Read መ/ቅዱስ ትግርኛ, Tigrigna Bible, 1 ዳዊት 108 Bible Online

ዳዊት 108 - መ/ቅዱስ ትግርኛ, Tigrigna Bible, 1 bible

ዳዊት 108

¹ኦ ጐይታ፥ ልበይ ፅኑዕ እዩ፤ ልበይ ፅኑዕ እዩ፤ ከመስግን እየ፤ ብኽብረይውን ክዝምር እየ።

²በገናን መሰንቆን ተስኡ፤ ኣነውን ኣንጊሀ ኽትስእ እየ።

³ኦ ጐይታይ፥ ኣብ ማእኸል ኣህዛብ ከመስግነካ፥ ኣብ ማእኸል ህዝብታትውን ክዝምረልካ እየ።

⁴ምሕረትካ ኽሳዕ ሰማያት ዓበየት፤ ሓቅኻውን ክሳዕ ደመናታት እዩ።

⁵ኦ ጐይታ፥ ኣብ ሰማያት ልዕል ልዕል በል፤ ክብርኻውን ኣብ ልዕሊ ዅሉ ምድሪ ይኹን።

⁶ፈተውትኻ ምእንቲ ኽድሕኑ ብየማናይካ ኣድሕን፤ ስምዐኒውን።

⁷እግዚኣብሄር ብቕድስናኡ ተናገረ፦ “ኣነውን ደስ ይብለኒ፤ ንሴኬምውን ክማቐል እየ፤ ንለሰ ሱኮትውን ክልክዕ እየ።

⁸ገለዓድ ናተይ እዩ፤ ምናሴውን ናተይ እዩ፤ ኤፍሬም መፀግዒ ርእሰይ እዩ፤ ይሁዳ ንጉሰይ እዩ።

⁹ሞኣብ መሕፀብየይ እዩ፤ ኣብ ኤዶምያስ ሳእነይ ክዝርግሕ እየ፤ ፍልስጥኤማውያን ክግዝኡለይ እዮም።”

¹⁰ናብታ ፅንዕቲ ኸተማስ መን ይወስደኒ? ናብ ኤዶምያስከ መን ይመርሐኒ?

¹¹ኦ ጐይታ፥ ዝደርበኻና ንስኻዶ ኣይኮንካን? ኦ ኣምላኽ፥ ምስ ሰራዊትና ኣይትወፅእን።

¹²ብጊዜ መከራና ረድኤት ሃበና፤ ናይ ሰብውን ምድሓን ከንቱ እዩ።

¹³ብእግዚኣብሄር ሓይሊ ኽንገብር ኢና፤ ንሱውን ነቶም ዘጨንቑልና ኸዋርዶም እዩ።