Read Tibetan — པོད་སྐད་Tibetan Old Testament 2011 ཡེར་མི་ཡཱ 31 Bible Online

ཡེར་མི་ཡཱ 31 - Tibetan — པོད་སྐད་Tibetan Old Testament 2011 bible

ཡེར་མི་ཡཱ 31

¹གཙོ་བོ་དཀོན་མཆོག་གིས་བཀའ་གནང་བ། ང་ཨིསི་རཱཨེལ་གྱི་སྡེ་རིགས་ཚང་མའི་དཀོན་མཆོག་དང་ཁོ་ཚོ་ངའི་མི་མང་དུ་འགྱུར་བའི་དུས་ཚོད་སླེབས་བཞིན་ཡོད།

²འཆི་བ་ནས་ཐར་བ་ཚོར་བྱེ་ཐང་ནང་ངས་སྙིང་རྗེ་བཏོན་ཡོད། ཨིསི་རཱཨེལ་གྱི་མི་མང་ཚོས་ང་ལ་གསོ་བྱེད་འདོད་པའི་སྐབས་སུ།

³ཐག་རིང་ནས་ང་དེ་ཚོར་མངོན་བསལ་གྱིས་པ་ཡིན། ཨིསི་རཱཨེལ་གྱི་མི་མང་ཚོ་ངས་ཁྱོད་ཚོར་རྟག་ཏུ་བྱམས་བརྩེ་གྱིས་ཡོད། དེར་བརྟེན་ངས་ཁྱོད་ཚོར་ངའི་གཏན་གྱི་བྱམས་བརྩེ་མུ་མཐུད་བཏོན་བཞིན་ཡོད།

⁴ཡང་སྐྱར་ངས་ཁྱོད་ཚོ་སླར་གསོ་བྱ་རྒྱུ་ཡིན། ཁྱོད་ཚོས་ཡང་སྐྱར་ལག་རྔ་རྣམས་ལེན་ནས་དགའ་བའི་ཆེད་ཞབས་བྲོ་རྒྱབ་པར་བྱེད་དོ།

⁵ཡང་སྐྱར་ཁྱོད་ཚོས་ས་མར་ཡའི་རི་བོ་རྣམས་ཀྱི་སྟེང་རྒུན་ཚལ་འཛུགས་པ་དང་། འཛུགས་མཁན་ཚོས་རྒུན་ཚལ་ནང་སྐྱེས་པ་རྣམས་སྤྱོད་པར་བྱེད།

⁶ཨེཕ་ར་ཡིམ་གྱི་རི་བོ་རྣམས་ཀྱི་སྟེང་ནས་སྲུང་མཁན་ཚོས་ང་ཚོ་ཛི་ཡོན་དུ་གཙོ་བོ་དཀོན་མཆོག་ང་ཚོའི་དཀོན་མཆོག་གི་དྲུང་དུ་འགྲོའོ་ཞེས་འབོད་པའི་དུས་སྐབས་ཡོང་བཞིན་ཡོད་དོ།

⁷གཙོ་བོ་དཀོན་མཆོག་ཁོང་གིས་བཀའ་གནང་བ། མི་རིགས་ནང་ནས་རླབས་ཆེན་ཨིསི་རཱཨེལ་པ་ཡི་ཆེད། དགའ་ཞིང་སྤྲོ་བའི་གླུ་དབྱངས་ལེན་པར་གྱིས། ཁྱོད་ཚོའི་བསྟོད་དབྱངས་གླུ་གཞས་ལེན་པར་གྱི། གཙོ་བོ་དཀོན་མཆོག་ཁོང་གི་མི་མང་ཚོ་ལ་སྐྱབས། ལྷག་ལུས་རྣམས་ལ་ཐར་བར་མཛད་ཡོད་དོ།

⁸དེ་ཚོ་ང་ཡི་བྱང་ནས་འཁྲིད་ཡོང་ཞིང་། ས་གཞིའི་མཐའ་ནས་ཚུར་རུ་བསྡུས་པར་བྱ། དེ་ཚོ་མཉམ་དུ་ཞ་བོ་ལོང་བ་དང་། མངལ་ལྡན་སྐྱེས་གྲབ་ཡོད་མཁན་བུད་མེད་བྱུང་བར་འགྱུར། དེ་ཚོ་མི་རིགས་རླབས་ཆེན་འགྱུར་ནས་ལོག་ཡོང་བར་འགྱུར།

