Read Tibetan — པོད་སྐད་Tibetan Old Testament 2011 ཡེ་ཤ་ཡཱ 12 Bible Online

ཡེ་ཤ་ཡཱ 12 - Tibetan — པོད་སྐད་Tibetan Old Testament 2011 bible

ཡེ་ཤ་ཡཱ 12

¹མི་མང་མགུར་མ་ལེན་པའི་དུས་ཤིག་ཡོང། ང་ཡིས་གཙོ་བོ་དཀོན་མཆོག་ཁྱེད་ལ་བསྟོད། ཁྱེད་ཀྱི་ཐུགས་དགོངས་ང་ལ་ཁྲོ་ཡོད། ཁྱེད་ཀྱི་ཐུགས་ཁྲོ་ཞི་བར་འགྱུར་བས་ན། ད་ཆ་ཁྱེད་ཀྱི་ང་ལ་སེམས་གསོ་གནང།

²དཀོན་མཆོག་ང་ཡི་སྐྱབས་མགོན་ཡིན། ང་ནི་ཁོང་ལ་བློས་འགེལ་མི་འཇིགས་སོ། གཙོ་བོ་དཀོན་མཆོག་མཐུ་དང་ནུས་པ་གནོང། ཁོང་ནི་ང་ཡི་སྐྱབས་མགོན་ཡིན་ནོ།

³ཆུ་གཙང་མས་ཁ་སྐོམ་པོར་དགའ་བ་བྱིན་པ་ལྟར། དཀོན་མཆོག་ཁོང་གི་མི་མང་ལ། སྐྱོབ་སྐབས་དེ་ཚོ་དགའ་ངོམས་བྱེད།

⁴མི་ཚོས་མགུར་མ་ལེན་པའི་དུས་ཤིག་ཡོང། གཙོ་བོ་དཀོན་མཆོག་ཁོང་ལ་ཐུགས་རྗེ་ཞུས། ཁྱོད་ལ་རོགས་པ་གནང་བར་ཁོང་ལ་བསྐུལ། ཁོང་གིས་ཇི་མཛད་མི་མང་ཡོངས་ལ་སྒྲོགས། ཁོང་ནི་རླབས་ཆེན་ཇི་ཡིན་དེ་ཚོར་སྒྲོགས།

⁵ཁོང་གིས་རླབས་ཆེན་ཇི་ལྟར་མཛད་པའི་རྐྱེན། གཙོ་བོ་དཀོན་མཆོག་ཁོང་ལ་མགུར་མ་ཕུལ། འཕྲིན་དེ་འཛམ་གླིང་ཡོངས་ཀྱི་ཐོས་པར་བྱོས།

⁶ཛི་ཡོན་ནང་དུ་སྡོད་པ་ཐམས་ཅད་ནས། སྐད་ཤུགས་ཆེན་པོས་ཁོང་ལ་མགུར་ལེན། ཨིསི་རཱཨེལ་པ་ཡི་དཀོན་མཆོག་དམ་པ་དང་ནི་རླབས་ཆེན་ཡིན། ཁོང་ནི་རང་གི་མི་མང་ཁྲོད་དུ་བཞུགས་པར་འགྱུར༎