Read Tibetan — པོད་སྐད་Tibetan Old Testament 2011 ཡེར་མི་ཡཱ 43 Bible Online

ཡེར་མི་ཡཱ 43 - Tibetan — པོད་སྐད་Tibetan Old Testament 2011 bible

ཡེར་མི་ཡཱ 43

¹གཙོ་བོ་དཀོན་མཆོག་དེ་ཚོའི་དཀོན་མཆོག་གིས་ངས་དེ་ཚོ་ལ་བཀའ་བཤད་པར་གཏོང་གནང་བ་ཐམས་ཅད་ངས་བཤད་ཚར་བ་ཡིན།

²དེ་ནས་ཧོ་ཤ་ཡཱའི་བུ་ཨ་ཛར་ཡཱ་དང་ཀ་རི་ཨའི་བུ་ཡོ་ཧ་ནན་དང་གཞན་ཏམ་འདོད་ཅན་གྱི་མི་ཚོས་ང་ལ་འདི་ལྟར་སྨྲས་སོ། ཁྱོད་ཀྱིས་རྫུན་ཤོད་བཞིན་ཡོད། གཙོ་བོ་དཀོན་མཆོག་ང་ཚོའི་དཀོན་མཆོག་གིས་ང་ཚོ་ཨི་ཇིབ་དུ་གནས་སྡོད་བྱེད་པར་མ་འགྲོ་གསུངས་བར་ཁྱོད་ལ་གཏོང་གནང་མེད་དོ།

³བྷེ་བྷི་ལོ་ནི་ཡ་པ་ཚོས་ང་ཚོའི་སྟེང་དབང་བསྒྱུར་བྱེད་ཐུབ་པ་དང་ང་ཚོ་གསོད་པ་དང་ཡང་ན་བྷེ་བྷི་ལོ་ནི་ཡ་དུ་འཁྲིད་ཐུབ་པའི་ཆེད་ནེ་རི་ཡཱའི་བུ་བྷ་རུག་གིས་ང་ཚོའི་རྒྱབ་འགལ་དུ་ཁྱོད་ལ་དཀྲུགས་ཤིང་བརྒྱབ་བོ།

⁴དེར་བརྟེན་ཡོ་ཧ་ནན་དང་དམག་མིའི་འགོ་འཛིན་ཚོ་དང་མི་མང་བཅས་པ་སུས་ཀྱང་གཙོ་བོ་དཀོན་མཆོག་གིས་ཡ་ཧུ་དཱར་སྡོད་གསུང་པའི་བཀར་མ་ཉན་ནོ།

⁵དེ་ནས་ཡོ་ཧ་ནན་དང་དམག་མིའི་འགོ་འཛིན་ཚང་མས་ཡ་ཧུ་དཱ་ནས་ལྷག་ལུས་རྣམས་ཨི་ཇིབ་དུ་འཁྲིད་པ་དང། རྒྱལ་ཁབ་གཞན་ནས་ཁ་འཐོར་དུ་གནས་པའི་མི་མང་རྣམས།

⁶ཁྱོ་དང་བུད་མེད་དང་བུ་ཕྲུག་དང་རྒྱལ་པོའི་སྲས་མོ་བཅས་ཁོ་ཚོ་མཉམ་དུ་འཁྲིད་ནས་ཐོན་ནོ། དེ་ཚོས་ནེ་བུ་ཛ་ར་དྷན་གྱིས་གེ་ད་ལི་ཡའི་བལྟ་རྟོགས་འོག་བཞག་པའི་མི་རྣམས་དང་བྷ་རུག་དང་ང་བཅས་པ་ཚང་མ་འཁྲིད་དོ།

⁷དེ་ཚོས་གཙོ་བོ་དཀོན་མཆོག་གི་བཀའ་ལ་མ་ཉན་པར། ཨི་ཇིབ་ཀྱི་གྲོང་ཁྱེར་ཏ་ཕན་ཧེསེ་བར་ཕྱིན་ནོ།

⁸དེར་གཙོ་བོ་དཀོན་མཆོག་གིས་ང་ལ་བཀའ་འདི་ལྟར་གནང་ངོ་། རྡོ་ཆེན་པོ་འགའ་ཤས་བླང་ནས་གྲོང་ཁྱེར་འདིའི་གཞུང་གི་ཁང་པའི་འཛུལ་སྒོའི་མདུན་དུ་ཨར་ཁའི་རྡོ་བཅལ་འོག་སྦས་ཤིག དེ་ལྟར་ཁྱོད་ཀྱིས་བྱས་པ་དེ་ཨིསི་རཱཨེལ་པ་འགའ་ཤས་ཀྱིས་མཐོང་བ་བྱོས་ཤིག

¹⁰དེ་ནས་དེ་ཚོ་ལ་ང་མཐུ་སྟོབས་ཅན་གྱི་གཙོ་བོ་དཀོན་མཆོག་ཨིསི་རཱཨེལ་གྱི་དཀོན་མཆོག་གིས། ངའི་ཞབས་ཕྱི་བྷེ་བྷི་ལོ་ནི་ཡའི་རྒྱལ་པོ་ནེ་བུ་ཀད་ནེ་ཛར་ས་གནས་འདིར་འཁྲིད་པ་དང་། ཁོང་གིས་ཁྱོད་ཀྱིས་སྦས་པའི་རྡོ་འདི་ཚོའི་སྟེང་རྒྱལ་ཁྲི་རྒྱབ་ནས་ས་ཁུལ་ཡོངས་སུ་ཁོང་གི་རྒྱལ་པོའི་གུར་རྣམས་ཕུབ་པར་འགྱུར་ཞེས་སྨྲས་ཤིག

¹¹ནེ་བུ་ཀད་ནེ་ཛར་ཡོང་ནས་ཨི་ཇིབ་འཕམ་པར་བྱེད་པར་འགྱུར། མི་མང་ནད་ཡམས་ཀྱིས་འཆི་རྒྱུར་བསྐོས་པ་རྣམས་ནད་ཡམས་ཀྱི་འཆི་བར་འགྱུར། བཙོན་དུ་འཁྲིད་པ་དང་བཙོན་དུ་འཁྲིད་པར་འགྱུར། དམག་ཏུ་གསོད་པར་བསྐོས་པ་རྣམས་དམག་དུ་གསོད་པར་འགྱུར།

¹²ངས་ཨི་ཇིབ་ཀྱི་ལྷ་ཁང་རྣམས་མེར་བསྲེགས་པ་དང་བྷེ་བྷི་ལོ་ནི་ཡའི་རྒྱལ་པོས་དེ་ཚོའི་ལྷ་རྣམས་མེར་བསྲེག་པའམ་ཡང་ན་འཁྱེར་བར་བྱེད་དོ། ལུག་རྫི་ཞིག་གིས་རང་གི་གོས་ནས་ཤིག་གཙང་མར་སྒྲུག་པ་ལྟར་བྷེ་བྷི་ལོ་ནི་ཡའི་རྒྱལ་པོས་ཨི་ཇིབ་ཡུལ་གཙང་མར་སྒྲུག་ནས་རྒྱལ་ཁའི་ངང་འཇོག་པར་མཛད་དོ།

¹³ཁོས་ཨི་ཇིབ་ཀྱི་ཧེ་ལི་ཨོ་པོ་ལིསེ་ཀྱི་རྡོའི་དྲན་རྟེན་རྩ་ཆེན་རྣམས་མེད་པར་བཟོ་པ་དང་། ཨི་ཇིབ་པའི་ལྷ་ཚོའི་ལྷ་ཁང་ཚོ་ཡང་སྲེག་པར་མཛད་དོ༎