Read Tibetan — པོད་སྐད་Tibetan Old Testament 2011 ཁྲིམས་དཔོན 4 Bible Online

ཁྲིམས་དཔོན 4 - Tibetan — པོད་སྐད་Tibetan Old Testament 2011 bible

ཁྲིམས་དཔོན 4

¹ཨེ་ཧུད་གྲོངས་པའི་རྗེས་ལ་ཨིསི་རཱཨེལ་པའི་མི་མང་ཚོས་གཙོ་བོ་དཀོན་མཆོག་གི་སྤྱན་སྔར་སླར་ཡང་སྡིག་པ་གྱིས་སོ།

²དེར་བརྟེན་གཙོ་བོ་དཀོན་མཆོག་གིས་ཧ་ཛོར་གྲོང་ཁྱེར་ལ་རྒྱལ་སྲིད་སྐྱོངས་མཁན་ཀ་ནན་པའི་རྒྱལ་པོ་ཡ་བྷིན་ལ་དེ་ཚོར་བཙན་བཟུང་བྱེད་དུ་འཇུག་གནང་ངོ་། ཁོང་གི་དམག་མིའི་དམག་དཔོན་ནི་སི་སེ་ར་བྱ་བ་ཕྱི་པ་རྣམས་ཀྱིི་ཧ་རོ་ཤེད་ལ་གནས་སྡོད་བྱ་མཁན་དེ་ཡིན་ནོ།

³ཡ་བྷིན་ལ་ལྕགས་ཀྱི་ཤིང་རྟ་འཁོར་ལོ་ ༩༠༠ ཡོད་པ་དང་། ཁོང་གིས་ཨིསི་རཱཨེལ་གྱི་མི་མང་རྣམས་ལ་ལོ་ཉི་ཤུའི་རིང་སྡུག་རྩུབ་དང་དྲག་ཤུགས་ཀྱིས་དབང་བསྒྱུར་གྱིས་སོ། དེ་ནས་ཨིསི་རཱཨེལ་གྱི་མི་མང་ཚོས་གཙོ་བོ་དཀོན་མཆོག་ལ་རོགས་མགོན་གྱི་ཆེད་དུ་འབོད་དོ།

⁴ད་ཆ་ལ་པི་དོཐའི་ཆུང་མ་དྷེ་བོ་རཱ་ནི་ལུང་སྟོན་མ་ཞིག་ཡིན་པ་དང་། སྐབས་དེར་མོས་ཨིསི་རཱཨེལ་པ་ཚོའི་ཆེད་དུ་ཁྲིམས་དཔོན་གྱི་ཞབས་ཞུ་བྱེད་བཞིན་ཡོད་དོ།

⁵མོ་ནི་ཨེཕ་ར་ཡིམ་རི་བརྒྱུད་ཀྱི་གྲོང་ཁྱེར་ར་མཱ་དང་བྷེ་ཐེལ་དབར་གྱི་ཁ་ཟུར་ཤིང་ཞིག་གི་འོག་ཏུ་གནས་བཞིན་ཡོད་པ་དང་། ཨིསི་རཱཨེལ་གྱི་མི་མང་རྣམས་མོའི་རྩར་ཁྲིམས་ཐག་ཆོད་ཡོང་བའི་ཆེད་དེར་ཡོང་བཞིན་ཡོད།

⁶ཉིན་ཞིག་མོས་ནཕ་ཏ་ལིའི་ཀེ་དེཤ་གྲོང་ཁྱེར་ནས་ཨ་བྷི་ནོ་ཨམ་གྱི་བུ་བྷ་རག་འབོད་པར་བཏང་བ་དང་ཁོ་པར་སྨྲས་པ། གཙོ་བོ་དཀོན་མཆོག་ཨིསི་རཱཨེལ་གྱི་དཀོན་མཆོག་གིས་ཁྱོད་ལ་བཀའ་འདི་ལྟར་གནང་ཡོད། ཁྱོད་ཀྱིས་ནཕ་ཏ་ལི་དང་ཛེ་བུ་ལུན་གྱི་རིགས་བརྒྱུད་ནས་སྐྱེས་པ་ ༡༠,༠༠༠ འཁྲིད་ནས་དེ་ཚོ་རི་བོ་ཏ་བྷོར་ལ་སྣེ་འཁྲིད་བྱོས་ཤིག

⁷ངས་ཡ་བྷིན་གྱི་དམག་མིའི་དམག་དཔོན་སི་སེ་ར་ལ་ཁྱོད་ཚོ་མཉམ་དུ་དམག་འཐབ་བྱེད་པར་གཙང་པོ་ཀི་ཤོན་དུ་འཁྲིད་ཡོང་རྒྱུ་ཡིན། ཁོ་ལ་ཤིང་རྟ་འཁོར་ལོ་དང་དམག་དཔུང་ཡོད་རུང་ངས་ཁྱོད་ཚོར་ཁོའི་ཐོག་ཏུ་རྒྱལ་ཁ་སྤྲོད་རྒྱུ་ཡིན་ནོ།

