Read Tibetan — པོད་སྐད་Tibetan Old Testament 2011 ཧོ་ཟེ 7 Bible Online

ཧོ་ཟེ 7 - Tibetan — པོད་སྐད་Tibetan Old Testament 2011 bible

ཧོ་ཟེ 7

¹ངས་ག་དུས་ཡིན་རུང་ངའི་མི་འབངས་ཨིསི་རཱཨེལ་གྱིི་ནད་དྲག་གསོ་བ་དང་། སླར་ཡང་ཡར་རྒྱས་ཕུན་སུམ་ཚོགས་པ་བཟོ་བར་འདོད་སྐབས། དེ་ཚོའི་སྤྱོད་ངན་དང་ལས་ངན་པ་ཤ་སྟག་མཐོང་བཞིན་འདུག དེ་ཚོས་གཅིག་གིས་གཅིག་ལ་མགོ་བསྐོར་གཏོང་བ་དང་། དེ་ཚོས་ཁྱིམ་རྣམས་སྟོར་ནས་བརྐུ་བ་དང་། དེ་ཚོས་རྒྱ་ལམ་སྟེང་དུ་མི་རྣམས་ལ་བཅོམ་གྱི་ཡོད་དོ།

²ངས་དེ་ཚོའི་ངན་ལས་ཚོ་དྲན་གསོ་བྱེད་ཀྱི་ཡོད་པ་དེ་ཚོས་བསམ་བློ་བཏང་གི་མེད་པ་དང་། དེ་ཚོ་རང་གི་སྡིག་པས་དེ་ཚོ་ལ་བསྐོར་ནས་ཡོད། དེ་ཚོའི་ལས་རྣམས་རྒྱུན་དུ་ངའི་མདུན་དུ་ཡོད༎

³གཙོ་བོ་དཀོན་མཆོག་གིས་གསུངས་པ། མི་རྣམས་ཀྱི་བྱུས་ངན་བརྩམས་ནས་རྒྱལ་པོ་དང་ཁོང་གི་དཔོན་པོ་རྣམས་ལ་བསླུ་ཁྲིད་བྱེད་དོ།

⁴དེ་ཚོ་ཚང་མ་ལོག་གཡེམ་པ་ཡིན། དེ་ཚོ་ནི་བག་ལེབ་བཟོ་མཁན་གྱི་ཐབ་ཚ་པོ་དང་འདྲའོ། བག་ལེབ་བཟོ་མཁན་གྱི་གྲོ་ཞིབ་དེ་སྐྱུར་མ་ལངས་བར་དུ་མེ་དེ་དཀྲུག་མི་དགོས་སོ།

⁵དགའ་སྟོན་གྱི་ཉིན་མོར་ང་ཚོའི་རྒྱལ་པོ་དང་ཁོང་གི་ལས་བྱེད་པ་རྣམས་ལ་རྒུན་ཆང་གིས་ར་བཟི་བཅུག་ནས་གླེན་པ་བཟོས་སོ།

⁶དེ་ཚོའི་བྱུས་ངན་ནི་ཐབ་ལྟར་འབར་བ་དང་། དེ་ཚོའི་ཁོང་ཁྲོ་མཚན་གང་འབར་བ་དང་། དེ་ནི་སྔ་དྲོའི་མེ་དང་འདྲ་བ་འབར་རོ།

⁷དེ་ཚོའི་ཁྲོ་བ་མེ་ལྟར་འབར་སྐབས། དེ་ཚོས་རང་གི་སྲིད་སྐྱོང་པ་རྣམས་མེད་པར་བྱེད་པ་དང་། གཅིག་རྗེས་གཉིས་མཐུད་ཀྱི་དེ་ཚོས་རྒྱལ་པོ་རྣམས་བསད་དོ། འོན་ཀྱང་སུ་ཞིག་གིས་ཀྱང་ང་ལ་སྐྱབས་གྲོགས་ཀྱི་སྨོན་ལམ་མ་འདེབས་སོ༎

⁸གཙོ་བོ་དཀོན་མཆོག་གིས་གསུངས་པ། ཨིསི་རཱཨེལ་པ་རྣམས་ནི་གཞོག་གཅིག་ཚོས་པའི་བག་ལེབ་དང་འདྲའོ། དེ་ཚོའི་མཐའ་འཁོར་དུ་ཡོད་པའི་མི་རིགས་རྣམས་ལ་བློ་བཅོལ་གྱི་ཡོད་དོ།

