Read Tibetan — པོད་སྐད་Tibetan Old Testament 2011 ཡེར་མི་ཡཱ 11 Bible Online

ཡེར་མི་ཡཱ 11 - Tibetan — པོད་སྐད་Tibetan Old Testament 2011 bible

ཡེར་མི་ཡཱ 11

¹གཙོ་བོ་དཀོན་མཆོག་གིས་བཀའ་གནང་བ། དམ་བཅའིི་ཚིག་དོན་རྣམས་ལ་ཉོན་ཞིག། ཡ་ཧུ་དཱ་དང་ཡེ་རུ་ཤ་ལེམ་གྱི་མི་མང་ཚོར་སྨྲ་རྒྱུར།

³ང་གཙོ་བོ་དཀོན་མཆོག་ཨིསི་རཱ་ཨེལ་གྱི་དཀོན་མཆོག་གིས། དམ་བཅའ་ཀྱི་ཚིག་དོན་ལ་མི་ཉན་མཁན་ཚང་མར་དམོད་པ་གྱིས་ཡོད།

⁴དེ་ནི་ངས་དེ་ཚོའི་ཕ་མེས་ཚོ་ཨི་ཇིབ་དུ་འབར་བའི་མེ་ཐབ་ལྟ་བུ་ནས་འདོན་སྐབས་དེ་ཚོ་མཉམ་དུ་བཞག་པའི་དམ་བཅའ་དེ་ཡིན་ནོ། ངས་དེ་ཚོ་ལ་ངའི་བཀའ་ལ་ཉན་ནས་བཀའ་བཀོད་པ་རྣམས་བྱ་དགོས་ཞེས་སྨྲས་པ་ཡིན། ངས་དེ་ཚོ་ལ་གལ་སྲིད་དེ་ཚོས་ངའི་བཀའ་ལ་ཉན་པ་ཡིན་ན། དེ་ཚོ་ངའི་མི་མང་དང་ང་དེ་ཚོའི་དཀོན་མཆོག་ལ་འགྱུར་ཡོང་།

⁵དེ་ནས་ད་ལྟ་དེ་ཚོས་དབང་བའི་ས་ཆ་ཕྱུག་པོ་དང་ས་ལུད་འཛོམས་པོ་དེ་ངས་དེ་ཚོའི་ཕ་མེས་ཚོ་ལ་སྤྲོད་རྒྱུ་ཡིན་ཞེས་བཞག་པའི་དམ་བཅའ་སྲུང་རྒྱུ་ཡིན། ངས་ཞུས་པ། གཙོ་བོ་དཀོན་མཆོག་དེ་ལྟར་ལེགས་སོ།

⁶དེ་ནས་གཙོ་བོ་དཀོན་མཆོག་གིས་ང་ལ་བཀའ་གནང་། ཡ་ཧུ་དཱའི་གྲོང་ཁྱེར་ཁག་དང་ཡེ་རུ་ཤ་ལེམ་གྱི་རྒྱ་ལམ་ཁག་ཏུ་སོང་ཞིག དེར་ངའི་གསུང་འཕྲིན་གསལ་སྒྲགས་བྱས་ནས་མི་མང་ཚོས་དམ་བཅའི་ཚིག་དོན་རྣམས་ཉན་ནས་དེ་ཚོ་སྲུང་བར་སྨྲོས་ཤིག

⁷ངས་དེ་ཚོའི་ཕ་མེས་ཚོ་ཨི་ཇིབ་ནས་འདོན་སྐབས་ངས་དེ་ཚོ་ལ་ངའི་བཀའ་ཉན་དགོས་པའི་ཉེན་བརྡ་བཏང་ཡོད་པ་མ་ཟད། དུས་དེ་རིང་གི་བར་དུ་ཡང་ངས་ཉེན་བརྡ་གཏོང་མུས་ཡིན།

⁸འོན་ཀྱང་དེ་ཚོས་མི་ཉན་པ་དང་སྲུང་བརྩི་ཞུས་མེད་དོ། དེའི་ཚབ་ལ་དེ་ཚོ་མུ་མཐུད་གྱོང་པོ་དང་སྔར་ལྟར་ངན་པར་གནས་སོ། ངས་དེ་ཚོ་ལ་ཞལ་ཆད་སྲུང་དགོས་པའི་བཀའ་བཏང་ཡང་དེ་ཚོས་ཁས་ལེན་མ་བྱས་སོ། དེར་བརྟེན་དེའི་ནང་འགྲེལ་བཤད་རྒྱབ་པ་ཆད་པ་ཚང་མ་ངས་དེ་ཚོའི་ཐོག་འཁྱེར་ཡོང་བ་ཡིན།