⁸དེ་ནས་བྷ་རག་གིས་ལན་དུ། ཁྱེད་ང་མཉམ་དུ་ཕེབས་པ་ཡིན་ན། ང་ཡང་འགྲོ་རྒྱུ་ཡིན། ཁྱེད་ང་དང་མཉམ་དུ་མ་ཕེབས་ན་ང་ཡང་འགྲོ་གི་མིན་ཞུས་པས།

⁹མོས་ལན་དུ། དེ་ལྟར་ཡིན་ན་ང་ཁྱོད་དང་མཉམ་དུ་འགྲོ་བར་བྱའོ། འོན་ཀྱང་ཁྱོད་ལ་རྒྱལ་ཁའི་མིང་ཐོབ་པར་མི་འགྱུར། གང་ལགས་ཟེར་ན། གཙོ་བོ་དཀོན་མཆོག་གིས་སི་སེ་ར་ལ་བུད་མེད་གཅིག་གི་ལག་ཏུ་རྩིས་སྤྲོད་གནང་བར་འགྱུར་གསུངས་སོ། དེ་བས་ན་དྷེ་བོ་རཱ་བྷ་རག་མཉམ་དུ་ཀེ་དེ་ཤ་རུ་ཐོན་ནོ།

¹⁰བྷ་རག་གིས་ཛེ་བུ་ལུན་དང་ནཕ་ཏ་ལིའི་སྡེ་རིགས་ཚོ་ལ་ཀེ་དྷེཤི་དུ་བོས་པ་དང་། མི་གྲངས་ ༡༠,༠༠༠ ཐམ་པ་དེ་ཚོའི་རྗེས་སུ་ཕྱིན་ནོ། དྷེ་བོ་རཱ་ཡང་ཁོ་དང་མཉམ་དུ་ཐོན་ནོ།

¹¹སྐབས་དེར་ཀེ་ནི་པ་ཧེ་བྷེར་གྱིས་ཛ་ན་ནིམ་དུ་བེ་ཤིང་གི་ཉེ་འགྲམ་ཀེ་དེཤིའི་ཐག་ཉེ་སར་རང་གི་གུར་ཕུབ་བོ། ཁོ་ནི་གཞན་ཀེ་ནི་པ་མོ་ཤེའི་མག་པ་ཧོ་བྷབ་ཀྱི་རིགས་བརྒྱུད་ཚོ་ལས་ཕྱིར་ཐོན་ནོ།

¹²སི་སེ་རས་བྷ་རག་རི་བོ་ཏ་བྷོར་དུ་ཐོན་པ་ཧ་གོ་བ་དང་།

¹³ཁོས་ལྕགས་ཀྱི་ཤིང་རྟ་འཁོར་ལོ་དགུ་བརྒྱ་དང་། ཁོས་མི་རྣམས་བཀའ་འགུགས་གནང་ནས་ཕྱི་པ་རྣམས་ཀྱི་སྡོད་གནས་ཧ་རོ་ཤེད་ནས་གཙང་པོ་ཀི་ཤོན་བར་བཏང་ངོ་།

¹⁴དེ་ནས་དྷེ་བོ་རཱས་བྷ་རག་ལ། ད་སོང་ཞིག་གཙོ་བོ་དཀོན་མཆོག་གིས་ཁྱོད་ཀྱི་སྣེ་འཁྲིད་གནང་བཞིན་ཡོད་པས། དེ་རིང་ཁོང་གིས་ཁྱོད་ལ་སི་སེ་རའི་ཐོག་རྒྱལ་ཁ་གནང་བར་འགྱུར་ཞེས་སྨྲས་སོ། དེར་བརྟེན་བྷ་རག་གི་དམག་མི་ ༡༠,༠༠༠ མཉམ་དུ་རི་བོ་ཏ་བྷོར་ནས་མར་ཐོན་ནོ།

¹⁵བྷ་རག་གིས་རང་གི་དམག་དཔུང་དང་བཅས་པས་དམག་འཐབ་བྱ་སྐབས་གཙོ་བོ་དཀོན་མཆོག་གིས་སི་སེ་ར་དང་དེའི་ཤིང་རྟ་འཁོར་ལོ་དང་། སྐྱེ་བོ་ཚང་མའི་མགོ་འཐོམ་དུ་འཇུག་གནང་བ་དང་། སི་སེ་ར་རང་གི་ཤིང་རྟ་འཁོར་ལོ་ནས་མར་བབས་ཏེ་རྐང་ཐང་ལ་བྲོས་སོ།

