Read Tibetan — པོད་སྐད་Tibetan Old Testament 2011 ཡེ་ཤ་ཡཱ 52 Bible Online

ཡེ་ཤ་ཡཱ 52 - Tibetan — པོད་སྐད་Tibetan Old Testament 2011 bible

ཡེ་ཤ་ཡཱ 52

¹ཡེ་རུ་ཤ་ལེམ་སླར་ཡང་སྟོབས་ཤུགས་ཆེ། རླབས་ཆེན་ཡོང་བར་ཁྱོད་གྱིས་ཤིག། དཀོན་མཆོག་ཁོང་གི་དམ་པའི་གྲོང་ཁྱེར་དེ། གཟི་བརྗིད་ལྡན་པའི་གྱོན་གོས་རང་ཉིད་གྱོན། ཁྱོད་ཀྱི་རྒྱལ་སྒོར་ཕྱི་པ་སླར་མི་འཛུལ།

²ཡེ་རུ་ཤ་ལེམ་རང་དབང་དུ་སོང་ཞིག། རྡུལ་ནས་ལངས་ཤིང་རང་གི་རྒྱལ་ཁྲིར་སྡོད། ཛི་ཡོན་གྱི་བཙོན་ནང་ཚུད་པའི་མི་མང་ཚོ། ཁྱོད་ལ་བཀྱིག་པའི་ལྕགས་ཐག་རྣམས་ཁྲོལ་ཞིག།

³བླ་མེད་གཙོ་བོ་དཀོན་མཆོག་གིས་ཁོང་གི་མི་མང་ལ་བཀའ་གནང་བ། ཁྱོད་ཚོ་ཚེ་གཡོག་ཏུ་འགྱུར་སྐབས་ཁྱོད་ཚོའི་ཆེད་དངུལ་སྤྲད་མེད། དེ་ལྟར་ཁྱོད་ཚོ་རང་དབང་དུ་གཏོང་སྐབས་དངུལ་སྤྲོད་མི་དགོས་སོ།

⁴ཕྱི་རྒྱལ་བ་ལྟར་ཁྱོད་ཚོ་ཨི་ཇིབ་དུ་གནས་སྡོད་བྱེད་པར་འགྲོ་སྐབས། དེ་ལྟར་ཁྱོད་རང་གི་རང་འདོད་ལྟར་བྱས་ཡོད་། འོན་ཀྱང་ཨ་སུར་གྱིས་ཁྱོད་ཚོ་བཙན་དབང་དུ་འཁྲིད་སྐབས་ཁྱོད་ཚོའི་ཆེད་དུ་གང་ཡང་སྤྲད་མེད་དོ།

⁵ད་ཆ་བྷེ་བྷི་ལོ་ནི་ཡ་དུ་ཡང་དེ་བཞིན་བྱུང་ཡོད། ཁྱོད་ཚོ་བཙོན་པ་ཡིན་པ་དང་ཁྱོད་ཚོའི་ཆེད་དུ་རིམ་པ་གང་ཡང་སྤྲད་མེད། ཁྱོད་ཚོའི་ཐོག་དབང་བསྒྱུར་བྱ་མཁན་ཚོས་རང་བསྟོད་བྱེད་པ་དང་དཔའ་ངོམ་བྱེད་པ་དང་ང་ལ་རྒྱུན་ཆད་མེད་པར་བསྐུར་བ་འདེབས་སོ།

⁶དུས་ཚོད་སླེབས་སྐབས་ཁྱོད་ཚོས་ང་དཀོན་མཆོག་ཡིན་པ་དང་ངས་ཁྱོད་ཚོ་དང་སྨྲས་ཡོད་པར་ངོས་ལེན་བྱེད་དོ།

⁷འཕྲིན་བཟང་དང་ནི་ཞི་བདེའི་གཏམ་འཁྱེར་ནས། བང་ཆེན་ཞིག་ནི་རི་བོ་བརྒྱུད་ནས་ཡོང། མཐོང་བ་ངོ་མཚར་ཆེན་པོ་ཇི་འདྲ་ཡིན། དེ་ཡི་རྒྱལ་ཁ་གསལ་སྒྲགས་ཛི་ཡོན་ལ། ཁྱོད་ཀྱི་དཀོན་མཆོག་རྒྱལ་པོ་རེད་ཅེས་སྨྲས།

