Read Tibetan — པོད་སྐད་Tibetan Old Testament 2011 གྲངས་ཀ 15 Bible Online

གྲངས་ཀ 15 - Tibetan — པོད་སྐད་Tibetan Old Testament 2011 bible

གྲངས་ཀ 15

¹གཙོ་བོ་དཀོན་མཆོག་གིས་མོ་ཤེ་སྒོ་ནས་ཨིསི་རཱཨེལ་པ་རྣམས་ལ་གཤམ་གསལ་བཀའ་ཁྲིམས་རྣམས་གནང་ཞིང་། བཀའ་ཁྲིམས་དེ་དག་ནི་རྩིས་སྲུང་བྱེད་དགོས་རྒྱུ་ཡིན་ཏེ།

³ཕོ་གླང་གཅིག་དང་། ལུག་ཐུག་གཅིག་དང་། དེ་བཞིན་རའམ་ལུག་གཅིག་གཙོ་བོ་དཀོན་མཆོག་ལ་སྦྱིན་སྲེག་གི་མཆོད་འབུལ་ལམ། དམ་བཅའ་སྲུང་བའི་མཆོད་འབུལ་ལམ། དང་བླངས་ཀྱི་མཆོད་འབུལ་ལམ། དེ་བཞིན་ཆག་ཅན་ཆོས་ཀྱི་དུས་སྟོན་ཁག་ཏུ་འབུལ་དགོས་པའི་འབུལ་བའི་ཚུལ་དུ་འབུལ་དགོས་པ་ཡིན་ནོ། ཁ་ཟས་ཀྱི་འབུལ་བའི་དྲི་ཞིམ་གིས་གཙོ་བོ་དཀོན་མཆོག་ཐུགས་མཉེས་པར་འགྱུར།

⁴སུ་ཞིག་གིས་ལུག་གམ་ར་ཞིག་གཙོ་བོ་དཀོན་མཆོག་གི་སྤྱན་སྔར་སྦྱིན་སྲེག་ཏུ་འབུལ་བ་ཡིན་ན། ཁོས་སེམས་ཅན་རེ་དང་མཉམ་དུ་ཁ་སྐྱུར་པོའི་སྣུམ་ལི་ཊར་གང་བསྲེས་པའི་གྲོ་ཞིབ་ཀི་ལོ་གང་བཅས་འབྲུ་སྣའི་མཆོད་འབུལ་དུ་འཁྱེར་ཡོང་སྐབས་རྒུན་ཆང་ལི་ཊར་གང་ཡང་འཁྱེར་ཡོང་དགོས།

⁶ཕོ་ལུག་གཅིག་མཆོད་པར་འབུལ་སྐབས། དེ་དང་ཆབས་ཅིག་ཁ་སྐྱུར་པོའི་སྣུམ་ལི་ཊར་གང་དང་ཕྱེད་ཀ་བསྲེས་པའི་གྲོ་ཞིབ་ཀི་ལོ་དོ་བཅས་འབྲུའི་མཆོད་འབུལ་འཁྱེར་ཡོང་དགོས།

⁷དེ་དང་ཆབས་ཅིག་རྒུན་ཆང་ལི་ཊར་གང་དང་ཕྱེད་ཀའང་འཁྱེར་ཡོང་དགོས། དམར་མཆོད་འདི་ཚོའི་དྲི་ཞིམ་གྱིས་གཙོ་བོ་དཀོན་མཆོག་ཐུགས་མཉེས་པར་འགྱུར།

⁸དེ་བཞིན་གཙོ་བོ་དཀོན་མཆོག་ལ་ཕོ་གླང་ཞིག་སྦྱིན་སྲེག་གི་མཆོད་འབུལ་ལམ་དམ་བཅའ་སྒྲུབ་པའི་དམར་མཆོད་འམ་མཐུན་འབྲེལ་གྱི་མཆོད་པར་འབུལ་བ་ཡིན་ན།

⁹དེ་དང་མཉམ་དུ་ཁ་སྐྱུར་པོའི་སྣུམ་ལི་ཊར་དོ་བསྲེས་པའི་གྲོ་ཞིབ་ཀི་ལོ་གསུམ་བཅས་འབྲུ་སྣའི་མཆོད་འབུལ་དུ་འབུལ་དགོས།

¹⁰དེ་དང་ཆབས་ཅིག་རྒུན་ཆང་ལི་ཊར་དོའང་འབུལ་དགོས། དམར་མཆོད་འདི་ཚོའི་དྲི་ཞིམ་གྱིས་གཙོ་བོ་དཀོན་མཆོག་ཐུགས་མཉེས་པར་འགྱུར།

