Read Tibetan — པོད་སྐད་Tibetan Old Testament 2011 གྲངས་ཀ 1 Bible Online

གྲངས་ཀ 1 - Tibetan — པོད་སྐད་Tibetan Old Testament 2011 bible

གྲངས་ཀ 1

¹ཨིསི་རཱཨེལ་པ་ཚོ་ཨི་ཇིབ་ནས་ཐོན་པའི་ལོ་གཉིས་པའི་ཟླ་བ་གཉིས་པའི་ཉིན་ཞག་དང་པོར། སི་ནཨེ་འབྲོག་སྟོང་དུ་གཙོ་བོ་དཀོན་མཆོག་གནས་པའི་དབུ་གུར་དམ་པའི་ནང་དུ་ཁོང་གིས་མོ་ཤེ་ལ་གསུང་གླེང་གནང་ཞིང་འདི་སྐད་དུ།

²ཁྱོད་དང་ཨ་རོན་གཉིས་ཀྱིས་རིགས་རུས་དང་ཁྱིམ་ཚང་གཞིར་བཟུང་གིས་ཨིསི་རཱཨེལ་ཡོངས་ཀྱི་མི་འབོར་གྲངས་རྩིས་ཤིག་ལེན་དགོས་སོ།

³ལོ་ཉི་ཤུ་དང་དེ་ལས་ཆེ་བའི་སྐྱེས་པ་དམག་སར་གོ་ཆོད་པ་ཚང་མའི་མིང་ཐོ་ཞིག་བཟོ་དགོས།

⁴ཁྱོད་ལ་རོགས་བྱེད་པའི་ཕྱིར་སྡེ་རིགས་རེ་རེ་ལས་རིགས་རུས་སོ་སོར་འགོ་དཔོན་རེ་འདེམས་སྒྲུག་བྱོས་ཤིག

⁵ལས་དོན་དེའི་སྐོར་མི་སྡེ་ཀྱི་དཀྱིལ་ནས་འདེམས་སྒུག་བྱས་པའི་སྡེ་རིགས་སོ་སོའི་སྐྱེས་པ་དང་འགོ་བྱེད་རྣམས་གཤམ་གསལ་ལྟར་རོ། [སྡེ་རིགས] — [རིགས་རུས་འགོ་དཔོན།] རུ་བྷེན — ཤེ་དྷུར་གྱི་བུ་ཨེ་ལི་ཛུར། སིམ་ཨོན — ཛུ་རི་ཤད་དྷེའི་བུ་ཤེ་ལུ་མི་ཨེལ། ཡ་ཧུ་དཱ — ཨམ་མི་ན་དྷབ་ཀྱི་བུ་ནཱ་ཤོན། ཨི་ས་ཀར — ཛུ་ཨར་གྱི་བུ་ནེ་ཐ་ནེལ། ཛེ་བུ་ལུན — ཧེ་ལོན་གྱི་བུ་ཨེ་ལི་ཨབ། ཨེཕ་ར་ཡིམ — ཨམ་མི་ཧུད་ཀྱི་བུ་ཨེ་ལི་ཤ་མ། མ་ནསེ་སཱེ — པེ་དཱ་ཛུར་གྱི་བུ་གྷ་མ་ལི་ཨེལ། བྷེན་ཡ་མིན — གྷིད་ཨོ་ནིའི་བུ་ཨ་བྷི་དན། དཱན — ཨམ་མི་ཤ་དྷེའི་བུ་ཨ་ཧི་ཨེ་ཛར། ཨ་ཤེར — ཨོཀ་རན་གྱི་བུ་པ་གྷི་ཨེལ། གྷཌ — ཌུ་ཨེལ་གྱི་བུ་ཨེལ་ཡ་སཱཕ། ནཕ་ཏ་ལི — ཨེ་ནན་གྱི་བུ་ཨ་ཧི་ར།

¹⁷གོང་གསལ་མི་བཅུ་གཉིས་ཀྱིས་རོགས་བྱས་ཏེ་མོ་ཤེ་དང་ཨ་རོན་གཉིས་ཀྱིས།

¹⁸ཟླ་བ་གཉིས་པའི་ཉིན་ཞག་དང་པོར་མི་སྡེ་ཡོངས་རྫོགས་བཀོང་སྟེ། རང་རང་སོ་སོའི་རིགས་རུས་དང་ཁྱིམ་ཚང་གཞིར་བཟུང་ལྟར་མིང་ཐོར་བཀོད་པ་ཡིན་ནོ། ལོ་ངོ་ཉི་ཤུ་དང་དེ་ལས་ཆེ་བའི་སྐྱེས་པ་ཚང་མའི་མིང་དང་གྲངས་ཐོ་ཞིག་བཀོད་དོ།

¹⁹གཙོ་བོ་དཀོན་མཆོག་གིས་བཀའ་གནང་བ་བཞིན་མོ་ཤེས་མི་མང་གི་མིང་ཐོ་དེ་སི་ནཨེ་འབྲོག་སྟོང་དུ་ཡོད་སྐབས་བྲིས་པ་ཡིན་ནོ།

