Read Tibetan — པོད་སྐད་Tibetan Old Testament 2011 ཤ་མུ་ཨེལ་དང་པོ། 25 Bible Online

ཤ་མུ་ཨེལ་དང་པོ། 25 - Tibetan — པོད་སྐད་Tibetan Old Testament 2011 bible

ཤ་མུ་ཨེལ་དང་པོ། 25

¹ཤ་མུ་ཨེལ་གྲོངས་པ་དང་ཨིསི་རཱཨེལ་པ་ཚང་མ་འདུ་འཛོམས་བྱས་ནས་ཁོའི་ཆེད་དུ་མྱ་ངན་བྱས་སོ། དེ་རྗེས་ར་མཱ་རུ་ཡོད་པའི་རང་གི་ཁང་ཁྱིམ་དུ་ཁོང་ལ་སྦས་སོ༎ དེ་རྗེས་དཱ་བིད་པ་རན་གྱི་འབྲོག་སྟོང་དུ་ཕྱིན་ནོ།

²སྐབས་དེར་ཀ་ལེབ་ཀྱི་རིགས་རུས་ལས་ཡིན་པ་མིང་ལ་ན་བྷལ་ཟེར་བའི་སྐྱེ་བོ་ཞིག་ཡོད་ཅིང་། ཁོ་ནི་མ་ཨོན་ཞེས་པའི་གྲོང་ཁྱེར་ནས་ཡིན་ནོ། གྲོང་ཁྱེར་ཀར་མེལ་གྱི་ཉེ་འགྲམ་དུ་ཁོ་ལ་ས་ཞིང་ཞིག་ཡོད་པ་ཡིན་ཏེ། ཁོ་ནི་ཧ་ཅང་རྒྱུ་ནོར་ཕྱུག་པོ་ཞིག་ཡིན་པ་དང་། ཁོ་ལ་ལུག་ ༣,༠༠༠ དང་ར་ ༡,༠༠༠ ཡོད་དོ། ཁོའི་ཆུང་མ་ཨ་བྷི་གེལ་ནི་བྱད་གཟུགས་མཛེས་ཤིང་ཤེས་རབ་དང་ལྡན་པ་ཞིག་ཡོད་པ་ཡིན་མོད། འོན་ཀྱང་མོའི་ཁྱོ་ནི་སེམས་གཤིས་གྱོང་ཞིང་ཧ་ཅང་རླུང་ལང་པོ་ཞིག་ཡོད་པ་ཡིན་ནོ། ན་བྷལ་ནི་ཀར་མེལ་དུ་རང་གི་ལུག་གི་བལ་བྲེག་བཞིན་བསྡད་ཡོད་དོ།

⁴འབྲོག་སྟོང་དུ་དཱ་བིད་ཀྱིས་དེའི་སྐོར་ཐོས་སོ།

⁵དེར་བརྟེན་ཁོས་ན་གཞོན་བཅུ་ལ། ཀར་མེལ་དུ་ཕྱིན་ཏེ་ན་བྷལ་འཚོལ་ཞིང་ཁོ་ལ་འཚམས་འདྲི་སྤྲོད་དགོས་པའི་བཀའ་བསྒོས་དང་བཅས་བཏང་ངོ་།

⁶ཁོས་དེ་ཚོར། ན་བྷལ་ལ་གཤམ་གསལ་ལྟར་བརྗོད་དགོས་ཅེས་མངགས་བྱ་བྱས་སོ། ཀྱེ་ངའི་གྲོགས་པོ། ང་དཱ་བིད་ཀྱི་ཕྱོགས་ནས་ཁྱེད་ལ་འཚམས་འདྲི་ཞུ་རྒྱུ་དང་། ཁྱེད་དང་ཁྱེད་ཀྱི་ནང་མི་དང་མཉམ་དུ་ཡོད་པའི་ཚང་མར་མཚམས་འདྲི་ཞུ་ཞིང་ཡོད།

⁷ཁྱེད་རང་ལུག་གི་བལ་བྲེག་ནས་བཞུགས་ཡོད་པ་དེ་ངས་ཐོས་པ་དང་། ཁྱེད་ཀྱི་ལུག་རྫི་རྣམས་ང་ཚོ་དང་མཉམ་དུ་ཡོད་དོ། ང་ཚོས་དེ་ཚོར་གནོད་འཚེ་གང་ཡང་བྱས་མེད་པ་དེ་ཁྱེད་ཀྱིས་མཁྱེན་རྟོགས་གནང་དགོས། ཁོ་ཚོ་ཀར་མེལ་དུ་གནས་ཡུན་རིང་ལ་ཁོ་ཆོའི་ལུག་དང་ཕྱུག་ཟོག་ཁོངས་ནས་གཅིག་ཀྱང་ཆོམ་རྐུན་རླག་སྟོར་སོགས་བྱུང་མེད།

