Read Tibetan — པོད་སྐད་Tibetan Old Testament 2011 ལེ་ཝི 22 Bible Online

ལེ་ཝི 22 - Tibetan — པོད་སྐད་Tibetan Old Testament 2011 bible

ལེ་ཝི 22

¹གཙོ་བོ་དཀོན་མཆོག་གིས་མོ་ཤེ་ལ་གསུངས་པ།

²ཨ་རོན་དང་ཁོའི་བུ་རྣམས་ལ་སྨྲོས་ཤིག། ཁྱོད་ཚོས་ངའི་མིང་དམ་པ་དེ་དམའ་བར་བྱེད་མི་རུང་། དེ་བས་ན་ཨིསི་རཱཨེལ་པ་ཚོས་ང་ལ་བསྔོ་འབུལ་བྱས་པའི་འབུལ་བ་དམ་པ་རྣམས་ལ་གུས་བརྩི་བྱེད་དགོས། ང་ནི་གཙོ་བོ་དཀོན་མཆོག་ཡིན།

³ཁྱོད་ཀྱི་རིགས་བརྒྱུད་སུ་ཞིག་རང་ཉིད་སྲོལ་བཞིན་མི་གཙང་བར་གནས་སྐབས། ཨིསི་རཱཨེལ་པ་ཚོས་ང་ལ་བསྔོ་འབུལ་བྱས་པའི་འབུལ་བ་དམ་པའི་ཉེ་འགྲམ་དུ་ཡོང་བ་ཡིན་ན། ཁོས་སླར་ཡང་མཆོད་ཁྲིར་ཞབས་ཏོག་ཞུ་མི་ཆོག ཁྲིམས་འདི་ནི་མ་འོངས་བར་དུ་དུས་རྒྱུན་དུ་སྲུང་དགོས། ང་ནི་གཙོ་བོ་དཀོན་མཆོག་ཡིན།

⁴ཨ་རོན་རིགས་བརྒྱུད་ཀྱི་བླ་མ་སུ་ཞིག་ལ་པགས་ནད་དྲག་པོ་དང་གྲང་གཞིའི་ནད་ཕོག་ཡོད་པ་ཡིན་ན། ཁོ་སྲོལ་བཞིན་གཙང་བར་མ་འགྱུར་བའི་བར་དུ་འབུལ་བ་དམ་པ་ལས་ཟ་མི་ཆོག ཕུང་པོར་རེག་ནས་མི་གཙང་བར་འགྱུར་ཡོད་པའི་དངོས་རིགས་གང་ཞིག་ལ་བླ་མས་འཆང་བའམ། ཁོ་ལ་ཐིག་ལེ་འཛག་པའི་ནད་གཞི་ཡོད་པ་ཡིན་ན། ཁོ་ནི་མི་གཙང་བར་བརྩི་་དགོས།

⁵ཁོས་དུད་འགྲོ་མི་གཙང་བའམ་སྐྱེ་བོ་མི་གཙང་བ་ཞིག་ལ་འཆང་བ་ཡིན་ནའང་། ཁོ་ནི་མི་གཙང་བར་བརྩི་དགོས།

⁶བླ་མ་ཞིག་མི་གཙང་བར་འགྱུར་བ་ཡིན་ན། དེ་ནི་དགོང་དྲོ་བར་དུ་མི་གཙང་བར་གནས་དགོས་རྒྱུ་དང་། དེ་རྗེས་འཁྲུད་མ་རྒྱབ་པའི་བར་དུ་ཁོས་འབུལ་བ་དམ་པ་དེ་ལས་ཟ་མི་ཆོག

⁷དགོང་དྲོ་ཉི་མ་ནུབ་པའི་རྗེས་སུ་ཁོ་གཙང་བར་འགྱུར་རྒྱུ་ཡིན། དེ་རྗེས་ཁོས་འབུལ་བ་དམ་པ་དེ་ཟ་ཆོག། གང་ལ་ཟེར་ན། དེ་ནི་ཁོའི་ཐོབ་སྐལ་གྱི་ཁ་ཟས་ཡིན་པའི་ཕྱིར་རོ།

