Read መ/ቅዱስ ትግርኛ, Tigrigna Bible, 1 1ይ ዜና 7 Bible Online

1ይ ዜና 7 - መ/ቅዱስ ትግርኛ, Tigrigna Bible, 1 bible

1ይ ዜና 7

¹ደቂ ይሳኮር ኣርባዕተ እዮም፤ ንሳቶም ድማ ቶላ፥ ፉዋ፥ ያሱብ፥ ሺምሮን እዮም።

²ደቂ ቶላ ኸዓ፥ ኦዚ፥ ረፋያ፥ ይሪኤል፥ የሕማይ፥ ይብሳም፥ ሰላምኤል ነበሩ። እዚኣቶም ናይ ዓሌት ቶላ ነናይ ማይ ቤት ኣቦታቶም ዋናታት ነበሩ። ብዘመን ዳዊት ከዓ ዕስራን ክልተን ሽሕን ሽዱሽተ ሚእትን ሓያላት ተዋጋእቲ ነበርዎም።

³ዑዚ ንይዝራሕያ ወለደ፤ ይዝራሕያ ድማ ንሚካኤል፥ ንኣብድዩ፥ ንኢዩኤል፥ ንይሺያ ወለደ፤ ሓሙሽቲኦም ከዓ ኣሕሉቕ ነበሩ።

⁴ብዙሓት ኣንስትን ቈልዑን ነበርዎም። ስለዙይ በብትውልዶምን በብማይ ቤት ኣቦታቶምን ንውግእ ዝተዳለዉ ሰላሳን ሽዱሽተን ሽሕ ሰባት ነበሩ።

⁵ኣብ ኵሎም ዓሌታት ይሳኮር፥ ኣብ መፅሓፍ ትውልዲ ዝተቘፀሩ፥ ሰማንያን ሸውዓተን ሽሕ ሓያላት ጀጋኑ ነበርዎም።

⁶ደቂ ብንያም፦ ቤላ፥ ቤኬር፥ ይዲኤል ሰለስተ እዮም።

⁷ደቂ ቤላ፦ ኤሴቦን፥ ኦዚ፥ ዑዝኤል፥ ኢያሪሙት፥ ዒሪ፤ ሓሙሽቲኦም ዋናታት መማይ ቤት ኣቦታቶም ነበሩ። ኣብ መፅሓፍ ትውልዲ ዝተቘፀሩ ኸዓ ዕስራን ክልተን ሽሕን ሰላሳን ኣርባዕተን ሓያላት ጀጋኑ ነበርዎም።

⁸ደቂ ቤኬር፦ ዝሚራ፥ ኢዮዓስ፥ ኣልዓዛር፥ ኤልዮዔናይ፥ ዖምሪ፥ ኢያሪሙት፥ ኣቢያ፥ ዓናቶት፥ ዓሌሜት፤ እዚኣቶም ኵሎም ደቂ ቤኬር እዮም።

⁹ዋናታት መማይ ቤት ኣቦታቶም ኮይኖም በብትውልዶም ኣብ መፅሓፍ ትውልዲ ተቘፀሩ። ዕስራ ሽሕን ክልተ ሚእትን ሓያላት ጀጋኑ ድማ ነበርዎም።

¹⁰ይዲኤል ንቢልሃ ወለደ፤ ቢልሃ ድማ ንየዑስን ንብንያምን ንናዖድን ንክንዓናን ንዜታንን ንተርሴስን ንኣኪሳኣርን ወለደ።

¹¹እዚኣቶም ደቂ ይድኤል ኣብ መማይ ቤት ኣቦታቶም ዋናታት ነበሩ። ንውግእ ዝተዳለዉ ዓሰርተ ሸውዓተ ሽሕን ክልተ ሚእትን ሓያላት ጀጋኑ ነበርዎም።

¹²ዒር ንሳፊንን ንሑፊምን ወለደ፤ ኣሔር ከዓ ንሑሺም ወለደ፤

¹³ንፍታሌም ካብ ቢልሃ ዝወለዶም፦ ያሕፂኤል፥ ጉኒ፥ ዮድር፥ ሺሌም እዮም።

¹⁴ምናሴ፥ ካብታ ሶርያዊት ሰበይቲ ወሰኑ ንእስርኤልን ንማኪርን ወለደ፤ ማኪር ኣቦ ገለዓድ እዩ።

¹⁵ማኪር ከዓ ንሑፊምን ንሳፊምን ኣንስቲ ኣምፅአሎም። ሓፍቱ ማዓካ ትብሃል ነበረት። ካልኣይ ወዲ ማኪር ሰለጰኣድ ይበሃል ነበረ፤ ንሱ ኸዓ ኣጓላት ጥራሕ ወለደ።

¹⁶ማዓካ ሰበይቲ ማኪር ድማ ወዲ ወለደት፤ ፋሬስ ኢላ ኸዓ ሰመየቶ። ንሓዉ ድማ ሱሮስ ኣውፅአትሉ። ደቂ ፋሬስ ከዓ ዑላምን ራቄምን ይበሃሉ ነበሩ።

