Read Tibetan — པོད་སྐད་Tibetan Old Testament 2011 ཨི་ཛི་ཀི་ཨེལ 27 Bible Online

ཨི་ཛི་ཀི་ཨེལ 27 - Tibetan — པོད་སྐད་Tibetan Old Testament 2011 bible

ཨི་ཛི་ཀི་ཨེལ 27

¹གཙོ་བོ་དཀོན་མཆོག་གིས་ང་ལ་བཀའ་གནང་བ་ནི།

²ཀྱེ་མི་རྟག་པའི་སྐྱེ་བོ་ཊ་ཡར་གྱི་ཆེད་དུ་ཕུང་པོ་འདོན་པའི་མགུར་མ་ཞིག་འདོན་ཞིག

³གྲོང་ཁྱེར་དེ་རྒྱ་མཚོའི་མཐའ་རུ་ཡོད་པ་དང་། རྒྱ་མཚོའི་མཐའ་ཚང་མར་སྡོད་མཁན་གྱི་མི་མང་མཉམ་དུ་འཚོང་བརྒྱབ་ཀྱི་ཡོད་དོ། མོ་ལ་བླ་ན་མེད་པའི་གཙོ་བོ་དཀོན་མཆོག་གིས་བཀའ་གནང་བ་འདི་ལྟར་སྨྲོས་ཤིག ཊ་ཡར་ཁྱོད་ནི་མཛེས་སྡུག་ལྡན་པ་ཡིན་ཟེར་ང་རྒྱལ་བྱེད།

⁴ཁྱོད་ཀྱི་ཁྱིམ་ནི་རྒྱ་མཚོ་ཡིན། ཁྱོད་ལ་ཡིད་འོང་གྲུ་ལྟར་བཟོ་པས་བཟོས།

⁵དེ་ཚོས་ཤིང་ནི་རི་བོ་ཧར་མོན་གྱིས། སོམ་ཤིང་ལ་ནི་བེད་སྤྱོད་བྱས་པ་ཡིན། གྲུ་གཟིང་དར་ཤིང་ཆེད་དུ་ལེ་བ་ནོན་གྱི། འགྱམ་ཤིང་ཁག་ལ་བེད་སྤྱོད་བྱས་པ་ཡིན།

⁶དེ་ཚོས་སྐྱ་བ་བཟོ་བར་བྷ་ཤཱན་གྱི། བེ་ཤིང་དང་ནི་གྲུ་གཟིང་པང་ལེབ་རྣམས། ས་ཡི་པེརེསེ་ཡུལ་གྱི་ཤུག་ཤིང་ལས་བཟོས་ཡོད། དེ་ཚོའི་སྟེང་དུ་བ་སོས་བརྒྱན་སྤྲོས་བྱས།

⁷ཁྱོད་ཀྱི་རླུང་གཡོར་རྣམས་ནི་ཀ་ཅིས་རས། ཨི་ཇིབ་ཡུལ་ནས་འཚེམ་སྦྲུག་ཅན་གྱི་བཟོས། ཐག་རིང་གནས་ནས་སླ་པོར་ངོ་ཤེས་སོ། ཁྱོད་ཀྱི་བྱ་གཡབ་རྣམས་ནི་སྤུས་དག་རས་ཀྱི་བཟོས། མུ་མན་རས་དེ་ས་ཡི་པེརེསེ་གླིང་ཕྲན་ནས་འཁྱེར་ཡོང།

⁸ཁྱོད་ཀྱི་གྲུ་སྐྱ་མཁན་རྣམས་སི་དོན་དང་། ཨར་ཝད་གྲོང་ཁྱེར་ཁག་གི་མི་རྣམས་ཡིན། ཁྱོད་ཀྱི་རང་གི་རྩལ་ལྡན་མི་ཚོ་གྲུ་པ་ཡིན།

⁹གྲུ་ཡི་ཤིང་བཟོ་བ་ཡི་མི་རྣམས་ནི། བིབ་ལོསི་ཡི་ཡུལ་ལ་སྦྱོང་དར་ཟིན། རྒྱ་མཚོར་འགྲོ་མཁན་གྲུ་ཡི་གྲུ་པ་ཚོས། ཁྱོད་ཀྱི་ཚོང་ཁང་ནང་ལ་ཚོང་བརྒྱབ་བོ།

