Read Tibetan — པོད་སྐད་Tibetan Old Testament 2011 ཡེ་ཤ་ཡཱ 13 Bible Online

ཡེ་ཤ་ཡཱ 13 - Tibetan — པོད་སྐད་Tibetan Old Testament 2011 bible

ཡེ་ཤ་ཡཱ 13

¹དཀོན་མཆོག་ནས། ཨ་མོཛའི་བུ་ཡེ་ཤ་ཡཱ་ལ་བྷེ་བྷི་ལོན་གྱི་སྐོར་ལ་གསུང་འཕྲིན་གནང་བ་འདི་ལྟར་ཡིན་ནོ།

²རི་སྟོང་པའི་སྟེང་དུ་དམག་གི་དར་ཆེན་སྒྲེངས་ཤིག། དམག་མི་ཚོར་སྐད་འབོད་བྱས་ནས་ང་རྒྱལ་ཅན་གྱི་གྲོང་ཁྱེར་གྱི་རྒྱལ་སྒོར་འཐབ་པའི་བརྡ་གཏོང་བའི་ཆེད་ཁྱེད་ཀྱིས་ལག་པ་ཡར་སླང་ཞིག།

³གཙོ་བོ་དཀོན་མཆོག་གིས། སྤོབ་པ་ལྡན་པ་དང་གདེངས་ཡོད་པ་དམག་མི་རྣམས་ལ་དམ་པའི་དམག་རྒྱབ་པ་དང། ཁོང་ཐུགས་ཁྲོས་པ་ཚོར་ཉེས་ཆད་གཏོང་བར་བཀའ་འགུག་གནང་ངོ།

⁴རི་བོའི་སྟེང་དུ་མི་མང་བསྡུ་ཚོགས་ཆེན་པོའི་སྐད་དང། མི་རིགས་རྣམས་དང་རྒྱལ་ཁབ་ཁག་འདུ་འཛོམས་བྱེད་པའི་སྒྲར་ཉོན་ཞིག དམག་མི་ཚོའི་གཙོ་བོ་དཀོན་མཆོག་གྱིས་དམག་དཔུང་རྣམས་གཡུལ་གྱི་ཆེད་དུ་གྲ་སྒྲིགས་བྱེད་བཞིན་འདུག་གོ

⁵དེ་ཚོ་ས་གཞིའི་མཐའ་ནས་ས་ཐག་རིང་པོའི་ཡུལ་གྲུ་ཁག་ནས་ཡོང་བཞིན་ཡོད། གཙོ་བོ་དཀོན་མཆོག་གི་ཐུགས་ཁྲོ་བས་ཁོང་གིས་ཡུལ་ཆ་ཚང་མེད་པར་མཛད་པར་ཕེབས་བཞིན་ཡོད་དོ།

⁶ཉི་མོ་དེར་ནད་ཟུག་ཆེ་བས་སྐད་ངན་འདོན་ཅིག། ཀུན་དབང་ཅན་གྱིས་འཛིགས་པར་འཁྱེར་ཡོང་བར་འགྱུར། གཙོ་བོ་དཀོན་མཆོག་གི་ཉིན་མོ་ཐག་ཉེ་བར་ཡོད་པ་དང།

⁷ཚང་མས་ལག་པ་འཁྱོར་བ་དང་སྙིང་སྟོབས་ཁུམ་མོ།

⁸དེ་ཚོ་བུད་མེད་སྐྱེ་ཟུག་རྒྱབ་པ་ལྟར་འཇིགས་པ་དང་ནད་ཟུག་གིས་མནར་རོ། དེ་ཚོ་འཇིགས་ནས་གཅིག་གིས་གཅིག་ལ་བལྟ་བ་དང་དེ་ཚོའི་གདོང་ངོ་ཚས་འཚིགས་པར་འགྱུར།

⁹གཙོ་བོ་དཀོན་མཚོག་གི་ཉིན་མོ་སླེབས་བཞིན་ཡོད། ཉི་མོ་དེ་ནི་ཐུགས་ཁྲོ་དྲག་པོ་དང་སྐུ་རླུང་དྲག་པོའི་སྡུག་ཙུབ་ཅན་གྱི་ཉིན་མོ་ཡིན། ས་གཞི་རྣམས་མི་མེད་ལུང་སྟོང་བཟོ་གནང་བ་དང། སྡིག་ཅན་ཚང་མ་ཚར་གཅོད་པ་གནང་ངོ།

¹⁰སྐར་མ་རེ་རེ་དང་སྐར་ཚོགས་རེ་རེའི་འོད་ཟེར་འཕྲོ་བར་བཀག་པར་འགྱུར་བ་དང། ཉི་མ་ཤར་སྐབས་མུན་པར་འགྱུར་བ་དང་ཟླ་བས་འོད་མི་སྦྱིན་ནོ།

¹¹གཙོ་བོ་དཀོན་མཆོག་གིས། ངས་ས་གཞིར་རྐྱེན་ངན་གཏོང་བ་དང་མི་ངན་རྣམས་ཀྱི་སྡིག་པའི་ཆེད་དུ་དེ་ཚོ་ལ་ཉེས་ཆད་གཏོང་བར་འགྱུར། སྤོབས་པ་ཅན་ཚང་མར་ཉམས་ཆུང་བཟོས་པ་དང་ང་རྒྱལ་ཅན་དང་སྡུག་ཙུབ་ཅན་ཚང་མར་ཆད་པ་གཏོང་རྒྱུ་ཡིན།