¹¹ཕོ་གླང་དང་ལུག་ཐུག་དང་། ལུག་གམ་ར་རེ་རེ་མཉམ་དུ་དེ་དག་འབུལ་དགོས་པ་ཡིན་ནོ།

¹²སེམས་ཅན་གཅིག་ལས་མང་བ་མཆོད་པར་འབུལ་བ་ཡིན་ན། དེ་རྩིས་ཀྱིས་དེ་དང་མཉམ་དུ་འབུལ་དགོས་པའི་འབུལ་བ་འཕར་ནོན་གཞན་རྣམས་འབུལ་དགོས།

¹³ཨིསི་རཱཨེལ་པ་ཡོངས་ཀྱིས་ཁ་ཟས་ཀྱི་མཆོད་པ་འབུལ་སྐབས་དེ་ལྟར་བྱེད་དགོས། དེའི་དྲི་ཞིམ་གྱིས་གཙོ་བོ་དཀོན་མཆོག་ཐུགས་མཉེས་པར་འགྱུར།

¹⁴ཁྱོད་ཚོའི་དཀྱིལ་དུ་ཉིན་ཤས་སམ་དུས་གཏན་དུ་གནས་སྡོད་བྱེད་པའི་ཕྱི་རྒྱལ་བ་ཚོས་གཙོ་བོ་དཀོན་མཆོག་ཐུགས་མཉེས་པར་བྱེད་པའི་ཁ་ཟས་ཀྱི་མཆོད་པ་ཞིག་འབུལ་བ་ཡིན་ན། ཁོ་ཚོས་ཀྱང་མཆོད་འབུལ་བྱེད་སྟངས་དེ་བཞིན་བྱེད་དགོས།

¹⁵ཁྱོད་ཚོ་དང་ཁྱོད་ཚོའི་དཀྱིལ་དུ་གནས་སྡོད་བྱེད་པའི་ཕྱི་རྒྱལ་བ་ཚོས་མ་འོངས་པའི་དུས་ཀུན་ཏུ་ཁྲིམས་སྲོལ་དེ་དག་ངེས་པར་བསྲུང་དགོས། གཙོ་བོ་དཀོན་མཆོག་གི་གཟིགས་སྣང་དུ་ཁྱོད་ཚོ་དང་་དེ་ཚོ་ཚང་མ་གཅིག་རང་ཡིན་པས།

¹⁶ཁྱོད་ཚོ་དང་ཁོ་ཚོའི་ཐོག་ཏུ་ཁྲིམས་སྲོལ་གཅིག་རང་སྟར་རྒྱུ་ཡིན་ནོ།

¹⁷གཙོ་བོ་དཀོན་མཆོག་གིས་མོ་ཤེའི་བརྒྱུད་ནས་ཨིསི་རཱཨེལ་པ་རྣམས་ལ་གཤམ་གསལ་བཀའ་ཁྲིམས་རྣམས་གནང་ཞིང་། ཁོང་གིས་དེ་ཚོར་གནང་རྒྱུ་ཡིན་པའི་ཡུལ་དུ་དེ་ཚོས་བཀའ་ཁྲིམས་དེ་དག་སྲུང་དགོས།

¹⁹ཁོ་ཚོས་ཡུལ་དེར་སྐྱེས་བའི་སྟོན་ཐོག་བཟའ་སྐབས། དེ་ལས་ཅུང་ཟད་ཅིག་ལོགས་སུ་བཞག་སྟེ་གཙོ་བོ་དཀོན་མཆོག་ལ་དམིགས་བསལ་གྱི་འབུལ་བར་འབུལ་དགོས།

²⁰ཁྱོད་ཚོས་སྟོན་ཐོག་གསར་པས་བཟོས་པའི་བག་ལེབ་ཀྱི་ཕུད་དེ་གཙོ་བོ་དཀོན་མཆོག་ལ་དམིགས་བསལ་གྱི་འབུལ་བའི་ཚུལ་དུ་འབུལ་དགོས། འབུལ་བ་དེ་ནི་ཁྱོད་ཚོས་སྙེ་མ་རྡུང་བའི་སྟོན་ཐོག་ལས་དམིགས་བསལ་གྱི་འབུལ་བ་འབུལ་སྟངས་གང་ཡིན་པ་དེ་བཞིན་འབུལ་དགོས།

²¹ད་ཕྱིན་བག་ལེབ་ཀྱི་དམིགས་བསལ་གྱི་མཆོད་འབུལ་འདི་བཞིན་ཁྱོད་ཚོས་དུས་ཀུན་ཏུ་གཙོ་བོ་དཀོན་མཆོག་ལ་འབུལ་དགོས་སོ།

