Read መ/ቅዱስ ትግርኛ, Tigrigna Bible, 1 ዳዊት 113 Bible Online

ዳዊት 113 - መ/ቅዱስ ትግርኛ, Tigrigna Bible, 1 bible

ዳዊት 113

¹ሃሌ ሉያ። ኣቱም ባሮት እግዚኣብሄር፥ ንስም እግዚኣብሄር ኣመስግንዎ።

²ካብ ሎሚ ጀሚሩ ኽሳዕ ዘለኣለም፥ ስም እግዚኣብሄር ብሩኽ ይኹን።

³ካብ ምብራቕ ፀሓይ ጀሚሩ ክሳዕ ምዕራባ፥ ስም እግዚኣብሄር ይመስገን።

⁴እግዚኣብሄር ኣብ ልዕሊ ዅሎም ኣህዛብ ልዑል እዩ፤ ክብሩ ኸዓ ልዕሊ ዅሉ ሰማያት እዩ።

⁵ነቲ ኣብ ላዕሊ ኣብ ዙፋኑ ዝተቐመጠ፥ ንእግዚኣብሄር ኣምላኽና ዝመስል መን እዩ?

⁶ኣብ ሰማይን ኣብ ምድርን ንዝተዋረዱ ዝርኢ፥

⁷ንድኻ ኻብ መሬት ዘልዕል፥ ንምስኪንውን ካብ መሬት ልዕል ዘብሎ፥

⁸ምስ ኣሕሉቕን፥ ምስ ኣሕሉቕ ህዝቡን ምእንቲ ኸቐምጦ፥

⁹ንመኻን ኣብ ቤት የንብራ፥ ሕጉስቲ እኖ ቘልዑውን ይገብራ። ሃሌ ሉያ።