Read Tibetan — པོད་སྐད་Tibetan Old Testament 2011 ཧོ་ཟེ 12 Bible Online

ཧོ་ཟེ 12 - Tibetan — པོད་སྐད་Tibetan Old Testament 2011 bible

ཧོ་ཟེ 12

¹ཨིསི་རཱཨེལ་པ་ཚོས་སྔ་དྲོ་ནས་དགོང་དྲོ་བར་གང་བྱེད་པ་ཚང་མ་དོན་མེད་དང་འཇིགས་པ་ཡིན། དེ་ཚོའི་ཁྲོད་དུ་སླུ་ཁྲིད་དང་དྲག་ལས་ཀྱི་ལས་ཀྱི་གྲངས་འཕེལ་བར་བྱེད་པ་དང་། དེ་ཚོས་ཨ་སུར་མཉམ་དུ་མཐུན་ལམ་བྱས་པ་དང་། ཨི་ཇིབ་དང་མཉམ་དུ་ཚོང་རྒྱབ་ཀྱི་ཡོད་དོ།

²ཡ་ཧུ་དཱ་པ་རྣམས་ཀྱི་ཐོག་ཏུ་གཙོ་བོ་དཀོན་མཆོག་གི་སྐྱོན་བརྗོད་གཅིག་ཡོད། ཨིསི་རཱཨེལ་པ་ཚོ་ལ་ཡང་དེ་ཚོའི་བྱ་སྤྱོད་ལྟར་ཉེས་ཆད་གནང་བ་དང་། དེ་ཚོའི་ལས་བཞིན་དུ་དེ་ཚོ་ལ་དགྲ་ལེན་གནང་བར་འགྱུར།

³ཨ་མའི་མངལ་ནང་ཡོད་དུས་ནས་དེ་ཚོའི་མེས་པོ་ཡ་ཀོབ་ཀྱིས་རང་གི་སྤུན་རྒན་པ་མཚན་མ་ཨེ་སའོ་དང་འཐབ་ཙོད་བྱས་སོ། ཡ་ཀོབ་འཚར་ལོངས་བྱུང་སྐབས། ཁོས་དཀོན་མཆོག་དང་འཐབ་བོ།

⁴ཁོས་ཕོ་ཉ་དང་འཐབ་པས་ཁོ་རྒྱལ་བ་དང་། ཁོས་ངུས་ནས་བྱིན་རླབས་ཞུས་སོ། དཀོན་མཆོག་བྷེ་ཐེལ་དུ་ཡ་ཀོབ་ཀྱི་རྩར་ཕེབས་ནས་ཁོ་དང་གསུང་གླེང་གནང་ངོ་།

⁵ཁོང་རང་ཉིད་ཀུན་དབང་ལྡན་པའི་དཀོན་མཆོག་གཙོ་བོ་དཀོན་མཆོག་ཡིན་ནོ། གཙོ་བོ་དཀོན་མཆོག་ནི་ཁོང་གི་མཚན་ཡིན་ནོ།

⁶དེ་བས་ན་ཡ་ཀོབ་ཀྱི་མི་བརྒྱུད་ནི་རང་གི་དཀོན་མཆོག་ལ་བློ་བཅོལ་ནས་ཁོང་གི་ཕྱོགས་སུ་ལོག་ཅིག བྱམས་པ་དང་ཁྲིམས་ཡག་པོ་སྲུང་ཞིག། རྒྱུན་དུ་རང་གི་དཀོན་མཆོག་ལ་སྒུག་ནས་སྡོད་ཅིག།

⁷གཙོ་བོ་དཀོན་མཆོག་གིས་གསུངས་པ། ཨིསི་རཱཨེལ་གྱི་མི་མང་ནི་ཀ་ནན་པ་དང་འདྲ་བ་དྲང་པོ་མེད་པ་ཡིན། དེ་ཚོས་ཚོང་ཟོག་ཉོ་མི་ཚོར་རྫུན་དང་གཡོ་སྒྱུའི་སྲང་ལ་བེད་སྤྱོད་བྱ་རྒྱུར་དགའོ།