²²འོན་ཀྱང་སུ་ཞིག་གིས་མ་ཤེས་བཞིན་དུ་གཙོ་བོ་དཀོན་མཆོག་གིས་མོ་ཤེ་ལ་གནང་བའི་བཀའ་ཁྲིམས་འགའ་ཤས་སྲུང་མ་ཐུབ་པའམ།

²³གཙོ་བོ་དཀོན་མཆོག་གིས་མོ་ཤེ་བརྒྱུད་ནས་གནང་བའི་བཀའ་རྒྱ་རྣམས་མ་འོངས་པར་མི་སྡེ་དེ་སྲུང་མ་ཐུབ་པ་ཡིན་ན།

²⁴མི་སྡེའི་ཤེས་ཡོན་རྨོངས་པའི་དབང་གིས་ནོར་འཁྲུལ་དེ་བྱུང་བ་ཡིན་ན། དེ་ཚོས་འབྲུ་དང་རྒུན་ཆང་གི་མཆོད་འབུལ་དང་བཅས་ཕོ་གླང་ཞིག་སྦྱིན་སྲེག་ཏུ་འབུལ་དགོས། དེ་དག་གི་དྲི་ཞིམ་གྱིས་གཙོ་བོ་དཀོན་མཆོག་ཐུགས་མཉེས་པར་འགྱུར། དེའི་ཁར་དེ་ཚོས་ར་ཕོ་གཅིག་སྡིག་སེལ་གྱི་མཆོད་འབུལ་དུ་འབུལ་དགོས།

²⁵བླ་མས་མི་ཚོགས་ཀྱི་དོན་དུ་དག་འབྱངས་ཀྱི་མཆོད་འབུལ་བྱས་པའི་རྗེས་སུ་དེ་ཚོར་སྡིག་སེལ་ཐོབ་པར་འགྱུར། གང་ལགས་ཟེར་ན། དེ་ཚོས་ཤེས་བཞིན་དུ་ནོར་འཁྲུལ་བྱས་པ་མ་ཡིན་པ་དང་། དེ་ཚོས་སྡིག་སེལ་གྱི་མཆོད་པ་དེ་ཁ་ཟས་ཀྱི་མཆོད་པའི་ཚུལ་དུ་གཙོ་བོ་དཀོན་མཆོག་ལ་ཕུལ་བ་ཡིན་པས་ཕྱིར་རོ།

²⁶ཨིསི་རཱཨེལ་པའི་མི་སྡེ་ཡོངས་དང་དེ་ཚོའི་ཁྲོད་དུ་ཡོད་པའི་ཕྱི་རྒྱལ་བ་བཅས་ལ་སྡིག་སེལ་ཐོབ་པར་འགྱུར། གང་ལགས་ཟེར་ན། ནོར་འཁྲུལ་དེའི་ལ་ཚང་མ་ཚུད་ཡོད་པའི་ཕྱིར་རོ།

²⁷གལ་ཏེ་མི་ཞིག་གིས་མ་ཤེས་པར་སྡིག་པ་བྱས་པ་ཡིན་ན། ཁོས་ལོ་གཅིག་ལོན་པའི་ར་མོ་གཅིག་སྡིག་སེལ་གྱི་མཆོད་པར་འབུལ་དགོས།

²⁸བླ་མས་མི་དེའི་ཆེད་དུ་མཆོད་ཁྲིའི་ཁར་དག་འབྱངས་ཀྱི་ཆོ་ག་བྱས་པའི་རྗེས་སུ་མི་དེ་ལ་སྡིག་སེལ་ཐོབ་པར་འགྱུར།

²⁹མ་ཤེས་བཞིན་དུ་སྡིག་པ་བྱེད་མཁན་ཨིསི་རཱཨེལ་པའམ་ཡུལ་དུ་གནས་སྡོད་བྱེད་པའི་ཕྱི་རྒྱལ་བ་གང་རུང་ལ་ཁྲིམས་སྲོལ་གཅིག་རང་སྟར་རྒྱུ་ཡིན་ནོ།

³⁰འོན་ཀྱང་ཨིསི་རཱཨེལ་པའམ་ཕྱི་རྒྱལ་བ་གང་རུང་ཞིག་གིས་ཤེས་བཞིན་དུ་སྡིག་པ་བྱས་པ་ཡིན་ན། ཁོས་གཙོ་བོ་དཀོན་མཆོག་ལ་སྣང་ཆུང་ཞུས་པའི་ཉེས་ལན་དུ་ཁོ་ངེས་པར་དུ་བསད་དགོས།