⁹མི་མང་དེ་ཚོ་ང་ཡི་འཁྲིད་ཡོང་སྐབས། ངུས་ནས་སྨོན་ལམ་འདེབས་ཤིག་ཕྱིར་ལོག་ཡོང་། ང་ཡི་དེ་རྣམས་ཆུ་མིག་གི་ཆུ་དང་། མ་བརྡབ་ལམ་འཇམ་བརྒྱུད་ནས་སྣེ་འཁྲིད་བྱ་རྒྱུ་ཡིན། ང་ནི་ཨིསི་རཱཨེལ་པ་ཡི་ཕ་ལྟར་དང་། ཨེཕ་ར་ཡིམ་ངའི་བུ་ནི་རྒན་ཤོས་ལྟར།

¹⁰གཙོ་བོ་དཀོན་མཆོག་ཁོང་གིས་བཀའ་གནང་བ། མི་རིགས་ཚོ་ནི་ང་ལ་ཚུར་ཉོན་ཞིག། ཐག་རིང་མཚོ་འགྲམ་ལ་ངའི་བཀའ་ཁྱབ་སྒྲགས་བྱོས། ང་ཡི་མི་མང་ཁ་སྟོར་དེ་ཚོ་བསྡུས། ལུག་རྫིས་ལུག་ཁྱུ་སྲུང་ལྟར་ངས་དེས་སྲུང་།

¹¹ང་ཡི་ཨིསི་རཱཨེལ་པ་རྣམས་རང་དབང་བཏང་། སྟོབས་ཆེན་མི་རིགས་ལག་ནས་དེ་ཚོ་སྐྱབས།

¹²དེ་རྣམས་ཛི་ཡོན་རི་བོ་དགའ་གཞས་གཏོང་། འབྲུ་དང་ཆང་དང་སྐྱུར་སྣུམ་གནང་སྦྱིན་དང་། ལུག་དང་ཕྱུགས་ཟོག་ང་ཡི་གནང་སྦྱིན་གྱིས། དེ་ཚོ་ཚང་མ་དགའ་བར་འགྱུར་བར་བྱེད། སྐྱེད་མོས་ཚལ་དུ་ཆུ་བཟང་གཏོང་བ་ལྟར། དེ་ཚོས་འདོད་པ་གང་ཡོད་ཐོབ་པར་འགྱུར།

¹³བུ་མོ་ཚོ་ཡི་བྲོ་ཁྲབ་དགའ་སྤྲོ་བྱེད། སྐྱེས་པ་རྒན་གཞོན་རྣམས་ནི་དགའ་བདེར་སྤྱོད། དེ་ཚོ་རྣམས་ལ་ང་ཡི་སེམས་གསོ་བྱེད། དེ་ཚོའི་མྱ་ངན་རྣམས་ནི་དགའ་བར་བཟོས། དེ་ཚོའི་སྡུག་བསྔལ་རྣམས་ནི་སྐྱིད་དུ་འགྱུར།

¹⁴ང་ཡི་བླ་མར་བཅུད་ལྡན་ཟས་ཚིམ་བྱ། ང་ཡི་མི་མང་དགོས་པ་རྣམས་སྒྲུབ་བྱེད། གཙོ་བོ་དཀོན་མཆོག་ང་ཡིས་སྨྲས་པ་ཡིན༎

¹⁵གཙོ་བོ་དཀོན་མཆོག་གིས་བཀའ་གནང་བ། ར་མཱའི་ནང་ནས་སྐད་ཅིག་ཐོས་པ་དང་། དེ་ནི་ངུ་བའི་སྐད་ཅིག་ཡིན་པ་དང་། ར་ཧེལ་རང་གི་ཕྲུ་གུ་ཚོའི་ཆེད་དུ་ངུ་། དེ་ཚོ་ཕྱིན་ནས་སུ་ཡང་མེད་པ་དང་། མོ་ལ་སེམས་གསོ་བྱེད་པར་མི་འདོད་དོ།

¹⁶ངུ་མཚམས་བཞག་ནས་མིག་ནས་མིག་ཆུ་ཕྱིས། ཕྲུ་གུའི་ཆེད་དུ་ཇི་བྱེད་བྱ་དགའ་ཐོབ། དེ་ཚོ་དགྲ་བོའི་ཡུལ་ནས་ལོག་པར་འགྱུར།

