Read መ/ቅዱስ ትግርኛ, Tigrigna Bible, 1 1ይ ዜና 6 Bible Online

1ይ ዜና 6 - መ/ቅዱስ ትግርኛ, Tigrigna Bible, 1 bible

1ይ ዜና 6

¹ደቂ ሌዊ፦ ጌድሶን፥ ቀኣት፥ ሜራሪ እዮም።

²ደቂ ቀኣት፦ እንበረም፥ ይስዓር፥ ኬብሮን፥ ዑዝኤል እዮም።

³ደቂ እንበረም፦ ኣሮን፥ ሙሴ፥ ማርያም እዮም። ደቂ ኣሮን፦ ናዳብ፥ ኣብዩድ፥ ኣልኣዛር፥ ኢታምር እዮም።

⁴ኣልኣዛር ንፊንሃስ ወለደ፤ ፊንሃስ ንኣቢሱ ወለደ፤

⁵ኣቢሱ ንቡቂ ወለደ፤ ቡቂ ንዖዚ ወለደ፤

⁶ዖዚ ንዘራእያ ወለደ፤ ዘራእያ ንመራዮት ወለደ፤

⁷መራዮት ንኣማርያም ወለደ፤ ኣማርያም፥ ንኣኪጦብ ወለደ፤

⁸ኣኪጦብ ንሳዶቅ ወለደ፤ ሳዶቅ ንኣሚካኣስ ወለደ፤

⁹ኣሚካኣስ ንኣዛርያስ ወለደ፤ ኣዛርያስ ንዮሓናን ወለደ፤

¹⁰ዮሓናን ንኣዛርያስ ወለደ። (ኣዛርያስ ኣብታ ሰሎሞን ኣብ ኢየሩሳሌም ዝሰርሓ ቤተ መቕደስ፥ ብኽህነት ዘገልግል ዝነበረ እዩ።)