¹⁶བྷ་རག་གིས་ཤིང་རྟ་འཁོར་ལོ་དང་དམག་དཔུང་རྣམས་ཕྱི་པ་རྣམས་ཀྱི་སྡོད་གནས་ཧ་རོ་ཤེད་བར་རྗེས་དེད་བྱས་པ་དང་། སི་སེ་རའི་དམག་མི་ཚང་མ་བསད་ནས་གཅིག་ཀྱང་མ་ལུས་སོ།

¹⁷སི་སེ་ར་ནི་ཀེ་ནི་པ་ཧེ་བྷེར་གྱི་ཆུང་མ་ཡ་ཨེལ་གྱི་གུར་ནང་བྲོས་སོ། གང་ལགས་ཟེར་ན། ཧ་ཛོར་གྱི་རྒྱལ་པོ་ཡ་བྷིན་ཧེ་བྷེར་གྱི་ཁྱིམ་ཚང་མཉམ་དུ་མཐུན་ལམ་ཡོད་པ་དང་།

¹⁸ཡ་ཨེལ་གྱིས་སི་སེ་ར་བསུ་བར་ཕྱིན་པ་དང་། ཁོང་ལ། སྐུ་ཞབས་ངའི་གུར་ནང་ཕེབས་ཤིག། འཇིགས་མི་དགོས་ཤེས་ཞུས་སོ། དེ་བས་ན་ཁོང་ནང་དུ་ཕེབས་པ་དང་། མོས་ཁོང་ལ་ཡོལ་བའི་རྒྱབ་དུ་སྦས་སོ།

¹⁹ཁོས་མོ་ལ། ང་ཁ་སྐོམ་བཞིན་འདུག་པས། ང་ལ་ཆུ་སྤྲད་རོགས་སྨྲས་པ་དང་། མོས་འོ་མའི་རྐྱལ་པ་ཁ་ཕྱེས་ཏེ་ཁོ་ལ་གཏེར་བ་དང་། དེ་རྗེས་ཁོ་ལ་སླར་ཡང་སྦས་སོ།

²⁰དེ་ནས་ཁོས་མོ་ལ། གུར་གྱི་སྒོར་ལངས་ནས། སུ་ཞིག་གིས་ཁྱོད་ལ་གུར་ནང་དུ་སུ་སླེབས་བྱུང་ངམ་ཟེར་ན། སླེབས་མ་བྱུང་ཞེས་སྨྲོས་ཤིག་ཅེས་སྨྲས་སོ།

²¹སི་སེ་ར་ཧ་ཅང་ཐང་ཆད་ཡོད་སྟབས་གཉིད་སྐྱིད་པོ་ཁུག་ཡོད་པ་དང་། དེ་ནས་ཡ་ཨེལ་གྱིས་ཐོ་བ་དང་གུར་གྱི་ཕུར་པ་ཞིག་འཁྱེར་ནས་ཁུ་སིམ་པོས། ཁོའི་སར་ཕྱིན་ནས་ཁོའི་མགོའི་ཟུར་ནས་ས་མ་ཐུག་བར་དུ་ཕུར་པ་རྒྱབ་ནས་ཁོ་ལ་བསད་དོ།

²²བྷ་རག་གིས་སི་སེ་ར་ལ་འཚོལ་བཞིན་ཡོང་སྐབས་ཡ་ཨེལ་གྱིས་ཁོའི་སར་ཕྱིན་ནས་ཡར་ཕེབས་ཤིག ངས་ཁྱེད་ལ་ཁྱེད་ཀྱིས་འཚོལ་བཞིན་པའི་མི་དེ་སྟོན་པར་བྱ་ཞེས་སྨྲས་སོ། དེ་ནས་ཁོ་མོ་དང་མཉམ་དུ་ནང་དུ་སོང་བ་དང་། དེར་སི་སེ་ར་མགོ་ལ་ཕུར་པ་བཙུགས་ནས་ས་སྟེང་དུ་འཆི་ཡོད་པ་མཐོང་ངོ་།

²³ཉིན་དེར་དཀོན་མཆོག་གིས་ཨིསི་རཱཨེལ་པ་ཚོར་ཀ་ནན་པའི་རྒྱལ་པོ་ཡ་བྷིན་ཐོག་རྒྱལ་ཁ་གནང་ཡོད་དོ།

²⁴དེ་ཚོས་ཁོ་ལ་མེད་པར་མ་བཟོས་བར་དུ་ཤུགས་སྣོན་ཇི་ཆེར་གྱིས་སོ༎