Read መ/ቅዱስ ትግርኛ, Tigrigna Bible, 1 ዳዊት 132 Bible Online

ዳዊት 132 - መ/ቅዱስ ትግርኛ, Tigrigna Bible, 1 bible

ዳዊት 132

¹ኦ ጐይታ፥ ንዳዊትን ንዅሉ የዋህነቱን ዘክር።

²ንሱ ንእግዚኣብሄር ከም ዝመሓለ፥ ንኣምላኽ ያእቆብውን ከም ዝተመባፅዐ፥

³ብሓቂ ናብ ድንኳን ገዛይ ኣይኣቱን እየ፤ ናብ ምንፃፍ ዓራተይውን ኣይድይብን፤

⁴ነዒንተይ ድቃስ፥ ንቐራንብተይ ትኻስ፥ ንመላትሐይ ዕረፍቲ ኣይህብን፤ ንእግዚኣብሄር ስፍራ፥ ንኣምላኽ ያእቆብ መሕደሪ ኽሳዕ ዝረክብ ኢሉ።

⁶እንሆ፥ ኣብ ኤፍራታ ሰማዕናዮ፤ ኣብ ውሽጢ በረኻ ኸዓ ረኸብናዮ።

⁷ናብ መሕደሪኡ ኽንኣቱ ኢና፤ ኣብ መርገፂ እግሩውን ክንሰግድ ኢና።

⁸ኦ ጐይታ፥ ንስኻን ታቦት መቕደስካን፥ ናብ ዕረፍትኻ ተስእ።

⁹ካህናትካ ፅድቂ ይልበሱ፤ ቅዱሳንካ ድማ ደስ ይበሎም።

¹⁰ ስለ ኣገልጋሊኻ ስለ ዳዊት፥ ካብቲ ዝቐባእኻዮ ገፅካ ኣይትመልስ።

¹¹ እግዚኣብሄር ንዳዊት ብሓቂ መሓለ፤ ኣይናሳሕንውን፤ ከምዙይ ኢሉ፦ ካብ ፍረ ኸርስኻ ኣብ ዙፋንካ ኸቐምጥ እየ፤

¹²ውሉድካ ኺዳነይን ነቲ ዝምህሮም ምስክርነተይን እንተ ሓሊዮም፥ ደቆም ኣብ ዙፋንካ ንዘለኣለም ክቕመጡ እዮም።

¹³እግዚኣብሄር ንፅዮን ሓርዩዋ እዩ እሞ፤ መሕደሪኡ ኽትከውን ድማ ፈትዩዋ እዩሞ፥ ከምዙይ ኢሉ፦

¹⁴እዚኣ ንዘለኣለም መዕረፊተይ እያ፤ መሪፀያ እየሞ፥ ኣብኣ ኽሓድር እየ።

¹⁵ንኣረግቶታውን ኣፀቢቐ ኽባርኸን እየ፤ ንድኻታታ ድማ እንጀራ ኸፅግቦም እየ።

¹⁶ንኻህናታ ድሕነት ከልብሶም እየ፤ ቅዱሳና ኸዓ የመና ኽሕጐሱ እዮም።

¹⁷ ኣብኡ ንዳዊት ቀርኒ ኸብቍል እየ፤ ነቲ ዝቐባእኹዎውን መብራህቲ ኸዳሉ እየ።

¹⁸ንፀላእቱ ሕፍረት ከልብሶም እየ፤ ብእኡ ግና ቕድስናይ ኽዕምብብ እዩ።