¹¹ኣዛርያስ ንኣማርያም ወለደ፤ ኣማርያም ንኣኪጦብ ወለደ፤

¹²ኣኪጦብ ንሳዶቅ ወለደ፤ ሳዶቅ ንሰሎም ወለደ፤

¹³ሰሎም ንኬልቅያስ ወለደ፤ ኬልቅያስ ንኣዛርያስ ወለደ፤

¹⁴ኣዛርያስ ንሰራያ ወለደ፤ ሰራያ ንኢዮሴዴቅ ወለደ።

¹⁵ኢዮሴዴቅ፥ እግዚኣብሄር ንህዝቢ ይሁዳን ኢየሩሳሌምን ብናቡከደነፆር ተማሪኾም ከም ዝኸዱ ምስ ገበሮም፥ ምስኣቶም ተማሪኹ ኸደ።

¹⁶ደቂ ሌዊ፦ ጌድሶን፥ ቀዓት፥ ሜራሪ እዮም።

¹⁷ስም ደቂ ጌድሶን ድማ እዙይ እዩ፦ ሊብኒ፥ ሰሜኢ እዮም።

¹⁸ደቂ ቀኣት፦ እንበረም፥ ይስዓር፥ ኬብሮን፥ ዑዙኤል እዮም።

¹⁹ ደቂ ሜራሪ፦ ሞሖሊ፥ ሙሲ እዮም። ዓሌታት ሌዋውያን በብማይ ቤት ኣቦታቶም እዚኣቶም እዮም፦

²⁰ጌድሶን ንሎቤኒ ወለደ፤ ሎቤኒ ንኢኤት ወለደ፤ ኢኤት ንዛማት ወለደ፤

²¹ዛማት ንዮኣክ ወለደ፤ ዮኣክ ንኣዶ ወለደ፤ ኣዶ ንዛራ ወለደ፤ ዛራ ንያትራይ ወለደ።

²²ቀኣት ከዓ ንኣሚናዳብ ወለደ፤ ኣሚናዳብ ንቆሬ ወለደ፤ ቆሬ ንኣሴር ወለደ፤

²³ኣሴር ንሕልቃና ወለደ፤ ሕልቃና ንኣቢሳፍ ወለደ፤ ኣቢሳፍ ንኣሴር ወለደ፤

²⁴ኣሴር ንኢኢት ወለደ፤ ኢኢት ንኡርኤል ወለደ፤ ኡርኤል ንዖዝያ ወለደ፤ ዖዝያ ንሳውል ወለደ፤

²⁵ሕልቃና ንዓማሲን ንኣኪሞትን ወለደ፤

²⁶ኣኪሞት ንሕልቃናን፥ ንሱፊን ወለደ፤ ሱፊ ንናሓት ወለደ፤

²⁷ናሓት ንኤልያብ ወለደ፤ ኤልያብ ንሮሓም ወለደ፤ ሮሓም ንሕልቃና ወለደ።

²⁸ሳሙኤል ንኢዮኤል በዅሪ ወዱን ንኣብያን ወለደ።

²⁹ሜራሪ ኸዓ ንሞሖሊ ወለደ፤ ሞሖሊ ንሎቤኒ ወለደ፤ ሎቤኒ ንሰሚዒ ወለደ፤ ሰሚዒ ንዖዛ ወለደ፤

³⁰ዖዛ ንሳምዓ ወለደ፤ ሳምዓ ንሓግያ ወለደ፤ ሓግያ ንዓሳያ ወለደ።

³¹እቲ ታቦት ኣብ ቤተ መቕደስ ምስ ኣተወ፥ ዳዊት ኣብ ቤት እግዚኣብሄር መራሕቲ መዝሙር ክኾኑ ዘቖሞም እዚኣቶም እዮም።

³²ንሳቶም፥ ሰሎሞን ኣብ ኢየሩሳሌም ቤት እግዚኣብሄር ክሳዕ ዝሰርሕ፥ ኣብቲ መራኸቢ ድንኳን መዝሙር እናዘመሩ የገልግሉ ነበሩ። ከምቲ ዝተሰርዐሎም ድማ በብተራ የገልግሉ ነበሩ።

³³እቶም ምስ ደቆም ኮይኖም ዘገልግሉ ዝነበሩ እዚኣቶም እዮም፦ ካብ ደቂ ቀኣት፦ እቲ መራሒ መዘምራን ዝነበረ ኤማን ወዲ ኢዮኤል፥ ወዲ ሳሙኤል፥

