Read Tibetan — པོད་སྐད་Tibetan Old Testament 2011 གྲངས་ཀ 7 Bible Online

གྲངས་ཀ 7 - Tibetan — པོད་སྐད་Tibetan Old Testament 2011 bible

གྲངས་ཀ 7

¹མོ་ཤེས་གཙོ་བོ་དཀོན་མཆོག་གནས་པའི་དབུ་གུར་དམ་པ་དེ་བཞེངས་ཟིན་པའི་ཉིན་མོར། དབུ་གུར་དམ་པ་དང་དེའི་ཡོ་བྱད་དང་། དེ་བཞིན་མཆོད་ཁྲི་དང་དེའི་ཡོ་བྱད་ཚང་མར་བྱུགས་ཏེ་བསྔོ་འབུལ་མཛད་དོ།

²དེ་རྗེས་མི་འབོར་གྲངས་རྩིས་ལས་འགུལ་གྱི་ལས་འགན་ཐོབ་པའི་ཨིསི་རཱཨེལ་གྱི་སྡེ་རིགས་བཅུ་གཉིས་ཀྱི་འགོ་དཔོན་རྣམས་ཀྱིས།

³གཙོ་བོ་དཀོན་མཆོག་གི་སྤྱན་སྔར་རང་རང་གི་འབུལ་བ་རྣམས་ཕུལ་བ་ནི། འགོ་དཔོན་གཉིས་རེས་གླང་འབྲུད་འཁོར་ལོ་གཅིག་དང་། འགོ་དཔོན་རེ་རེས་གླང་རེས་རྩིས་པས། ཁྱོན་བསྡོམས་གླང་བཅུ་གཉིས་དང་གླང་འབྲུད་འཁོར་ལོ་དྲུག་བཅས་ཡིན་ནོ།

⁴གཙོ་བོ་དཀོན་མཆོག་གིས་མོ་ཤེ་ལ་གསུངས་པ།

⁵འབུལ་བ་འདི་དག་དབུ་གུར་དམ་པར་བེད་སྤྱོད་བྱེད་ཕྱིར་བླངས་ཏེ། དེ་ཚོས་བྱེད་དགོས་པའི་ལས་འགན་དང་བསྟུན་ནས་དེ་དག་ལེ་ཝི་ཚོར་སྤྲོད་ཅིག

⁶དེར་བརྟེན་མོ་ཤེས་གླང་འབྲུད་འཁོར་ལོ་གླང་དང་བཅས་པ་རྣམས་ལེ་ཝི་པ་རྣམས་ལ་སྤྲད་དོ།

⁷ཁོས་གླང་འབྲུད་འཁོར་ལོ་གཉིས་དང་གླང་བཞི་གྷེར་ཤོན་པ་རྣམས་ལ་སྤྲད་པ་དང་།

⁸ཡང་གླང་འབྲུད་འཁོར་ལོ་བཞི་དང་གླང་བརྒྱད་མེ་རཱ་རི་པ་རྣམས་ལ་སྤྲད་དོ། ཨ་རོན་གྱི་བུ་ཨི་ཐ་མར་གྱིས་ཇི་ལྟར་བཀོད་བྱུས་བྱས་པ་བཞིན་དེ་ཚོས་ལས་དོན་ཚང་མ་སྒྲུབ་དགོས་པ་ཡིན་ནོ།

⁹འོན་ཀྱང་མོ་ཤེས་ཀོ་ཧཱཐ་པ་རྣམས་ལ་གླང་འབྲུད་འཁོར་ལོའམ་གླང་སོགས་གང་ཡང་མ་སྤྲད་པ་ཡིན་ནོ། གང་ལགས་ཟེར་ན། དེ་ཚོས་ལས་འགན་དུ་ཡོད་པའི་དངོས་རྫས་དམ་པ་རྣམས་ནི་རང་གི་དཔུང་པར་འཁྱེར་དགོས་ཀྱི་ཡོད་པས་ཕྱིར་རོ།

¹⁰མཆོད་ཁྲིའི་རབ་གནས་ཀྱི་ཆེད་དུ་འགོ་དཔོན་རྣམས་ཀྱིས་ཀྱང་འབུལ་བ་ཁག་འཁྱེར་ཡོངས་ཏེ། དེ་ཚོས་འབུལ་བ་དེ་དག་མཆོད་ཁྲིར་འབུལ་རན་སྐབས།

¹¹གཙོ་བོ་དཀོན་མཆོག་གིས་མོ་ཤེ་ལ་གསུངས་པ། འགོ་དཔོན་དེ་ཚོའི་ཁོངས་ནས་གཅིག་གིས་ཉིན་ཞག་བཅུ་གཉིས་བར་དུ་ཉིན་རེ་བཞིན་མཆོད་ཁྲིའི་རབ་གནས་བྱེད་ཕྱིར་རང་གི་འབུལ་བ་རྣམས་འབུལ་དགོས་ཅེས་སྨྲོས་ཤིག