⁸དེའི་སྐོར་ལ་ཁོ་ཆོར་བཀའ་འདྲི་གནང་ན་ཁོ་ཚོས་བཤད་པ་ཡོད། ང་ཚོ་ཐུགས་སྤྲོའི་དགའ་སྟོན་གྱི་ཉིན་མོར་སླེབས་ཡོད་དོ། ཁྱེད་ཀྱིས་ང་ཚོ་ལ་སྣེ་ལེན་ཡག་པོ་གནང་རོགས་ཞེས་དཱ་བིད་འབོད་བསྐུལ་ཞུས་ཡོད། ང་ཚོ་ཁྱེད་ཉིད་ཀྱི་བྲན་གཡོག་རྣམས་དང་ཁྱེད་ཀྱི་གྲོགས་པོ་དཱ་བིད་ལ་ཁྱེད་ཀྱིས་གནང་སྦྱིན་གང་གནང་ཐུབ་ཐུབ་གནང་རོགས་གནང་།

⁹དཱ་བིད་ཀྱི་མི་ཚོས་ཁོའི་མིང་ཐོག་གི་འཕྲིན་དེ་ན་བྷལ་ལ་སྤྲད་ནས་ཁོ་ཚོ་དེར་སྒུག་ནས་བསྡད་དོ།

¹⁰མཐར་ན་བྷལ་གྱིས་ལན་དུ། དཱ་བིད་ཅེས་པ་དེ་སུ་ཡིན་ནམ། ངས་ཁོའི་སྐོར་ལ་ནམ་ཡང་ཐོས་མ་མྱོང་བ་དང་། དེང་སང་བྲན་གཡོག་བྲོས་འགྲོ་མཁན་ཤ་སྟག་གིས་ལུང་པ་གང་ཡོད།

¹¹ངའི་བལ་བྲེལ་མཁན་ཚོའི་དོན་དུ་བཞག་པའི་བག་ལེབ་དང་ཆུ་དང་། དེ་བཞིན་ཁོ་ཚོའི་དོན་དུ་བསད་པའི་སེམས་ཅན་གྱི་ཤ་རྣམས་བླངས་ནས། ས་ཕྱོགས་གང་ནས་ཡོང་མིན་མི་ཤེས་པའི་མི་རྒྱུས་མེད་རྣམས་ལ་སྤྲོད་ཀྱི་མིན་ཞེས་སྨྲས་སོ།

¹²དེ་ནས་དཱ་བིད་ཀྱི་མི་རྣམས་ཁོའི་རྩར་ཕྱིར་ལོག་བྱས་ཏེ། ན་བྷལ་གྱིས་གང་བཤད་པ་རྣམས་སྨྲས་པས།

¹³ཁོས་རང་གི་མི་རྣམས་ལ། སྐེད་པར་རལ་གྲི་གཟེར་ཞིག་ཅེས་སྨྲས་པ་དང་དེ་ཚོས་དེ་བཞིན་བྱས་སོ། དཱ་བིད་ཀྱིས་ཀྱང་རང་གི་རལ་གྲི་གཟེར་ནས་མི་གྲངས་ ༤༠༠ ཙམ་མཉམ་དུ་འཁྲིད་དེ་ཕྱོགས་ཐོན་བྱས་པ་དང་། མི་གྲངས་ ༢༠༠ དེ་བཞིན་ཟས་རིགས་མཁོ་བྱད་སོགས་ཀྱི་སྲུང་ཆར་བཞག་གོ

¹⁴ན་བྷལ་གྱི་གཡོག་པོ་ཞིག་གིས་ན་བྷལ་གྱི་བཟའ་ཟླ་ཨ་བྷི་གེལ་ལ། ཁྱེད་ཀྱིས་གསན་བྱུང་ངམ། དཱ་བིད་ཀྱིས་འབྲོག་སྟོང་ནས་ང་ཚོའི་སྦྱིན་བདག་ལ་འཚམས་འདྲི་དང་བཅས་བང་ཆེན་འགའ་ཤས་བཏང་འདུག་པས། ཁོང་གིས་དེ་ཚོར་དམའ་འབེབས་གནང་བཞག།

