Read Tibetan — པོད་སྐད་Tibetan Old Testament 2011 གྲངས་ཀ 2 Bible Online

གྲངས་ཀ 2 - Tibetan — པོད་སྐད་Tibetan Old Testament 2011 bible

གྲངས་ཀ 2

¹གཙོ་བོ་དཀོན་མཆོག་གིས་མོ་ཤེ་དང་ཨ་རོན་གཉིས་ལ་གཤམ་གསལ་ལྟར་བཀའ་བསྒོས་གནང་བ་ནི།

²ཨིསི་རཱཨེལ་པ་ཚོས་སྒར་རྒྱབ་སྐབས། མི་ཚང་མས་རང་རང་སོ་སོའི་རུ་ཁག་དང་རིགས་རུས་སོ་སོའི་དར་ཆའི་འོག་ཏུ་གནས་སྡོད་བྱེད་དགོས། དེ་བཞིན་དེ་ཚོས་རང་གི་སྒར་ཡང་དབུ་གུར་དམ་པའི་མཐའ་བསྐོར་དུ་རྒྱབ་དགོས་སོ།

³ཤར་ཕྱོགས་སུ་ཡ་ཧུ་དཱའི་རུ་ཁག་གི་དར་ཆའི་འོག་ཏུ་གཤམ་གསལ་ལྟར་རང་རང་སོ་སོའི་རུ་དཔོན་གྱི་མངའ་ཁོངས་སུ་སྒར་རྒྱབ་ནས་བསྡད་དགོས་སོ། [སྡེ་རིགས།] — [འགོ་དཔོན།] — [གྲངས་འབོར།] ཡ་ཧུ་དཱ། — ཨམ་མི་ན་དྷབ་ཀྱི་བུ་ནཱ་ཤོན། — ༧༤,༦༠༠ ཨི་ས་ཀར། — ཛུ་ཨར་གྱི་བུ་ནེ་ཐ་ནེལ། — ༥༤,༤༠༠ ཛེ་བུ་ལུན། — ཧེ་ལོན་གྱི་བུ་ཨེ་ལི་ཨབ། — ༥༧,༤༠༠ — བསྡོམས: — ༡༨༦,༤༠༠ ཡ་ཧུ་དཱའི་རུ་ཁག་ནི་དང་པོ་འགྲོ་དགོས།

¹⁰ལྷོ་ཕྱོགས་སུ་རུ་བྷེན་གྱི་རུ་ཁག་གི་དར་ཆའི་འོག་ཏུ་གཤམ་གསལ་ལྟར་རང་རང་སོ་སོ་སོའི་རུ་དཔོན་གྱི་མངའ་ཁོངས་སུ་སྒར་རྒྱབ་ནས་བསྡད་དགོས་སོ། [སྡེ་རིགས།] — [འགོ་དཔོན།] — [གྲངས་འབོར།] རུ་བྷེན། — ཤེ་དྷུར་གྱི་བུ་ཨེ་ལི་ཛུར། — ༤༦,༥༠༠ སིམ་ཨོན། — ཛུ་རི་ཤད་དྷེའི་བུ་ཤེ་ལུ་མི་ཨེལ། — ༥༩,༣༠༠ གྷཌ། — ཌུ་ཨེལ་གྱི་བུ་ཨེལ་ཡ་སཱཕ། — ༤༥,༦༥༠ — བསྡོམས: — ༡༥༡,༤༥༠ རུ་བྷེན་གྱི་རུ་ཁག་ནི་གཉིས་པར་འགྲོ་དགོས།

¹⁷མདུན་དུ་འགྲོ་བའི་རུ་ཁག་གཉིས་དང་རྒྱབ་ཏུ་ཡོང་བའི་རུ་ཁག་གཉིས་ཀྱི་བར་ལ་ལེ་ཝི་པ་ཚོས་དབུ་གུར་དམ་པ་དེ་འཁྱེར་ནས་འགྲོ་དགོས་ཤིང་། རུ་ཁག་སོ་སོའི་སྒར་གྱི་ནང་དུ་བསྡད་པ་བཞིན་གྲལ་རིམ་སྒྲིག་ནས་རང་གི་དར་ཆའི་འོག་ཏུ་འགྲོ་དགོས་སོ།