¹⁰པར་སི་ཡ་དང་ལི་ཌི་ཡ་དང་ལིབ་ཡ་བཅས་ཀྱི་དམག་མི་ཚོས་ཁྱོད་ཀྱི་དམག་དཔུང་ནང་དམག་ཞབས་ཞུས་པ་དང་། དེ་ཚོས་རང་གི་ཕུབ་དང་རྨོག་ཁྱོད་ཀྱི་དམག་སྒར་ནང་བཀལ་བར་བྱེད། དེ་ཚོ་ཁྱོད་ཀྱི་ཆེད་དུ་གཟི་བརྗིད་རྒྱལ་ཁ་ལེན་མཁན་ཡིན་ནོ།

¹¹ཨར་ཝད་ཀྱི་དམག་མི་ཚོས་ཁྱོད་ཀྱི་ལྕགས་རིའི་རྣམས་སྲུང་བ་དང་། གྷ་མད་ཡུལ་གྱི་དམག་མི་ཚོས་ཁྱོད་ཀྱི་གན་དོ་ལ་རྣམས་སྲུང་བར་བྱེད་དོ། དེ་ཚོའི་ཕུབ་རྣམས་ཁྱོད་ཚོའི་ལྕགས་རིའི་སྟེང་དུ་བཀལ་བ་དང་། དེ་ཚོ་ནི་ཁྱོད་ལ་མཛེས་སྡུག་ཅན་བཟོ་མཁན་གྱི་སྐྱེ་བོ་ཡིན་ནོ།

¹²ཨིསི་པན་ནང་ཁྱོད་ཀྱིས་ཚོང་བྱེད་པ་དང་ཁྱོད་ཀྱི་ཚོང་ཟོག་འབོལ་པོ་ཚོའི་རིན་དུ་དངུལ་དང་ལྕགས་དང་ཀྲིང་དང་ཞ་ཉེ་བཅས་ལེན་ནོ།

¹³ཁྱོད་ཀྱིས་གྷིརིསི་དང་ཏུ་བྷལ་དང་མེ་ཤེག་བཅས་པར་ཚོང་བརྒྱབ་ཅིང་ཁྱོད་ཀྱི་ཚོང་ཟོག་མཉམ་དུ་ཚེ་གཡོག་དང་ལིའི་ཅ་དངོས་ཀྱི་ཚོང་བསྒྱུར་བྱེད་དོ།

¹⁴ཁྱོད་ཀྱིས་བྷེད་ཏོ་གར་མཱ་ནས་འཁོར་ལོ་འཐེན་པའི་རྟ་དང་དམག་རྟ་དང་དྲེལ་བཅས་པར་ཁྱོད་ཀྱི་ཅ་དངོས་ཚོ་ཚོང་འགྲེམ་བྱེད་དོ།

¹⁵རོ་དྷ་ནིམ་གྱི་མི་མང་ཚོས་ཁྱོད་མཉམ་དུ་ཚོང་བྱེད་པ་དང་། རྒྱ་མཚོའི་མཐའ་འགྲམ་གྱི་ཡུལ་གྱི་མི་མང་པོས་ཁྱོད་ཀྱི་ཅ་ལག་ཚོའི་ཚབ་ཏུ་བ་སོ་དང་ཤིང་ནག་པོ་བཅས་སྤྲོད་དོ།

¹⁶སི་རི་ཡའི་མི་མང་ཚོས་ཁྱོད་ཀྱི་ཚོང་ཟོག་དང་ཐོན་འབྲས་མང་པོ་ཉོ་བ་དང་། དེ་ཚོས་ཁྱོད་ཀྱི་ཅ་དངོས་ཚོའི་ཚབ་ཏུ་མརྒད་དང་གོས་ཆེན་མུ་མན་དང་འཚེམ་སྦྲུག་ཁག་དང་ཀ་ཅིའི་རས་སྤུས་དག་དང་བྱུ་རུ་དང་པད་མ་ར་ག་བཅས་སྤྲད་དོ།

