Read Tibetan — པོད་སྐད་Tibetan Old Testament 2011 ཡེར་མི་ཡཱ 29 Bible Online

ཡེར་མི་ཡཱ 29 - Tibetan — པོད་སྐད་Tibetan Old Testament 2011 bible

ཡེར་མི་ཡཱ 29

¹ཡེ་རུ་ཤ་ལེམ་ནས་བྷེ་བྷི་ལོ་ནི་ཡ་དུ་ནེ་བུ་ཀད་ནེ་ཛར་གྱིས་བཙོན་པར་འཁྲིད་པའི་བླ་མ་ཚོ་དང་ལུང་སྟོན་པ་ཚོ་དང་མི་མང་གི་འགོ་འཁྲིད་ཚོ་དང་གཞན་ཚང་མར་ངས་ཡི་གེ་ཞིག་བྲིས་པ་ཡིན་ནོ།

²ངས་ཡི་གེ་དེ་རྒྱལ་པོ་ཡེ་ཧོ་ཡ་ཀིན་དང་ཁོང་གི་ཡུམ་དང་ཕོ་བྲང་གི་ལས་བྱེད་པ་ཚོ་དང་ཡ་ཧུ་དཱ་དང་ཡེ་རུ་ཤ་ལེམ་གྱི་འགོ་འཁྲིད་ཚོ་དང་ལག་ཤེས་པ་ཚོ་དང་ལས་མི་མཁས་པོ་ཚོ་བཅས་ལ་བཙན་བྱོལ་དུ་འཁྲིད་པའི་རྗེས་སུ་བྲིས་པ་ཡིན།

³ངས་ཡི་གེ་འདི་ཡ་ཧུ་དཱ་པའི་རྒྱལ་པོ་ཛེ་དེ་ཀི་ཡཱས་བྷེ་བྷི་ལོ་ནི་ཡའི་རྒྱལ་པོ་ནེ་བུ་ཀད་ནེ་ཛར་ལ་ཡི་གེ་བཏང་བ་དེ་ཤ་ཕན་གྱི་བུ་ཨེ་ལ་སཱ་དང་ཧིལ་ཀི་ཡཱའི་བུ་གྷེ་མར་ཡཱ་ལ་སྤྲད་པ་ཡིན། དེའི་ནང་འདི་ལྟར་བྲིས་ཡོད་དོ།

⁴ཀུན་དབང་ཅན་གྱི་གཙོ་བོ་དཀོན་མཆོག་ཨིསི་རཱཨེལ་གྱི་དཀོན་མཆོག་གིས། ནེ་བུ་ཀད་ནེ་ཛར་ལ་ཡེ་རུ་ཤ་ལེམ་ནས་བྷེ་བྷི་ལོ་ནི་ཡ་དུ་བཙོན་པར་འཁྲིད་བཅུག་པའི་མི་མང་ཚང་མ་ལ་བཀའ་འདི་ལྟར་གནང་ཡོད།

⁵ཁང་པ་བརྩིགས་ནས་གནས་སྡོད་བྱོས་ཤིག། ལྡུམ་རའི་ནང་སོན་བཏབ་ནས་དེའི་ནང་གང་སྐྱེས་པ་རྣམས་ཟ་ཞིག

⁶ཆང་ས་རྒྱབ་ནས་བུ་ཕྲུག་སྐྱེས་པར་བྱོས་ཤིག། དེ་ནས་ཁྱོད་ཚོའི་བུ་ཕྲུག་ཚོ་ཆང་ས་རྒྱབ་བཅུག་ནས་དེ་ཚོ་ལ་ཡང་ཕྲུ་གུ་སྐྱེས་སུ་འཇུག་ཅིག ཁྱོད་ཚོའི་གྲངས་འབོར་ནི་འཕེལ་དགོས་པ་ལས་ཆགས་མི་རུང་།

