Read መ/ቅዱስ ትግርኛ, Tigrigna Bible, 1 ዳዊት 124 Bible Online

ዳዊት 124 - መ/ቅዱስ ትግርኛ, Tigrigna Bible, 1 bible

ዳዊት 124

¹እስራኤል ከምዙይ ይብል፦ እግዚኣብሄር ምሳና እንተ ዘይኸውን፥

²ሰባት ኣብ ልዕሌና ኽትስኡ እንተለዉ፥ እግዚኣብሄር ምሳና እንተ ዘይኸውን፥

³ቍጥዓኦም ኣብ ልዕሌና እንትነድድ፥ ብህይወትና እንተለና ምወሓጡና ነይሮም፤

⁴ሽዑ ማይ መስጠመና ነይሩ፤ ኣብ ልዕሊ ነፍስና ውሕጅ ምሓለፈ ነይሩ፤

⁵ሽዑ ማይ ውሕጅ ብልዕሊ ነፍስና ምሓለፈ ነይሩ።

⁶ንምንካስ ኣስናኖም ዘይገበረና፥ እግዚኣብሄር ይመስገን።

⁷ነፍስና ኸም ዒፍ ካብ መፈንጠር ሃዳኖ ኣምለጠት፤ መፈንጠር ተበተኸ፤ ንሕናውን ኣምለጥና።

⁸ረድኤትና ብስም እቲ ሰማይን ምድርን ዝፈጠረ እግዚኣብሄር እዩ።