¹⁵འོན་ཀྱང་ཁོ་ཚོས་ང་ཚོར་ཧ་ཅང་ཡག་པོ་བྱས་ཡོད། ང་ཚོར་ནམ་ཡང་དཀའ་འཚེ་བཏང་མེད་པ་དང་། ངེད་རྣམས་ཁོ་ཚོ་དང་མཉམ་དུ་ཞིང་ཁར་གནས་ཡུན་རིང་དུ་ང་ཚོའི་ཕྱུགས་ཟོག་ཁོངས་ནས་གཅིག་ཀྱང་ཆོམ་རྐུན་རླག་སྟོར་སོགས་བྱུང་མེད།

¹⁶ང་ཚོས་རང་གི་ཕྱུགས་ཟོག་ལ་བལྟ་སྐྱོང་བྱེད་དེ་བསྡད་སྐབས། ཁོ་ཚོས་ཉིན་མཚན་མེད་པར་ང་ཚོར་སྲུང་སྐྱོབ་བྱས་ཡོད།

¹⁷དེ་བས་ན་ཁྱེད་ཀྱིས་དེའི་སྐོར་ལ་དགོངས་བཞེས་གནང་སྟེ། ཕྱག་བཞེས་གང་དགོས་སྐོར་ཐུགས་ཐག་གཅོད་པ་གནང་རོགས་གནང་། གནས་ཚུལ་འདི་ནི་ང་ཚོའི་སྦྱིན་བདག་དང་ཁོང་གི་ནང་མི་ཚང་མར་རྐྱེན་ངན་གྱིས་རྒྱུ་ཞིག་ཆགས་སྲིད་ཅིང་། ཁོང་ནི་ཧ་ཅང་ཐུགས་གཤིས་གྱོང་པོ་ཡིན་པས། སུས་ག་རེ་ལབ་ནའང་གསན་གྱི་མ་རེད་ཅེས་སྨྲས་སོ།

¹⁸དེ་ནས་ཨ་བྷི་གེལ་གྱིས་འཕྲལ་དུ་བག་ལེབ་ ༢༠༠ དང་། རྒུན་ཆང་གི་རྐྱལ་པ་གཉིས་དང་། མེར་སྲེག་བཏང་བའི་ལུག་ལྔ་། ཡོས་རྔོས་ཀི་ལོ་བཅུ་བདུན། རྒུན་འབྲུམ་ཆག་པ་ ༡༠༠ དང་། སེ་ཡབ་སྐམ་པོ་ ༢༠༠ བཅས་བོང་བུ་རྣམས་ལ་བཀལ་ནས།

¹⁹རང་གི་གཡོག་པོ་རྣམས་ལ། ཁྱོད་ཚོ་སྔོན་ལ་སོང་ཞིག། ང་ཁྱོད་ཚོའི་རྗེས་སུ་ཡོང་གི་ཡིན་ཞེས་སྨྲས་སོ། འོན་ཀྱང་མོས་རང་གི་བཟའ་ཟླར་ཡང་ལབ་མེད་པ་ཡིན་ནོ།

²⁰མོ་ནི་རང་གི་བོང་བུར་བཞོན་ཏེ། རིའི་ལམ་ཁུག་ཞིག་ནས་འགྲོ་སྐབས། བློ་བུར་དུ་དཱ་བིད་དང་ཁོའི་མི་རྣམས་མོའི་ཕྱོགས་སུ་ཡོང་གི་ཡོད་པ་འཕྲད་པ་དང་།

²¹དཱ་བིད་ཀྱི་སེམས་ལ། ངས་འབྲོག་སྟོང་ནང་དུ་མི་དེའི་རྒྱུ་དངོས་དག་ལ་དོན་མེད་དུ་སྲུང་སྐྱོབ་བྱས་བཞག། ཁོའི་ཕྱུགས་ཟོག་གི་ཁོངས་ནས་གཅིག་ཀྱང་ཆོམ་རྐུན་རླག་སོགས་བྱུང་མེད་ཅིང་། ངས་ཁོ་ལ་དེ་བཞིན་རོགས་བྱས་པའི་ཚབ་ཏུ་ཁོས་དེ་ལྟར་དྲིན་ལོག་འཇལ་ལོ།