⁷ངས་ཁྱོད་ཚོར་བཙོན་པར་འགྲོ་རུ་འཇུག་པའི་གྲོང་ཁྱེར་ལེགས་པར་ཡོང་བའི་ཆེད་ལས་འགུལ་གྱིས་ཤིག དེ་ཚོའི་ཆེད་དུ་ང་ལ་གསོལ་བ་འདེབས་ཤིག། གང་ལ་ཟེར་ན། དེ་ཚོ་དར་རྒྱས་བྱུང་བ་ཡིན་ན་ཁྱོད་ཚོ་ཡང་དར་རྒྱས་བྱུང་བར་འགྱུར།

⁸ང་གཙོ་བོ་དཀོན་མཆོག་ཨིསི་རཱཨེལ་གྱི་དཀོན་མཆོག་གིས། ཁྱོད་ཚོའི་ཁྲོད་དུ་ཡོད་པའི་ལུང་སྟོན་པའམ་གཞན་མ་འོངས་ལུང་བསྟན་བྱེད་མཁན་ཚོས་ཁྱོད་ཚོར་བསླུ་འཁྲིད་བྱེད་མི་བཅུག་པའི་ཉེན་བརྡ་གཏོང་རྒྱུ་ཡིན། དེ་ཚོའི་རྨི་ལམ་ལ་ཁྱོད་ཚོས་དོ་སྣང་མ་བྱེད་ཅིག

⁹དེ་ཚོས་ངའི་མིང་བརྗོད་ནས་ཁྱོད་ཚོར་རྫུན་ཤོད་བཞིན་ཡོད། ངས་དེ་ཚོ་བཏང་མེད་དོ་ཅེས་ང་གཙོ་བོ་དཀོན་མཆོག་གིས་སྨྲས་པ་ཡིན་ནོ།

¹⁰གཙོ་བོ་དཀོན་མཆོག་གིས་བཀའ་གནང་བ། བྷེ་བྷི་ལོ་ནི་ཡ་དུ་ལོ་བདུན་ཅུ་སོང་བའི་རྗེས་སུ་ངས་ཁྱོད་ཚོར་བལྟ་རྟོགས་བྱེད་ཅིང་ངས་ཁྱོད་ཚོར་རང་ཁྱིམ་དུ་འཁྲིད་རྒྱུའི་དམ་བཅའ་དེ་སྲུང་རྒྱུ་ཡིན་ནོ།

¹¹ངས་ཁྱོད་ཚོའི་ཆེད་དུ་འཆར་གཞི་དེ་ཁྱོད་ཚོ་དར་རྒྱས་བཟོ་རྒྱུ་དང་རྐྱེན་ངན་མི་ཡོང་རྒྱུའི་འཆར་གཞི་དང་ཁྱོད་ཚོའི་མ་འོངས་པའི་རེ་འབྲས་སྒྲུབ་པ་བྱ་རྒྱུ་འཆར་གཞི་བཅས་ང་གཅིག་པུས་ཤེས་བཞིན་ཡོད།

¹²དེ་ནས་ཁྱོད་ཚོ་ང་ལ་འབོད་པ་དང་། ངའི་སར་ཡོང་ནས་ང་ལ་གསོལ་འདེབས་བྱེད་པ་དང་། ངས་ཁྱོད་ཚོར་ལན་འདེབས་བྱེད་དོ།

¹³ཁྱོད་ཚོས་ང་ལ་འཚོལ་བ་དང་ང་རྙེད་པར་འགྱུར་རོ། གང་ལ་ཟེར་ན། ཁྱོད་ཚོའི་སེམས་ཀྱི་གཏིང་ནས་ང་འཚོལ་བཞིན་ཡོད་དོ།

