Read Tibetan — པོད་སྐད་Tibetan Old Testament 2011 ཁྲིམས་དཔོན 5 Bible Online

ཁྲིམས་དཔོན 5 - Tibetan — པོད་སྐད་Tibetan Old Testament 2011 bible

ཁྲིམས་དཔོན 5

¹ཉིན་དེར་དྷེ་བོ་རཱ་དང་ཨ་བྷི་ནོ་ཨམ་གྱི་བུ་བྷ་རག་གིས་མགུར་མ་འདི་ལེན་ནོ།

²གཙོ་བོ་དཀོན་མཆོག་ཁོང་ལ་བསྟོད་པ་ཕུལ། ཨིསི་རཱཨེལ་པ་ཚོ་དམག་འཐབ་བྱ་རྒྱུ་ལ། སེམས་ཐག་བཅད་ཅིང་མི་མང་རྣམས་ནས་ཀྱང་། དགའ་པོའི་ངང་ནས་དང་ལེན་ཞུས་ཡོད་དོ།

³རྒྱལ་པོ་ཚོ་ནི་ལེགས་པར་ཉོན་ཞིག་དང་། ཁྲིམས་དཔོན་ཚོ་ཡང་ཡིད་ཟབ་བརྟན་པོར་བྱོས། ཨིསི་རཱཨེལ་གྱི་དཀོན་མཆོག་གཙོ་བོ་དཀོན་མཆོག་ལ། ང་ཡིས་མགུར་མ་ལེན་ནས་རོལ་མོ་དཀྲོལ།

⁴གཙོ་བོ་དཀོན་མཆོག་ཁྱེད་ནི་སེ་ཨིར་རི་ནས་ཐོན། ཁྱེད་ནི་ཨེ་དྷོམ་མངའ་ཁུལ་ནང་ནས་ཕྱིར། ཕེབས་སྐབས་ས་གཞི་འགུལ་ཞིང་ནམ་མཁའ་ནས། ཆར་པ་བབས་ནས་སྤྲིན་ནས་ཆུ་བབས་སོ།

⁵སི་ནཨའི་གཙོ་བོ་དཀོན་མཆོག་ཨིསི་རཱཨེལ་གྱི། དཀོན་མཆོག་གཙོ་བོདཀོན་མཆོག་ཁོང་གི་སྤྱན་སྔ་རུ། རི་བོ་རྣམས་ཀྱང་འགུལ་ཤིང་གཡོ་བས་སོ།

⁶ཨ་ནད་ཀྱི་བུ་ཤམ་གར་གྱི་དུས་དང་། ཡ་ཨེལ་དུས་སུ་ས་སྟེང་བརྒྱུད་འགྲུལ་མཁན། འགྲུལ་པ་ཆོ་ནི་ལམ་ཆེན་དེའི་སྟེང་ནས། མ་ཕྱིན་པར་ཡང་ཟུར་ལམ་བེད་སྤྱོད་བྱེད།

⁷དྷེ་བོ་རཱ་ནི་ཨིསི་རཱཨེལ་གྲོང་ཁྱེར་ཚོར། ཨིསི་རཱཨེལ་པ་ཡི་མ་ལྟར་མ་ཡོང་བར། དེ་ཚོ་ཚང་མ་སྟོང་པར་ལུས་པས་སོ།

⁸དེ་ནས་ཨིསི་རཱཨེལ་པ་ཚོས་ལྷ་གསར་པ། ཚོ་ལ་འདམས་སྐབས་ཡུལ་དུ་དམག་འཁྲུགས་བྱུང་། ཨིསི་རཱཨེལ་པ་ཡི་སྐྱེས་པ་སྟོང་བཞི་བཅུས། སུ་ཞིག་གིས་ཀྱང་ཕུབ་དང་མདུང་འཁྱེར་རམ།

⁹ང་ཡི་སྙིང་ནི་ཨིསི་རཱཨེལ་གྱི། དམག་སྤྱི་ཚོ་དང་དགའ་པོའི་ངང་ནས་ཀྱང་། དང་ལེན་གྱིས་པའི་མི་མང་ཚོ་མཉམ་ཡོད། གཙོ་བོ་དཀོན་མཆོག་ལ་བསྟོད་པ་ཕུལ།

¹⁰ཁྱོད་ཚོ་རྟ་སྒའི་སྟེང་དུ་བསྡད་འགྱུར་ནས། ཁྱོད་ཚོ་བོང་བུ་དཀར་པོར་ཞོན་མཁན་ཚོ། གང་དུ་འགྲོ་ཡང་གོམ་པ་སྤོས་ནས་ཀྱང་། འགྲོ་མཁན་ཁྱོད་ཚོས་དེའི་སྐོར་ལ་སྨྲོས་ཤིག