⁸དེ་ཚོས་སྨྲས་པ། ང་ཆོ་ཕྱུག་པོར་འགྱུར་ཡོད་པ་དང་། ང་ཚོས་རྒྱུ་ནོར་མང་པོ་བཟོས་པ་ཡིན། དྲང་པོ་མ་བྱེད་པར་ང་ཚོ་ཕྱུག་པོར་འགྱུར་བ་རེད་ཅེས་སུས་ཀྱང་སྐྱོན་བརྗོད་བྱེད་མི་ཐུབ།

⁹འོན་ཀྱང་ང་ཁྱོད་ཚོའི་དཀོན་མཆོག་གཙོ་བོ་དཀོན་མཆོག་ཁྱོད་ལ་ཨི་ཇིབ་ནས་འཁྲིད་ཡོང་མཁན་ཡིན། ངས་ཁྱོད་ལ་གཏན་འབེབས་བྱས་པའི་དུས་སྟོན་གྱི་ཉིན་དེ་ཚོ་དང་འདྲ་བ་ཡང་སྐྱར་གུར་རྣམས་སུ་གནས་སུ་འཇུག་གོ

¹⁰ངས་ལུང་སྟོན་པ་ཚོར་སྨྲས་པ་དང་། དེ་ཚོ་ལ་ཞལ་གཟིགས་ཡང་མང་པོ་བསྟན་པ་ཡིན། ལུང་སྟོན་པ་ཚོའི་བརྒྱུད་ནས་མི་རྣམས་ལ་ཟོན་བརྡ་བཏང་བ་ཡིན།

¹¹འོན་ཀྱང་གྷིལ་ཨད་དུ་སྐུ་འདྲ་ལ་མཆོད་དོ། སུ་ཞིག་གིས་དེ་ལ་མཆོད་ན་དེ་ཚོ་ཤི་བར་འགྱུར། གྷིལ་གཱལ་དུ་གླང་གི་དམར་མཆོད་འབུལ་བ་དང་། དེ་ཚོའི་མཆོད་ཁྲི་རྣམས་རྨོ་བའི་ཞིང་དུ་རྡོ་སྤུངས་པ་དང་འདྲ་བར་འགྱུར།

¹²ང་ཆོའི་མེས་པོ་ཡ་ཀོབ་མེ་སོ་པོ་ཊ་མི་ཡ་རུ་བྲོས་དགོས་བྱུང་ངོ་། ཁོས་ཆུང་མ་ཐོབ་པའི་དོན་དུ་མི་གཞན་གྱི་ལུག་རྣམས་འཚོལ་ལོ།

¹³གཙོ་བོ་དཀོན་མཆོག་གིས་ཨིསི་རཱཨེལ་པ་རྣམས་ལ་བྲན་གཡོག་ནས་ཐར་པ་གནང་བ་དང་ལྟ་རྟོག་བྱེད་ཕྱིར་ཨི་ཇིབ་དུ་ལུང་སྟོན་པ་ཞིག་གཏོང་གནང་ངོ་།

¹⁴འོན་ཀྱང་ཨིསི་རཱཨེལ་པ་ཚོས་གཙོ་བོ་དཀོན་མཆོག་ལ་ཐུགས་དྲག་པོ་དཀྲུགས་ཡོད་དོ། དེ་ཚོའི་ཉེས་པའི་ཆེད་དུ་འཆི་བ་འོས་པ་ཡིན། གཙོ་བོ་དཀོན་མཆོག་གི་ཐོག་ཏུ་དེ་ཚོས་དམའ་འབེབས་འཁྱེར་ཡོང་བའི་ཆེད་དུ་ཁོང་གིས་ཆད་པ་གཏོང་བར་འགྱུར༎