¹⁴ཁྱོད་ཚོས་ང་རྙེད་པ་དང་། ངས་ཁྱོད་ཚོའི་རང་ཡུལ་དུ་སླར་གསོ་བྱ་རྒྱུ་ཡིན་ཞེས་བརྗོད་རྒྱུ་ཡིན། ངས་ཁྱོད་ཚོའི་ཡུལ་ཚང་མ་དང་ངས་ཁྱོད་ཚོ་ཁ་སྟོར་བའི་ས་ཁུལ་ཚང་མ་ནས་བསྡུས་ཏེ་ངས་ཁྱོད་ཚོ་བཙན་བྱོལ་དུ་གཏོང་ཡུལ་དེ་ནས་ཚུར་འཁྲིད་ཡོང་རྒྱུ་ཡིན་ཞེས་ང་གཙོ་བོ་དཀོན་མཆོག་གིས་སྨྲས་པ་ཡིན་ནོ།

¹⁵ཁྱོད་ཚོས་གཙོ་བོ་དཀོན་མཆོག་གིས། ཁྱོད་ཚོར་བྷེ་བྷི་ལོ་ནི་ཡ་དུ་ལུང་སྟོན་པ་ཚོ་གནང་ཡོད་ཅེས་སྨྲས་སོ།

¹⁶གཙོ་བོ་དཀོན་མཆོག་གིས། དཱ་བིད་ཀྱིས་སྲིད་སྐྱོང་གནང་བའི་ཡུལ་དུ་རྒྱལ་སྲིད་སྐྱོངས་མཁན་རྒྱལ་པོ་དང་གྲོང་ཁྱེར་འདིའི་མི་མང་ཁྱོད་ཚོ་མཉམ་དུ་བཙོན་དུ་མ་འཁྲིད་པའི་གཉན་ཚན་ཚོའི་སྐོར་ལ་ཇི་ལྟར་བཀའ་གནང་ཡོད་པར་ཉོན་ཞིག

¹⁷ཀུན་དབང་ཅན་གྱི་གཙོ་བོ་དཀོན་མཆོག་གིས་བཀའ་གནང་བ། ངས་དེ་ཚོའི་སྟེང་དམག་དང་མུ་གེ་དང་ནད་ཡམས་བཏང་ནས་དེ་ཚོར་ཧ་ཅང་རུལ་བའི་སེ་ཡབ་ཟ་བར་མི་རུང་བ་ལྟར་བཟོ་རྒྱུ་ཡིན།

¹⁸ངས་དེ་ཚོ་ལ་དམག་དང་མུ་གེ་དང་ནད་ཡམས་བཅས་པས་དེད་ནས་འཛམ་གླིང་གི་མི་རིགས་རྣམས་ནས་དེ་ཚོས་ཇི་ལྟར་མཐོང་བར་འཇིགས་སྐྲག་སྐྱེས་པར་འགྱུར་རོ། དེ་ཚོ་ས་ཁུལ་ཡོངས་སུ་ཁ་སྟོར་རྒྱུ་ཡིན་པས་མི་མང་རྣམས་ནས་དེ་ཚོ་ལ་ཇི་འདྲ་བྱུང་བར་ཧང་སང་བ་དང་འཇིགས་དངངས་སྐྱེས་པར་འགྱུར། མི་མང་ནས་དེ་ཚོ་ལ་ཁྱད་གསོད་བྱེད་པ་དང་དེ་ཚོའི་མིང་ནི་དམོད་པ་ལྟར་འབོད་པར་འགྱུར།

¹⁹དེ་ཚོ་ལ་དེ་ལྟར་ཡོང་རྒྱུ་ཡིན། གང་ལ་ཟེར་ན། ངས་ངའི་ཞབས་ཕྱི་ལུང་སྟོན་པ་ཚོ་བརྒྱུད་མུ་མཐུད་འཕྲིན་བཏང་བར་དེ་ཚོས་ཉན་མེད་དོ། དེ་ཚོས་ཉན་རྒྱུར་ངོས་ལེན་བྱས་མེད་དོ།

²⁰ངས་བྷེ་བྷི་ལོ་ནི་ཡ་དུ་བཙན་བྱོལ་དུ་གྲོང་མཁན་ཚོ་ཚང་མར་ང་གཙོ་བོ་དཀོན་མཆོག་གིས་སྨྲས་པར་ཉོན་ཞིག