¹⁷ཁྱོད་ཀྱི་མ་འོངས་ཆེད་དུ་རེ་བ་ཡོད། ཁྱོད་ཀྱི་ཕྲུ་གུ་ཁྱིམ་དུ་ལོག་པར་འགྱུར། གཙོ་བོ་དཀོན་མཆོག་ང་ཡིས་སྨས་པ་ཡིན།

¹⁸ང་ཡི་ཨིསི་རཱཨེལ་པ་ཡི་མི་མང་རྣམས། སྡུག་བསྔལ་ངང་ནས་འདི་ལྟར་སྨྲས་པ་ཐོས། གཙོ་བོ་དཀོན་མཆོག་ང་ཚོ་སེམས་ཅན་མ་དུལ་འདྲ། ཡིན་པས་ཁྱོད་ཀྱིས་བཀའ་ལ་ཉན་རྒྱུ་སློབ། ང་ཚོ་ཚང་མ་ཕྱིར་ལོག་འཁྲིད་པར་མཛོད། གཙོ་བོ་དཀོན་མཆོག་ང་ཚོའི་དཀོན་མཆོག་ཁྱེད་ཀྱི་སྐུ་དྲུང། ང་ཚོ་ཕྱིར་ལོག་བྱ་རྒྱུར་གྲ་སྒྲིག་ཡོད།

¹⁹ང་ཚོས་ཁྱེད་ལ་བློ་ཁ་བསྒྱུར་ཡོད་པས། མགྱོགས་པར་ང་ཚོ་ཁྱེད་དྲུང་ལོག་འདོད་ཡོད། ཁྱེད་ཀྱིས་ང་ཚོ་ཆད་པ་གཏོང་བའི་རྗེས། ང་ཚོའི་མགོ་བོ་མྱ་ངན་ངང་ནས་འཕྱར། ང་ཚོ་ངོ་ཚ་དམའ་འབེབས་བྱུང་ཡོད་དོ། གང་ལ་ཟེར་ན་ང་ཚོ་གཞོན་ནུས་དུས་སུ་སྡིག་པ་གྱིས།

²⁰ཨིསི་རཱཨེལ་ཁྱོད་ནི་ང་ཡི་བུ་བརྩེ་ཤོས་ཡིན། ངའི་ཕྲུ་གུ་བརྩེ་བ་ཆེ་ཤོས་དེ་ཡིན་ནོ། སྐབས་རེ་སྐབས་རེ་ཁྱོད་ཀྱི་མིང་ལེན་སྐབས། བརྩེ་བའི་ཐོག་ཏུ་ངས་ཁྱོད་བསམ་བཞིན་ཡོད། ངའི་སེམས་རྟག་ཏུ་ཁྱོད་ཀྱི་སར་ཡོད་དོ། ང་ནི་ཁྱོད་ལ་སྙིང་རྗེ་བྱ་རྒྱུ་ཡིན།

²¹ལམ་དེར་བརྡ་སོགས་བཞག་ནས་རྟགས་རྒྱོབ་ཅིག། ཁྱོད་རང་ཐོན་པའི་ལམ་དེ་ཡང་སྐྱར་རྙེད་པར་བྱོས། ཨིསི་རཱཨེལ་པ་ཡི་མི་མང་ཚུར་ལོག་ཤོག། ཁྱོད་ཚོས་བཞག་པའི་གྲོང་གི་ཁྱིམ་དུ་ལོག།

²²དད་པ་མེད་པའི་མི་མང་ཁྱོད་ཚོ་རྣམས། དུས་ཡུན་ཇི་ཙམ་རིང་ལ་ཐེ་ཚོམ་བྱེད། བུད་མེད་ཁྱོ་ལ་སྐྱོབ་ལྟར་མི་འདྲ་ཞིག། ང་ཡི་མི་འདྲ་བ་གསར་པ་ཞིག་བསྐྲུན་ཡོད༎