⁸གྲོང་ཁྱེར་སྲུང་སྐྱོབ་མཁན་ཚོས་སྐད་འབོད་བྱེད། དགའ་བའི་ཆེད་དུ་མཉམ་དུ་སྐད་འབོད་བྱེད། དཀོན་མཆོག་ཛི་ཡོན་ནང་དུ་ཕྱིར་ཕེབས་པ། དེ་ཚོའི་རང་གི་མིག་གིས་མཐོང་བར་འགྱུར།

⁹ཡེ་རུ་ཤ་ལེམ་ཉམས་ཆག་བྱུང་ཁག་ཚོ། དགའ་བའི་སྐད་འབོད་པར་གྱིས། གཙོ་བོ་དཀོན་མཆོག་ཁོང་གི་གྲོང་ཁྱེར་སྐྱོབ། མི་མང་རྣམས་ལ་ཁོང་གིས་སེམས་གསོ་མཛད།

¹⁰གཙོ་བོ་དཀོན་མཆོག་ཁོང་རང་གིས། དམ་པའི་མཐུ་སྟོབས་བེད་སྤྱོད་མཛད་ནས་ནི། ཁོང་གི་མི་མང་སྐྱོབ་པར་མཛད་པ་དང་། འཛམ་གླིང་ཡོངས་ཀྱི་དེ་ནི་མཐོང་བར་འགྱུར།

¹¹མཆོད་ཁང་ནང་གི་མཆོད་རྫས་འཁྱེར་མཁན་ཚོ། བྷེ་བྷི་ལོ་ནི་ཡ་ནས་ཐོན་རྒྱུར་ངེས་བརྟན་བྱོས། དངོས་པོ་རེག་མི་ཆོག་པ་ལ་མ་རེག་ཅིག། རང་ཉིད་དམ་པར་བྱས་ནས་ཕྱིར་ཐོན་ཞིག།

¹²ད་ལེན་ཁྱོད་ཚོ་བྲེལ་ཚབ་ངང་ནས་ཐོན་མི་དགོས། ཁྱོད་རང་བྲོས་པའི་ཐབས་ཤེས་བྱེད་མི་དགོས། གཙོ་བོ་དཀོན་མཆོག་ཁྱོད་ཀྱི་དཀོན་མཆོག་ཁོང་གིས་ཁྱོད་ལ་ལམ་སྟོན་ནོ། ས་ཕྱོགས་ཡོངས་ལ་ཁྱོད་ལ་སྐྱོབ་པར་མཛད༎

¹³གཙོ་བོ་དཀོན་མཆོག་ཁོང་གི་བཀའ་གནང་བ། ང་ཡི་ཞབས་ཕྱིས་རང་ལས་ལེགས་པར་སྒྲུབ། ཁོང་ལ་ཆེ་མཐོང་ཆེན་པོ་ཐོབ་པར་འགྱུར།

¹⁴ཁོང་ལ་མཐོང་མཁན་མང་པོ་ཧ་ལས་འགྱུར། ཁོང་གི་དབྱིབས་ནི་འདི་ལྟ་བུ་བཟོ་རྟ་རླག་ཡོད་པས། མི་འདྲ་བ་མི་མཐོང་ངོ།

¹⁵འོན་ཀྱང་ད་ལྟ་མི་རིགས་མང་པོས་ཁོ་ལ་ངོ་མཚར་སྐྱེས། རྒྱལ་པོ་ཚོ་ཡང་ཡ་མཚན་སྨྲ་མི་ནུས། སྔར་ནས་མ་ཤེས་པ་ཡི་གནས་ཚུལ་དེ། དེ་ཚོས་མཐོང་བ་དང་ནི་རྟོགས་པར་འགྱུར༎