¹⁷ዑላም ድማ ንባዳን ወለደ፤ እዚኣቶም ደቂ ገለዓድ ወዲ ማኪር፥ ወዲ ምናሴ እዮም።

¹⁸ሓፍቱ መለኬት ከዓ ንኢሱዲን ንኣቢዔዝርን ንመሕላን ወለደት።

¹⁹ደቂ ሸሚዳም ድማ ኣሒያንን ሴኬምን ሊቅሒን ኣኒዓምን እዮም።

²⁰ደቂ ኤፍሬም ከዓ እዚኣቶም እዮም፦ ኤፍሬም ንሹቱላ ወለደ፤ ሹቱላ ንባሬድ ወለደ፤ ባሬድ ንታሓት ወለደ፤ ታሓት ንኤልዓዳ ወለደ፤ ኤልዓዳ ንታሓት ወለደ።

²¹ታሓት ንዛባድ ወለደ፤ ዛባድ ንሹቱላ ወለደ፤ ሹቱላ ንኤድርን ንኤልዓድን ወለደ፤ ኤድርን ኤልዓድን ከፍቲ ኽዘምቱ ንጋት ወሪዶም ነበሩ እሞ፥ በቶም ኣብታ ሃገር ዝተወለዱ ሰብ ጌት ተቐተሉ።

²²ኣቦኣቶም ኤፍሬም ከዓ ብዙሕ መዓልቲ ሓዘነ፤ ኣሕዋቱ ድማ ኸፀናንዕዎ መፁ።

²³ናብ ሰበይቱውን ኣተወ፤ ንሳ ኸዓ ጠነሰት፤ ወዲውን ወለደት። ኣብ ቤተሰቡ መከራ ስለ ዝመፆ ኸዓ በሪዓ ኢሉ ሰመዮ።

²⁴ኤፍሬም፥ ሲኦራ እትበሃል ጓል ነበረቶ። ንሳ ንታሕተዋይን ላዕለዋይን ቤትሖሮንን፥ ንኡዜንሼራን ዝበሃላ ኸተማታት መስረተት።

²⁵ኤፍሬም ንፋፌ ወለደ፤ ፋፌ ንሬሴፍ ወለደ፤ ሬሴፍ ንቴላ ወለደ፤ ቴላ ንታሓን ወለደ፤

²⁶ታሓን ንለኣዳን ወለደ፤ ለኣዳን ንዓሚሁድ ወለደ፤ ዓሚሁድ ንኤሊሳማ ወለደ፤

²⁷ኤሊሳማ ንነዌ ወለደ፤ ነዌ ንኢያሱ ወለደ፤

²⁸እቲ ዝሓዝዎን ዝተቐመጥዎን ምድሪ እዙይ እዩ፦ ቤትኤልን ከተማታታን፥ ብምብራቕ ናዓራን፥ ብምዕራብ ጌዘር ምስ ከተማታታ፥ ሴኬምን ከተማታታን ድማ ኽሳዕ ጋዛን ከተማታታን፥

²⁹ብወሰን ደቂ ምናሴ ኸዓ፥ ቤትሳንን ከተማታታን፥ ታዕናክን ከተማታታን፥ መጊዶን ከተማታታን፥ ዶርን ከተማታታን። ደቂ ዮሴፍ ወዲ ያእቆብ ኣብዚኣተን ይቕመጡ ነበሩ።

³⁰ደቂ ኣሴር፦ ዪምና፥ የሱዋ፥ የሱዊ፥ በሪዓ፥ ሴራሕ እትበሃል ሓፍቲ ነበረቶም።

³¹ደቂ በሪዓ ሔቤርን ኣቦ ቢርዛዊት ዝነበረ መልኪኤልን ነበሩ። መልኪኤል ንኸተማ ቢርዛዊት ዝመስረተ እዩ።

³²ሔቤር ድማ ንያፍሌጥን ንሳሜርን ንኮታምን ንሓፍቶም ሶላን ወለደ፤

³³ያፍሌጥ ድማ ንፋሴክን ቢምሃልን ዓሲትን ወለደ፤ እዚኣቶም ደቂ ያፍሌጥ ነበሩ።

³⁴ደቂ ሳሜር፦ ኣኪ፥ ሮኣጋ፥ ይሑባ፥ ኣራም ነበሩ።

³⁵ደቂ ኤላም ሓዉ፦ ፆፋ፥ ይምና፥ ሰሌስ፥ ዓማል ነበሩ።

³⁶ደቂ ፆፋ፥ ሱዋ፥ ሓርኔፍር፥ ሶጋል፥ ቤሪ፥ ይምራ፥

³⁷ቤፄር፥ ሆድ፥ ሳማ፥ ሰሊሳ፥ ይትራን፥ ብኤራ ነበሩ።

³⁸ደቂ ዮቴር፦ ዮሮኒ፥ ፊስጳ፥ ኣራ ነበሩ።

³⁹ደቂ ዑላ፦ ኤራ፥ ሓኒኤል፥ ሪፅያ ነበሩ።

⁴⁰እዚኣቶም ኵሎም ደቂ ኣሴር፥ ዋናታት መማይ ቤት ኣቦታቶም፥ ሕሩያት፥ ሓያላት ጀጋኑ፥ ኣሕሉቕ መኳንንቲ ነበሩ። እቶም ኣብ መፅሓፍ ትውልዲ ዝተፅሓፉ ተዋጋእቲ፥ ዕስራን ሽዱሽተን ሽሕ ነበሩ።