³¹གང་ལགས་ཟེར་ན། ཁོས་གཙོ་བོ་དཀོན་མཆོག་གི་བཀའ་ལ་རྩིས་མེད་ཞུས་ཏེ། ཤེས་བཞིན་དུ་ཁོང་གི་བཀའ་ཁྲིམས་ཤིག་བཅག་པ་ཡིན་པས། ཁོའི་སྲོག་གི་ཉེས་ལན་དེ་ཁོ་རང་གི་ཐོག་ཏུ་འཕོག་པ་ཡིན་ནོ༎

³²ཨིསི་རཱཨེལ་པ་རྣམས་འབྲོག་སྟོང་ཁུལ་དུ་ཡོད་སྐབས། མི་ཞིག་གིས་ངལ་གསོ་བའི་ཞག་ལ་མེ་ཤིང་བསྡུ་སྒྲུག་བྱེད་བཞིན་པར་འཕྲད་དེ།

³³ཁོ་ལ་མོ་ཤེ་དང་ཨ་རོན་དང་མི་སྡེ་ཡོངས་ཀྱི་མདུན་དུ་སྐྱེལ་ལོ།

³⁴དེ་རྗེས་ཁོ་ལ་གང་བྱེད་དགོས་པ་གསལ་པོར་མ་ཤེས་པས་བཙོན་དུ་བཅུག་ནས་བཞག་གོ

³⁵དེ་ནས་གཙོ་བོ་དཀོན་མཆོག་གིས་མོ་ཤེ་ལ་གསུངས་པ། མི་འདི་ངེས་པར་གསོད་དགོས། མི་དེ་སྒར་གྱི་ཕྱི་རོལ་དུ་འཁྲིད་དེ་མི་སྡེ་ཡོངས་ཀྱིས་རྡོ་རུབ་བརྒྱབ་ནས་གསོད་དགོས།

³⁶དེ་རྗེས་གཙོ་བོ་དཀོན་མཆོག་གིས་བཀའ་གནང་བ་བཞིན་མི་སྡེ་ཡོངས་ཀྱིས་མི་དེ་སྒར་གྱི་ཕྱི་རོལ་དུ་འཁྲིད་ནས་རྡོ་རུབ་བརྒྱབ་ནས་གསོད་དོ༎

³⁷གཙོ་བོ་དཀོན་མཆོག་གིས་མོ་ཤེ་ལ།

³⁸ཨིསི་རཱཨེལ་པ་རྣམས་ལ་འདི་ལྟར་སྨྲོས་ཤིག་ཅེས་བཀའ་གནང་ངོ་། རང་གི་གོས་ཀྱི་མཐའ་ལ་འཛར་གཏོང་དགོས་པ་དང། འཛར་རེ་རེར་སྐུད་པ་སྔོན་པོ་རེ་གཏོང་དགོས། ཡང་དེ་ནི་ཁྱོད་ཚོས་མ་འོངས་པའི་དུས་ཀུན་ཏུ་དེ་ལྟར་བྱེད་དགོས།

³⁹འཛར་དེས་ངའི་བཀའི་སྐོར་ཁྱོད་ཚོར་དྲན་བསྐུལ་བྱེད་རྒྱུ་ཡིན། ཁྱོད་ཚོས་འཛར་དེ་མཐོང་རེ་བཞིན་དུ་ངའི་བཀའ་ལ་དྲན་གསོ་བྱེད་ཅིང་དེར་རྩིས་སྲུང་བྱེད་དགོས། དེ་ལྟར་བྱེད་ན་ཁྱོད་ཚོ་ང་ལས་ཐ་དད་དུ་མི་འགྲོ་བར། རང་གི་འདོད་པ་དང་ཆགས་སེམས་ཀྱི་རྗེས་སུ་འབྲངས་མི་དགོས་སོ།

⁴⁰འཛར་དེ་དག་གིས་ངའི་བཀའ་རྒྱ་སྲུང་དགོས་པའི་དྲན་བསྐུལ་བྱས་པས། ཁྱོད་ཚོ་ངའི་ཁོངས་སུ་གཏོགས་པར་འགྱུར།

⁴¹ང་ནི་གཙོ་བོ་དཀོན་མཆོག་ཁྱོད་ཚོའི་དཀོན་མཆོག་ཡིན། ང་ནི་ཁྱོད་ཚོའི་དཀོན་མཆོག་ཏུ་འགྱུར་ཕྱིར་ངས་ཁྱོད་ཚོ་ཨི་ཇིབ་ནས་བཏོན་ཏེ་འཁྲིད་ཡོང་བ་ཡིན། ང་ནི་གཙོ་བོ་དཀོན་མཆོག་ཡིན་ནོ༎