Read Tibetan — པོད་སྐད་Tibetan Old Testament 2011 ལེ་ཝི 21 Bible Online

ལེ་ཝི 21 - Tibetan — པོད་སྐད་Tibetan Old Testament 2011 bible

ལེ་ཝི 21

¹གཙོ་བོ་དཀོན་མཆོག་གིས་མོ་ཤེ་ལ་གསུངས་པ། ཨ་རོན་རིགས་བརྒྱུད་ཀྱི་བླ་མ་རྣམས་ལ་སྨྲོས་ཤིག བླ་མ་ཚོས་རང་གི་གཉེན་མཚན་རྣམས་ཤི་སྐབས་དེ་ཚོའི་རོ་ལ་ཆང་ནས་རང་ཉིད་ལ་མི་གཙང་བར་བཟོ་མི་ཉན།

²རང་གི་ཕའམ་མ། བུ་དང་བུ་མོ། ཨ་ཇོ་འམ་སྤུན་ཆུང་བ།

³དེ་བཞིན་རང་གི་ནང་དུ་ཡོད་པའི་ཆང་ས་མ་རྒྱབ་པའི་སྲིང་མོ་ཆེ་བའམ་ཆུང་བ་སོགས་ཤི་བའི་སྐབས་སུ་མ་གཏོགས་དེ་ཚོའི་རོ་ལ་ཆང་ནས་ཁོས་རང་ཉིད་ལ་མི་གཙང་བར་བཟོས་མི་ཆོག

⁴རང་གི་ཆུང་མའི་ཕྱོགས་ཀྱི་གཉེན་མཚན་སོགས་ཤི་སྐབས་ཁོས་རང་ཉིད་ལ་མི་གཙང་བར་བྱེད་མི་རུང་།

⁵བླ་མ་ཚོས་རང་ཉིད་མྱ་ངན་བྱེད་ཚུལ་དུ་རང་གི་སྐྲ་གཞར་བའམ་ཨ་ར་ཐུང་ཐུང་གཅོད་པའམ་གཟུགས་པོ་སོགས་བཏུབས་མི་རུང་།

⁶ཁོ་ནི་དམ་པ་ཡིན་དགོས་པ་དང་། ཁོས་ངའི་མིང་དེ་སྨད་པར་བྱེད་མི་ཉན། ཁོས་ང་ལ་ཞལ་ཟས་ཀྱི་མཆོད་པ་འབུལ་གྱི་ཡོད་པ་ཡིན་པས། ཁོ་ནི་དམ་པ་ཡིན་དགོས་སོ།

⁷ཁོས་སྨད་ཚོང་མའམ་ཁྱོ་དང་ལུས་འབྲེལ་བྱས་ཟིན་པའི་བུད་མེད་དམ། དེ་བཞིན་ཁྱོ་སྤངས་པའི་བུད་མེད་ཞིག་དང་ཆང་ས་རྒྱབ་མི་ཉན། ཁོ་ནི་དམ་པ་ཡིན།

⁸མི་མང་གིས་བླ་མ་ལ་དམ་པར་རྩིས་དགོས། གང་ལ་ཟེར་ན། ཁོས་ང་ལ་ཁ་ཟས་ཀྱི་མཆོད་པ་འབུལ་གྱི་ཡོད་དོ། ང་ནི་གཙོ་བོ་དཀོན་མཆོག་ཡིན། ང་དམ་པ་ཡིན་པས་ངའི་མི་འབངས་རྣམས་ལ་དམ་པ་བཟོ་རྒྱུ་ཡིན།

⁹གལ་ཏེ་བླ་མའི་བུ་མོ་ཞིག་སྨད་ཚོང་མར་འགྱུར་བ་ཡིན་ན། མོས་རང་གི་ཕ་ལ་དམའ་འབེབས་བྱས་པ་ཡིན་པས། མོ་ནི་མེར་སྲེག་བཏང་ནས་བསད་དགོས།

¹⁰བླ་མ་ཆེན་པོའི་མགོ་ལ་བསྔོ་འབུལ་གྱི་སྣུམ་བྱུགས་ཏེ་བླ་མའི་ཆོས་གོས་སྐོན་ནས་བསྔོ་འབུལ་བྱས་ཟིན་པ་ཡིན་པས། རང་ཉིད་མྱ་ངན་ནང་ཡོད་ཚུལ་དུ་རང་གི་སྐྲ་མ་ཤད་པར་བསྡད་པའམ་རང་གི་གོས་ཧྲལ་བ་སོགས་བྱེད་མི་ཉན།