⁹ཕྱི་རྒྱལ་བ་རྣམས་ཀྱིས་དེ་ཚོའི་སྟོབས་ཤུགས་དེ་འཕྲོག་པ་དེ་ཚོས་མི་ཤེས་པ་དང་། མགོ་ལ་སྐྲ་དཀར་ཆགས་པ་མཐོང་ན་ཡང་། རང་གི་མཐའ་མ་དེ་ཉེ་བར་སླེབས་པ་མ་ཤེས་པའི་མི་རྒན་དང་འདྲ་བ་ཨིསི་རཱཨེལ་བྱུང་ཡོད་དོ།

¹⁰ཨིསི་རཱཨེལ་གྱི་རང་གི་ང་རྒྱལ་གྱིས་རང་ལ་དཔང་པོ་བྱེད་དོ། འོན་ཀྱང་དེ་ཚོ་རང་གི་དཀོན་མཆོག་གཙོ་བོ་དཀོན་མཆོག་གི་ཕྱོགས་སུ་མ་ལོག་པ་དང་ཁོང་ལ་མི་འཚོལ་ལོ།

¹¹ཨིསི་རཱཨེལ་ནི་ཤེས་རབ་མེད་པའི་ཕུག་རོན་ལྟར་འདྲའོ། རོགས་ཀྱི་ཕྱིར་སྔོན་དུ་ཨི་ཇིབ་དང་དེ་རྗེས་ཨ་སུར་ལ་བོས་པར་རྒྱུགས་སོ།

¹²འོན་ཀྱང་དེ་ཚོ་འགྲོ་བའི་སྐབས་སུ་བྱ་དང་འདྲ་བ་དེ་ཚོར་འཇུས་པར་རྙིད་ཞིག་དེ་ཚོའི་སྟེང་དུ་བཀྲམ་རྒྱུ་ཡིན། ངས་དེ་ཚོའི་ངན་པའི་ཚབ་ཏུ་ཉེས་པ་གཏོང་རྒྱུ་ཡིན།

¹³ང་ལ་སྤངས་ནས་ངོ་ལོག་བྱས་པའི་དེ་ཚོ་བཀྲ་མི་ཤིས། དེ་ཚོ་ངེས་པར་འཇིགས་པར་འགྱུར། ངས་དེ་ཚོ་ལ་སྐྱབས་པར་འདོད་ཀྱང་དེ་ཚོས་ང་ལ་རྫུན་གྱི་མཆོད་འབུལ་བྱས་སོ།

¹⁴དེ་ཚོས་ང་ལ་སྙིང་ནས་འབོད་ཀྱི་མེད་དོ། འོན་ཀྱང་རང་གི་ཉལ་ཁྲིའི་ཁར་སྨྲེ་ངག་འདོན་པ་དང་། དེ་ཚོ་འབྲུ་དང་རྒུན་ཆང་གི་ཆེད་དུ་སྨོན་ལམ་འདེབས་པའི་སྐབས་སུ། ཕྱི་པ་ལྟར་རང་ཉིད་ལ་གཤག་གོ། དེ་ཚོ་ཇི་ལྟར་ངོ་ལོག་པ་ཡིན་ནོ།

¹⁵ངས་དེ་ཚོ་ལ་འཚོ་སྐྱོངས་བྱས་ནས་སྟོབས་ཆེན་བཟོས་པ་ཡིན། འོན་ཀྱང་ངའི་སྟེང་དེ་ཚོས་འཆར་གཞི་ངན་པ་བཏིང་བཞིན་ཡོད་དོ།

¹⁶དེ་ཚོ་ང་ནས་ཕར་ལོག་སྟེ་སྟོབས་ཤུགས་མེད་པའི་འདྲ་སྐུའི་རྗེས་སུ་མུ་མཐུད་འབྲངས་བ་དང་། དེ་ཚོ་ནི་ཀྱོག་པའི་གཞུ་དང་འདྲ་བ་བློས་འཁེལ་བྱེད་མ་ཐུབ་པ་འགྱུར་ཡོད། དེ་ཚོའི་འགོ་དཔོན་རྣམས་ང་རྒྱལ་གྱི་གཏམ་བཤད་པའི་རྐྱེན་གྱིས་འདི་ཚོ་ལ་འཆི་བ་དྲག་པོ་ཡོང་བ་དང། ཨི་ཇིབ་པ་ཚོས་གད་མོ་བགད་བར་འགྱུར་རོ༎