⁹དེ་ནས་གཙོ་བོ་དཀོན་མཆོག་གིས་ང་ལ་བཀའ་གནང་བ། ཡ་ཧུ་དཱ་དང་ཡེ་རུ་ཤ་ལེམ་གྱི་མི་མང་ཚོས་ང་ལ་གཡོ་བྱུས་བརྩོམས་བཞིན་འདུག

¹⁰དེ་ཚོས་རང་གི་ཕ་མེས་ཚོར་ངས་བཤད་པར་མི་ཉན་མཁན་ཚོའི་སྡིག་པར་ཡང་སྐྱར་ཕྱིར་ལོག་བྱས་འདུག དེ་ཚོས་ལྷ་གཞན་པར་མཆོད་ཡོད་དོ། ཨིསི་རཱཨེལ་དང་ཡ་ཧུ་དཱ་གཉིས་ཀས་དེ་ཚོའི་ཕ་མེས་ཚོར་ངས་བཞག་པའི་དམ་བཅའ་རྣམས་དང་འགལ་ཡོད་དོ།

¹¹དེ་འདྲ་སོང་ཙང་ང་གཙོ་བོ་དཀོན་མཆོག་གིས། ད་ལྟ་དེ་ཚོ་ལ་མེད་པར་བཟོ་རྒྱུ་མ་ཟད། དེ་ཚོ་དེ་ལས་མི་ཐར་བའི་ཉེན་བརྡ་གཏོང་རྒྱུ་ཡིན། དེ་ཚོ་སྐྱབས་པའི་ཆེད་ང་ལ་རེ་འབོད་བྱས་སྐབས་ངས་དེ་ཚོ་ལ་མི་ཉན་ནོ།

¹²དེ་ནས་ཡ་ཧུ་དཱ་དང་ཡེ་རུ་ཤ་ལེམ་གྱི་མི་མང་རྣམས་དེ་ཚོས་མཆོད་པའི་ལྷ་ཚོའི་སར་སོང་ནས་དེ་ཚོ་ལ་སྐྱབས་རོགས་ཞུ་འབོད་བྱ་གི་རེད། འོན་ཀྱང་སྟོར་སྐྱོན་གྱིས་རྐྱེན་ངན་དེ་སླེབས་སྐབས་སུ་ལྷ་དེ་ཚོས་དེ་ཚོ་ལ་སྐྱོབས་མི་ཐུབ་བོ།

¹³ཡ་ཧུ་དཱ་པ་རྣམས་ལ་གྲོང་ཁྱེར་མང་པོ་ཡོད་པ་ལྟར་དེ་ཚོ་ལ་ལྷ་ཡང་མང་པོ་ཡོད་པ་དང་། ཡེ་རུ་ཤ་ལེམ་དུ་གནས་སྡོད་པ་ཚོས་གྲོང་ཁྱེར་ནང་རྒྱ་ལམ་ཡོད་པ་ལྟར་ཞེན་ལོག་ཅན་གྱི་ལྷ་བྷལ་ལ་དམར་མཆོད་འབུལ་སའི་མཆོད་ཁྲི་བཟོས་ཡོད།

¹⁴ཡེར་མི་ཡཱ་ཁྱོད་ཀྱིས། མི་མང་དེ་ཚོའི་ཆེད་དུ་ང་ལ་སྨོན་ལམ་དང་ཞུ་བ་མ་ཕུལ་ཞིག དེ་ཚོ་དཀའ་ངལ་ངང་ལྷུང་ནས་ང་ལ་སྐྱབས་རོགས་ཞུས་པར་ངས་ཉན་རྒྱུ་མིན་ནོ།

¹⁵གཙོ་བོ་དཀོན་མཆོག་གིས་བཀའ་གནང་བ། ངས་བརྩེ་བའི་མི་མང་ཚོས་ལས་ངན་བྱ་བཞིན་འདུག་དེ་ཚོ་ངའི་མཆོད་ཁང་ནང་ཡོང་རྒྱུར་ཐོབ་ཐང་ཅི་ཡོད་དམ། དེ་ཚོའི་བསམ་བློར་དེ་ཚོས་ང་ལ་ཁས་ལེན་དང་སེམས་ཅན་གྱི་དམར་མཆོད་ཕུལ་ནས་རྐྱེན་ངན་འགོག་ཐུབ་ཀྱི་རེད་བསམ་གྱི་ཡོད་པ་རེད་དམ། དེས་དེ་ཚོ་དགའ་བར་འགྱུར་རམ།

