Read Tibetan — པོད་སྐད་Tibetan Old Testament 2011 ཡོ་ཤུ་ཨ 14 Bible Online

ཡོ་ཤུ་ཨ 14 - Tibetan — པོད་སྐད་Tibetan Old Testament 2011 bible

ཡོ་ཤུ་ཨ 14

¹བླ་མ་ཨེ་ལི་ཛར་དང་ནུན་གྱི་བུ་ཡོ་ཤུ་ཨ་དང་ཨིསི་རཱཨེལ་སྡེ་རིགས་གྱི་ཁྱིམ་ཚང་གི་འགོ་དཔོན་ཚོས་ཁོང་ཚོ་ལ་ས་སྐལ་བགོས་སོ། ཨིསི་རཱཨེལ་གྱི་མི་མང་རྣམས་ལ་ཀ་ནན་ཡུལ་དེ་རང་གི་ས་སྐལ་དུ་ཐོབ་པ་རྣམས་ནི་གཤམ་གསལ་ལྟར་ཡིན་ནོ།

²གཙོ་བོ་དཀོན་མཆོག་གིས་མོ་ཤེ་བརྒྱུད་ནས་བཀའ་གནང་བ་བཞིན་ཁོ་ཚོས་སྡེ་རིགས་དགུ་དང་ཕྱེད་ཀར་རྒྱན་ཤོག་བླུགས་ནས་ས་སྐལ་བགོས་སོ།

³སྡེ་རིགས་གཉིས་དང་ཕྱེད་ཀར་མོ་ཤེས་ཡོར་དན་གྱི་ཤར་ཕྱོགས་སུ་ས་སྐལ་བསྒོས་ཟིན་པ་ཡིན་ནོ། ཡོ་སེབ་ཀྱི་རིགས་བརྒྱུད་རྣམས་ནི་མ་ནསེ་སཱེ་དང་ཨེཕ་ར་ཡིམ་གྱི་སྡེ་རིགས་གཉིས་སུ་གཏོགས་ཤིང་། ཡིན་ན་ཡང་མོ་ཤེས་ལེ་ཝི་པ་རྣམས་ལ་ས་སྐལ་གཅིག་ཀྱང་སྟེར་མེད་པ་ཡིན་ནོ། དེའི་ཚབ་ཏུ་དེ་ཚོ་ལ་གནས་ས་གྲོང་ཁྱེར་རྣམས་དང་དེ་ཚོའི་ལུག་ཕྱུགས་འཚོ་བའི་ཕྱིར་རྩ་ཁ་རྣམས་སྤྲད་དོ།

⁵གཙོ་བོ་དཀོན་མཆོག་གིས་མོ་ཤེ་ལ་བཀའ་གང་གནང་བ་བཞིན་ཨིསི་རཱཨེལ་བ་ཚོས་ཡུལ་རྣམས་བགོ་བཤའ་བརྒྱབ་བོ༎

⁶ཡ་ཧུ་དཱའི་སྡེ་རིགས་ནས་ཡིན་པའི་མི་འགའ་ཤས་གྷིལ་གཱལ་དུ་ཡོ་ཤུ་ཨའི་རྩར་བསླེབས་པ་དང་། ཀེ་ནི་ཛི་པ་ཡེ་ཕུ་ནཱེའིི་བུ་ཀ་ལེབ་ཀྱིས་ཡོ་ཤུ་ཨ་ལ་སྨྲས་པ། སྔར་ཀ་དྷེཤི་བྷར་ནེ་རུ་གཙོ་བོ་དཀོན་མཆོག་གིས་ཉིད་ཀྱི་སྐྱེས་བུ་མོ་ཤེ་ལ་ཁྱེད་དང་ང་གཉིས་ཀྱི་སྐོར་གང་གསུངས་པའི་བཀའ་དེ་ནི་ཁྱེད་ཀྱི་མཁྱེན་གསལ་ལྟར།

⁷གཙོ་བོ་དཀོན་མཆོག་གི་ཞབས་ཏོག་པ་མོ་ཤེས་ཀ་དྷེཤི་བྷར་ནེ་ནས་ང་ལ་ཡུལ་དེའི་སྐོར་གསོ་ཉུལ་བྱེད་དུ་བཏང་སྐབས་ང་ལོ་བཞི་བཅུ་ལོན་ཡོད་ཅིང་། ངས་དེའི་སྐོར་གྱི་གནས་ཚུལ་དངོས་ཡོད་ཅིག་ཁོང་ལ་ཕུལ་མོད།

⁸འོན་ཀྱང་ང་དང་མཉམ་དུ་འགྲོ་མཁན་མི་ཚོས་ང་ཚོའི་མི་རྣམས་ཞེད་དགོས་པ་བཟོས་སོ། གང་ལྟར་ངས་ནི་སེམས་པ་རྣམ་དག་གི་སྒོ་ནས་ངའི་དཀོན་མཆོག་གཙོ་བོ་དཀོན་མཆོག་གི་བཀའ་ལ་རྩིས་སྲུང་ཞུས་པ་ཡིན།

