Read መ/ቅዱስ ትግርኛ, Tigrigna Bible, 1 ኢዮብ 26 Bible Online

ኢዮብ 26 - መ/ቅዱስ ትግርኛ, Tigrigna Bible, 1 bible

ኢዮብ 26

¹ድሕሪዙይ ኢዮብ ከምዙይ ኢሉ መለሰ፦

²ሓይሊ ንዘይብሉ ኸመይ ረዳእኻዮ! ነቲ ፅንዓት ዝሰኣነ ቕልፅምውን ከመይ ኣድሓንካዮ!

³ጥበብ ንዘይብሉውን ከመይ መኸርካዮ! ክንደይ ብዙሕ ፍልጠትከ ገለፅካሉ!

⁴ነዝ ቓል እዙይ ብመን ሓገዝ ተናገርካዮ? ናይ መን መንፈስከ ኻባኻ ወፀ?

⁵“ምዉታን ሰባት ኣብ ትሕቲ ማያት፥ ኣብ ትሕቲ እቶም ኣብ ውሽጢ ማያት ዝነብሩ ኾይኖም የንቀጥቅጡ።

⁶ሲኦል ኣብ ቅድሚኡ ዕሩቕ እዩ፤ ንጥፍኣትውን መጋረዲ የብሉን።

⁷ንሰሜን ኣብ ባዶ ስፍራ ይዝርግሖ፤ ንምድሪ እውን ኣብ ትሕቲኣ ሓደኳ ዘይብላ የንጠልጥላ።

⁸ንማያት ኣብ ደመና ይቛፅሮ፤ እቲ ደመናውን ብታሕቲ ኣይተቐደደን።

⁹ገፅ ዙፋኑ ይኸድን፤ ደመናውን ይዝርግሐሉ።

¹⁰ክሳዕ እቲ ብርሃንን ፀልማትን ዝፈላለዩላ፥ ኣብ ቅድሚ ማያት ወሰን ገበረ።

¹¹ኣዕማድ ሰማይ የንቀጥቅጡ፤ ካብ ተግሳፁ ዝተልዓለውን ይድንግፁ።

¹²ብሓይሉ ንባሕሪ የህድኣ፤ ብምስትውዓልውን ንረዓብ ይወቕዖ።

¹³ብመንፈሱ ሰማያት ፅባቐ ረኸቡ፤ ኢዱውን ነቲ በራሪ ገበል ወግኦ።

¹⁴እንሆ እዙይ ናይ መንገዱ ወሰን ጥራሕ እዩ፤ እቲ ዝሰማዕናዮ ነገር ክንደይ ውሑድ እዩ፤ ነቲ ሓይሊ ነጐድጓዱኸ መን ከስተውዕሎ ይኽእል?”