¹⁶ངས་སྔར་དེ་ཚོ་ལ་ལོ་མ་ཅན་གྱི་སྐྱུ་རུའི་ཤིང་སྡོང་ཡིད་དུ་འོང་བའི་འབྲས་བུས་ཁེངས་པ་ཅེས་མིང་བཏགས་ཡོད། འོན་ཀྱང་ད་ཆ་འབྲུག་སྐད་ལྟར་གྱིས་འུར་སྒྲས་དེའི་ལོ་མ་རྣམས་མེར་སྲེག་གཏོང་རྒྱུ་དང་ཡལ་ག་རྣམས་བཅོག་རྒྱུ་ཡིན་ནོ།

¹⁷ང་ཀུན་དབང་ཅན་གྱི་གཙོ་བོ་དཀོན་མཆོག་གིས། ཨིསི་རཱཨེལ་དང་ཡ་ཧུ་དཱ་གཉིས་བཙུགས་ན་ཡང་། ད་ཆ་ངས་དེ་ཚོ་ལ་རྐྱེན་ངན་གྱི་ཉེན་བརྡ་གཏོང་རྒྱུ་ཡིན། འདི་ཚོ་རང་གི་བཟོས་པའི་ལས་ཡིན་ནོ། གང་ལ་ཟེར་ན། དེ་ཚོས་ནོར་འཁྲུལ་གྱིས་པ་དང་བྷལ་ལ་དམར་མཆོད་ཕུལ་ནས་ང་ཁྲོ་རུ་འཇུག་ཡོད༎

¹⁸གཙོ་བོ་དཀོན་མཆོག་གིས་ངའི་དགྲ་བོ་ཚོས་ང་ལ་གཡོ་བྱུས་བརྩོམ་པའི་སྐོར་ལོན་གནང་བྱུང་།

¹⁹ང་གསོད་པར་འཁྲིད་པ་ཞི་དུལ་ཅན་ལུ་གུ་ལྟར་དང་དེ་ཚོས་ང་ལ་བྱུས་ངན་གྱིས་འཆར་གཞི་བཟོ་བཞིན་པ་ངས་ཤེས་མ་བྱུང་། དེ་ཚོས་ཤིང་སྡོང་དེ་རྒྱས་བཞིན་པའི་སྐབས་ལ་རང་གཅོད་དགོས། ང་ཚོས་ཁོ་སུས་ཀྱང་ནམ་ཡང་དྲན་གསོ་བྱ་མི་ཐུབ་པའི་ཆེད་གསོད་དགོས་ཤེས་བརྗོད་བཞིན་འདུག་གོ

²⁰དེ་ནས་ངས་ཀུན་དབང་ཅན་གྱི་གཙོ་བོ་དཀོན་མཆོག་ཁྱེད་ནི་ཁྲིམས་དཔོན་དྲང་པོ་ཞིག་ཡིན། ཁྱེད་ཀྱིས་མི་མང་གི་བསམ་བློ་དང་འཚོར་བ་ལ་ཞིབ་དཔྱོད་གནང་གི་རེད། ཁྱེད་ཀྱིས་མི་མང་འདི་ཚོ་ལ་དགྲ་ཤ་བཞེས་པ་ངས་བལྟ་རུ་འཇུག་གནང་བའི་ཆེད། ངའི་རྒྱུ་རྐྱེན་རྣམས་ཁྱེད་ཀྱི་ཕྱག་ཏུ་ཕུལ་ཡོད་ཅེས་སྨོན་ལམ་འདེབས་པ་ཡིན་ནོ།

²¹ཨ་ན་ཐོད་ཀྱི་མི་ཆོས་ང་ལ་བསད་འདོད་ཡོད་པ་དང་། དེ་ཚོས་ངས་གཙོ་བོ་དཀོན་མཆོག་གི་གསུང་འཕྲིན་མུ་མཐུད་གསལ་སྒྲགས་གྱིས་པ་ཡིན་ན་གསོད་ཀྱི་ཡིན་ཞེས་སྨྲས་བྱུང་།

²²དེར་བརྟེན་ཀུན་དབང་ཅན་གྱི་གཙོ་བོ་དཀོན་མཆོག་གིས་བཀའ་གནང་བ། ངས་དེ་ཚོ་ལ་ཆད་པ་གཏོང་རྒྱུ་ཡིན། དེ་ཚོའི་ན་གཞོན་རྣམས་དམག་སར་གསོད་པར་འགྱུར་བ་དང་། བུ་ཕྲུག་རྣམས་མུ་གེས་འཆི་བར་འགྱུར།

²³ངས་ཨ་ན་ཐོད་ཀྱི་མི་མང་རྣམས་ལ་རྐྱེན་ངན་གཏོང་རྒྱུའི་དུས་ཚོད་གཏན་འབེབས་ཟིན་པ་དང་། དུས་ཚོད་དེ་སླེབས་སྐབས་དེ་ཚོ་སུ་ཡང་གསོན་པོར་གནས་མི་ཐུབ་བོ་ཅེས་སོ༎