིད་འོང་ཇི་ལྟར་མཛེས་པོ་ཡོད། ཁྱོད་ཀྱི་བརྩེ་བ་ནས་དགའ་སྤྲོ་ཇི་འདྲ་ཆ་ཚང་ཐོབ།

⁷ཁྱོད་ནི་ཁ་ཟུར་ཤིང་ལྟར་ཉམས་དོད་པོ། ནུ་མ་རྣམས་ནི་ཁ་ཟུར་ཤིང་འབྲས་གཅིག་བསྡུས་འདྲ།

⁸ང་ནི་ཁ་ཟུར་ཤིང་འཛེགས་འབྲས་བུ་འཐུ། ཁྱེད་ཀྱི་ནུ་མ་རྣམས་ནི་རྒུན་འབྲུམ་ཆག་པ་འདྲ། ཁྱོད་ཀྱི་དབུ་ནི་ཀུ་ཤུའི་དྲི་བཟང་ལྟར།

⁹ཁྱོད་ཀྱི་ཁ་ནི་རྒུན་ཆང་ལེགས་ཤོས་མཚུངས༎ དེ་ནས་རྒུན་ཆང་ང་ཡི་བརྩེ་ལྡན་རྩར། ཐད་ཀར་ཁོང་གི་མཆུ་ལྟོ་དང་། སོ་ཡི་སྟེང་དུ་རྒྱུག་ནས་འགྲོ་རུ་བཅུག།

¹⁰ང་ནི་ང་ཡི་བརྩེ་ལྡན་ལ་བདག་པས། ཁོ་ཡིས་ང་ལ་འདོད་པར་བྱེད།

¹¹བརྩེ་ལྡན་ཤོག་དང་ང་ཚོ་གྲོང་ནང་འགྲོ། གྲོང་གསེབ་ནང་དུ་མཚན་མོར་གནས་སྡོད་བྱ།

¹²ང་ཚོས་སྔ་པོ་ལངས་ནས་རྒུན་ཚལ་ཚོར། དེ་ཚོ་སྐྱེ་འགོ་ཚུགས་པ་ཡོད་དང་མེད། དེ་ཚོ་འཛུམ་བཞད་ཁ་འབྱེད་ཡོད་མེད་དང་། སེ་འབྲུ་སྡོང་པོ་འཛུམ་བཞད་བལྟ་བར་འགྲོ། ང་ཡི་བརྩེ་བ་ཁྱེད་ལ་དེ་གར་བྱིན།

¹³ཁྱོད་ཀྱིས་དྲི་ཞིམ་ཡོད་པའི་རྩི་ཤིང་ལྡུམ་བུའི་དྲི་བཟང་སྣུམ་ནུས། ང་ཚོའི་སྒོའི་འཁྲིད་ཤིང་ཏོག་ཞིམ་པོ་འདྲ་མིན། བརྩེ་ལྡན་ཁྱེད་ཀྱི་ཆེད་དུ་བཞག་ཡོད་དོ༎