¹⁷ཡ་ཧུ་དཱ་དང་ཨིསི་རཱཨེལ་པ་ཚོས་ཁྱོད་ཀྱི་དངོས་ཟོག་ཚོའི་ཚབ་ཏུ་གྲོ་དང་སྦྲང་རྩི་དང་ཁ་སྐྱུར་པོའི་སྣུམ་དང་སྨན་སྣ་ཁག་བཅས་སྤྲད་དོ།

¹⁸དྷ་མསེ་ཀསེ་ཀྱི་མི་མང་ཚོས་ཁྱོད་ཀྱི་ཚོང་ཟོག་དང་ཐོན་འབྲས་རྣམས་ཉོ་བ་དང་དེའི་ཚབ་ཏུ་ཧེལ་བྷོན་གི་རྒུན་ཆང་དང་ས་ཧར་གྱི་བལ་སྤྲད་དོ། དེ་ཚོས་ཁྱོད་ཀྱི་ཅ་དངོས་ཚོ་དང་ལྕགས་ལས་བཟོས་པའི་དངོས་པོ་དང་སྨན་སྣ་བཅས་བརྗེད་ལེན་བྱེད་དོ།

²⁰དྷེ་དན་གྱི་མི་མང་ཚོས་ཁྱོད་ཀྱི་ཚོང་ཟོག་དང་རྟ་སྒའི་རས་བརྗེ་ལེན་བྱེད་དོ།

²¹ཨ་རབ་པ་དང་ཀེ་དར་ཡུལ་གྱི་རྒྱལ་པོ་ཚོས་ཁྱོད་ཀྱི་ཚོང་ཟོག་གི་ཚབ་ཏུ་ལུ་གུ་དང་ལུག་དང་ར་བཅས་སྤྲད་དོ།

²²ཤེ་བྷ་དང་ར་མཱའི་ཚོང་པ་ཚོས་རིན་ཆེན་རིགས་དང་གསེར་དང་སྨན་སྣ་ལེགས་ཤོས་བརྗེ་ལེན་བྱེད་དོ།

²³ཧ་རན་དང་ཀཱན་ནཱེ་དང་ཨེ་དྷེན་བཅས་ཀྱི་གྲོང་ཁྱེར་ཚོ་དང་ཤེ་བྷའི་ཚོང་པ་དང་ཨསེ་ཤུར་གྱི་གྲོང་ཁྱེར་ཚོ་དང་ཀིལ་མད་ཀྱི་ཚོང་པ་ཚང་མས་ཁྱོད་དང་མཉམ་དུ་ཚོང་བྱེད་དོ།

²⁴དེ་ཚོས་ཁྱོད་ལ་རྒྱན་སྤྲོས་ཅན་གྱི་ན་བཟའ་དང་འཚེམ་སྦྲུག་ཅན་དང་ཚོན་དཀྲག་མདངས་ཅན་གྱི་གདན་དང་ལེགས་པར་བཟོས་པའི་ཐག་པ་དང་གོས་བཅས་ཚོང་ངོ་།

²⁵ཁྱོད་ཀྱི་ཚོང་ཟོག་རྣམས་དོད་པོ་འཁྱེར་འཁྱེར་མཁན་གྱི་གྲུ་གཟིང་ཆེ་ཤོས་ནང་འཁྱེར་རོ། ཁྱོད་ལ་ཤིན་ཏུ་ལྗིད་བའི་དོ་པོ་བཀལ། རྒྱ་མཚོའི་ནང་གི་གྲུ་གཟིང་ཞིག་དང་འདྲ།

²⁶གྲུ་སྐྱ་པ་ཚོས་ཁྱོད་ཚོ་མཚོར་འཁྱེར་སྐབས། ཤར་རླུང་གིས་ནི་ཐག་རིང་མཚོ་ཁྲོད་འཛིག།

²⁷ཁྱོད་ཀྱི་གྲུ་གཟིང་ཆག་པར་འགྱུར་བའི་སྐབས། ཁྱོད་ཀྱི་ཚོང་ཟོག་དང་ནི་རྒྱུ་ནོར་རྣམས། གྲུ་ཡི་ལས་བྱེད་གྲུ་པ་ཡོངས་རྫོགས་དང་། ཁྱོད་ཀྱི་གྲུ་བཟོ་མཁན་དང་ཚོང་པ་རྣམས། གྲུ་གཟིང་ནང་ཡོད་དམག་མི་ཡོངས་རྫོགས་བཅས། དེ་ཚོ་ཚང་མ་རྒྱ་མཚོའི་ནང་དུ་བརླག།

