Read መ/ቅዱስ ትግርኛ, Tigrigna Bible, 1 ዳዊት 111 Bible Online

ዳዊት 111 - መ/ቅዱስ ትግርኛ, Tigrigna Bible, 1 bible

ዳዊት 111

¹ሃሌ ሉያ። ኦ ጐይታ፥ ኣብ ባይቶ ቕኑዓት ኣብ ማእኸል ጉባኤ፥ ብፍፁም ልበይ አመስግነካ ኣለኹ።

²ግብሪ እግዚኣብሄር ዓብዪ እዩ፤ ብዅሎም እቶም ዝሕጐሱላ ተደላዪት እያ።

³ስራሑ ምስጋናን ግርማን እዩ፤ ፅድቁ ኸዓ ንዘለኣለም ይነብር።

⁴ንተኣምራቱ መዘከርታ ገበረ፤ እግዚኣብሄር መሓርን ይቕረ በሃልን እዩ።

⁵ንዝፈርሕዎ ምግቢ ይህቦም፤ ንኪዳኑውን ንዘለኣለም ይዝክር።

⁶ርስቲ ኣህዛብ ምእንቲ ኽህቦም፥ ንህዝቡ ሓይሊ ግብሩ ኣርኣየ።

⁷ኵሉ ተግባር ኢዱ ሓቅን ፍርድን እዩ፤ ኵሉ ትእዛዛቱውን እሙን እዩ፤

⁸ንዘለኣለመ ኣለም ፀኒዑ ይነብር፤ ብሓቅን ብቕንዕናን ዝተሰርሐ እዩ።

⁹መድሓኒትውን ንህዝቡ ሰደደ፤ ኪዳኑውን ንዘለኣለም ኣዘዘ፤ ስሙ ቅዱስን ዝፍራሕን እዩ።

¹⁰ ናይ ጥበብ መጀመርታ ንእግዚኣብሄር ምፍራሕ እዩ፤ ኵሎም እቶም ዝፍፅምዋ፥ ሰናይ ምስትውዓል ኣለዎም፤ ምስጋናኡውን ንዘለኣለም ይነብር።