³⁴ወዲ ሕልቃና፥ ወዲ ይሮሓም፥ ወዲ ኤሊኤል፥ ወዲ ቶዋ፥

³⁵ወዲ ሱፍ፥ ወዲ ሕልቃና፥ ወዲ መሓት፥ ወዲ ኣማሲ፥

³⁶ወዲ ሕልቃና፥ ወዲ ኢዮኤል፥ ወዲ ኣዛርያስ፥ ወዲ ሶፎንያስ፥

³⁷ወዲ ታሓት፥ ወዲ ኣሴር፥ ወዲ ኤብያሳፍ፥ ወዲ ቆሬ፥

³⁸ወዲ ይስዓር፥ ወዲ ቀኣት፥ ወዲ ሌዊ፥ ወዲ ያእቆብ እዮም።

³⁹ብወገን የማን ኮይኑ ዝመርሕ ዝነበረ ኸዓ ሓዉ ኣሳፍ ነበረ። ንሱ ወዲ በረክያ፥ ወዲ ሺምዓ፥

⁴⁰ወዲ ሚካኤል፥ ወዲ ባዓሴያ፥ ወዲ ማልክያ፥

⁴¹ወዲ ኤትኒ፥ ወዲ ዛራ፥ ወዲ ዓዳያ፥

⁴²ወዲ ኤታን፥ ወዲ ዚማ፥ ወዲ ሰሜዒ፥

⁴³ወዲ ያሓት፥ ወዲ ጌድሶን፥ ወዲ ሌዊ እዩ።

⁴⁴ብወገን ፀጋም ኮይኖም ዝመርሑ ዝነበሩ ኸዓ ደቂ ሜራሪ ነበሩ። ንኤታን ወዲ ቂሳ፥ ወዲ ዓብዲ፥ ወዲ ማሎክ፥

⁴⁵ወዲ ሓሸብያ፥ ወዲ ኣሜስያስ፥ ወዲ ኬልቂያስ፥

⁴⁶ወዲ ኣማሲ፥ ወዲ ባኒ፥ ወዲ ሴሜር፥

⁴⁷ወዲ ሞሖሊ፥ ወዲ ሙሲ፥ ወዲ ሜራሪ፥ ወዲ ሌዊ እዮም።

⁴⁸እቶም ዝተረፉ ኣሕዋቶም ሌዋውያን፥ ድማ ኣብ ኵሉ እቲ ኻልእ ኣገልግሎት ቤት እግዚኣብሄር ተሰሪዖም ነበሩ።

⁴⁹ኣሮንን ደቁን ግና ኣብ ቅድስተ ቅዱሳን ኮይኖም የገልግሉ ነበሩ። ከምቲ ዅሉ ሙሴ ባርያ እግዚኣብሄር ዝኣዘዞ ኸዓ ዝቃፀል መስዋእትን መስዋእቲ ዕጣንን የቕርቡ ነበሩ። ንደቂ እስራኤል ድማ ስርየት ሓጢኣት ከም ዝረኽቡ ይገብሩ ነበሩ።

⁵⁰ደቂ ኣሮን እዚኣቶም እዮም፦ ኣሮን ንኣልኣዛር ወለደ፤ ኣልኣዛር ንፊንሃስ ወለደ፤ ፊንሃስ ንኣቢሱ ወለደ፤

⁵¹ኣቢሱ ንቡቂ ወለደ፤ ቡቂ ንኦዚ ወለደ፤ ኦዚ ንዘራእያ ወለደ።

⁵²ዘራእያ ንመራዮት ወለደ፤ መራዮት ንኣማርያ ወለደ፤ ኣማርያ ንኣኪጦብ ወለደ፤

⁵³ኣኪጦብ ንሳዶቅ ወለደ፤ ሳዶቅ ንኣኪመኣስ ወለደ፤

⁵⁴እቲ ዝሰፈርዎ ዓድታት በብወሰኖም እዙይ እዩ፦ ነቶም ካብ ዓሌት ቀኣት ዝኾኑ ደቂ ኣሮን ቀዳማይ ዕፃ በፅሖም።

⁵⁵ኣብ ግዝኣት ይሁዳ ንትርከብ ኬብሮንን ኣብ ዙርያኣ ዘለዋ መዋፈሪታትን ሃብዎም።

⁵⁶ግና ናይታ ኸተማ ገራሁን ዓድታትን ንካሌብ ወዲ ዮፎኒ ሃብዎ።

⁵⁷ንደቂ ኣሮን ድማ ነታ መዕቘቢ ዝኾነት ከተማ ኬብሮንን ልብናን ምስ መዋፈሪኣተን፥ የቲርን ኤሽትሞዓን ምስ መዋፈሪኣተን፥

⁵⁸ሖሎንን ምስ መዋፈሪኣታን፥ ዳቤርን ምስ መዋፈሪኣታን፥

⁵⁹ዓሳን ምስ መዋፈሪኣታን፥ ቤትሳሚስን ምስ መዋፈሪኣታን ሃብዎም።

⁶⁰ካብ ነገድ ብንያምውን ንጌባን ምስ መዋፈሪኣታን ንጋሌማትን ምስ መዋፈሪኣታን ንዓናቶት ምስ መዋፈሪኣታን ሃብዎም። ኵለን ከተማታቶም ከዓ ኸም ዓሌታቶም ዓሰርተ ሰለስተ ነበራ።

⁶¹ነቶም ዝተረፉ ደቂ ቀኣት ድማ ኻብ ፈረቓ ነገድ ምናሴ ብዕፃ ዓሰርተ ኸተማ ሃብዎም።

⁶²ንደቂ ጌድሶን ከከም ዓሌታቶም ካብ ነገድ ይሳኮርን ካብ ነገድ ኣሴርን ካብ ነገድ ንፍታሌምን ካብታ ኣብ ባሳን ዘላ ነገድ ምናሴን ዓሰርተ ሰለስተ ኸተማ ሃብዎም።