⁸བླ་མས་རང་བཞིན་གྱི་ཤི་བའམ་གཅན་གཟན་སོགས་ཀྱི་བསད་པའི་དུད་འགྲོའི་ཤ་ཟ་མི་ཉན། གང་ལ་ཟེར་ན། དེས་ཁོ་རང་མི་གཙང་བར་བཟོ་རྒྱུ་ཡིན། ང་ནི་གཙོ་བོ་དཀོན་མཆོག་ཡིན།

⁹ངས་སྤྲད་པའི་བཀའ་ཁྲིམས་རྣམས་བླ་མ་ཚང་མས་སྲུང་དགོས། དེ་མིན་ཁོ་ཚོ་ཉེས་ཅན་དུ་བརྩི་དགོས་པ་དང་། དེ་དག་ཤི་ངེས་པ་ཡིན་ནོ། གང་ལ་ཟེར་ན། དེ་ཚོས་བཀའ་ཁྲིམས་དམ་པ་དང་འགལ་ཡོད་པ་ཡིན་ནོ། ང་ནི་དེ་ཚོ་དམ་པར་བཟོ་མཁན་གཙོ་བོ་དཀོན་མཆོག་དེ་ཡིན་ནོ།

¹⁰བླ་མའི་ནང་མི་ཞིག་གི་མ་གཏོགས་གཞན་སུས་ཀྱང་འབུལ་བ་དམ་པ་དེ་ལས་ཟ་མི་ཆོག བླ་མ་དང་མཉམ་དུ་སྡོད་མིའམ་གླ་པས་ཀྱང་དེ་ལས་ཟ་མི་རུང་།

¹¹འོན་ཀྱང་བླ་མ་རང་ཉིད་ཀྱི་དངོས་པོས་ཉོས་པའམ་ཁོའི་ནང་དུ་སྐྱེས་པའི་བྲན་གཡོག་དང་བྲན་གཡོག་མས་བླ་མའི་ཐོབ་སྐལ་གྱི་ཁ་ཟས་དེ་ལས་ཟ་ཆོག

¹²བླ་མའི་བུ་མོས་བླ་མ་མིན་པའི་སྐྱེས་པ་དང་ཆང་ས་རྒྱབ་པ་ཡིན་ན། མོས་འབུལ་བ་དམ་པ་དེ་ལས་ཟ་མི་ཆོག

¹³འོན་ཀྱང་བླ་མའི་བུ་མོ་ཡུག་མོའམ་ཁྱོ་དང་ཁ་བྲལ་བ་དང་། མོ་ལ་བུ་ཕྲུག་མེད་པ་ཞིག་སྡོད་གནས་མེད་པར་རང་གི་ཕ་ཡི་ཁྱིམ་དུ་ཕྱིར་ལོག་ཡོང་བ་ཡིན་ན། རང་གི་བླ་མའིི་ཐོབ་སྐལ་དེ་ལས་ཟ་ཆོག་པ་ཡིན། དེ་ནི་བླ་མའི་ནང་མི་ཡིན་པ་གཅིག་པོས་དེ་ལས་ཟ་ཆོག་པ་ཡིན་ནོ།

¹⁴གལ་ཏེ་བླ་མའི་ནང་མིའི་ཁོངས་ནས་མིན་པའི་མི་ཞིག་གིས་ནོར་འཁྲུལ་གྱི་སྒོ་ནས་འབུལ་བ་དམ་པ་དེ་ལས་ཟས་པ་ཡིན་ན། འབུལ་བའི་གནས་གོང་ཙམ་མ་ཟད་དེའི་ཐོག་འཕར་སྣོན་བརྒྱ་ཆ་ཉི་ཤུ་ཐམ་པ་བླ་མ་ལ་འབུལ་དགོས།