²²དེ་བས་ན་སང་ཞོགས་ནམ་མ་ལངས་སྔོན་དུ་ངས་དེ་ཚོའི་སྐྱེས་པ་ཚང་མ་བསད་མ་ཐུབ་པ་ཡིན་ན། དཀོན་མཆོག་གིས་ང་ལ་སྲོག་གཅོད་གནང་བར་ཤོག་ཅེས་བསམ་མོ།

²³ཨ་བྷི་གེལ་གྱིས་དཱ་བིད་མཐོང་མ་ཐག་ཏུ་མྱུར་བར་བོང་བུ་ལས་མར་བབ་ནས་ལུས་ས་ལ་བརྡབས་ཏེ།

²⁴དཱ་བིད་ཀྱི་རྐང་པར་ཕྱག་འཚལ་ནས་ཞུས་པ། ཀྱེ་ཇོ་བོ་ལགས། ཐུགས་རྗེས་གཟིགས་ནས་ཁོ་མོར་གསན་དུ་གསོལ། ད་ལན་ནོར་འཁྲུལ་གང་བྱུང་བའི་འགན་འཁུར་དེ་ངའི་ཐོག་ཏུ་ཡོད་པས།

²⁵ན་བྷལ་ལ་དོ་སྣང་མ་གནང་རོགས་གནང་། ཁོ་ལ་འབྱོན་སྟངས་གང་ཡང་མེད་ཅིང་། ཁོ་ནི་རང་གི་མིང་དོན་མཚུངས་པའི་སྐྱེ་བོ་ལྐུགས་པ་ཞིག་ཡིན་ནོ། སྐུ་ཉིད་ཀྱི་ཞབས་ཕྱི་རྣམས་ཕེབས་སྐབས་ང་དེར་མེད།

²⁶གཙོ་བོ་དཀོན་མཆོག་རང་གིས་ཁྱེད་ལ་དགྲ་ཤ་ལེན་པ་དང་ཉིད་ཀྱི་དགྲ་བོ་རྣམས་ཀྱི་སྲོག་གཅོད་གནང་བ་ལས་སྐྱབས་གནང་མཛད་པ་ཡིན་ནོ། ད་ངས་སྐུ་གསོན་པོར་བཞུགས་པའི་གཙོ་བོ་དཀོན་མཆོག་གི་མཚན་ཐོག་ནས་ཁྱེད་ལ་དམ་བཅའ་འབུལ་ཏེ་ཞུ་རྒྱུར། ཉིད་ཀྱི་དགྲ་བོ་དང་སྐུ་ཉིད་ལ་གནོད་འཚེ་ཞུ་འདོད་བྱེད་མཁན་ཚང་མ་ན་བྷལ་བཞིན་དུ་ཉེས་ཆད་ཕོག་པར་འགྱུར།

²⁷ཀྱེ་ཇོ་བོ་ཐུགས་རྗེ་གཟིགས་ནས། ངས་ཕུལ་བའི་འབུལ་བ་རྣམས་བཞེས་ནས་ཉིད་ཀྱི་སྐུ་འཁོར་རྣམས་ལ་གནང་རོགས་གནང་།

²⁸ངའི་ཕྱོགས་ནས་སྐུ་ཉིད་ལ་ནོར་འཁྲུལ་སོགས་བྱུང་ཡོད་པ་ཡིན་ན། ང་ལ་བཟོད་གསོལ་གནང་རོགས་གནང་། ཁྱེད་དང་ཁྱེད་ཀྱི་རིགས་བརྒྱུད་རྣམས་ལ་གཙོ་བོ་དཀོན་མཆོག་གིས་རྒྱལ་པོར་བསྐོས་པ་གནང་རྒྱུ་ཡིན་ནོ། གང་ལགས་ཟེར་ན། ཁྱེད་ཀྱིས་གཙོ་བོ་དཀོན་མཆོག་གིས་དོན་དུ་འཐབ་པ་གནང་ཞིང་། ཁྱེད་རང་འཚོ་ཞུགས་རིང་དུ་ཁྱེད་ཀྱིས་མཛད་སྤྱོད་ངན་པ་སོགས་གང་ཡང་མི་གནང་ཞིང་།

²⁹སུ་ཞིག་གིས་ཁྱེད་ལ་འཐབ་རྒོལ་བྱེད་དེ་བཀྲོང་ཐོབས་བྱས་པ་ཡིན་ན། མི་ཞིག་གིས་རིན་ཆེན་གཏེར་མཛོད་སྲུང་བ་བཞིན། གཙོ་བོ་དཀོན་མཆོག་ཁྱོད་ཀྱི་དཀོན་མཆོག་གིས་ཁྱེད་ལ་སྲུང་སྐྱོབ་གནང་བར་འགྱུར། ཁོང་གིས་ཉིད་ཀྱི་དགྲ་བོ་རྣམས་ལ་འུར་རྡོའི་ནང་རྡོ་འཕངས་པ་ལྟར་འཕང་པ་གནང་རྒྱུ་ཡིན་པ་དང་།