⁶³ንደቂ ሜራሪ ኸከም ዓሌታቶም ካብ ነገድ ሮቤልን ካብ ነገድ ጋድን ካብ ነገድ ዛብሎንን ብዕፃ ዓሰርተ ኽልተ ኸተማታት ሃብዎም።

⁶⁴ከምዙይ ገይሮም ደቂ እስራኤል እተን ከተማታት ምስ መዋፈሪኣተን ንሌዋውያን ሃብዎም።

⁶⁵ስለዙይ ካብ ነገድ ደቂ ይሁዳን ካብ ነገድ ደቂ ስምኦንን ካብ ነገድ ደቂ ብንያምን እዘን ኣብ ላዕሊ ተሰምየን ዘለዋ ኸተማታት ብዕፃ ሃብዎም።

⁶⁶ንገሊኣቶም ካብ ዓሌታት ደቂ ቀኣት ከዓ ኻብ ምድሪ ነገድ ኤፍሬም ከተማታት ብፅሒት ነበሮም።

⁶⁷ኣብ ደጕዓ ኤፍሬም፥ እታ ኸተማ ዑቕባ ዝኾነት ሰኬም፥ ጌዝር፥

⁶⁸ዮቅመዓም፥ ቤትሖሮን፥

⁶⁹ኤሎንን፥ ጋትሪሞንን፥ መምስ መዋፈሪኣተን ሃብዎም።

⁷⁰ካብ ፈረቓ ነገድ ምናሴ ድማ ነቶም ዝተረፉ ኻብ ዓሌት ደቂ ቀኣት፥ ዓኔርን ቢልዓምን ዝበሃላ ኸተማታት መምስ መዋፈሪኣተን ሃብዎም።

⁷¹ደቂ ጌድሶን እዘን ዝስዕባ ኸተማታት መምስ መዋፈሪኣተን ተቐበሉ፦ ካብ ዓሌት ፈረቓ ነገድ ምናሴ፥ እታ ኣብ ባሳን ዘላ ጐላንን ኣስታሮትን መምስ መዋፈሪኣተን።

⁷²ካብ ነገድ ይሳኮር፥ ቃዴስን ዳብራትን፥

⁷³ሬሞትን ዓኔምን መምስ መዋፈሪኣተን።

⁷⁴ካብ ነገድ ኣሴር፥ ማሻልን ዓብዶንን፥

⁷⁵ሑቆቅን ረኣብን መምስ መዋፈሪኣተን።

⁷⁶ካብ ነገድ ንፍታሌም፥ እታ ኣብ ገሊላ ዘላ ቃዴስን ሓሞንን ቂርያታይምን መምስ መዋፈሪኣተን።

⁷⁷ካብቶም ዝተረፉ ደቂ ሌዊ፥ ካብ ደቂ ሜራሪ እዘን ዝስዕባ ኸተማታት መምስ መዋፈሪኣተን ተቐበሉ፦ ካብ ነገድ ዛብሎን፥ ሬሞንን ታቦርን መምስ መዋፈሪኣተን፤

⁷⁸ኣብ ሰገር ዮርዳኖስ ኣብ መንፅር ኢያሪኮ፥ ብምብራቕ ዮርዳኖስ ከዓ፥ ካብ ነገድ ሮቤል እታ ኣብ በረኻ ዘላ ቦሶርን ያሳን፥

⁷⁹ቅዴሞትን ሜፍዓትን ዝበሃላ ኸተማታት መምስ መዋፈሪኣተን፤

⁸⁰ካብ ነገድ ጋድ ድማ ራማትን ገለዓድን መሓናይምን፥

⁸¹ሓሴቦንን ኢያዜርን ዝበሃላ ኸተማታት መምስ መዋፈሪኣተን ተቐበሉ።