¹²དེ་ཚོས་གཤམ་གསལ་གོ་རིམ་ལྟར་རང་རང་སོ་སོའི་འབུལ་བ་རྣམས་ཕུལ་བ་ཡིན་ནོ། [ཉིན་ཞག] — [སྡེ་རིགས] — [འགོ་དཔོན] དང་པོ — ཡ་ཧུ་དཱ — ཨམ་མི་ན་དྷབ་ཀྱི་བུ་ནཱ་ཤོན གཉིས་པ — ཡི་ས་ཀར — ཛུ་ཨར་གྱི་བུ་ནེ་ཐ་ནེལ གསུམ་པ — ཛེ་བུ་ལུན — ཧེ་ལོན་གྱི་བུ་ཨེ་ལི་ཨབ བཞི་པ — རུ་བྷེན — ཤེ་དྷུར་གྱི་བུ་ཨེ་ལི་ཛུར ལྔ་པ — སིམ་ཨོན — ཛུ་རི་ཤད་དྷེའི་བུ་ཤེ་ལུ་མི་ཨེལ དྲུག་པ — གྷཌ — ཌུ་ཨེལ་གྱི་བུ་ཨེལ་ཡ་སཱཕ བདུན་པ — ཨེཕ་ར་ཡིམ — ཨམ་མི་ཧུད་ཀྱི་བུ་ཨེ་ལི་ཤ་མ བརྒྱད་པ — མ་ནསེ་སཱེ — པེ་དཱ་ཛུར་གྱི་བུ་གྷ་མ་ལི་ཨེལ དགུ་པ — བྷེན་ཡ་མིན — གྷིད་ཨོ་ནིའི་བུ་ཨ་བྷི་དན བཅུ་པ — དཱན — ཨམ་མི་ཤ་དྷེའི་བུ་ཨ་ཧི་ཨེ་ཛར བཅུ་གཅིག་པ — ཨ་ཤེར — ཨོག་རན་གྱི་བུ་པ་གྷི་ཨེལ བཅུ་གཉིས་པ — ནཕ་ཏ་ལི — ཨེ་ནན་གྱི་བུ་ཨ་ཧི་ར། འགོ་དཔོན་སོ་སོའི་འཁྱེར་ཡོང་བའི་འབུལ་བ་དེ་ཚོ་ཚང་མ་གཅིག་དང་འདྲ་བ་ཞིག་ཡོད་པ་ནི་གཤམ་གསལ་ལྟར་རོ། གཞུང་གི་ཁྲིམས་སྲོལ་ལྟར་གཏན་འབེབས་བྱས་པའི་ལྗིད་ཚད་གཞིར་བཟུང་ལྟར་ཀི་ལོ་གྷ་རཱམ་གཅིག་དང་ཕྱེད་བྱས་པའི་དངུལ་ཕོར་གཅིག་དང་། དེ་བཞིན་གྷ་རཱམ་ ༨༠༠ བྱས་པའི་དངུལ་གྱི་སྣོད་གཅིག་བཅས། གོང་གསལ་སྣོད་གཉིས་ཀའི་ནང་(...)

⁸⁴མཆོད་ཁྲིའི་རབ་གནས་ཀྱི་ཆེད་དུ་འགོ་དཔོན་བཅུ་གཉིས་ཀྱིས་འཁྱེར་ཡོང་བའི་འབུལ་བའི་བསྡོམས་ནི་གཤམ་གསལ་ལྟར་ཡིན་ནོ། - དངུལ་ཕོར་བཅུ་གཉིས་དང་དེ་བཞིན་དངུལ་གྱི་སྣོད་བཅུ་གཉིས་བཅས་པ་བསྡོམས་ལྗིད་ཚད་ཀི་ལོ་གཉེར་བདུན་དང་གྷ་རམ་ ༦༠༠ ཡོད་པ་དང་། - བདུག་སྤོས་ཀྱིས་གང་བའི་གསེར་གྱི་སྡེར་མ་བཅུ་གཉིས་ལ། ལྗིད་ཚད་ཀི་ལོ་གཅིག་དང་གྷ་རམ་ ༣༢༠ དང་། - སྦྱིན་སྲེག་གི་ཕྱིར་དུ་གླང་བཅུ་གཉིས་དང་། ལུག་བཅུ་གཉིས་དང་། ལོ་གཅིག་ལོན་པའི་ལུ་གུ་བཅུ་གཉིས་དང་། དེ་དང་མཉམ་དུ་འབུལ་དགོས་པའི་འབྲུའི་མཆོད་འབུལ་བཅས་དང་། - སྡིག་སེལ་གྱི་མཆོད་འབུལ་ཆེད་དུ་ར་བཅུ་གཉིས་དང་། - མཐུན་འབྲེལ་གྱི་མཆོད་འབུལ་དུ་གླང་བཅུ་བཞི་དང་། ལུག་ཐུག་དྲུག་བཅུ་ཐམ་པ། དེ་བཞིན་ལོ་གཅིག་ལོན་པའི་ལུ་གུ་དྲུག་བཅུ་ཐམས་པ་བཅས་ཡིན་ནོ།

⁸⁹མོ་ཤེས་དབུ་གུར་དམ་པའི་ནང་དུ་གཙོ་བོ་དཀོན་མཆོག་དང་གསུང་མོལ་ཞུ་ཕྱིར་བཅར་སྐབས། དམ་བཅའི་སྒྲོམ་གྱི་ཁེབས་གཅོད་ཀྱི་སྟེང་དུ་ཡོད་པའི་ཀེ་རུབ་གཉིས་ཀྱི་དཀྱིལ་ནས་གཙོ་བོ་དཀོན་མཆོག་གིས་གསུང་མོལ་གནང་བ་དེ་མོ་ཤེས་ཐོས་ཀྱི་ཡོད་དོ༎