²¹ཀུན་དབང་ཅན་གྱི་གཙོ་བོ་དཀོན་མཆོག་ཨིསི་རཱཨེལ་གྱི་དཀོན་མཆོག་གིས། ཁོང་གི་མཚན་ནས་རྫུན་ཤོད་མཁན་ཀོ་ལ་ཡཱའི་བུ་ཨ་ཧབ་དང་མ་སི་ཨའི་བུ་ཛེ་དེ་ཀི་ཡཱའི་སྐོར་ལ་བཀའ་གནང་བ། ཁོང་གིས་དེ་ཚོ་བྷེ་བྷི་ལོ་ནི་ཡའི་རྒྱལ་པོ་ནེ་བུ་ཀད་ནེ་ཛེར་གྱི་དབང་འོག་ཏུ་རྩིས་སྤྲོད་གནང་རྒྱུ་དང་། ཁོང་གིས་དེ་ཚོ་ཁྱོད་ཚོའི་མིག་གི་མཐོང་སརསྲོག་ཐོག་གཏོང་གི་རེད་ཅེས་གསུངས་སོ།

²²ཡེ་རུ་ཤ་ལེམ་ནས་བྷེ་བྷི་ལོ་ནི་ཡ་དུ་བཙོན་དུ་འཁྲིད་པའི་མི་མང་གིས་སུ་ཞིག་ལ་དམོད་པ་རྒྱབ་སྐབས་ཁོ་ཚོས་གཙོ་བོ་དཀོན་མཆོག་གིས་ཁྱོད་ལ་བྷེ་བྷི་ལོ་ནི་ཡའི་རྒྱལ་པོས་ཛེ་དེ་ཀི་ཡཱ་དང་ཨ་ཧབ་གཉིས་གསོན་པོར་སྲེགས་པ་ལྟར་མཛད་པར་ཤོག་ཅེས་བརྗོད་དོ།

²³དེ་ཚོའི་ཐོབ་སྐལ་དེ་ལྟར་ཡིན། གང་ལ་ཟེར་ན། དེ་ཚོའི་སྡིག་པ་ཚབ་ཆེན་ཡིན་ནོ། དེ་ཚོས་ལོག་གཡེམ་གྱིས་པ་དང་གཙོ་བོ་དཀོན་མཆོག་གི་མཚན་ནས་རྫུན་སྨྲས་ཡོད་དོ། དེ་ནི་གཙོ་བོ་དཀོན་མཆོག་གི་དགོངས་པ་དང་འགལ་བ་ཡིན། དེ་ཚོས་ཇི་གྱིས་པར་ཁོང་གིས་མཁྱེན་ནས་ཁོང་དེའི་དཔང་པོ་ཞིག་ཡིན་ཞེས་ནོ་ཞེས་གཙོ་བོ་དཀོན་མཆོག་གིས་བཀའ་གནང་བ་ཡིན་ནོ༎

²⁴ཀུན་དབང་ཅན་གྱི་གཙོ་བོ་དཀོན་མཆོག་ཨིསི་རཱཨེལ་གྱི་དཀོན་མཆོག་གིས། ནེ་ཧེ་ལམ་ནས་ཡིན་པ་ཤེ་མ་ཡཱའི་ཆེད་དུ་ང་ལ་འཕྲིན་ཞིག་གནང་བྱུང་། ཡེ་རུ་ཤ་ལེམ་གྱི་མི་མང་དང་མ་སི་ཨའི་བུ་བླ་མ་ཛེ་ཕན་ཡཱ་དང་གཞན་བླ་མ་ཚང་མར་ཁོ་རང་གི་མིང་ཐོག་ཡི་གེ་ཞིག་བཏང་ཡོད། ཡི་གེའི་ནང་ཤེ་མ་ཡཱས་ཛེ་ཕན་ཡཱ་ལ་འདི་ལྟར་བྲིས་ཡོད།

