Read Tibetan — པོད་སྐད་Tibetan Old Testament 2011 ཡོ་ཤུ་ཨ 16 Bible Online

ཡོ་ཤུ་ཨ 16 - Tibetan — པོད་སྐད་Tibetan Old Testament 2011 bible

ཡོ་ཤུ་ཨ 16

¹ཡོ་སེབ་ཀྱི་རིགས་བརྒྱུད་ལ་སྟེར་བའི་ཡུལ་གྱི་ལྷོ་ཕྱོགས་ཁུལ་གྱི་ས་མཚམས་ནི། ཡེ་རི་ཀོའི་ཉེ་འགྲམ་གྱི་གཙང་པོ་ཡོར་དན་ནས་རྩིས་པས་ཡེ་རི་ཀོའི་ཆུ་མིག་གི་ཤར་ངོས་ཀྱི་ས་ཁུལ་དང་། ཡེ་རི་ཀོ་ནས་ཡར་རྩིས་པའི་བྷེ་ཐེལ་བར་གྱི་རི་ཁུལ་གྱི་ས་གནས་ཁག་དང་།

²བྷེ་ཐེལ་ནས་ཨར་ཀི་པ་རྣམས་གནས་པའི་ས་གནས་ཨ་ཏ་རོད་ཨད་དར་བརྒྱུད་དེ་ས་གནས་ལུཛ་བར་དང་།

³དེ་རྗེས་ནུབ་ཕྱོགས་སུ་ཡཕ་ལེད་པ་རྣམས་ཀྱི་ས་ཁུལ་ནས་སྨད་དུ་བྷེད་ཧོ་རོན་གྱྱི་ས་ཁུལ་བར་དང་། དེ་ནས་གྷེ་ཛེར་བར་དུ་བསླེབས་ཏེ། མཐར་རྒྱ་མཚོ་མེ་ཌི་ཊ་རེ་ནི་ཡན་བར་དུ་ཁྱབ་ཡོད་པ་ཡིན་ནོ།

⁴ཡོ་སེབ་ཀྱི་རིགས་བརྒྱུད་ལས་ཡིན་པ་ཨེ་ཕ་རཱ་ཨིམ་དང་ནུབ་མ་ན་ཤེའི་སྡེ་རིགས་རྣམས་ལ་གོང་གསལ་ཡུལ་དེ་ཁོ་ཚོའི་བདག་དབང་དུ་ཐོབ་པ་ཡིན་ནོ༎

⁵ཨེཕ་ར་ཡིམ་གྱི་ཁྱིམ་ཚང་ཁག་གི་ས་མཚམས་ནི། ཤར་ཕྱོགས་སུ་ཨ་ཏ་རོད་ཨད་དར་ནས་སྟོད་བྷེད་ཧོ་རོན་དང་།

⁶དེ་ནས་རྒྱ་མཚོ་མེ་ཌི་ཊ་རེ་ནི་ཡན་བར་དུ་ཁྱབ་ཡོད་ཅིང་། མིག་མེ་ཐད་ནི་ཁོ་ཚོའི་ཡུལ་གྱི་བྱང་ཕྱོགས་སུ་ཡོད་པ་དང་། ཤར་ངོས་ཀྱི་ས་མཚམས་ནི་ཏན་ནད་ཤི་ལཱོའི་བར་དུ་འཁོར་ཏེ། ཡུལ་དེ་བརྒྱུད་ནས་ཤར་ཕྱོགས་སུ་ཡ་ནོ་ཨ་བར་དུ་བསླེབས་ཤིང་།

⁷ཡ་ནོ་ཨ་ནས་ཨ་ཏ་རོད་དང་ནཱ་རཱ་བརྒྱུད་དེ་མཐར་ཡེ་རི་ཀོ་དང་ཡོར་དན་བར་དུ་བསླེབས་ཡོད་པ་ཡིན།

⁸ནུབ་ཕྱོགས་ཀྱི་ས་མཚམས་ནི། ཏ་པུ་ཨ་ནས་ཀ་ནཱའི་གྲོག་ཆུ་བརྒྱུད་དེ་རྒྱ་མཚོ་མེ་ཌི་ཊ་རེ་ནི་ཡན་བར་དུ་ཁྱབ་ཡོད་པ་ཡིན་ཅིང་། ཡུལ་དེ་ནི་ཨེཕ་ར་ཡིམ་གྱིས་སྡེ་རིགས་ལས་ཡིན་པའི་ཁྱིམ་ཚང་ཁག་ལ་སྟེར་ཡོད་པ་ཡིན།

⁹མ་ནསེ་སཱེའི་ས་མཚམས་ཀྱི་ནང་དུ་ཡོད་པའི་གྲོང་ཁྱེར་དང་གྲོང་སེབ་རྣམས་ཀྱང་། ཨེཕ་ར་ཡིམ་པ་རྣམས་ལ་སྟེར་བ་ཡིན་ནོ།

¹⁰འོན་ཀྱང་ཁོ་ཚོས་གྷེ་ཟེར་དུ་གནས་སྡོད་བྱེད་པའི་ཀ་ནན་པ་རྣམས་ལ་ཕྱིར་སྐྲོད་མ་བྱས་པས། དེ་ཚོ་དེང་དུས་ཀྱང་ཨེཕ་ར་ཡིམ་པ་རྣམས་དང་མཉམ་སྡོད་བྱས་ཏེ་དེ་ཚོའི་བྲན་གཡོག་ཏུ་གནས་བཞིན་པ་ཡིན་ནོ༎