²³ཀུན་དབང་ཅན་གྱི་གཙོ་བོ་དཀོན་མཆོག་ཨིསི་རཱཨེལ་གྱི་དཀོན་མཆོག་གིས་བཀའ་གནང་བ། ངས་ངའི་མི་མང་གི་ཡུལ་སླར་གསོ་བྱ་སྐབས་དེ་ཚོའི་སླར་ཡང་ཡ་ཧུ་དཱའི་ཡུལ་དང་དེའི་གྲོང་ཁྱེར་ཚོ་ནང་དེ་ལྟར་སྨྲས་ཡོང་། གཙོ་བོ་དཀོན་མཆོག་གིས་ཁོང་བཞུགས་པའི་གནས་ཡེ་རུ་ཤ་ལེམ་གྱི་རི་བོ་དམ་པ་འདིར་བྱིན་གྱིས་རློབས་པར་ཤོག་ཅེས་བརྗོད་པར་བྱའོ།

²⁴མི་མང་རྣམས་ཡ་ཧུ་དཱ་དང་དེའི་གྲོང་ཁྱེར་རྣམས་ནང་སྡོད་པ་དང་། དེའི་ནང་ཞིང་པ་དང་ལུག་ཁྱུ་ཡོད་པའི་ལུག་རྫི་བཅས་གནས་ཡོང་།

²⁵ངས་ཐང་ཆད་པ་རྣམས་ལ་སངས་པར་བྱེད་ཅིང་ལྟོགས་ནས་སྐྱོ་པོ་ཡོད་པ་ཚོར་ཟས་ཀྱིས་ཚིམ་པར་བྱ་རྒྱུ་ཡིན་ནོ།

²⁶དེ་བས་ན་མི་མང་ཚོས་ང་གཉིད་ཉལ་དུ་སོང་བ་དང་སི་སང་སང་བྱས་ནས་གཉིད་སད་བྱུང་ཞེས་བརྗོད་པར་བྱའོ།

²⁷ང་གཙོ་བོ་དཀོན་མཆོག་གིས་སྨྲས་རྒྱུར། ངས་ཨིསི་རཱཨེལ་དང་ཡ་ཧུ་དཱའི་ཡུལ་ནང་ལ་མི་དང་སེམས་ཅན་གྱི་ཁེངས་པར་བྱ་རྒྱུའི་དུས་ཚོད་སླེབས་བཞིན་ཡོད།

²⁸ངས་ཇི་ལྟར་རྩ་འགོག་བྱ་རྒྱུ་དང་། རྟིབ་རྒྱུ་དང་དོར་རྒྱུ་དང་། མེད་པར་བཟོ་རྒྱུ་དང་། བཤིགས་རྒྱུ་བཅས་པར་ཟབ་ནན་གྱིས་པ་ལྟར་ངས་དེ་ཚོ་འདེབས་རྒྱུ་དང་བཟོ་རྒྱུ་ཡང་ཟབ་ནན་བྱ་རྒྱུ་ཡིན་ནོ།

²⁹དུས་ཚོས་དེ་སླེབས་སྐབས་མི་ཚོས་དེ་ལྟར་ནམ་ཡང་སྨྲ་མི་ཡོང། ཕ་མེས་རྒུན་འབྲུམ་སྐྱུར་པོ་བཟའ་བ་དང། འོན་ཀྱང་ཕྲུ་གུ་ཚོར་སྐྱུར་པོའི་བྲོ་བ་འཚོར་རོ།

³⁰དེའི་ཚབ་ལ་རྒུན་འབྲུམ་སྐྱུར་པོ་ཟ་མཁན་ཚོའི་སོ་གཙིད་པར་འགྱུར་བ་དང་རང་གི་སྡིག་པའི་རྐྱེན་གྱིས་འཆི་བར་འགྱུར་ཞེས་བརྗོད་དོ།

³¹གཙོ་བོ་དཀོན་མཆོག་གིས་བཀའ་གནང་བ། ཨིསི་རཱཨེལ་དང་ཡ་ཧུ་དཱ་པའི་མི་མང་ལ་ངས་དམ་བཅའ་གསར་པ་ཞིག་འཇོག་པའི་དུས་ཚོད་སླེབས་བཞིན་ཡོད།

³²དེ་ནི་ངས་དེ་ཚོའི་ཕ་མེས་ཚོའི་ལག་ནས་འཇུས་ཤིང་ཨི་ཇིབ་ཡུལ་ནས་འདོན་སྐབས་འཇོག་པའི་དམ་བཅའི་རྙིང་པ་དེ་དང་མི་འདྲའོ། ང་དེ་ཚོའི་ཁྱོ་ལྟར་ཡིན་ན་ཡང་དེ་ཚོས་དམ་བཅའ་དེ་རྩ་འཛིན་བྱས་མེད་དོ།