¹²གསོན་པོར་གནས་པ་རྣམས་གསེར་བཙོ་མ་ལས་ཀྱང་དཀོན་པོ་བྱུང་བར་འགྱར།

¹³ང་ཀུན་དབང་ཅན་གྱི་གཙོ་བོ་དཀོན་མཆོག་གིས་ཐུགས་ཁྲོ་བའི་ཉིན་དེ་ལ་མཐོ་རིས་འདར་བ་དང་ས་གཞི་རང་གནས་ནས་འགུལ་བར་འགྱུར།

¹⁴བྷེ་བྷི་ལོན་དུ་སྡོད་པའི་ཕྱི་རྒྱལ་བ་རྣམས་རང་གི་ཡུལ་དུ་བྲོས་ནས་འགྲོའོ། ཤྭ་བ་ཁྱི་ར་བའི་ལག་ནས་བྲོས་བ་ལྟ་བུ་དང་རྗི་བོ་མེད་པའི་ལུག་ཁྱུ་ལྟར་དེ་ཚོ་ཁ་ཐོར་བར་འགྱུར།

¹⁵ལག་ཏུ་ཟིན་པ་ཡིན་ཀྱང་གྲིས་གསོད་པར་བྱའོ།

¹⁶དེ་ཚོ་མགོན་མེད་ལྟ་བུར་བལྟ་བཞིན་སྡད་སྐབས་དེ་ཚོའི་བྱིས་པ་རྣམས་གང་མང་སྡབས་ནས་གསད་པ་དང། དེ་ཚོའི་ཁྱིམ་བཅོམ་པ་དང་དེ་ཚོའི་ཆུང་མ་རྣམས་ལ་བཙན་གཡེམ་བྱེད་པར་འགྱུར་ཞེས་བཀའ་གནང་ངོ།

¹⁷གཙོ་བོ་དཀོན་མཆོག་གིས་བཀའ་གནང་བ་ནི། ངས་མིཌསི་ལ་བྷེ་བྷི་ལོན་དུ་བཙན་འཛུལ་བྱེད་རྒྱུར་རྒྱུད་བསྐུལ་བྱ་རྒྱུ་ཡིན། དེ་ཚོས་དངུལ་ལ་དོ་སྣང་མི་བྱེད་པ་དང་གསེར་ལ་ཡང་མི་ཆགས་སོ།

¹⁸དེ་ཚོས་མི་གཞོན་ནུ་རྣམས་མདའ་དང་གཞུས་གསོད་པར་འགྱུར། ཡང་དེ་ཚོའི་ཕྲུ་གུ་ཆུང་ཆུང་རྣམས་ལ་སྙིང་རྗེ་མི་བྱེད་པ་དང། བྱིས་པར་ཡང་སྙིང་རྗེ་མི་བྱེད་དོ།

¹⁹བྷེ་བྷི་ལོ་ནི་ཡ་ནི་ཚང་མའི་ནང་ནས་ཤིན་ཏུ་མཛེས་སྡུག་ཅན་གྱི་རྒྱལ་ཁབ་ཡིན་པ་དང་མི་མང་གི་སྤོབ་པ་བྱ་ཡུལ་ཡིན་ནོ། འོན་ཀྱང་གཙོ་བོ་དཀོན་མཆོག་ངས་བྷེ་བྷི་ལོན་དེ་བཞིན་སོ་དྷོམ་དང་གྷོ་མོ་རཱ་གཉིས་ལ་བྱས་པ་ལྟར་འཇིགས་པར་བྱ་རྒྱུ་ཡིན་ནོ།

²⁰དེར་སླར་སུ་ཡང་གནས་པར་མི་འགྱུར་རོ། ཁྱམས་ཉུལ་བ་ཨ་རབ་པས་ཁོའི་གུར་ནམ་ཡང་དེར་མི་ཕུབ་པ་དང། ལུག་ཛི་སུ་ཞིག་གིས་ཀྱང་དེར་ཕྱུགས་འཚོ་བར་མི་འགྱུར་རོ།

²¹ས་གནས་དེ་ནི་བྲོག་སྟོང་ཁག་ཏུ་སྡད་པའི་སེམས་ཅན་དང་འུག་པའི་ཚང་བཟོ་བའི་ཡུལ་དུ་འགྱུར་རོ། དེར་བྱ་ཨོསེ་ཀྲི་རིཅེ་གནས་པ་དང་ར་རྒོད་ཚོས་གྱང་གོག་དུ་ཚོམས་ཞིང་རྩེ་བར་བྱེད་དོ།

²²གྷན་དྷོ་ལ་དང་ཕོ་བྲང་ཁག་ནང་དྲེད་དང་ཁྱི་སྤྱང་གི་ངར་རོའི་བྲག་ཆ་སྒྲོགས་པ་དང། བྷེ་བྷི་ལོན་གྱི་དུས་དེ་སླེབས་ཡོད་པ་དང། མོའི་ཉིན་རྣམས་རྫོགས་བཞིན་ཡོད་དོ༎