¹⁸ནུབ་ཕྱོགས་སུ་ཨེཕ་ར་ཡིམ་གྱི་རུ་ཁག་གི་དར་ཆའི་འོག་ཏུ་གཤམ་གསལ་ལྟར་རང་རང་སོ་སོའི་རུ་དཔོན་གྱི་མངའ་ཁོངས་སུ་སྒར་རྒྱབ་ནས་བསྡད་དགོས་སོ། [སྡེ་རིགས།] — [འགོ་དཔོན།] — [གྲངས་འབོར།] ཨེཕ་ར་ཡིམ། — ཨམ་མི་ཧུད་ཀྱི་བུ་ཨེ་ལི་ཤ་མ། — ༤༠,༥༠༠ མ་ནསེ་སཱེ། — པེ་དཱ་ཛུར་གྱི་བུ་གྷ་མ་ལི་ཨེལ། — ༣༢,༢༠༠ བྷེན་ཡ་མིན། — གྷིད་ཨོ་ནིའི་བུ་ཨ་བྷི་དན། — ༣༥,༤༠༠ — བསྡོམས: — ༡༠༨,༡༠༠ ཨེཕ་ར་ཡིམ་གྱི་རུ་ཁག་ནི་གསུམ་པར་འགྲོ་དགོས།

²⁵བྱང་ཕྱོགས་སུ་དཱན་གྱི་རུ་ཁག་གི་དར་ཆའི་འོག་ཏུ་གཤམ་གསལ་ལྟར་རང་རང་སོ་སོའི་རུ་དཔོན་གྱི་མངའ་ཁོངས་སུ་སྒར་རྒྱབ་ནས་བསྡད་དགོས་སོ། [སྡེ་རིགས།] — [འགོ་དཔོན།] — [གྲངས་འབོར།] དཱན། — ཨམ་མི་ཤ་དྷེའི་བུ་ཨ་ཧི་ཨེ་ཛར། — ༦༢,༧༠༠ ཨ་ཤེར། — ཨོག་རན་གྱི་བུ་པ་གྷི་ཨེལ། — ༤༡,༥༠༠ ནཕ་ཏ་ལི། — ཨེ་ནན་གྱི་བུ་ཨ་ཧི་ར། — ༥༣,༤༠༠ — བསྡོམས: — ༡༥༧,༦༠༠ དཱན་གྱི་རུ་ཁག་ནི་མཐའ་མར་འགྲོ་དགོས་པ་ཡིན་ནོ།

³²རུ་ཁག་སོ་སོར་བྱས་ཏེ་མིང་ཐོར་བཀོད་པའི་ཨིསི་རཱཨེལ་པ་ཚོའི་སྡོམ་གྲངས་འབོར་ནི། ༦༠༣,༥༥༠ ཡོད་པ་དང་།

³³གཙོ་བོ་དཀོན་མཆོག་གིས་མོ་ཤེ་ལ་བཀའ་བསྒོས་གནང་བ་བཞིན་ལེ་ཝི་པ་རྣམས་ཀྱི་མིང་ནི་ཨིསི་རཱཨེལ་པ་བྱིངས་དང་མཉམ་དུ་མིང་ཐོར་བཀོད་མེད་པ་ཡིན་ནོ།

³⁴དེ་ལྟར་གཙོ་བོ་དཀོན་མཆོག་གིས་མོ་ཤེ་ལ་བཀའ་བསྒོས་ཇི་ལྟར་གནང་བ་བཞིན་ཨིསི་རཱཨེལ་པ་ཚོས་དེ་བཞིན་ཚང་མ་བྱས་སོ། རང་རང་སོ་སོའི་དར་ཆའི་འོག་ཏུ་སྒར་ས་རྒྱབ་ནས་བསྡད་ཀྱི་ཡོད་དོ། ཕྱོགས་ཐོན་བྱེད་སྐབས་ཀྱང་རང་རང་སོ་སོའི་རིགས་རུས་ཀྱི་ཁོངས་སུ་འགྲོ་བསྐྱོད་བྱེད་ཀྱི་ཡོད་དོ༎