¹⁵འབུལ་བ་དམ་པའི་རྫས་ཟ་མི་ཆོག་པའི་མི་ཞིག་ལ་བླ་མའི་ཁ་ཟས་དམ་པ་དེ་ལས་ཟ་བཅུག་པ་ཡིན་ན། འབུལ་བའི་རྫས་དེ་མི་གཙང་བར་འགྱུར་རྒྱུ་ཡིན་པ་དང་། མི་དེ་ནི་ཉེས་ཅན་ཡིན་པས་དེ་ལ་ཆད་པ་ཕོག་པར་འགྱུར། འབུལ་བ་དེ་ཚོར་དམ་པར་བཟོ་མཁན་ང་གཙོ་བོ་དཀོན་མཆོག་ཡིན།

¹⁷གཙོ་བོ་དཀོན་མཆོག་གིས་མོ་ཤེ་ལ་གསུངས་པ།

¹⁸ཨ་རོན་དང་ཁོའི་བུ་དང་ཨིསི་རཱཨེལ་མི་དམངས་ཡོངས་ལ་གཤམ་གསལ་བཀའ་ཁྲིམས་རྣམས་སྤྲོད་དགོས། ཨིསི་རཱཨེལ་པའམ་ཨིསི་རཱཨེལ་ཡུལ་དུ་གནས་པའི་ཕྱི་རྒྱལ་བ་ཞིག་གིས་རང་གི་དམ་བཅའ་ཆ་ཚང་སྒྲུབ་པའི་ཕྱིར་ཡང་ན། འདོད་མོས་ཀྱི་འབུལ་བའི་ཆེད་དུ་སྦྱིན་སྲེག་འབུལ་བ་ཡིན་ན། སེམས་ཅན་དེ་ནི་སྐྱོན་མེད་པ་ཞིག་ཡིན་དགོས་སོ།

¹⁹ངོས་ལེན་ཡོང་བའི་ཕྱིར་འབུལ་བའི་དུད་འགྲོ་དེ་ནི་ཕོ་ཡིན་པ་ལ་སྐྱོན་མེད་པ་ཞིག་ཡིན་དགོས།

²⁰སྐྱོན་ཡོད་པའི་དུད་འགྲོ་ཞིག་འབུལ་བར་ཕུལ་བ་ཡིན་ན། དེ་ནི་གཙོ་བོ་དཀོན་མཆོག་གིས་ངོས་ལེན་གནང་བར་མི་འགྱུར།

²¹གལ་ཏེ་སུ་ཞིག་གིས་རང་གི་དམ་བཅའ་ཆ་ཆང་སྒྲུབ་པའམ། འདོད་མོས་ཀྱི་འབུལ་བའི་ཆེད་དུ་གཙོ་བོ་དཀོན་མཆོག་ལ་མཐུན་འབྲེལ་གྱི་མཆོད་པ་ཞིག་འབུལ་བ་ཡིན་ན། ངོས་ལེན་གནང་བའི་ཆེད་དུ་དུད་འགྲོ་དེ་ནི་སྐྱོན་མེད་པ་ཞིག་ཡིན་དགོས།

²²ལོང་བ་དང་། རྐང་གྱོ་དང་། ཡན་ལག་སྐྱོན་ཤོར་བ་དང་། ཁྲག་རྣག་འཛག་བཞིན་པའི་རྨ་ཡོད་པ་དང་། པགས་ནད་ཅན་དང་རྔོ་རྒྱབ་པའི་དུད་འགྲོ་སོགས་གཙོ་བོ་དཀོན་མཆོག་ལ་འབུལ་མི་ཉན། དེ་ལྟ་བུའི་དུད་འགྲོའི་ཁ་ཟས་ཀྱི་མཆོད་པའི་ཚུལ་དུ་མཆོད་ཁྲིའི་ཁར་འབུལ་མི་རུང་།

²³འདོད་མོས་ཀྱི་འབུལ་བའི་ཚུལ་དུ། དུད་འགྲོ་འཚར་ལོངས་མ་ཐུབ་པའམ་གཟུགས་དབྱིབས་ལེགས་པར་མ་སྒྲུབ་པ་སོགས་འབུལ་ནའང་ཆོག འོན་ཀྱང་དེ་ལྟ་བུའི་དུད་འགྲོ་ནི་དམ་བཅའ་སྒྲུབ་པའི་འབུལ་བའི་ཚུལ་དུ་ངོས་ལེན་གནང་བར་མི་འགྱུར་རོ།