³³ངས་ཨིསི་རཱཨེལ་གྱི་མི་མང་མཉམ་དུ་འཇོག་པའི་དམ་བཅའ་གསར་པ་དེ་ངས་ངའི་ཁྲིམས་དེ་ཚོའི་ཁྲོད་དུ་འཇོག་རྒྱུ་དང་། དེ་ཚོའི་སེམས་ནང་དེ་བྲིས་རྒྱུ་ཡིན་ནོ། ང་དེ་ཚོའི་དཀོན་མཆོག་ཏུ་འགྱུར་བ་དང་དེ་ཚོ་ངའི་འབངས་སུ་འགྱུར་རོ།

³⁴དེ་ཚོ་སུས་ཀྱང་རང་གི་ཡུལ་མི་ཚོར་གཙོ་བོ་དཀོན་མཆོག་ངོ་ཤེས་པར་སློབ་མི་དགོས། གང་ལ་ཟེར་ན། ཆུང་བ་ནས་ཆེ་ཤོས་བར་ཚང་མས་ང་ངོ་ཤེས་སོ། ངས་དེ་ཚོའི་སྡིག་པ་སེལ་བ་དང་དེ་ཚོའི་ནོར་འཁྲུལ་སླར་དྲན་པར་མི་བྱའོ། ང་གཙོ་བོ་དཀོན་མཆོག་གིས་སྨྲས་པ་ཡིན་ནོ།

³⁵གཙོ་བོ་དཀོན་མཆོག་ཁོང་གི་ཉི་འོད་ཆེད་དུ་ཉི་མ་གནང་། མཚན་དུ་ཤར་ཆེད་ཟླ་བ་སྐར་མ་གནང་། རྒྱ་མཚོ་དཀྲུག་ནས་སྐད་སྒྲ་སྒྲོགས་སུ་བཅུག། ཁོང་མཚན་གཙོ་བོ་དཀོན་མཆོག་ཀུན་དབང་ཅན་ཡིན་ནོ།

³⁶སྔར་སྲོལ་ནམ་གནས་བར་དུ་ཨིསི་རཱཨེལ། མི་རིགས་ཞིག་ཏུ་གནས་པའི་ཞལ་བཞེས་གནང་།

³⁷གལ་སྲིད་ཉིན་ཅིག་ནམ་མཁར་ཚད་རྒྱབ་ཐུབ་པ་དང་། ས་གཞིའི་རྨང་གཞི་རྣམས་རྩད་གཅོད་ཐུབ་པ་ན། དེ་ནས་གཅིག་པོ་ཁོང་གིས་ཨིསི་རཱཨེལ་མི་མང་ལ་དེ་ཚོས་ཇི་བྱས་རྣམས་ཀྱི་རྐྱེན་སྤོང་བར་མཛད། གཙོ་བོ་དཀོན་མཆོག་ཁོང་གིས་བཀའ་གནང་ངོ་།

³⁸གཙོ་བོ་དཀོན་མཆོག་ཁོང་གིས་བཀའ་གནང་བ། ཧ་ན་ནེལ་གྱི་གན་དོ་ལ་ནས་ཟུར་གྱི་རྒྱལ་སྒོ་བར་ཡེ་རུ་ཤ་ལེམ་ཡོངས་ཛོགས་ངའི་གྲོང་ཁྱེར་བཞིན་སྐྱར་བཟོ་བའི་དུས་ཚོད་སླེབས་བཞིན་ཡོད།

³⁹དེའི་ས་མཚམས་ནི་གྷ་རེབ་རི་བོ་ནས་འགོ་ཚུགས་ནས་གོ་ཨཱའི་མཐའ་འཁོར་བར་ཡིན།

⁴⁰ལུང་གཤོང་ཡོངས་རྫོགས་གཤིན་པོ་སྦས་ཡུལ་དང་གས་སྙིགས་དབྱུགས་ཡུལ་དང་ཀིད་རོན་ཆུ་རླུང་ཡན་གྱི་ཞིང་ཁ་ཡོངས་རྫོགས་རྟའི་རྒྱལ་སྒོའི་བར་ང་ལ་དམ་པར་འགྱུར། ཕྱིན་ཆད་གྲོང་ཁྱེར་དེ་བཤིགས་པ་དང་མེད་པར་མི་བཟོའོ༎