Read መ/ቅዱስ ትግርኛ, Tigrigna Bible, 1 ዳዊት 121 Bible Online

ዳዊት 121 - መ/ቅዱስ ትግርኛ, Tigrigna Bible, 1 bible

ዳዊት 121

¹ኣዒንተይ ናብ እምባታት ኣልዓልኩ፤ ረድኤተይ ካበይ ይምፃእ?

²ረድኤተይስ ካብቲ ሰማይን ምድርን ዝፈጠረ፥ ካብ እግዚኣብሄር እዩ።

³ንእግርኻ ንምንዋፅ ኣይህቦን፤ እቲ ዝሕልወካውን ኣይድቅስን።

⁴እንሆ፥ እቲ ንእስራኤል ዝሕሉ፥ ኣይድቅስን፤ ኣይታኸስንውን።

⁵እግዚኣብሄር ይሕልወካ እዩ፤ እግዚኣብሄር ብየማናይ ኢድካ ኽጋርደካ እዩ።

⁶ፀሓይ ብመዓልቲ ኣየቃፅለካን፤ ብለይቲ እውን ወርሒ።

⁷እግዚኣብሄር ካብ ኵሉ ኽፉእ ክሕልወካ እዩ፤ ንነፍስኻውን ኽሕልዋ እዩ።

⁸እግዚኣብሄር ካብ ሕዚ ጀሚሩ ንዘለኣለም፥ ምውፃእኻን ምእታውካን ክሕሉ እዩ።