¹¹ཁྲོན་པའི་མཐའ་ལ་སྐད་ཅོར་ཅན་མི་ཚོགས། དེ་ཚོས་གཙོ་བོ་དཀོན་མཆོག་རྒྱལ་བ་དང་། ཨིསི་རཱཨེལ་གྱི་རྒྱལ་ཁའི་སྐོར་ལ་ཤོད་པར་ཉོན། དེ་ནས་གཙོ་བོ་དཀོན་མཆོག་གི་མི་མང་རྣམས། དེ་ཚོའི་གྲོང་ཁྱེར་ནང་ནས་ཐོན་པར་མཛད།

¹²སྣེ་འཁྲིད་བྱོས་ཤིག་དྷེ་བོ་རཱ་ཁྱོད་ཀྱིས། སྣེ་འཁྲིད་བྱོས་ཤིག་སྣེ་འཁྲིད་བྱོས་ཤིག་དང་། མགུར་མ་ལེན་ཞིང་སྣེ་འཁྲིད་བྱོས་ཤིག་དང་། ཨ་བྷི་ནོ་ཨམ་གྱི་ཡི་བུ་བྷ་རག། ཁྱོད་ནི་མདུན་དུ་འགྲོ་ཞིག་ཁྱོད་ཀྱི་ནི་བཙོན་པ་རྣམས་ཀྱི་སྣེ་འཁྲིད་བྱོས་ཤིག་དང་།

¹³དེ་ནས་དམ་ཚོགས་ཅན་རྣམས་ཁྱོད་རང་གི་འགོ་འཁྲིད་བྱེད་སར་དེ་ཚོ་ཡོང་ངོ། གཙོ་བོ་དཀོན་མཆོག་ཁོང་གི་མི་མང་རྣམས། དམག་འཐབ་ཆེད་དུ་ཁོང་སར་བཅར།

¹⁴དེ་ཚོ་ཨེཕ་ར་ཡིམ་ནས་ལུང་གཤོང་བར་ཡོང་ངོ་། བྷེན་ཡ་མིན་གྱི་སྡེ་རིགས་དང་དེ་ཚོའི་མི་མང་རྣམས་རྒྱབ་ནས་ཡོང་། དམག་སྤྱི་ཚོ་ནི་མ་ཀིར་ནས་ཡོང་ཞིང་། འགོ་འཛིན་ཚོ་ནི་ཛེ་བུ་ལུན་ནས་ཡོང་།

¹⁵ཨི་ས་ཀར་གྱི་འགོ་འཁྲིད་དེ་ཚོ་ནི། དྷེ་བོ་རཱ་དང་མཉམ་དུ་ཡོང་བ་ཡིན། ཨེ་ས་ཀར་དང་བྷ་རག་ཡང་ཡོང་ནས། དེ་ཚོ་ཁོ་ཡི་རྗེས་སུ་ལུང་གཤོང་ཕྱིན། འོན་ཀྱང་རུ་བྷེན་སྡེ་རིགས་མུས་མཐུན་བྱེད་མི་ཐུབ། དེ་ཚོ་ཡོང་རྒྱུར་ཐག་གཅོད་བྱེད་མ་ཐུབ།

¹⁶དེ་ཚོ་ལུག་གི་རྒྱབ་ལ་ཅི་ལ་བསྡད། ལུག་རྫིས་ལུག་ཁྱུར་འབོད་སྐབས་ཉན་ཕྱིར་རམ། རུ་བྷེན་སྡེ་རིགས་མུས་མཐུན་བྱེད་མི་ཐུབ། དེ་ཚོ་ཡོང་རྒྱུར་ཐག་གཅོད་བྱེད་མ་ཐུབ།

¹⁷གྷཌ་ཀྱི་སྡེ་རིགས་ཡོར་དན་ཤར་དུ་གནས། དཱན་གྱི་སྡེ་རིགས་གྲུ་ཡི་འགྲམ་དུ་གནས། ཨ་ཤེར་སྡེེ་རིགས་རྒྱ་མཚོའི་འགྲམ་དུ་གནས། དེ་ཚོ་རྒྱ་མཚོའི་མཐའ་འཁོར་དུ་བསྡད་དོ།

¹⁸འོན་ཀྱང་ཛེ་བུ་ལུན་དང་ནཕ་ཏ་ལི། མི་མང་རྣམས་ནས་རང་གི་སྲོག་ཉེན་ཁར། མ་རྩིས་པ་དང་དམག་སར་ཕྱིན་ནོ།

¹⁹ཏ་ནག་རུ་མེ་གི་དྷོ་ཡི་རྒྱུག་ཆུའི་ཉེ་འགྲམ་དུ། རྒྱལ་པོ་རྣམས་ནི་དམག་འཐབ་བྱེད་པར་ཡོང་། ཀ་ནན་གྱི་རྒྱལ་པོ་ཚོ་ཡིས། དམག་འཐབ་བྱེད་ཀྱང་དེ་ཚོས་དངུལ་མ་འཁྱེར།

²⁰སྐར་མ་ཚོ་ནི་ནམ་མཁར་རྒྱུག་སྐབས་སུ། དེ་ཚོས་ནམ་མཁའི་གནས་ནས་དམག་འཐབ་བོ། དེ་ཚོས་སི་སེ་ར་ལ་དམག་འཐབ་བོ།