¹¹ཁོ་ནི་ངའི་མིང་གི་ངང་བསྔོ་འབུལ་བྱས་ཟིན་པ་ཞིག་ཡིན་པས། སྲོལ་བཞིན་རང་ཉིད་མི་གཙང་བར་བཟོ་མི་རུང་། ཁོ་ནི་ངའི་དབུ་གུར་དམ་པ་ནས་འཐོན་ཏེ། ཕུང་པོ་བཞག་ཡོད་པའི་ནང་ཞིག་ཏུ་འཛུལ་ནས་ངའི་དབུ་གུར་དམ་པ་དེ་མི་གཙང་བར་བཟོ་མི་རུང་། དེ་ནི་རང་གི་ཕ་མའི་ཕུང་པོ་ཡིན་ནའང་ངའི་གུར་མཆོག་དམ་པ་ནས་འཐོན་ཏེ་དེར་ཐད་ཀར་འགྲོ་མི་ཉན།

¹³ཁོས་བུ་མོ་ན་ཆུང་མ་ཞིག་དང་ཆང་ས་རྒྱབ་དགོས་པ་ལས།

¹⁴ཡུགས་མོའམ་ཁྱོ་དང་བྲལ་བའི་བུད་མེད་དང་སྨད་ཚོང་མ་དང་ཆང་ས་རྒྱབ་མི་ཉན། ཁོས་རང་རིགས་གཅིག་པའི་བུ་མོ་ཞིག་ལ་ཆང་ས་བརྒྱབ་ཐུབ།

¹⁵བླ་མའི་བུ་ཕྲུག་རྣམས་དམ་པ་ཡིན་དགོས། ཡིན་ནའང་གོང་གསལ་ཁྲིམས་དང་འགལ་བ་ཡིན་ན་དེ་དག་སྲོལ་བཞིན་མི་གཙང་བར་འགྱུར་རྒྱུ་ཡིན། ང་ནི་གཙོ་བོ་དཀོན་མཆོག་ཡིན། ངས་ཁོ་ལ་བླ་མ་ཆེན་པོར་བཀོད་དེ་ལོགས་སུ་དབྱེ་བ་ཡིན་ནོ།

¹⁶གཙོ་བོ་དཀོན་མཆོག་གིས་ཨ་རོན་ལ་འདི་ལྟར་སྨྲོས་ཤིག་ཅེས་མོ་ཤེ་ལ་བཀའ་གནང་བ།

¹⁷ཁྱོད་ཀྱི་མི་བརྒྱུད་ལས་གཟུགས་པོར་སྐྱོན་ཡོད་པ་ཞིག་གིས་ང་ལ་ཞལ་ཟས་ཀྱི་མཅོད་འབུལ་བྱེད་མི་ཆོག བཀའ་ཁྲིམས་དེ་ནི་མ་འོངས་པར་དུས་ཀུན་ཏུ་སྲུང་དགོས།

¹⁸ལོང་བ་དང་རྐང་ཀྱོག་དང་བྱད་གཟུགས་མདོག་ཉེས་པོ་དང་ཡན་ལག་སྐྱོན་ཤོར་པ་དང་། དེ་བཞིན་ལུས་ལ་སྐྱོན་ཡོད་པ་ཞིག་གིས་མཆོད་པ་བྱེད་མི་ཆོག

¹⁹རྐང་ལག་སྐྱོན་ཅན་དང་།

²⁰སྟོད་སྒུར་བའི་མིའམ། མིའུ་ཐུང་ཐུང་དང་། དེ་བཞིན་མིག་ནད་དང་པགས་ནད་ཅན་དང་། ཉུག་རུམ་པ་སོགས་ཀྱིས་མཆོད་འབུལ་བྱེད་མི་ཉན།

²¹བླ་མ་ཨ་རོན་གྱི་རིགས་བརྒྱུད་ལས་གཟུགས་པོར་སྐྱོན་ཡོད་པ་ཞིག་གིས་ང་ལ་ཞལ་ཟས་ཀྱི་མཆོད་པ་འབུལ་མི་རུང་།

²²དེ་ལྟ་བུའི་མི་ང་ལ་ཕུལ་བའི་ཁ་ཟས་ཀྱི་མཆོད་པ་དམ་པ་དང་ཤིན་ཏུ་དམ་པའི་མཆོད་པ་གཉིས་ཀ་ལས་ཟ་ཆོག་པ་ཡིན།

²³འོན་ཀྱང་གཟུགས་པོར་སྐྱོན་ཡོད་པའི་རྐྱེན་གྱིས་ཁོ་ནི་ཡོལ་བ་དམ་པ་དང་མཆོད་ཁྲིའི་དྲུང་དུ་བཅར་མི་ཆོག ཁོས་དངོས་པོ་དམ་པ་འདི་ཚོར་མི་གཙང་བར་བྱེད་མི་རུང་། གང་ལ་ཟེར་ན། དངོས་པོ་དེ་ཚོར་དམ་པར་བཟོ་མཁན་ང་གཙོ་བོ་དཀོན་མཆོག་ཡིན།

²⁴གཏམ་འདི་ཚོ་མོ་ཤེས་ཨ་རོན་དང་ཁོའི་བུ་རྣམས་དང་ཨིསི་རཱཨེལ་པ་ཡོངས་ལ་དེ་ལྟར་སྨྲས་པ་ཡིན་ནོ༎