³⁰གཙོ་བོ་དཀོན་མཆོག་གིས་ཁྱེད་ལ་ཞལ་བཞེས་བཟང་པོ་གནང་བ་ཚང་མ་སྒྲུབ་སྟེ། སྐུ་ཉིད་ཨིསི་རཱཨེལ་གྱི་རྒྱལ་པོར་བསྐོས་གནང་མཛད་སྐབས།

³¹ཇོ་བོ་ཁྱེད་ཀྱི་ཐུགས་ལ་ངས་དོན་མེད་དུ་མི་བསད་པ་དང་། དགྲ་ཤ་ལེན་དགོས་བྱུང་ཞེས་དགོངས་ནས་ཐུགས་འགྱོད་གནང་མི་དགོས་པ་ཡིན་ནོ། གཙོ་བོ་དཀོན་མཆོག་གིས་ཁྱེད་ལ་དེ་བཞིན་བྱིན་རླབས་གནང་དུས་ང་ལ་ཐུགས་མ་རྗེད་པ་གནང་རོགས་གནང་ཞེས་ཞུས་སོ།

³²དཱ་བིད་ཀྱིས་མོ་ལ། དེ་རིང་ཁྱོད་ང་དང་ཐུག་འཕྲད་བྱེད་ཕྱིར་གཏོང་བ་གནང་མཁན་གཙོ་བོ་དཀོན་མཆོག་ཨིསི་རཱཨེལ་གྱི་དཀོན་མཆོག་ལ་བསྟོད་བསྔགས་འབུལ་ལོ།

³³ཁྱོད་ཀྱི་བསམ་ཤེས་བཟང་པོ་དང་། དེ་རིང་ཁྱོད་ཀྱི་བྱ་བ་དེ་ལ་བརྟེན་ནས་ང་ནི་སྲོག་གཅོད་ཀྱི་ཉེས་སྡིག་དང་དགྲ་ཤ་ལེན་པ་ལས་སྐྱོབ་པ་གནང་མཁན་དཀོན་མཆོག་ལ་ངས་ཐུགས་རྗེ་ཆེ་ཞུ་རྒྱུ་ཡིན།

³⁴དེ་ཙམ་མ་ཟད་གཙོ་བོ་དཀོན་མཆོག་གིས་ངས་ཁྱོད་ལ་གནོད་འཚེ་བྱེད་པ་ལས་ཀྱང་སྐྱོབ་པ་གནང་བྱུང་། སྐུ་གསོན་པོར་བཞུགས་པའི་ཨིསི་རཱཨེལ་གྱི་གཙོ་བོ་དཀོན་མཆོག་གི་མཚན་གྱི་ངང་ནས་མནའ་བསྐྱེལ་ཏེ་བརྗོད་རྒྱུར། གལ་སྲིད་ཁྱོད་རང་ང་དང་འཕྲད་པར་མགྱོགས་པོར་མ་ཡོང་བ་ཡིན་ན། སང་ཞོགས་བར་དུ་ན་བྷལ་གྱི་མི་ཚང་མ་ཤི་ཟིན་པ་ཡོད་ཅེས་སྨྲས་སོ།

³⁵དཱ་བིད་ཀྱིས་མོས་འཁྱེར་ཡོང་བའི་འབུལ་བ་རྣམས་ལེན་ནས་མོ་ལ། ད་ཁྱོད་རང་སེམས་འཁྲལ་མ་བྱེད་པར་རང་ཁྱིམ་དུ་ཕྱིར་ལོག་བྱོས་ཤིག ཁྱོད་ཀྱིས་གང་འདོད་པ་བཞིན་དུ་ངས་བྱེད་ཆོག་ཅེས་སྨྲས་སོ།

³⁶དེ་ནས་ཨ་བྷི་གེལ་ན་བྷལ་གྱི་རྩར་ལོག་པ་དང་། ཁོ་ནི་རྒྱལ་པོ་དང་མཚུངས་པའི་ཐུགས་སྤྲོ་རྒྱས་པོ་ཞིག་བཏང་ཞིང་། ར་བཟི་སྟེ་དགའ་སྣང་ཆེན་པོའི་ངང་བསྡད་ཡོད་པས། མོས་སང་ཞོགས་བར་དུ་ཁོ་ལ་གང་ཡང་མ་ལབ་བོ།