²⁶གཙོ་བོ་དཀོན་མཆོག་གིས་ཁྱོད་ཡེ་ཧོ་ཡ་དྷའི་ཚབ་ཏུ་བླ་མར་བསྐོས་གནང་བ་དང་། ད་ཆ་ཁྱོད་མཆོད་ཁང་གི་དཔོན་པོ་གཙོ་བོ་ཡིན། ཁྱོད་ཀྱིས་ལུང་སྟོན་པ་ཡིན་མདོག་བྱེད་མཁན་མི་སྨྱོན་པ་ཚང་མར་སྐེ་ལ་ལྕགས་ཀྱི་གོ་ང་བཅས་ལྕགས་སྒྲོག་རྒྱབ་རྒྱུའི་ལས་འགན་ཡིན་ནོ།

²⁷ཁྱོད་ཀྱིས་ཨ་ན་ཐོད་ཀྱི་ཡེར་མི་ཡཱས་མི་མང་ལུང་སྟོན་པ་ལྟར་སྨྲ་མཁན་དེ་ལ་དེ་ལྟར་མ་བྱས་པ་ཡིན་ནམ།

²⁸ཁོ་ལ་ངེས་པར་དུ་བཀག་འགོག་བྱེད་དགོས་སོ། གང་ལ་ཟེར་ན། ཁོས་བྷེ་བྷི་ལོ་ནི་ཡ་དུ་མི་མང་དེ་ཚོ་ཡུན་རིང་པོ་དེར་བཙོན་པར་སྡོད་དགོས་པའི་ཁང་པ་བརྩིགས་ནས་གཞིས་ཆགས་དགོས་པ་དང་། ལྡུམ་རར་ཚལ་གྱི་ས་བོན་བཏབ་ནས་དེར་གང་སྐྱེས་པ་རྣམས་ཟ་དགོས་ཅེས་སྨྲས་ཡོད།

²⁹ཛེ་ཕན་ཡཱས་ངལ་ཡི་གེ་དེ་བཞིན་ཀློག་བྱུང་།

³⁰དེ་ནས་གཙོ་བོ་དཀོན་མཆོག་གིས་ང་ལ།

³¹ཤེ་མ་ཡཱའི་སྐོར་ལ་བྷེ་བྷི་ལོ་ནི་ཡའི་བཙོན་པ་ཚོར་འཕྲིན་འདི་ལྟར་གཏོང་ཞིག་ཅེས་བཀའ་གནང་ངོ་། ང་གཙོ་བོ་དཀོན་མཆོག་གིས་ཤེ་མ་ཡཱ་དང་ཁོའི་རིགས་བརྒྱུད་ཚང་མར་ཆད་པ་གཏོང་རྒྱུ་ཡིན། ངས་ཁོ་ལ་བཏང་མེད་ན་ཡང་། ཁོས་ལུང་སྟོན་པ་ལྟར་ཁྱོད་ཚོར་གཏམ་གླེང་བྱས་པ་དང་ཁྱོད་ཚོར་རྫུན་ལ་ཡིད་ཆེས་བྱེད་དུ་འཇུག་ཡོད། ཁྱོད་ཚོའི་ཁྲོད་དུ་ཁོའི་རིགས་བརྒྱུད་བྱུང་བར་མི་འགྱུར་རོ། ཁོས་ངའི་མི་མང་རྣམས་ལ་བྱ་བ་བཟང་པོ་བྱ་རྒྱུ་མཐོང་མི་ཐུབ། གང་ལ་ཟེར་ན། ཁོས་དེ་ཚོར་ང་ལ་ངོ་ལོག་རྒྱབ་དགོས་ཅེས་སྨྲས་ཡོད། ང་གཙོ་བོ་དཀོན་མཆོག་གིས་སྨྲས་པ་ཡིན་ནོ༎