²⁰ལོ་ཉི་ཤུ་དང་དེ་ལས་ཆེ་བའི་སྐྱེས་པ་དམག་སར་གོ་ཆོད་པ་རྣམས་ཀྱི་མིང་ཐོ་དེ་ཁོ་ཚོའི་རིགས་རུས་དང་ཁྱིམ་ཚང་གཞིར་བཟུང་ལྟར་བྲིས་ཤིང་། མིང་ཐོ་དེ་ནི་ཡ་ཀོབ་ཀྱི་བུ་རྒན་པ་རུ་བྷེན་གྱི་སྡེ་རིགས་ལས་འགོ་བཙུགས་ནས་བྲིས་པ་དང་། མིང་ཐོའི་གྲངས་འབོར་བསྡོམས་ནི་གཤམ་གསལ་ལྟར་ཡིན་ནོ། [སྡེ་རིགས།] — [གྲངས་འབོར] རུ་བྷེན། — ༤༦,༥༠༠ སིམ་ཨོན། — ༥༩,༣༠༠ གྷཌ། — ༤༥,༦༥༠ ཡ་ཧུ་དཱ། — ༧༤,༦༠༠ ཨི་ས་ཀར། — ༥༤,༤༠༠ ཛེ་བུ་ལུན། — ༥༧,༤༠༠ ཨེཕ་ར་ཡིམ། — ༤༠,༥༠༠ མ་ནསེ་སཱེ། — ༣༢,༢༠༠ བྷེན་ཡ་མིན། — ༣༥,༤༠༠ དཱན། — ༦༢,༧༠༠ ཨ་ཤེར། — ༤༡,༥༠༠ ནཕ་ཏ་ལི། — ༥༣,༤༠༠ བསྡོམས: — ༦༠༣,༥༥༠

⁴⁷ལེ་ཝི་པ་རྣམས་ནི་སྡེ་རིགས་གཞན་གྱི་ཁོངས་སུ་མིང་ཐོར་བཀོད་མེད་པ་ཡིན་ནོ།

⁴⁸གང་ལ་ཟེར་ན། གཙོ་བོ་དཀོན་མཆོག་གིས་མོ་ཤེ་ལ་གསུངས་ཡོད་དོ།

⁴⁹ཁྱོད་ཚོས་དམག་སར་གོ་ཆོད་པའི་མི་རྣམས་ཀྱི་མིང་ཐོ་བཀོད་སྐབས་ལེ་ཝིའི་སྡེ་རིགས་ནས་ཡིན་པ་རྣམས་མིང་ཐོར་མ་བྲིས་ཤིག

⁵⁰དེ་ཚབ་ཏུ་དེ་དག་ང་གནས་པའི་དབུ་གུར་དམ་པ་དང་དེའི་མཁོ་ཆས་རྣམས་ཀྱི་དོ་དམ་པར་བསྐོ་གཞག་བྱེད་དགོས། དེ་ཚོས་དེ་དང་དེའི་མཁོ་ཆས་རྣམས་འོར་འདྲེན་བྱེད་དེ་ཁོ་ཚོས་དེའི་ནང་དུ་སྲི་ཞུ་ཞུ་ཞིང་། དེའི་མཐའ་འཁོར་དུ་རང་གི་གུར་ཕུབ་ནས་བསྡད་དགོས་སོ།

⁵¹ཁྱོད་ཚོས་སྒར་ས་སྤོས་ནས་འགྲོ་དུས་ལེ་ཝི་པ་ཚོས་ངའི་དབུ་གུར་དམ་པ་དེ་མར་འབེབས་དགོས་པ་དང་། དེ་བཞིན་ས་གནས་གཞན་དུ་སྒར་ས་རྒྱབ་སྐབས་ཀྱང་དེ་ཚོས་དབུ་གུར་དམ་པ་དེ་ཕུབ་དགོས་པ་ཡིན་ནོ། སུའང་དབུ་གུར་དམ་པའི་ཉེ་འགྲམ་དུ་ཡོང་བ་དེ་ནི་བསད་དགོས་པ་ངེས་ཅན་ཡིན་ནོ།

⁵²ལྷག་ཕྲོས་ཨིསི་རཱཨེལ་པ་རྣམས་ཀྱི་རུ་ཁག་སོ་སོའི་སྒར་བརྒྱབ་དགོས་པ་དང། མི་རེ་རེ་རང་གི་མི་ཚོགས་མཉམ་དུ་དར་ཆའི་འོག་ཏུ་གནས་དགོས་ཤིང་།

⁵³འོན་ཀྱང་ལེ་ཝི་པ་རྣམས་ནི་དབུ་གུར་དམ་པའི་མཐའ་འཁོར་དུ་བསྡད་ནས་དེ་ལ་སྲུང་དགོས། དེ་ལྟར་བྱས་པའི་རྐྱེན་གྱིས་སུའང་ཉེ་བར་ཡོང་མ་བཅུག་པས་ངའི་ཁྲོ་བ་དེ་ཨིསི་རཱཨེལ་མི་སྡེའི་ཐོག་ཏུ་མ་འཕོག་པས་ཕྱིར་རོ།

⁵⁴གཙོ་བོ་དཀོན་མཆོག་གིས་མོ་ཤེ་ལ་ཇི་ལྟར་བཀའ་གནང་བ་བཞིན་ཨིསི་རཱཨེལ་མི་མང་རྣམས་ཀྱིས་དེ་བཞིན་ཆ་ཚང་བྱས་སོ༎