³⁷དེ་ནས་ཁོ་ར་བཟི་བ་དངས་པའི་རྗེས་སུ་མོས་གནས་ཚུལ་ཚང་མ་བཤད་པས། ཁོ་ཁྲག་ཤེད་རྒྱས་ཏེ་གཟའ་ནད་དྲག་པོ་ཞིག་ཕོག་ནས།

³⁸ཉིན་བཅུ་ཙམ་གྱི་རྗེས་སུ་ན་བྷལ་ལ་གཙོ་བོ་དཀོན་མཆོག་གིས་ཞུས་ནས་ཤི་བ་ཡིན་ནོ།

³⁹དེ་ནས་དཱ་བིད་ཀྱིས་ན་བྷལ་ཤི་བའི་སྐོར་ཐོས་པས། གཙོ་བོ་དཀོན་མཆོག་ལ་བསྟོད་བསྔགས་འབུལ་ཞིང་། ན་བྷལ་གྱིས་ང་ལ་དམའ་འབེབས་བྱས་པའི་ངན་ལན་དེ་གཙོ་བོ་དཀོན་མཆོག་རང་གི་འཇལ་གནང་བ་དང་། ང་ཁོང་གི་ཞབས་ཏོག་པས་ནོར་འཁྲུལ་བྱེད་པ་ལས་ཁོང་གིས་སྐྱབས་པ་གནང་བྱུང་། ན་བྷལ་གྱི་ངན་སྤྱོད་ལ་བརྟེན་ནས་གཙོ་བོ་དཀོན་མཆོག་གིས་ཁོ་ལ་ཉེས་ཆད་གཏོང་གནང་བ་རེད་ཅེས་སྨྲས་ནས། དཱ་བིད་ཀྱིས་ཨ་བྷི་གེལ་དང་ཆང་ས་བརྒྱབ་རྒྱུའི་གྲོས་འཆར་བཏང་བ་དང་།

⁴⁰ཁོའི་འཁོར་གཡོག་རྣམས་ཀར་མེལ་དུ་ཕྱིན་ནས་མོ་ལ། དཱ་བིད་ཀྱིས་ཁྱེད་རང་ཁོང་གི་ཆུང་མར་བསུ་བར་གཏོང་གནང་བྱུང་ཞེས་སྨྲས་པས།

⁴¹ཨ་བྷི་གེལ་གྱིས་ལུས་ས་ལ་བརྡབས་ནས་ཕྱག་བཙལ་ཞིང་། ང་ནི་ཁོང་གི་ཞབས་ཏོག་མ་ཡིན་པས། ཁོང་གི་ཞབས་ཕྱི་ཚོའི་ཞབས་འཁྲུ་བ་ལའང་གྲ་སྒྲིགས་ཡོད་ཅེས་སྨྲས་སོ།

⁴²དེ་ནས་མོ་མགྱོགས་པོར་ལངས་ཏེ་བོང་བུར་བཞོན་ནས། ཞལ་ལྟ་མ་ལྔ་འཁྲིད་ཅིང་དཱ་བིད་ཀྱི་ཞབས་ཕྱི་ཚོ་དང་མཉམ་དུ་ཕྱིན་ཏེ་དཱ་བིད་ཀྱི་ཆུང་མར་འགྱུར་རོ།

⁴³དེ་སྔོན་དཱ་བིད་ཀྱིས་ཡེཛ་རིལ་ནས་ཡིན་པ་ཨ་ཧི་ནོ་ཨམ་དང་ཆང་ས་བརྒྱབ་ཡོད་པའི་ཁར། ད་ཆ་ཨ་བྷི་གེལ་ཡང་ཆུང་མར་བླངས་སོ།

⁴⁴དེ་ཡུན་རིང་ལ་ས་ཨུལ་གྱིས་རང་གི་བུ་མོ་མི་ཀལ་ཞེས་པ། དེ་སྔ་དཱ་བིད་ཀྱི་ཆུང་མར་སྤྲད་ཟིན་པ་དེ་གྲོང་ཁྱེར་གྷལ་ལིམ་ནས་ཡིན་པ་ལེཤེ་ཀྱི་བུ་པལ་ཏི་ལ་སྤྲད་དོ༎