Read Tibetan — པོད་སྐད་Tibetan Old Testament 2011 ཧོ་ཟེ 8 Bible Online

ཧོ་ཟེ 8 - Tibetan — པོད་སྐད་Tibetan Old Testament 2011 bible

ཧོ་ཟེ 8

¹གཙོ་བོ་དཀོན་མཆོག་གིས་གསུངས་པ། དུང་ཕུད་ཅིག། དགྲ་བོ་རྣམས་ཡུལ་གྱི་སྟེང་བྱ་གླག་ལྟར་མར་མཐོ་གཤོག་རྒྱབ་བཞིན་འདུག ངའི་མི་འབངས་ཀྱི་ང་དང་བཞག་པའི་དམ་བཅའ་དང་འགལ་ཡོད་ཅིང་། ངའི་བཀའ་ཁྲིམས་ལ་ངོ་ལོག་བྱེད་ཡོད་དོ།

²དེ་ཚོས་ང་ལ་ཁོ་ཚོའི་དཀོན་མཆོག་དང་དེ་ཚོ་ངའི་མི་མང་ཡིན་ཟེར་ནས་ང་ལ་ངོ་ཤེས་ཀྱི་ཡོད་ཟེར་བརྗོད་ན་ཡང་།

³གང་བཟང་པོ་ཡིན་པ་དེ་དེ་ཚོས་དོར་ནས་ཡོད། དེའི་རྐྱེན་གྱིས་དེ་ཚོའི་དགྲ་བོས་དེ་ཚོ་ལ་དེད་པར་འགྱུར།

⁴དེ་ཚོས་ང་ལ་མ་ལབ་པར་རྒྱལ་པོ་དང་འགོ་དཔོན་རྣམས་བསྐོས་པ་དང་། དེ་ཚོས་རང་གི་གསེར་དངུལ་ལས་རང་ཉིད་ཀྱི་དོན་དུ་སྐུ་འདྲ་བཟོས་ནས་རང་གི་ཐོག་ཏུ་འཇིག་པ་འཁྱེར་ཡོང་ངོ་།

⁵ས་མར་ཡའི་གྲོང་ཁྱེར་གྱི་མི་འབངས་རྣམས་ཀྱིས་མཆོད་པའི་གསེར་གྱི་བེའུ་ལ་ངས་སྡང་སེམས་བྱས་ཀྱི་ཡོད། ང་ཁྲོ་བ་དྲག་པོ་ལངས་ནས་ཡོད། ནམ་བར་ཁོ་ཚོ་མི་གཙང་བར་གནས་སམ།

⁶ཨིསི་རཱཨེལ་པའི་ལག་ཤེས་མཁས་པ་ཚོས་སྐུ་འདྲ་དེ་བཟོས་པ་དང་། འདི་ནི་དཀོན་མཆོག་མ་ཡིན། ས་མར་ཡ་རུ་མཆོད་པའི་གསེར་གྱི་བེའུ་དེ་དུམ་བུར་བཟོ་བར་འགྱུར།

⁷དེ་ཚོས་རླུང་བཙུགས་པ་དང། རླུང་འཚུབ་རྔས་པར་བྱའོ། ཞིང་ཁར་འབྲུ་མ་ཚོས་པ་ཡིན་ན་བག་ལེབ་བཟོས་མ་ཐུབ་བོ། གལ་སྲིད་འབྲུ་ཆགས་ན་ཡང་ཕྱི་རྒྱལ་བ་རྣམས་ཀྱིས་ཟ་བར་འགྱུར་རོ།

⁸ཨིསི་རཱཨེལ་གྱི་མི་རིགས་གཞན་དང་འདྲ་བ་ཆག་པའི་ཕན་མེད་ཀྱི་སྣོད་དུ་འགྱུར་ཡོད།

⁹ནགས་ཀྱི་རྐྱང་སེམས་མཁྲེགས་ལྟར། ཨིསི་རཱཨེལ་པ་རྣམས་རང་གི་ལམ་དུ་འགྲུལ་ལོ། དེ་ཚོ་རང་ཉིད་ཨ་སུར་རུ་རོགས་ཞུ་བར་ཕྱིན་པ་དང་མི་རིགས་གཞན་ཚོར་རང་ཉིད་ལ་སྐྱབས་ཕྱིར་བླུ་རིན་སྤྲད་དོ།

¹⁰འོན་ཀྱང་ད་ངས་དེ་ཚོ་ལ་གཅིག་ཏུ་བསྡུས་ནས་ཉེས་པ་གཏོང་རྒྱུ་ཡིན། དེ་ཚོ་མགྱོགས་པོ་ཨ་སུར་གྱི་རྒྱལ་པོ་ཆེན་པོའི་མནར་གཅོད་ཀྱིས་ཉམས་ང་བར་འགྱུར།

¹¹ཨིསི་རཱཨེལ་པ་ཚོས་སྡིག་པ་སེལ་བའི་ཕྱིར་མཆོད་ཁྲི་ཇི་ལྟར་མང་པོ་བཞེངས་ན་ཡང་། མཆོད་ཁྲིད་དེ་ཚོ་ནི་སྡིག་པ་བྱས་སའི་ས་གནས་སུ་འགྱུར་རོ།

¹²ངས་དེ་ཚོའི་ཆེད་དུ་བསླབ་བྱ་མང་པོ་བྲིས་པ་ཡིན། འོན་ཀྱང་དེ་ཚོས་དེ་ལ་ནམ་ཡང་མ་ཐོས་པའི་ཕྱི་རྒྱལ་ལྟར་བརྩིས་སོང་།

¹³ང་ལ་དམར་མཆོད་འབུལ་བའི་ཤ་རྣམས་དེ་ཚོ་རང་ཉིད་ཀྱི་ཟའོ། འོན་ཀྱང་ང་གཙོ་བོ་དཀོན་མཆོག་དེ་ཚོ་ལ་མི་དགའ་འོོ། ད་ངས་དེ་ཚོའི་ཉེས་སྡིག་དྲན་གསོས་ནས་ཉེས་པ་གཏོང་རྒྱུ་ཡིན། ངས་དེ་ཚོ་ལ་ཨི་ཇིབ་དུ་ཕྱིར་ལོག་བཏང་བར་འགྱུར།

¹⁴ཨིསི་རཱཨེལ་གྱི་མི་མང་ཚོས་རང་གི་ཆེད་དུ་ཕོ་བྲང་རྣམས་བཞེངས་པ་དང་། འོན་ཀྱང་དེ་ཚོར་བཀོད་མཁན་ལ་དེ་ཚོས་བརྗེད་དོ། ཡ་ཧུ་དཱ་པའི་མི་མང་ཚོས་གྲོང་ཁྱེར་གྱི་མཁར་རྫོང་རྣམས་རྩིགས་སོ། འོན་ཀྱང་ངས་མེ་བཏང་ནས་དེ་ཚོའི་གྲོང་ཁྱེར་རྣམས་དང་ཕོ་བྲང་རྣམས་མེས་འཚིག་པར་འགྱུར༎