²⁸མཚོའི་ནང་དིམ་བཞིན་ཡོད་པའི་གྲུ་པའི་སྐད། རྒྱ་མཚོའི་མཐའ་རུ་གྲགས་པར་འགྱུར་བཞིན་ཡོད།

²⁹ད་ཆ་གྲུ་གཟིང་རྣམས་ནི་སྤངས་བར་གྱིས། གྲུ་པ་རྣམས་ནི་རྒྱ་མཚོའི་མཐའ་རུ་ཕྱིན།

³⁰ཁྱེད་ཆེད་ཚང་མས་མྱ་ངན་དྲག་པོ་བྱེད། མགོའི་སྟེང་རྡུལ་འཐོར་གོ་ཐལ་སྟེང་དུ་སྒྲིལ།

³¹དེ་ཚོས་ཁྱེད་ཀྱི་ཆེད་དུ་སྐྲ་བཞར་ཞིང་། རང་ཉིད་རྩ་ཕད་གོས་ནི་གྱོན་ཡོད་དོ། དེ་ཚོ་ངུ་སྐབས་སེམས་སྡུག་ཚད་མེད་འདུག།

³²དེ་ཚོས་ཁྱེད་ཆེད་ཕུང་འདོན་མགུར་མ་བཏང་། ད་ལྟ་རྒྱ་མཚོའི་ནང་དུ་ཁུ་སིམ་ཡོད། ཊ་ཡར་ལ་ནི་སུ་ཡི་འགྲན་ནུས་སམ།

³³ཁྱོད་ཀྱི་ཚོང་ཟོག་རྒྱ་མཚོའི་སྟེང་འགྲོ་སྐབས། ཁྱེད་ཀྱིས་རྒྱལ་ཁབས་ཚང་མའི་དགོས་མཁོ་བཀང་། ཁྱོད་ཀྱི་ཅ་ལག་དང་ནི་རྒྱུ་ནོར་གྱིས། རྒྱལ་པོ་ཚོ་ལ་ཕྱུག་པོ་བཟོ་ཡོད་དོ།

³⁴ད་ཆ་ཁྱོད་ནི་རྒྱ་མཚོར་འཛིག་ནས་ཡོད། རྒྱ་མཚོའི་གཏིང་རིང་ནང་དུ་ཁྱེད་དིམ་ཡོད། ཁྱོད་ཀྱི་ཅ་དངོས་རྣམས་དང་ལས་བྱེད་རྣམས། ཁྱོད་རང་མཉམ་དུ་རྒྱ་མཚོའི་ནང་དུ་ཡལ།

³⁵རྒྱ་མཚོའི་མཐའ་རུ་སྡོད་མཁན་རྣམས་ཁྱེད་ཀྱི་བྱུས་ཉེས་མཐོང་ནས་ཧ་ལས་སོ། དེ་ཚོའི་རྒྱལ་པོ་ཚོ་ཡང་འཇིགས་སྐྲག་སྐྱེས་ཤིང་དེ་ཚོའི་གདོང་ནི་འཇིགས་པའི་རྣམ་པ་འདོན་བཞིན་ཡོད་དོ།

³⁶ཁྱོད་གཏན་གྱི་ཆེད་མེད་པར་འགྱུར་བ་དང་། འཛམ་གླིང་ཡོངས་ཀྱི་ཚོང་པ་རྣམས་འཇིགས་ཤིང་སྐྲག་ཡོད་དོ། དེ་ཚོ་ཁྱེད་ཀྱི་བྱུས་ཉེས་འདྲ་བ་རང་ལ་བྱུང་བར་འཇིགས་ཤིང་ཡོད༎