Read መ/ቅዱስ ትግርኛ, Tigrigna Bible, 1 ዳዊት 112 Bible Online

ዳዊት 112 - መ/ቅዱስ ትግርኛ, Tigrigna Bible, 1 bible

ዳዊት 112

¹ሃሌ ሉያ። ንእግዚኣብሄር ዝፈርሕ፥ ንትእዛዛቱውን ዝሕሉ ሰብ የመና ብፁእ እዩ።

²ዘርኡ ኣብ ምድሪ ፅኑዕ ክኸውን እዩ፤ ውሉድ ፃድቃን ክባረኹ እዮም።

³ክብርን ሃብትን ኣብ ገዛኡ እዩ፤ ፅድቁውን ንዘለኣለም ይነብር።

⁴ንቕኑዓት ኣብ ፀልማት ብርሃን ወፀ፤ መሓርን ይቕረ በሃላይን ፃድቕውን እዩ።

⁵ሕያዋይ ሰብ ይርህርህን የለቅሕን፤ ንነገሩ ብፍትሒ ይፍፅሞ።

⁶ንዘለኣለምውን ኣይህወኽን፤ መዘከርታ ፃድቕ ንዘለኣለም ይነብር።

⁷ካብ ክፉእ ነገርውን ኣይፈርሕን፤ ብእግዚኣብሄር ንምእማን ልቡ ፅኑዕ እዩ።

⁸ትምኒቱ ኣብ ፀላእቱ ኽሳዕ ዝርኢ፥ ልቡ ተባዕ እዩ፤ ኣይፈርሕን።

⁹ በተነ ንድኻታትውን ሃበ፤ ፅድቁውን ንዘለኣለም ይነብር፤ ቀርኑውን ብኽብሪ ልዕል ልዕል ክብል እዩ።

¹⁰ሓጥእ ነዙይ ሪኡ ይቝጣዕ፤ ኣስናኑ ይሕርቕም፤ ይመክኽውን፤ ትምኒት ሓጥኣንውን ትጠፍእ።