⁹ངས་དེ་ལྟར་བྱེད་པའི་རྐྱེན་གྱི་མོ་ཤེས་ང་ལ་དམ་བཅའ་བྱས་ཏེ་སྨྲས་པ། ཁྱོད་ཀྱིས་རྐང་པ་བཞག་པའི་ཡུལ་དེ་ཁྱོད་དང་ཁྱོད་ཀྱི་རིགས་བརྒྱུད་ཀྱི་ནོར་རྐྱལ་གྱི་ཚུལ་དུ་ཐོབ་རྒྱུ་ཡིན།

¹⁰ད་གཟིགས་དང་། ཨིསི་རཱཨེལ་པ་ཚོ་འབྲོག་སྟོང་ཁུལ་དུ་ཕར་ཚུར་འགྲོ་བསྐྱོད་བྱེད་སྐབས་གཙོ་བོ་དཀོན་མཆོག་་གིས་མོ་ཤེ་ལ་བཀའ་འདི་གནང་བ་ནས་བཟུང་ད་བར་ལོ་བཞི་བཅུ་ཞེ་ལྔ་ཕྱིན་སོང། གཙོ་བོ་དཀོན་མཆོག་གིས་ཞལ་བཞེས་གནང་བ་བཞིན་ང་ལ་ད་བར་ཁོང་གིས་གསོན་པོར་བཞག་གནང་ཡོད། ང་ལ་གཟིགས་ཤིག། ང་རང་ལོ་ངོ་བརྒད་བཅུ་གྱ་ལྔ་སླེབ་ཡོད་དོ།

¹¹སྔར་མོ་ཤེས་ང་ལ་གཏོང་སྐབས་ང་ལ་སྟོབས་ཤུགས་ཇི་ཡོད་པ་བཞིན་ད་ལྟའང་དེ་བཞིན་ཉམས་མེད་དུ་གནས་ཡོད། དེ་བཞིན་དམག་བརྒྱབ་པའི་ཕྱིར་དང་། དམག་གི་ཆེད་དུ་ཕྱིར་རུ་འགྲོ་ཐུབ་པའི་སྟོབས་ཤུགས་སྔར་གང་ཡོད་པ་བཞིན་ད་ལྟའང་དེ་བཞིན་ཡོད་དོ།

¹²སྔར་ང་དང་ངའི་མི་ཚོས་གནས་ཚུལ་ཞུ་སྐབས་གཙོ་བོ་དཀོན་མཆོག་གིས་ང་ཚོར་གནང་གི་ཡིན་ཞེས་ཞལ་བཞེས་གནང་བའི་རི་རྒྱུད་ཀྱི་ཡུལ་དེ་ད་ང་ལ་གནང་དུ་གསོལ། སྐབས་དེར་ང་ཚོས་ཁྱེད་ལ་ལྕགས་རི་མཐོ་པོའི་ནང་གི་ཡུལ་དེར་ཨ་ན་ཀིམ་པ་ཞེས་པའི་མི་བོ་ཆེའི་མི་རིགས་རྣམས་གནས་བཞིན་འདུག གཅིག་བྱས་ན་གཙོ་བོ་དཀོན་མཆོག་ང་དང་མཉམ་དུ་བཞུགས་པ་ཡིན་ན་ཁོང་གི་བཀའ་རྒྱ་བཞིན་ངས་དེ་དག་ཕྱིར་སྐྲོད་བྱེད་ཐུབ་ཅེས་སྨྲས་སོ།

¹³ཡོ་ཤུ་ཨས་ཡ་ཕུ་ནཱེའི་བུ་ཀ་ལེབ་ལ་བྱིན་རླབས་གནང་ནས། གྲོང་ཁྱེར་ཧེབ་རོན་དེ་ཁོའི་རྒྱུ་ནོར་གྱི་ཚུལ་དུ་སྤྲད་དོ།

¹⁴དེ་བས་ན་ཧེབ་རོན་ཡུལ་དེ་ནི་དེང་དུས་ཀྱང་ཀེ་ནི་ཛི་པ་ཡེ་ཕུ་ནཱེའི་བུ་ཀ་ལེབ་ཀྱི་རིགས་བརྒྱུད་ཚོའི་བདག་དབང་དུ་ཡོད་པ་ཡིན་ནོ། གང་ལགས་ཟེར་ན། ཁོང་ནི་སེམས་པ་རྣམ་དག་གིས་ཨིསི་རཱཨེལ་པ་ཚོའི་དཀོན་མཆོག་གཙོ་བོ་དཀོན་མཆོག་གི་བཀའ་ཁྲིམས་རྣམས་སྲུང་རྩིས་ཞུས་པ་ཡིན་ནོ།

¹⁵དེ་སྔོན་ཧེབ་རོན་གྱི་མིང་ནི་ཨར་བྷའི་གྲོང་ཁྱེར་ཟེར་རོ། ཨར་བྷ་ནི་ཨ་ན་ཀིམ་པ་ཚོའི་ནང་ནས་མི་མངའ་ཐང་ཆེན་པོ་ཞིག་ཡིན་ནོ། དེ་རྗེས་ཡུལ་དུ་ཞི་བདེ་བྱུང་ངོ་༎