²¹ཀི་ཤོན་རྒྱུག་ཆུར་ཆུ་ལོག་རྒྱུག་པའི་སྐབས། དེ་ཚོ་ཚང་མ་འཁྱེར་བར་བྱས་པས་སོ། ང་ནི་ནུས་ཤུགས་ཐོག་ནས་མདུན་བསྐྱོད་བྱས།

²²དེ་ནས་རྟ་ཚོ་རྒྱུག་བཞིན་ཡོང་བ་དང་། དེ་ཚོའི་རྨིག་པས་ས་ལ་རྡོག་བརྫིས་བཏང།

²³གཙོ་བོ་དཀོན་མཆོག་ཁོང་གི་ཕོ་ཉས། མེ་རོཛ་ལ་དམོད་པ་རྒྱོབ་ཅིག་སྨྲས། དེ་རུ་སྡོད་མཁན་ཚོ་ལ་དམོད་པ་བརྒྱབ་ཅིག དེ་ཚོས་གཙོ་བོ་དཀོན་མཆོག་ཁོང་ལ་ནི། རོགས་བྱེད་པ་ཡི་དམག་མི་ཞིག་ལྟ་བུར། ཁོང་གི་ཆེད་དུ་འཐབ་པར་ཡོང་མེད་སྨྲས།

²⁴ཀེ་ནི་པ་ཧེ་བྷེར་གྱི་ཆུང་མ་ཡ་ཨེལ་ནི། བུད་མེད་བསོད་ནམ་ཆེ་ཤོས་དེ་ཡིན་ནོ། མོ་ནི་གུར་ནང་བསྡད་མཁན་ནང་ནས་བུད་མེད་བསོད་ནམ་ཆེ་ཤོས་ཡིན།

²⁵སི་སེ་ར་ཡིས་མོ་ལ་ཆུ་སློང་ཡང་། མོ་ཡིས་ཁོ་ལ་འོ་མ་གཏེར་བར་བྱས། མོ་ཡིས་ཕོར་པ་ཡིད་དུ་འོང་བའི་ནང་། ཁོ་ཡི་དོན་ལ་སྤྲི་ཞིག་འཁྱེར་ཡོང་ངོ་།

²⁶མོ་ཡིས་ལག་གཅིག་གུར་གི་ཕུར་པ་བཟུང་། ལག་པ་གཞན་དེར་ལས་མིའི་ཐོ་བ་བཟུང་། དེ་ནས་མོ་ཡིས་སི་སེ་ར་ལ་རྒྱབ། ཁོ་ཡི་ཐོད་པ་ཕྱེ་མར་བཟོས་པས་སོ། མོས་ནི་ཁོ་ཡི་མགོ་ལ་ཨི་ཁུང་འབིགས།

²⁷ཁོ་ནི་རང་གི་པུས་མོར་འགྱེལ་བ་དང་། ལྷུང་ནས་མོ་ཡི་རྐང་པའི་འགྲམ་དུ་ལུས། མོ་ཡི་རྐང་པར་ཁོ་ཡི་པུས་མོར་ཐོག། མར་ལ་ལྷུང་ནས་ས་ཡི་སྟེང་དུ་འཆི།

²⁸སི་སེ་ར་ཡི་ཨ་མས་སྒེ་ཁུང་ནས། རྒྱབ་ཕྲའི་རྒྱབ་ནས་མིག་ཧུར་བལྟས་ནས་བསྡད། ཁོ་ཡི་ཤིང་རྟ་འཁོར་ལོ་ཅི་ལ་འགོར། རྟ་ཚོ་ལོག་རྒྱུར་ཅི་ལ་འགོར་སྨྲས་སོ།

²⁹བུད་མེད་ཤེ་རབ་ཅན་ཚོས་མོ་ལ་ནི། ལན་འདེབས་བྱས་པར་མོས་ཡང་འདི་ལྟར་སྨྲས།

³⁰དེ་ཚོས་དངོས་པོ་བཙན་བཟུང་བགོས་རྒྱུ་དང་། དམག་མི་རེ་རེར་བུ་མོ་གཅིག་གམ་གཉིས། སི་སེ་ར་ལ་ན་བཟའ་མཆོར་པོ་དང་། བཙུན་མོའི་མགུལ་ལ་ཕར་ཅིན་ན་བཟའ་འཚོལ།

³¹ཀྱེ་གཙོ་བོ་དཀོན་མཆོག། དེ་ལྟར་ཁྱེད་ཀྱི་དགྲ་བོ་ཚང་མ་འཆི་བར་ཤོག། འོན་ཀྱང་ཁྱེད་ཀྱི་གྲོགས་པོ་རྣམས་ཉི་མ་འཆར་བ་ལྟར་འཚེར་བར་ཤོག་ཅིག ཡུལ་དེར་ལོ་བཞི་བཅུའི་རིང་བཞི་བདེ་བྱུང་ངོ་༎