²⁴དུད་འགྲོའི་འབྲས་བུ་བཙིར་བའམ། བཤགས་པའམ། རྨས་སྐྱོན་བྱུང་བའམ། འབྲས་བུ་བཏོན་ཟིན་པའི་དུད་འགྲོའི་རིགས་གཙོ་བོ་དཀོན་མཆོག་ལ་འབུལ་མི་རུང་། དེ་ནི་ཁྱོད་ཚོའི་ཡུལ་དུ་བྱེད་མི་ཆོག་པའི་ལས་ཤིག་ཡིན་ནོ།

²⁵ཕྱི་རྒྱལ་བ་ཞིག་གི་ལག་ནས་བྱུང་བའི་དུད་འགྲོ་དེ་ཁ་ཟས་ཀྱི་མཆོད་པར་འབུལ་མི་ཉན། དེ་ལྟ་བུའི་དུད་འགྲོ་ནི་སྐྱོན་ཅན་དུ་བརྩི་བ་ཡིན་པས། དེ་དག་ངོས་ལེན་གནང་བར་མི་འགྱུར་རོ།

²⁶བེའུ་འམ་ལུ་གུ་དང་ར་ཕྲུག་སོགས་སྐྱེས་པ་ཡིན་ན། དེ་དག་ཉིན་ཞག་བདུན་བར་དུ་དེ་ལ་ཨ་མ་དང་ཁ་བྲལ་མི་རུང་། དེ་རྗེས་དེ་དག་ཁ་ཟས་ཀྱི་མཆོད་པར་ངོས་ལེན་གནང་བར་འགྱུར།

²⁸ཉིན་གཅིག་རང་ལ་བ་ཕྱུགས་དང་དེའི་བེའུ་ཞིག་དང་། ལུག་དང་དེའི་ལུག་གུ་དང་དེ་བཞིན་ར་མོ་དང་དེའི་ར་ཕྲུག་བཅས་དམར་མཆོད་འབུལ་མི་རུང་།

²⁹ཁྱོད་ཚོས་གཙོ་བོ་དཀོན་མཆོག་ལ་ཐུགས་རྗེ་ལེགས་གསོལ་གྱི་དམར་མཆོད་འབུལ་སྐབས་བཀའ་ཁྲིམས་གཞིར་བཟུང་ལྟར་བྱས་པ་ཡིན་ན་ཁྱོད་ཚོར་ངོས་ལེན་གནང་བར་འགྱུར།

³⁰མཆོད་པའི་རྫས་དེ་དག་སང་ཞོག་བར་དུ་ལྷག་ལུས་མ་བཞག་པར་ཉིན་དེ་རང་ལ་ཟ་དགོས།

³¹གཙོ་བོ་དཀོན་མཆོག་གིས་གསུངས་པ། ངའི་བཀའ་རྣམས་སྲུང་ཞིག། ང་ནི་གཙོ་བོ་དཀོན་མཆོག་ཡིན།

³²ངའི་མིང་དམ་པར་དམའ་འབེབས་མ་བྱེད་ཅིག ཨིསི་རཱཨེལ་མི་མང་ཡོངས་ཀྱིས་ང་ནི་དམ་པ་ཡིན་པར་ངོས་ལེན་བྱེད་དགོས། ང་ནི་ཁྱོད་ཚོར་དམ་པར་བཟོས་པའི་གཙོ་བོ་དཀོན་མཆོག་ཡིན།

³³ང་ནི་ཁྱོད་ཚོའི་དཀོན་མཆོག་ཏུ་འགྱུར་ཕྱིར་ཁྱོད་ཚོ་ཨི་ཇིབ་ནས་བཏོན་ནས་འཁྲིད་ཡོང་བ་ཡིན། ང་ནི་གཙོ་བོ་དཀོན་མཆོག་ཡིན༎